Lei
A lei de Deus é expressão do seu caráter e amor. Do Sinai ao Sermão do Monte, a lei orienta, protege e revela o padrão santo de Deus para a vida humana.
O propósito da lei
A lei de Deus revela o pecado e nos conduz a Cristo. Pela lei é que temos consciência do que é justo e do que é errado.
Lugundun úabei ni aban erederuti richagu ligibugiñe Bungiu luéigiñerügü ladügüni le lubeibei lúrudu; lúnrügü lasubudiragüdüni lúrudu woun luagu gafigoun wamá leseriwida.
Lidamun Bungiu
Wafigouhamemebati luéigiñerügü mámaadiwa lan lábugiñe lúrudu, luéigiñe lábugiñehadiwa lan lareini Bungiu? Uá mama luba!
Adüga huméi sun katei lun luéirigun Bungiu
Inarüni le ariñawagúbei: Gayaraati nadügüni le nabusenrun, gama lumoun mama sun katei lun buidu lan lanügün. Gayaraati nadügüni le nabusenrun, gama lumoun mama sun katei lun lawanseragüdüniwa lidan katei le lánina sífiri.
lugundun lidan gumadi le lagunfulira sun lúrudu: «Hínsiñela gürigia bíledi bun keisi bínsiñegua bungua».
Ánheinti igaburi le líchugubei Sífiri: Ínsiñehabuni, ugundani, darangilaü, gaguraasuni, areiduni, lubuidun igaburi, úaraguni, ǘnabuguni, ragüguaü unguaü. Úaraguati burí igaburi le luma furumiñeguarügü lúrudu.
Íderagua humá húmawagua lun hawanduni hihürügu; ítara luba hagunfulirun luma lilurudun Kristu.
Amar e obedecer
O maior mandamento é amar a Deus e ao próximo. Toda a lei se resume nestes dois mandamentos, que são o fundamento de tudo.
ani le libiaman lidan uéiriguni lenege le furumiñeti: "Hínsiñela bíbiri bun kei bínsiñegua bungua". Úati amu gumadi wéiriguti luéi biama le.
Anihán nugumadinbei: Lun hínsiñegua humá hungua kei hínsiñe nun.
«Súnwandanla lubeiti hadügün houn amu kei le habusenrubei lun hadügün hun; ladüga ligía lariñagubei lilurudun Moisesi tuma haliburun profetagu.
Madúeira humá ni kata ni ka un, hínsiñeguarügü humá húmagua. Le hínsiñehabuti lun gürigia líledi, adüga laali sun le lubeibei lilurudun Bungiu.
Ru laali Kristu gumadi le woun: Le hínsiñehabuti lun Bungiu, lunti giñe hínsiñe lan líbiri lun.
Anhoun madarirun wanigi duru wawagu, niduheñu, gayaraabei wayabin ligibugiñe Bungiu lau wemenigin luagu, luagu líchugubei lan sun le wamuriahabei luma woun, lugundun gúnfulihadiwa lau lugumadin ani adüga wamaali le aubei lagundaara.
Bênçãos da obediência à lei
Se andardes nos meus mandamentos, vivereis. A obediência à lei de Deus traz vida, paz e prosperidade espiritual.
Abiniruni houn ha gaganbadibaña
Lariñaga Moisesi houn:
—Ánhabu gaganbadi lun Wabureme le Bubungiute le gumuti, adügabéime le lariñagubei lugumadin le uágubei nariñaga bun uguñe, líchugubadibu Bungiu hóugiñe sun gürigia ha ubouagubaña.
Anhein hadüga le nariñagubei hun uguñe, hínsiñe ligíame Wabureme le Hubungiute hun, falá humeime lémeri, gúnfuli humeime lugumadin luma lilurudun, habagariduba, gíbebaña hisaanigu, ani labinirubadün Wabureme le Hubungiute lidan fulasu le ñéinhinba lubéi hebelura.
Le lamuriahabei Bungiu
—Guentoti, Ísüraelina, ka lamuriahabei Wabureme le Hubungiute húmagiñe? Le lamuriahabei lun híchugun inebesei lun, falá humeime sun lémeri; lun hínsiñe lan hun hudugua huguyame lun tau sun hanigi luma tau sun huani, luma lun hagunfuliruni lugumadin luma lilurudun lun buidu lan lidin hun.
—Areidabei sun katei le ariñaga náalibei bun lidan bisaminan, arufudahabei houn birahüñü súnwandan; adimurehabá houn luagu, dandu búbiñe kei luagu béibuguniwagu, danme le barounrun luma danme le básaarun.
Águyuguagüdabei le tariñagubei liliburun lilurudun Bungiu súnwandan, saminabá luagu, áriebu wéyuagu, lun badügüni le nariñagubei súnwandan. Ítara luba lasalirun sun le badügübei bun buidu.
Lérügüñein namuriahabei huma, lun hagunfuliruni gumadi luma burí lúrudu le líchugubei Moisesi le lubúein Wabureme hun lau úaraguni, lun hínsiñe lan Wabureme le Hubungiute hun, lun héibugun lidan lémeri súnwandan aganba humeime lugumadin, falá humeime, seriwi huguyame lun tau sun hanigi luma tau sun huani.
Áluaha numutibu tau sun nanigi,
mígiraba lun nadireirun luéi bugumadin.
Anúadira naali lémeri ibagari
ani busén numuti bererun.
Ánheinti línsiñehabu Aburemei houn
ha íchugubaña inebesei lun, magumuchaditi;
mébehati lirichadüna hadan sun hadügawagun,
ha agunfulirubalin lidaradun,
mabulieidagun hagía luéi houdin
lau le lubeibei lugumadin.
Lei e graça
A lei veio para nos guiar; a graça veio para nos salvar. Em Cristo, cumprimos a lei pelo amor — o fruto do Espírito não tem lei contra si.
Huguya agübürigu, magañidagüda humaña hisaanigu, agüriaharügü humaña buidu lun gaganbadi hamá, arufudaheina houn kei labusenruni Wabureme.
Arufuda laali Bungiu le buídubei bun,
luma ka lan lamuriahabei búmagiñe:
Lun badügün irichaü, lun gudemehabu ban
luma lun manaagun ban bungua ligibugiñe Bungiu.
Láwiyuha irichaü kei duna,
luma arumani kei lísensen duna madararaditi.
Aganóuati Bungiu wadan
Móundara humá lidan aban hama gürigia ha mafiñentiña luagu Kristu. Gayaraati funagia gamadagua lan richaguaü luma marichaü? Odi gayaraati gamadagua lan larugounga luma luburiga?