Língua

21 तुसे जो बोलोए से जिन्दगिया खे बचाई या नाश करी सकोआ,

इजी खे तुसा खे आपणियां गल्ला रे परिणामो खे मानणा चाईयो।।

2 आसे सब कई बार चूकी जाऊँए, पर जो कोई बोलणे रे नि चूकदा, सेई तो सिद्ध माणूं ए और से आपणे सारे शरीरो खे वशो रे करी सकोआ।

3 जेबे आसे कोड़ेया खे आपणे वशो रे करने खे तिना रे मुंओ रे लगाम लगाऊँए, तो आसे तिना रे सारे शरीरो खे बी फेरी सकूँए। 4 देखो जाह्ज बी हालाँकि इतणे बड़े ओए, और तेज अवा रे चलाए जाओए, तेबे बी एक छोटी जी पतवारा रे जरिए मांझियो री इच्छा रे मुताबिक कुमाए जाओए। 5 तिंयाँ ई जीब बी शरीरो रा एक छोटा जा अंग ए और बड़ी-बड़ी त्वाल़िया मारोई। देखो थोड़ी जी आगी साथे कितणे बड़े बणो रे आग लगी जाओई। 6 जीब बी एक आगी जेड़ी ए, जीब म्हारे शरीरो रे अंगा रे पापो रा एक लोक ए और सारे शरीरो रे कलंक लगाओई और पूरी जिन्दगिया री गतिया रे आग लगाई देओई और जीब बी नरको री आगी जेड़ी फूकदी रओई।

7 हर प्रकारा रे बणो रे डांगर, पंछी, रेंगणे वाल़े जन्तु और पाणिए रे रणे वाल़े तो माणूंआ रे वशो रे ऊई सकोए और ऊई बी गये रे। 8 पर जीबा खे माणूंआ बीचा ते कोई बी वशो रे नि करी सकदा, से एक एड़ी बयाद ए, जो कदी बी रूकदी नि, से जान लणे वाल़े सापो जेड़े विषे की परी रिये।

9 इजी जीबा साथे आसे प्रभु और पिते री स्तुति करूँए और इजी साथे माणूंआ खे जो परमेशरो रे रूपो रे बणाई राखे, स्राप देऊँए। 10 एक ई मुंओ ते धन्यवाद और स्राप दोनो निकल़ोए। ओ प्यारे साथी विश्वासियो! एड़ा नि ऊणा चाईयो। 11 क्या सूबल़ा रे एकी ई मुंओ ते मीठा और खारा दोनो पाणी निकल़ोए? 12 ओ प्यारे साथी विश्वासियो! क्या दाऊगल़े रे डाल़ो रे जैतून या अँगूरा री बेला रे दाऊगल़े लगी सकोए? तिंयाँ ई खारी सूबल़ा ते मीठा पाणी नि निकल़ी सकदा।

15 सब्र राखणे ते शासक मनाया जाओआ,

ओर अच्छा वचन आड्डिया खे बी तोड़ी देओआ।

18 एड़े लोक बी ए जिना रा बिना सोचे समजे बोलणा तलवारी जेड़ा चूबोआ,

पर अक्लमंद माणूंए रे बोलणे ते लोक ठीक ऊई जाओए।

19 मुंए ते निकल़ी दी सच्चाई सदा बणी री रणी,

पर चूठो रे पैर नि ऊँदे।

19 बऊत गल्ला ऊणे रिया बजा ते पाप बी ओआ,

पर जो आपणे मुंए खे बंद राखोआ, से अक्ला वाल़ा माणूं गिणेया जाओआ।

28 मूर्ख बी जेबे चुप रओआ, तेबे अक्लमंद गिणेया जाओआ,

ओर जो आपणा मूँ बन्द राखोआ, से समजदार गिणेया जाओआ।

26 जे कोई आपणे आपू खे भग्त समजो और आपणी जीबा पाँदे लगाम नि लगाओ, पर आपणे दिलो खे तोखा देओ, तो तेसरी भग्ति बेकार ए।

बुद्धि ओर माफिया रिया तँईं प्रार्थना

1 मैं आपणे आपू ते बोलेया, "मां आपणे चाल-चलणो रे चौकसी करनी,

ताकि मेरी जीबा ते पाप नि ओ; जदुए तक दुष्ट मां सामणे ए,

तदुए तक मां लगाम लगाई की आपणा मूँ बंद राखणा।"*

12 से कुण माणूं ए जो जिऊणे री इच्छा राखोआ

ओर लाम्बी उम्र चाओआ ताकि पलाई देखी सको?

13 आपणी जीबा खे बुराई करने ते रोकी की राख

ओर आपणे मुंए री चौकसी राख

ताकि तिजी ते छल-कपटो री कोई गल्ल नि निकल़ो।*

30 तार्मिक माणूं आपणे मुंए ते अक्ला रिया गल्ला करोआ

ओर न्याय रा वचन बोलोआ।

31 सेयो हमेशा परमेशरो री बिदिया रे बारे दे सोचदे रओए,

ओर परमेशरो रिया बाटा ते कदी बी दूर नि ऊँदे।

28 तेबे मां पूरे दिन चींगदे रणा, प्रभु परमेशरो री स्तुति करो! तिने सेई कित्तेया जो सई था।

4 ओ प्रभु, मेरे मुंए री एड़ी कोई बी गल्ल नि ए

जेतेखे तूँ पुरिया तरअ ते नि जाणदा ओ।

2 ओ यहोवा, तूँ मांते चूठ बोलणे वाल़े माणूं,

ओर छल करने वाल़े माणूंए ते बचाई की राख।

3 प्रभुए सबी रे चलाक ओठ

ओर से जीब जेसा ते बड़ा बोल निकल़ोआ, बाडी देणे।

4 सेयो बोलोए, "चूठ बोली कि आसा खे सेई मिलणा जो आसे चाऊँए;

आसे आपू ये सोचूँए कि आसा क्या करना चाईयो,

इजी री खातर कोई बी आसा खे ये नि बोली सकदा

आसा खे क्या नि करना चाईयो!"

9 ओ प्रभु, तिना रा नाश कर ओर तिना री पाषा रे गड़बड़ी पाई दे,

कऊँकि मैं शईरो रे ईंसा ओर चगड़ा देखी राखेया।

9 इजी बजअ ते परमेशरे तेसखे सबी ते ऊच्ची पदवी दित्ती

और तेसखे से नाओं दित्तेया, जो सबी नाओं ते बड़ा ए।

10 ताकि जो स्वर्गो रे ए और तरतिया रे ए और तरतिया ते थाले ए,

सेयो सारे यीशुए रे नाओं खे तेसखे आदर देणे खे जानूआ रे पाअरे बैठो।

11 और पिता परमेशरो री महिमा खे हर माणूं आपणे मुंए ये मानी लओ कि

यीशु मसीह ई प्रभु ए।

प्यार-सबी ते खरी बाट

1 जे आऊँ माणूंआ रिया और स्वर्गदूता रिया पाषा बोलूँ और प्यार नि राखूँ, तो आऊँ ठणठणादा ऊआ पीतल़ और छणछण करदी ऊई झांजर ए।

36 आऊँ तुसा खे बोलूँआ कि जो-जो नकम्मिया गल्ला माणूंआ बोलणिया, जेबे न्याय रा दिन आऊणा, तेबे तिना खे हर गल्ला रा लेखा देणा पड़ना। 37 कऊँकि तूँ आपणियां गल्ला तेई, दोषी और निर्दोष ऊणा।"

5 जेबे लोक शईर ओर गुम्मट बनाणे लगी रे थे, तेबे इना खे देखणे खे यहोवा उतरेया। 6 ओर यहोवा आपणे आपू दे सोचणे लगेया, "सेयो सब एकी ई पाषा रे, एकी ई जातिया रे ए, इजी खे एबे जो कुछ सेयो करने लगणे तिना खे कुछ बी असम्भव नि ऊणा, ये तो सिर्फ शुरूआत ईए जो सेयो करने लगी रे। 7 इजी री खातर मां, उतरी की तिना री पाषा रे गड़बड़ी पाणी, कि सेयो एकी-दूजे री बोली नि समजी सको।" 8 ईंयाँ यहोवे सेयो तेथा ते सारी तरतिया पाँदे फैलाईते ओर तिने तेस शईरो खे बनाणा छाडीता। 9 इजी बजअ ते तेस शईरो रा नाओं बाबेल पड़ेया, कऊँकि सारी तरतिया रिया पाषा दे जो गड़बड़ी ए, से यहोवे तेथी पायी, इजी बजअ तेई यहोवे माणूं सारी तरतिया पाँदे फैलाईते।