Lei
A lei de Deus é expressão do seu caráter e amor. Do Sinai ao Sermão do Monte, a lei orienta, protege e revela o padrão santo de Deus para a vida humana.
O propósito da lei
A lei de Deus revela o pecado e nos conduz a Cristo. Pela lei é que temos consciência do que é justo e do que é errado.
Tukeiccuze Kawbya zuinaw liate hum sanmah Pachia malang thyaaccou kho lan khyh; pawccecize Kawbya liate nynh seinaw kha nyku athua.
Dingnaw See hae
Tuhteze pawtemou? Aening tuh Kawbya zakaw um leite thawccinaw zakaw kya ah um vae oh keiccuze seinaw ah rae cih oh tou? Tuhte thua khyh!
Pachia Phu-e nawlan Cyih
"Pawpaw balyn kae cyi kho," a ci hae, thuasalama pawpaw balyn hynh marya athanepaw thua khyh. "Pawpaw balyn kae cyi kho," a ci hae, thuasalama pawpaw balyn hynh bawmtu thua khyh hae.
Pawccecize Kawbya balyn tuh, "Na innpaw kha namaw hawkhate na sungsah cih," cikuhpaw kawbya ccangkheit kyahin phe accing.
Muisaw Thae
Muisaw thae tuh sungsakunaw, lungpawnaw, daenaw, lungsaenaw, ngaethyaumsakunaw, hoynaw, lungzinaw, lungnenaw te sungku khonaw nynh thua. Hynhcihawpaw te a rawsekuhpaw kawbya um khyh.
Lu kheit te lu kheit nae phupaw aripaw kha duekuh oh lah, tuhcite Khri kawbya kha na ccingsah cih oh.
Amar e obedecer
O maior mandamento é amar a Deus e ao próximo. Toda a lei se resume nestes dois mandamentos, que são o fundamento de tudo.
Ccangningnaw tuh: ‘Na innpaw kha namaw toulou hawte na sungsah cih,’ cipaw hynh nynh thua. E hae laeze abyapi huapaw kawbya ccangpaw um vae khyh," a cipya.
"Ka kawbya tuh e hynh nynh thua: Kae nynh kae sungsah oh hawte nanning mah lu kheit te lu kheit sungsakuh oh.
Sui Upadi
"Nae tungvaw kya cyih hae sah cite na ry oh hawte ming hae tungvaw kya la cyih oh; pawccecize hynh-e tuh kawbya ccauh te profeh hae ccauh nynh a ho hae paw nynh thua.
Lu Kheit te Lu Kheit Sungsakunaw
Lu kheit te lu kheit sungsaku lanpaw laelan hum kya sanmah laebah um nan oh; pawccecize mingccangpaw a sungsahpaw ccungccaw tuh kawbya kha phe a ccingsah vae.
Pachia a sungsahpaw nynh tuh a uno kha mah a sungsah hahe cih, acikuhpaw kawbya hynh Khri kyate ah mue oh.
Ka sungsah hae, ah thinlung nynh ahmaw hynh sei oun be khyh ze, Pachia malang zynkunaw ah hoi oh. Aening nynh a kawbya hae kha ah zui oh zah a lungrythuapaw ryalaw hae kha ah law oh keiccuze ah ngiaku oh paw miakaw kha amaw kyate ah mue oh.
Bênçãos da obediência à lei
Se andardes nos meus mandamentos, vivereis. A obediência à lei de Deus traz vida, paz e prosperidade espiritual.
Kawngaenaw elang Hythuanaw
Atunin kaw kae pya oh paw a kawbya balyn kha zuakute na zui oh zah, Bawipaw nae Pachia bya kyalya kha na ngae oh zetuh, Bawipaw nae Pachia nynh laephi vaw e minphuin balyn luki ahangnaw khe ae nung cih oh;
Bawipaw nae Pachia kha sungsahte, amaw laanpi kha na zui oh zah, a kawbya hae, a phunglang hae te a phungzae hae kha zuite atunin kaw kae pya oh paw Bawipaw nae Pachia kawbya hae hynh na zui oh zetuh, na hiin cih oh zah na pungzae cih oh, te ccou khylan na tee cih oh paw ram kya Bawipaw nae Pachia nynh hythua ae pya cih oh.
Pachia nynh A Rypaw
Pou Israel, tukeiccuze Bawipaw na Pachia nynh atu pawmou ae peki? Bawipaw na Pachia rawri lanpaw, a laanpi balyn kya ccia lanpaw, amaw sungsah lanpaw, Bawipaw na Pachia kha na thinlung balyn te, na tuanaw balyn te ryalawpya lanpaw, te namaw hoynaw te thanenaw hanlan atunin kaw kae pyapaw Bawipaw na Pachia kawbya hae te a phungbya hae kha zui lanpaw kyalya kha nynh thua.
Atunin kaw kae pyapaw hynh-e bya hae hynh na thinlung kya ccykekuh. Hynh-e bya hae hynh na ccaaw hae kya hopah bua hae lah, innvaw na um ze thuasah, laansaw lang na um ze thuasah, na ih ze thuasah, na thoku ze thuasah hynh-e bya hae kong hynh hopah hae.
E kawbya ccauh hynh na khalang kyate phiakuh nan sah; a lungkhu zeikuhpaw balyn thyhte cyi lan na raeringku thya nawlan khuazi khuadae tuh-e tuh na tua cih; tetuh na tuakunaw hawte accing cih zah na laan na sui a ua cih.
Bawipaw ryalahtu Moses nynh kaw ae pya oh paw kawbya te phungbya hae athuapaw: Bawipaw nae Pachia sungsah lanpaw, a laanpi zui lanpaw, a kawbya hae rae lanpaw, amaw kya tynkaring lan kyngku lanpaw, te nae thinlung balynte nae hiinnaw balynte amaw ryalawpya lanpaw kha hoyte raeringku tua oh," a cipya hae.
Ka thinlung balyn te
nang kha kae ccung; na kawbya kyate
ccanglang yn cciasah sei nan.
Lungzinaw laanpi kha ka poku vae;
na phungzae hae kha
ka malang ka nungku vae.
Thuasalama Bawipaw kya-e
atynpaw sungsahnaw tuh
amaw rawrih hae paw tungvaw kya
zungzae te zungzae cia tyn zah,
a dingnaw tuh ccaawsenopaw cia atyn,
a byakin a zui hae paw tungvaw te
a kawbya zui lan
a ning lei hae paw tungvaw kya atyn.
Lei e graça
A lei veio para nos guiar; a graça veio para nos salvar. Em Cristo, cumprimos a lei pelo amor — o fruto do Espírito não tem lei contra si.
Paaw hae, nae ccaaw hae kha thinriasah nan oh, thuasalama Bawipaw kya-e ccangpyanaw te thuiheinaw khate minmin kha cciakhae thung oh.
Pou ccungccapaw, aning nynh
ahoypaw kha phe ae hopya vae;
dingrarih lante cyi lanpaw,
thawccinaw hoi lanpaw te
zakawsangsakute Pachia malang
hiin lanpaw kha
Bawipaw nynh nang
ae ngiapaw thua khyh tou?
Byading kha tui hawte luasah oh lah,
dingnaw kha akan leipaw
vaw hawte luasah oh.
Ahiinpaw Pachia Beikinn
Zynleitu hae ryte anginkuh leipaw puihnawpaw ccong kha puihkheih nan oh. Pawccecize adingpaw te ading leipaw tuh pawtemou a mungkuh kho cih hae? Awnaw te mohnaw tuh pawtemou a vaeccawkuh kho cih hae?