Legalidades

Sumbãgarea di Autoritãtsili

1 Cathi om s-hibã sumbãgat la autoritãtsili di chivernisi, cã nu ari autoritati dicãt mash di la Dumnidzãlu, sh-atseali tsi suntu di la Dumnidzãlu suntu arãdãpsiti. 2 Trã atsea atsel tsi ncuntreadzã autoritãtsili, ncuntreadzã ordinli a Dumnidzãlui, sh-atselji tsi s-ncuntreadzã va ljea pri nãshi condamna. 3 Cã domnjilji nu ai cãtse s-lji ai fricã trã fapti buni, ma trã fapti arali. Vrei s-nu ai fricã di autoritatea? Fã ghini sh-va s-ai alãvdari di la ea. 4 Ea easti huzmichearã al Dumnidzãu trã ghinea a ta, ghini ma, ma s-fatsã arãu, aspari-ti cã ea nu u-tsãni vãnat spata. Chivernisea easti huzmichear al Dumnidzãu, arãzgãnãtor tsi adutsi condamã cãtrã atsel tsi fatsi arãu. 5 Trã atsea, easti di ananghi s-vã sumbãgats, nu mash trã itia a condamnariljei, ma sh-trã itia a conshtintsãljei.

6 Cã, di aestã voi plãtits sh-taxili, cã autoritãtsili suntu huzmicheari al Dumnidzãu fãcãnda dipriunã aestã huzmitipsiri. 7 Dats-lã a tutulor atsea tsi lã hriuisits: atsilui tsi lji hriusits taxa, taxa, atsilui tsi lji hriusits vamã, vamã, atsilui tsi lji hriusits frica, frica, atsilui tsi lji hriusits tinjia, tinjia.

Vrearea Mplineashti Legea

8 A vãrui s-nu lji avets mprumut, di cãt s-vã vrets cu un-alantu, cã atsel tsi va alantu, u-ari mplinit legea.

12 Spunets-vã bunji namisa di pãngãnjlji, tsi sh-macã elji zburãscu arãu trã voi, s-veadã faptili a voastri atseali buni shi s-multumãreascã Dumnidzãlu tu atsea dzuã tsi va yinã. 13 Sumbãgats-vã trã hãtãrea a Domnului la itsi puteari umineascã: ashã di cum a amirãlui ca ma analtu autoritati, 14 ashãtsi sh-a-guvernatorilor, ca pitricuts di la amirãlu trã cãtãdzicãsiri arãlji sh-trã alãvdari atselji tsi fac ghini.

17 Dzã-nã tora, cum mindueshti? Easti ndreptu si s-plãteascã taxa a Cesarului, icã nu?" 18 Ma Isusul cunuscãnda arãutatea a lor, lã dzãsi: "Cãtse mi cãrtits, ipucrits? 19 Spunets-nji denarlu a taxãljei." Atumtsea elji lji aspusirã un denar. 20 Sh-elu lã dzãsi a lor: "A cui easti aestã fatsã sh-aestã scriturã?" 21 Elji lj-dzãsirã: "A Cesarului." Atumtsea elu lã dzãsi a lor: "Dats-lã a Cesarului tsi easti a Cesarului sh-a Dumnidzãlui tsi easti a Dumnidzãlui."

Plãtirea a Taxiljei

24 Cãndu agiumsirã tu Capernaum, taxidarlji di doauã dhrahmadzi a templui lji s-apruchearã a Petrului, sh-lji dzãsirã: "Nvitsãtorlu a vostru nu u plãteashti taxa a templui?" 25 Sh-elu dzãsi: "Ie!" Sh-cãndu intrã n-casã, Isusul lu ashtiptã protlu sh-lji dzãsi: "Cum mindueshti tini Simon? Di la cai ljea taxili icã hãracili amirãrilji a loclui? Di la hiljilji a lor icã di la xenjilji?" 26 Petrul lji dzãsi: "Di la xenjilji." Isusul dzãsi: "Hiljilji atumtsea nu prindi s-plãtescu. 27 Cu tut atsea tsi s-nu lji cicãrdisim atselji, du-ti la amari, arucã greplu sh-ljea protlu pescu tsi va yinã nsus, ljea-lu, discljid-lji gura, sh-va s-aflji un statiru. Ljea-lu sh-plãtea taxa a lor ti tini sh-ti mini."

25 Puituea-ti cu contrarlu a tãu, pãnã cãndu eshti la un cali cu nãsu, tsi s-nu ti prida contrarlu a tãu la giudicãtorlu, sh-giudicãtorlu s-ti prida la gardianlu sh-tini s-agiundzi tu hapsi. 26 Dealihea tsã dzãc cã nu va eshi di-aclo, ni plãtit sutãljea a fundu.

18 Sh-va vã ducã nãintea a guvernatorilor sh-nãintea a amiradzlor trã itia a mea, tra s-mãrtirsits nãintea a lor sh-a pãngãnjilor. 19 Sh-cãndu s-vã prida tu mãnjili a lor, nu vã minduits cã tsi va grits, cã tu atsea oarã va vã si-da atsea tsi prindi s-dzãtsets.

Amintarea al Isus

1 Tu atseali dzãli ishi unã dimãndari di la Cezar Augustul trã reghistrari tutã lumea Romanã. 2 Aestã reghistrari s-featsi di prota oarã cãndu Cuirini eara guvernator al Sirii. 3 Tuts njidzea ti reghistrari, cathiun tu cãsãbãlu a lui. 4 Atumtsea sh-Iosiful ishi dit cãsãbãlu Nazaret a Galileiljei, tsi s-njidzea tu Iudea, tu cãsãbãlu al David tsi s-acljima Betlehem, cã elu eara dit casa sh-dit soia a amirãlui David. 5 Elu s-dusi trã reghistrari deadun cu Maria, susita a lui tãxitã tsi eara greauã.

9 cã nji si easti discljisã unã ushi mari sh-fructoasã ti lucru, shi ncuntrãtorlji suntu multsã.

10 Atumtsea Pilatul lji dzãsi: "A njia nu nji apãndiseshti? Nu shtii tini cã mini am puteari s-ti sãlãghescu shi s-ti crutsisescu?" 11 Isusul lj-apãndisi: "Tini nu va s-aveai vãrã puteari pristi mini, ma s-nu ts-eara datã di nsus. Trã atsea atsel tsi mi prideadi la tini ari ma mari amãrtii."