Legalidades

ಅಧಿಕಾರಿಯೊನೆ ವಿಧೆಯ ಥಾವೊ

1 ತುಮೆ ಕ್ಹಾರಾ ಅದಿಕಾರಿಯೊನೆ ವಿದೆಯ ಥೈನ ರ‍್ಹೌ. ಕಾಕದ್ಯಾಮ ಕ್ಹುದಾನಿ ಅನುಮತಿ ನೈಸೊ ಕುನ್ನಜ಼ ಅದಿಕಾರಿ ಥಾತೊ ನೈ. ಹರಿ ಯಕ್ಕ ಅದಿಕಾರಿನೆ ಅದಿಕಾರ ದಿದಲ ಕ್ಹುದಾಜ಼ ವ್ಹೈ. 2 ತಿನಾಹುತಿ ಅಧಿಕಾರಿಯೊನೆ ವಿರೊದ ಥಯಲ ಮನಕ್ಹ ಕ್ಹರಿಮಾಜ಼ ಕ್ಹುದಾನಿ ಆಗ್ನಾನೆ ವಿರೊದ ವ್ಹೈ. ಅಧಿಕಾರಿಯೊನೆ ವಿರೊದ ರ‍್ಹಯಲ ಮನಕ್ಹೊ ತಿನಾಕ್ಹು ತಿನೆಜ಼ ಶಿಕ್ಷಾ ಲಿದಲ ನಿಂಗತ ವ್ಹೈ. 3 ಚೊ಼ಕು ಕರಾಲಾ ಮನಕ್ಹೊನೆ ಅದಿಕಾರಿಯೊನೊ ಭೆಂ ರ‍್ಹತೊ ನೈ. ವರಿಬಿ ಕೆಟ್ಟ ಕರಾಲಾ ಮನಕ್ಹೊನೆ ಅದಿಕಾರಿಯೊನೊ ಭೆಂ ರ‍್ಹವಸ. ತುಮೆ ಅದಿಕಾರಿಯೊನೆ ಭೆಂ ನೈ ರ‍್ಹಯಲವಾಲಾ ರ‍್ಹೌ ಕೈನ ಆಸ ಕರೊಶಿಸು? ತಿಮ್ಮ ರ‍್ಹಯುಮ ತುಮೆ ಚೊ಼ಕಾ ಕಾಮೊ ಕರೊ. ತೆಳಾಮಾ ಅದಿಕಾರಿಯೊ ತುಮೊನೆ ನೆಣಸಸ. 4 ಕಾಕದ್ಯಾಮ ಅದಿಕಾರಿಯೊ ತುಮಾರಾ ಚೊ಼ಕಾನಾಹುತಿಜ಼ ನೆಮ್ಸಲ ಕ್ಹುದಾನೊ ಸೆವಕ ವ್ಹೈ. ತೆನೈಸೊ ತುಮೆ ಕೆಟ್ಟಜ಼ ಕರ‍್ಯಾಮ ಭುಚ್ಕುಜ಼. ತುಮೊನೆ ಶಿಕ್ಷಾ ದಿವಾನೆ ತಿನೆ ಅದಿಕಾರ ಛೆ. ತೆ ಅದಿಕಾರ ಉಪಯೊಗ ಕರಸ. ಅದಿಕಾರಿ ಕೆಟ್ಟ ರ‍್ಹಯಲ ಕರಾಲಾ ಮನಕ್ಹೊನೆ ಶಿಕ್ಷಾ ದಿವಾನಾಹುತಿ ನೆಮ್ಸಲ ಕ್ಹುದಾನೊ ಸೆವಕ ಥಯೊಸ. 5 ತಿನಾಹುತಿ ತುಮೆ ಅಧಿಕಾರಿನೆ ವಿಧೆಯ ಥೌ ತುಮೆ ಶಿಕ್ಷಾನೆ ಗುರಿ ಥಾವೊಶಿ ಕವಾನಾ ಕಾರಣಕ್ಹು ನೈಸೊ, ತುಮಾರಿ ಮನಸನಿ ಸಾಕ್ಷಿಕ್ಹು ತುಮೆ ತ್ಯುನೊನೆ ವಿಧೆಯ ಥೌ.

6 ಎ ಕಾರಣಕ್ಹು ತುಮೆ ಭು ಭಾಡೊಬಿ ದಿವೊಸಿ. ತೆ ಅದಿಕಾರಿಯೊ ಕ್ಹುದಾನಾಹುತಿ ಕಾಮ ಕರಾಲಾ ಥಯಾಸ. 7 ಇಮ್ಮ ರ‍್ಹತಾಮಾ ತುಮೆ ಕಿನೆ-ಕಿನೆ ಸು-ಸು ದ್ಯು ತೆ ಕ್ಹಾರು ತ್ಯುನೊನೆ ದಿವೊ. ಕಯೊ ಭಾಡೊ ರ‍್ಹವಾದೆ ದಿವಾನು ರ‍್ಹಯುಮ ತೆ ದಿಪಾಡೊ. ಕಿನೆ ಮರ್ಯಾದಿ ದ್ಯು ತ್ಯುನೊನೆ ಮರ್ಯಾದಿ ದಿವೊ ಕಿನೆ ಇಜ್ಜತ ದ್ಯು ತಿನೆ ಇಜ್ಜತ ದಿವೊ.

ಯಕ್ನಾ ಯಕ್ಕ ಕರ್ತವ್ಯ

8 ಮನಕ್ಹೊನಿ ಕೈ ವಿಷಯಮಾಜ಼ ಸಾಲಾಮಾ ರ‍್ಹವೊನಕೊ. ತೆನೈಸೊ ಯಕ್ಲಾನೆ ಯಕ್ಲೊ ಮಯಾ ಕರು ಕವಾನು ವಿಷಯಮಾ ಯಕ್ಕಜ಼ ಸಾಲಾವಾಲಾ ಥಯಾಸ. ಬಿಜಾ಼ ಮನಕ್ಹೊನೆ ಮಯಾ ಕರಾಲೊ ಮನಕ್ಹ ಇಡಿ ಧರಮಶಾಸ್ತ್ರನೆ ವಿಧೆಯ ಥಯೊಸ.

12 ಬರೊಕ್ಹೊ ನೈಸೊ ಮನಕ್ಹೊ ಸುತ್ತೆ ಮುತ್ತೆ ಛೆ. ತುಮೆ ತಪ್ಪ ಕರಾಡಾಸ ಕೈನ ತ್ಯುನೆ ಕಸ. ತಿನಾಹುತಿ ಚೊ಼ಕಾ ಥೈನ ರ‍್ಹವೊ. ತುಮೆ ಕರಾನಾ ಚೊ಼ಕಾ ಕಾಮೊ ತ್ಯುನೆ ದೆಕಸ ವರಿ ಕ್ಹುದಾ ಆವಾನಾ ದಿನ್ನೆ ತಿನೆ ಸ್ತುತಿ ಕರಸ.

13 ಎ ಜಗತ್ನಾ ಅದಿಕಾರಿಯೊನೆ ವಿಧೆಯ ಥೈನ ರ‍್ಹವೊ. ಪ್ರಭುನಾಹುತಿ ಎ ಕ್ಹಾರು ಕರೊ. ಕ್ಹಾರು ಅದಿಕಾರ ರ‍್ಹಯಲ ರಾಜಾ಼ನೆ ವಿಧೆಯ ಥಾವೊ. 14 ರಾಜೊ಼ ಮೊಕ್ಲಾನಾ ಅದಿಕಾರಿಯೊನೆ ವಿಧೆಯ ಥಾವೊ. ತಪ್ಪ ಕರಾಲಾವೊನೆ ಶಿಕ್ಷಾ ದಿವಾನೆ ಚೊ಼ಕು ಕರಾಲಾವೊನೆ ಚೊ಼ಕಾ ವ್ಹೈ ಕೈನ ಕವಾನಾಹುತಿ ತ್ಯುನೊನೆ ವಳಾಯೊಸ.

17 ಇಮ್ಮ ರ‍್ಹಯುಮ ಕೈಸರನೆ ಭು ಭಾಡೊ ದಿವಾನು ಪದ್ದತ ವ್ಹೈ ಸು? ತುನೆ ಕಿಮ್ಮ ದಿಕ್ಹಸ? ಹಮೊನೆ ಕೆ ಕೈನ ಕದ್ಯೊ. 18 ಯೆಸು ತ್ಯುನೆ ಕವಾನು ಕ್ಹಾರು ಕೆಟ್ಟ ತಿಳದಿಲಿನ ಕಪಟಿಯೊ, ಮನೆ ಕಾ ಪರಿಕ್ಷಾ ಕರಾಡಾಸ? 19 ಟ್ಯಾಕ್ಸನೆ ದಿವಾನೊ ಬಿಲ್ಲೊ ಮನೆ ದೆಕಾಡೊ ಕತಾಮಾ ತ್ಯುನೆ ತಿನೆ ಯಕ್ಕ ಬಿಲ್ಲೊ ಲೈನ ದಿದ್ಯಾ. 20 ತೆಳಾಮಾ ತೆ, ಬಿಲ್ಲಾನೊ ಶಿಕ್ಕೊ ಕಿನೊ ವ್ಹೈ? ಕೈನ ಪುಚ಼ಲಕ್ಹು 21 ತ್ಯುನೆ, ಕೈಸರನೊ ವ್ಹೈ ಕೈನ ಕದ್ಯಾ. ತೆಳಾಮಾ ತೆ ತ್ಯುನೊನೆ, ಕೈಸರನೆ ರ‍್ಹಯಲ ಕೈಸರನೆ ದಿವೊ; ಕ್ಹುದಾನು ರ‍್ಹಯಲ ಕ್ಹುದಾನೆ ದಿವೊ ಕೈನ ಕದ್ಯೊ.

ದೆವಾಲಯನಿ ತೆರಿಗೆ

24 ಯೆಸು ತಿನಾ ಶಿಷ್ಯಾ ಕಪೆನೌರ್ಮಿಯೆ ಗಯಾ. ದೆವಾಲಯನೆ ಯಹುದಿಯೊಕ್ಹು ಭು ಭಾಡೊ ವಸುಲಿ ಕರಾಲಾ ಪೆತ್ರಾಕನ ಐನ, ತುಮಾರಾ ಭೊದಕೊ ದೆವಾಲಯನಾ ಭು ಭಾಡೊ ದೆತಾ ನೈಸು ? ಕೈನ ಪುಚ್ಯಾ. 25 ತೆ ವಾತೆ ಪೆತ್ರಾ ಹೊ ದಿವಸ ಕೈನ ಕದ್ಯೊ. ಪಾಚಾ಼ತೊ ಪೆತ್ರಾ ಯೆಸು ರ‍್ಹಯಲ ಘರಮಾ ಗಯೊ. ತೆ ಎ ವಿಚಾರ ಕಾವತಿ ಪೈಲಾಜ಼ ಯೆಸು ತಿನೆ ಭುಲೊಕನಾ ರಾಜಾ಼ ಮನಕ್ಹೊಕಂತು ಘನ್ನಾ ತರಾನಾ ಭು ಭಾಡಾ ಮಾಂಗಿಲಿವಸ. ತೆನೈಸೊ ಭು ಭಾಡೊ ದಿವಾಲಾ ಮನಕ್ಹೊ ಕುನ್ನ ವ್ಹೈ? ರಾಜಾ಼ನಾ ದಿಕ್ರಾ ನೈತೊ ಬೆಜಾ಼ ಮನಕ್ಹೊ ವ್ಹೈಸು? ತಾರು ವಿಚಾರ ಸು ವ್ಹೈ? ಕೈನ ಪುಚ್ಯೊ. 26 ಪೆತ್ರಾ, "ಬಿಜಾ಼ ಮನಕ್ಹೊ ಭು ಭಾಡೊ ದಿವಸ ಕೈನ ಕದ್ಯೊ. ಯೆಸು ಪೆತ್ರಾನೆ, ತಿಮ್ಮ ರ‍್ಹಯುಮ ರಾಜಾ಼ನಾ ದಿಕ್ರಾ ಭು ಭಾಡೊ ದ್ಯುನೈ. 27 ವರಿಬಿ ಭು ಭಾಡೊ ಲಿವಾಲಾವೊನೆ ಅಪೆ ಕಾ ಶಿಟ್ಟ ಲಾವಾ ವರಕ್ಹು ಕರಿಯೆ? ತೆ ಭು ಭಾಡೊ ದೆ. ಸಮುದ್ರಮಾ ಗೈನ ಮಚ್ಲಿಯೊ ಧರ ತುನೆ ಮಳಲ ಪೈಲಾನಿ ಮಚ್ಲಿನು ಮ್ಹೊಡು ಖುಲ್ಲಾ ಕರ, ತಿನಾ ಮ್ಹೊಡಾಮಾ ಭು ಭಾಡಾನೆ ದಿವಾನೆ ಚಾ಼ಯೆ ಥಯಲ ಯಕ್ಕ ಬಿಲ್ಲೊ ದೆಕಶಿ. ತೆ ಲಿನ ಐನ ಭು ಭಾಡೊ ಲಿವಾಲಾನೆ ದೆ. ತಿನಾಹುತಿ ಮಾರೊ ವರಿ ತಾರೊ ಭು ಭಾಡೊ ದಿದಲ ನಿಂಗತ ಥಾವಸ ಕೈನ ಕದ್ಯೊ.

25 ತುಮಾರೊ ವಿರೊದಿ ತುಮೊನೆ ನ್ಯಾಯಲಯಮಾ ಜಗ್ಗಿಲಿನ ಜಾ಼ತಾಮಾ ಜಲ್ದಿಜ಼ ತಿನಾ ಕ್ಹಾತೆ ಯಕ್ಕ ಥಾವೊ. ತುಮೆ ನ್ಯಾಯಾಲಯನೆ ಜಾ಼ವಾತಿ ಪೈಲಾ ಎ ಕರು. ತುಮೆ ತಿನಾ ಕ್ಹಾತೆ ಯಕ್ಕ ನೈ ಥಯಾರೆ, ತೆ ತುಮೊನೆ ನ್ಯಾಯಾದಿಪತಿನೆ ವಪ್ಪಿಸಾವಸ. ನ್ಯಾಯಾದಿಪತಿ ತುಮೊನೆ ಜೆಲಮಾ ಘಾಲಾನೆ ಕೈದಾಲಾನೆ ವಪ್ಸಾವಸ. 26 ತೆಳಾಮಾ ತುಮೆ ತುಮಾರಿ ಕ್ಹಾರಿ ಸಾಲಾ ಚು಼ಕಾಯೆಲಕ್ಕಾ ಜೆಲಮಾತಾ ಭಾರಾ ಆತಾ ನೈ ಕೈನ ಮಿ ತುಮೊನೆ ಕೌಸ.

18 ತುಮೊನೆ ಅದಿಕಾರಿಯೊನಾ ಕ್ಹಾಮಾ ರಾಜಾ಼ವೊನಾ ಕ್ಹಾಮಾ ಬಲೈಲಿನ ಜಾ಼ವಸ. ಮಾರಾಹುತಿ ಮನಕ್ಹೊ ತುಮೊನೆ ಇಮ್ಮ ಕರಸ. ತೆನೈಸೊ ತುಮೆ ತೆ ರಾಜಾ಼ವೊನೆಬಿ ಅದಿಕಾರಿಯೊನೆಬಿ ಯಹುದಿಯೊಬಿ ತೆ ಮನಕ್ಹೊನೆ ಮಾರಾ ವಿಶಯಮಾ ಕವೊಶಿ. 19 ತುಮೊನೆ ಧರಿಲಿನ ಗಯಲ್ಪರ ತುಮೆ ಸು ಬೊಲು, ಕಿಮ್ಮ ಬೊಲು ಕವಾನು ಚಿಂತಾ ನಕೊ ಕರೊ. ತುಮೆ ಕವಾನು ತೆ ಟೈಮಮಾ ಕವಾಲಗಾಡಸ.

ಯೆಸು ಹುಟ್ಟಲ

1 ತೆ ದಿನೊಮಾ ಇಡಿ ರೊಮ ರಾಜ್ಯಮಾ ಮನೊಕ್ಹೊನಿ ಗಣತಿ ಥೌ ಕೈನ ಚಕ್ರವರ್ತಿ ಥಯಲ ಅಗಸ್ಟಸ ಆದೆಶ ದಿದ್ಯೊ. 2 ಕುರೆನ್ಯ ಸಿರಿಯನನೊ ಅಧಿಪತಿ ಥಯಲ ಟೈಮಾ ಎಜ಼ ಪಸ್ಟ ಸಲಾ ಮನಕ್ಹೊನಿ ಗಣತಿ ಥೈ. 3 ವರಿ ಕ್ಹಾರಾ ಮನಕ್ಹೊ ತೆಳಾಮಾ ತ್ಯುನು ನಾಮ ದಾಖಲೊ ಕರಾಹುತಿ ತ್ಯುನಾ-ತ್ಯುನಾ ಸ್ವಂತ ಗಾಮೊನೆ ಗಯಾ.

4 ತಿನಾ ಹುತಿ ಯೊಸೆಫ ಗಲಿಲಾಯ ಪ್ರಾಂತ್ಯಮಾ ರ‍್ಹಯಲ ನಜ಼ರೆತೆ ಕವಾನಾ ಗಾಮತಾ ಗೈನ ಯುದೆಯಮಾ ರ‍್ಹಯಲ ಬೆತ್ಲೆಹೆಮ ಕವಾನಾ ಗಾಮೆ ಗಯೊ. ಯೊಸೆಫ ದಾವಿದನೊ ಖಾಂದಾನಾವಾಲೊ ರ‍್ಹಯಲಹುತಿ ದಾವಿದನು ಗಾಮ ಥಯಲ ಬೆತ್ಲೆಹೆಮೆ ಗಯೊ. 5 ತಿನಾಕ್ಹಾತೆ ನಾತ್ರು ಥಯಲ ಮರಿಯಳನೆಬಿ ಕ್ಹಾತೆ ಲಿನಗಯೊ. (ಮರಿಯಳ ತೆ ಟೈಮಾ ಪೆಟೆ ವ್ಹತ್ತಿ)

9 ಕಾಕದ್ಯಾಮ ಸೆವೆನೆ ಅನುಕುಲ, ಸಫಲತಾ ಥಯಲ ಮನೆ ಮ್ಹೊಟೊ ಮೌಕೊ ಛೆ. ತಿನಾ ನಿಂಗತಜ಼ ವಿರೊಧಿಯೊ ಘನ್ನಾ ಜ಼ನಾ ಛೆ.

10 ಪಿಲಾತನ"ಮಾರಾ ಕ್ಹಾತೆ ಬೊಲ್ತೊ ನೈಸು? ತುನೆ ಛೊಡಾವಾನೆ ಅದಿಕಾರ ತುನೆ ಶಿಲುಬಿ ಪರ ಘಾಲಾನು ಅದಿಕಾರಬಿ ಮನೆ ಛೆ ಕವಾನು ತುನೆ ಗ್ವತ್ತ ಛೆ ಸು? ಕೈನ ಕದ್ಯೊ. 11 ಯೆಸು ತಿನೆ "ಮಪರ ತುನೆ ರ‍್ಹಯಲ ಅದಿಕಾರ ಛೆ. ತೆ ಕ್ಹುದಾಜ ತುನೆ ದಿದಲ ಅದಿಕಾರ ವ್ಹೈ. ತಿನಾಹುತಿ ಮನೆ ತಾರಾ ಹತ್ಮಾ ದಿದಲವಾಲಾವೊನೆ ಘನ್ನು ಪಾಪ ದೊಶ ರ‍್ಹವಸ ಕೈನ ಕದ್ಯೊ.