Ler a Bíblia

8 Mègana Segbalẽ sia nado le wò nu me o, de ŋugble le eŋu zã kple keli be nàwɔ nu siwo katã woŋlɔ ɖe eme la dzi nyuie. Ekema dzɔgbenyui kple dzidzedze anɔ wò mɔ dzi.

105 Wò nya la nye akaɖi na nye afɔ

kple kekeli na nye mɔ.

130 Kekeli vana ne woʋu go wò nyawo,

eye nugɔmesese sua ame gblɔewo gɔ̃ hã si.

97 O, ale gbegbe mehelɔ̃ wò se lae!

Medea ŋugble le eŋuti ŋkeke blibo la.

98 Wò sededewo wɔm nunyalae wu nye futɔwo katã,

elabena wole gbɔnye ɖaa.

99 Gɔmesese su asinye wu nye nufialawo katã,

elabena medea ŋugble le wò ɖoɖowo ŋu.

9 Aleke ɖekakpui awɔ,

be eƒe mɔ dzi nanɔ dzadzɛe ɣe sia ɣi?

To agbenɔnɔ ɖe wò nya la nu mee.

10 Madi wò kple nye dzi blibo,

eya ta mègana matra tso wò sewo gbɔ o.

11 Meɣla wò nya ɖe nye dzi me,

be nyemawɔ nu vɔ̃ ɖe ŋuwò o.

16 Mawu tsɔ eƒe nya la na mí to eƒe Gbɔgbɔ si wɔ dɔ le amewo me la dzi, eya ta Biblia nyo hena nufiafia tso nu siwo nye nyateƒe la ŋu kple ale si wòana míadze si nu siwo nye nu vɔ̃ le míaƒe agbenɔnɔ me. Edaa mí ɖe mɔ dzɔdzɔe dzi, eye wòkpena ɖe mía ŋu be míawɔ nu si nyo, eye wòdze. 17 Eyae nye Mawu ƒe mɔ si dzraa mí ɖo nyuie le go sia go me hena nyuiwɔwɔ na ame sia ame.

39 Miedzroa mawunya la me tsitotsito, elabena miexɔ se be miakpɔ agbe mavɔ le eme. Evɔ mawunya siae ɖi ɖase le ŋutinye,

4 Ele be nu siwo woŋlɔ ɖe Ŋɔŋlɔ Kɔkɔe la me gbe aɖe gbe ke la nafia dzigbɔɖi mí, eye woade dzi ƒo na mí, ale be míanɔ mɔ kpɔm na ɣeyiɣi si Mawu aɖu nu vɔ̃ kple ku dzi la.

3 Woayra ame si xlẽ nyagblɔɖi sia me nyawo, woayra ame siwo see, eye wotsɔ emenyawo de woƒe dzi me la, elabena ɣeyiɣi la tu aƒe.

13 Va se ɖe esime mava mia gbɔ la, xlẽ Ŋɔŋlɔ Kɔkɔe la na hame la, eye nàɖe eme na wo; gblɔ Mawu ƒe nya la ɣe sia ɣi.

11 Bereatɔwo ɖɔ ʋu wu Tesalonikatɔwo, elabena woɖo to Paulo ƒe nyagbɔgblɔ kple dzidzɔ. Woawo ŋutɔwo hã nɔa mawunya la me dzrom ɣe sia ɣi be yewoakpɔe ɖa be nyateƒenya gblɔm Paulo nɔ mahã.

10 Ezra tsɔ eɖokui na Yehowa ƒe Se la sɔsrɔ̃ kple emeléle ɖe asi eye nenema kee wòtsɔ eɖokui na eƒe sededewo kple ɖoɖowo fiafia le Israel.

8 Woxlẽ Mawu ƒe Segbalẽ la na wo, eye woɖe eme wòkɔ ale gbegbe be, ameawo te ŋu se nu si xlẽm wole la gɔme.

24 Yesu ɖo eŋu na wo be, "Nu si le fu ɖem na mi lae nye be mienya mawunya alo Mawu ƒe ŋusẽ o,

6 Hekpe ɖe esia ŋuti la, ele be nàbu se siwo mele nawòm egbe la ŋu ɣe sia ɣi. 7 Ele be nàkui ɖe to me na viwòwo, eye nàƒo nu na wo tso wo ŋu ne miele aƒe me alo ne miele tsa ɖim, le anyimlɔɣi kple fɔfɔɣi abe nu gbãtɔ ene le ŋdi me. 8 Tsi wo ɖe wò asibidɛ ŋu abe dzesi ene, bla wo ɖe wò ŋgonu,

Agbe nyui nɔnɔ si doa go tso nunya me ƒe viɖe

1 Vinye, ne èxɔ nye nyawo

eye nèdzra nye sededewo ɖo ɖe mewò,

2 ne ètrɔ to ɖe nunya ŋu

hetsɔ wò dzi na gɔmesese,

3 ne èyɔ sidzedze

eye nèdo ɣli na gɔmesese,

4 ne èdii abe klosalo

alo kesinɔnu si woɣla ene la,

5 ekema àse Yehowavɔvɔ̃ gɔme

eye àke ɖe Mawu nyanya ŋu

6 elabena Yehowae naa nunya,

eye sidzedze kple gɔmesese doa go tso eƒe nu me.