Língua

21 जीवन र मृत्युको शक्ति जिब्रोमा हुन्छ;

त्यसलाई प्रेम गर्नेहरूले त्यसको फल खानेछन्।

2 हामी धेरै प्रकारले ठक्‍कर खान्छौँ। यदि कसैले आफूले बोलेका कुराहरूमा कहिल्यै भूल गर्दैन भने ऊ आफ्नो सम्पूर्ण शरीरलाई वशमा राख्न सक्ने सिद्ध मानिस हुन्छ।

3 जब घोडाहरूले हाम्रो आज्ञा मानून् भनेर तिनीहरूका मुखमा लगाम लगाउँछौँ, तब हामीले त्यसका सम्पूर्ण शरीरलाई काबूमा राख्न सक्छौँ। 4 अथवा उदाहरणको लागि जहाजलाई लिऔँ—तिनीहरू यति ठूला र तेज बतासद्वारा चल्नेभए तापनि नाविकले एउटा सानो पतवारको सहारा लिएर जहाजलाई आफ्नो इच्छाअनुसार जता मन लाग्छ, त्यतैतिर लैजान्छ। 5 त्यस्तै किसिमले हाम्रो जिब्रो पनि शरीरको एउटा सानो अङ्ग हो, तर यसले धेरै घमण्ड गर्छ। आगोको सानो झिल्काले ठूलो जङ्गल नै डढेलो लगाउँछ भनी विचार गर। 6 जिब्रो पनि एउटा आगोजस्तै नै हो; शरीरका अङ्गहरूमध्ये दुष्‍टताको संसार नै हो। यसले सम्पूर्ण व्यक्तिलाई दूषित पार्छ; त्यसको जीवनको सम्पूर्ण प्रवाहमा आगो लगाइदिन्छ, र यो आफू पनि नरकको आगोमा जल्छ।

7 सबै किसिमका जन्तुहरू, चराहरू, घस्रने प्राणीहरू र समुद्रका जन्तुहरूलाई तह लगाइन्छ, र मानिसद्वारा तह लगाइएका हुन्छन्; 8 तर जिब्रोलाई कुनै मानिसले तह लगाउन सक्दैन। यो घातक विषले भरिएको एउटा चञ्चल दुष्‍ट हो।

9 जिब्रोले हामी हाम्रा प्रभु र पितालाई प्रशंसा दिन्छौँ, र यही जिब्रोले हामी परमेश्‍वरको स्वरूपमा बनिएका मानिसहरूलाई सराप्छौँ। 10 अनि यसरी एउटै मुखबाट प्रशंसा र श्राप निस्कन्छन्! हे मेरा दाजुभाइ-दिदीबहिनीहरू हो, यस्तो हुनुहुँदैन। 11 के एउटै मुहानबाट ताजा पानी र नुनिलो पानी निस्कन्छ र? 12 हे मेरा दाजुभाइ-दिदीबहिनीहरू हो, के अञ्जीरको रूखले जैतुन अथवा अङ्‌गुरको बोटले नेभारा फलाउन सक्छ र? न त नुनिलो पानीको मुहानले ताजा पानी निकाल्न सक्छ।

15 धैर्य गर्नाले शासकलाई मनाउन सकिन्छ;

र मिठो वचनले हड्डी तोडिदिन सक्छ।

18 विवेकहीनका वचनहरूले मानिसलाई तरवारलेझैँ रोप्छ,

तर बुद्धिमान्‌को जिब्रोले निको पार्छ।

19 सत्य बोल्ने ओठ सदा स्थिर रहन्छ;

तर झूटो बोल्ने जिब्रो केही समय मात्र रहन्छ।

19 जब बढ्ता बोलिन्छ, पापले बढी स्थान पाउँछ;

तर बुद्धिमान्‌ले आफ्नो जिब्रोमा लगाम लगाउँछ।

28 चुप लाग्ने मूर्ख पनि बुद्धिमान् ठानिन्छ,

र आफ्नो मुख बन्द राख्यो भने त्यो विवेकी मानिन्छ।

26 यदि कसैले आफैँलाई धर्मी सम्झन्छ र पनि आफ्नो जिब्रोमा लगाम लाउँदैन भने उसले आफूलाई धोका दिन्छ र त्यसको धर्मचाहिँ व्यर्थको हुन्छ।

1 मैले भनेँ, "म आफ्नो चालचलनमा होसियार रहनेछु,

र मेरो जिब्रोलाई पापबाट रोक्नेछु;

दुष्‍टहरूको उपस्थितिमा,

म आफ्नो मुखमा मोहोलो लगाएर बस्‍नेछु।"

12 तिमीहरूमध्ये कसैले जीवनलाई प्रेम गर्दछ,

दीर्घायु र असल दिनहरू देख्ने इच्छा गर्दछ भने

13 आफ्नो जिब्रोलाई खराब कुरादेखि

र आफ्नो ओठलाई झूटो बोल्नदेखि अलग राख!

30 धर्मीका मुखबाट बुद्धिका कुरा गर्छन्,

र त्यसको जिब्रोले न्यायको कुरा बोल्छ।

31 त्यसको हृदयमा त्यसका परमेश्‍वरको व्यवस्था हुन्छ;

त्यसका खुट्टाहरू चिप्लँदैनन्।

28 मेरो जिब्रोले तपाईंको धार्मिकताको घोषणा गर्नेछ,

र तपाईंको प्रशंसा दिनभरि गरिरहनेछ।

4 मेरो जिब्रोमा कुनै शब्द आउनअगि नै,

हे याहवेह, तपाईंले त्यो सम्पूर्ण रूपले जान्‍नुहुन्छ।

2 हे याहवेह, मलाई

झूटो बोल्ने ओठ

र छली जिब्रोबाट बचाउनुहोस्।

3 सबै चापलुसी गर्ने ओठहरूलाई

र घमण्डका कुरा गर्ने हरेक जिब्रोलाई याहवेहले काटी फालिदेऊन्—

4 तिनीहरू जसले भन्छन्,

"हाम्रा जिब्राहरूले नै हामी जित्नेछौँ;

हाम्रा ओठहरूले नै हामीलाई बचाउँछन्; हामीमाथि शासन गर्ने शासक को छ र?"

9 हे प्रभु, दुष्‍टहरूलाई खलबल्याइदिनुहोस्;

तिनीहरूका योजनालाई निरुत्साहित पारिदिनुहोस्;

किनकि मैले सहरमा हिंसा र झैझगडा देख्दछु।

9 त्यसैकारण परमेश्‍वरले उहाँलाई सर्वोच्‍च स्थानसम्म उच्‍च पार्नुभयो,

र उहाँलाई एउटा नाम दिनुभयो, जो हरेक नामभन्दा उच्‍च छ,

10 यसकारणले कि स्वर्गमा, पृथ्वीमा र पृथ्वीमुनि भएका,

हरेक प्राणीले येशूको नाममा घुँडा टेक्नुपर्छ;

11 अनि परमेश्‍वर पिताको महिमाको निम्ति,

हरेक जिब्रोले येशू ख्रीष्‍ट नै प्रभु हुनुहुन्छ भनी स्वीकार गर्नुपर्छ।

1 यदि मैले मानिसहरू र स्वर्गदूतहरूका भाषाहरूमा बोलेँ, तर मसँग प्रेम छैन भने म हल्‍ला गर्ने घण्टा अथवा झ्याइँ-झ्याइँ गर्ने झ्याम्टा मात्र हुँ।

36 तर म तिमीहरूलाई भन्दछु, न्यायको दिनमा मानिसहरूले आफूले असावधानीपूर्वक बोलेको प्रत्येक शब्दको लेखा दिनुपर्नेछ। 37 किनकि तिम्रा आफ्नै बोलीहरूले तिमी निर्दोष ठहरिनेछौ, र तिम्रा आफ्नै बोलीहरूले तिमी दोषी ठहरिनेछौ।"

5 तब मानिसहरूले बनाउँदै गरेका सहर र त्यस धरहरा हेर्न भनी याहवेह तल ओर्लनुभयो। 6 त्यसपछि याहवेहले भन्‍नुभयो, "यी मानिसहरूको बोल्ने एउटै भाषा भएको कारण तिनीहरूले यो काम गर्न थालेका छन्; अब तिनीहरूले जे गर्नका निम्ति योजना बनाएका छन्, तिनीहरूका निम्ति केही पनि असम्भव हुनेछैन। 7 आओ, हामी तल जाऔँ, र तिनीहरूको भाषा खलबल पारिदिऔँ, ताकि तिनीहरूले एक-अर्काको बोली नबुझून्।"

8 यसरी याहवेहले तिनीहरूलाई त्यहाँबाट सारा पृथ्वीभरि छरपस्ट पारिदिनुभयो; अनि तिनीहरूले त्यो सहर बनाउने काम अधुरै छोडे। 9 त्यसकारण त्यस सहरलाई बाबेल* भनिन्छ—किनकि यहीँ नै याहवेहले पृथ्वीका सारा मानिसहरूको भाषा खलबल पारिदिनुभएको थियो। तब त्यहाँबाटै याहवेहले तिनीहरूलाई सारा पृथ्वीभरि तितरबितर पारिदिनुभयो।