Livramento: significado bíblico e o poder do socorro de Deus

17 Abatuukirivu bakoowoola Mukama n’abawulira

n’abawonya mu byonna ebiba bibateganya.(Zabbuli 34:17)

15 Anankowoolanga ne muyitabanga;

nnaabeeranga naye mu biseera eby’akabi.

Ndimuwonya era ndimuwa ekitiibwa.(Zabbuli 91:15)

2 Nnaayogeranga ku Mukama nti, Oli kiddukiro kyange era ekigo kyange;

ggwe Katonda wange gwe nneesiga.

3 Ddala ddala y’anaakuwonyanga omutego gw’omuyizzi,

ne kawumpuli azikiriza.(Zabbuli 91:2,3)

13 Onsasire ayi Mukama ondokole;

Ayi Mukama, oyanguwe okumbeera.(Zabbuli 40:13)

13 Kubanga emmeeme yange ogiwonyezza okufa.

Ebigere byange tobiwonyezza okwesittala;

ne ndyoka ntambulira mu maaso ga Katonda

mu musana nga ndi mulamu?(Zabbuli 56:13)

6 Noolwekyo abaweereza bo bonna abeesigwa

bakwegayirire ng’okyalabika;

oluvannyuma ebizibu bwe birijja,

ng’amazzi ag’amaanyi amangi tebiribatuukako.(Zabbuli 32:6)

20 Katonda waffe ye Katonda alokola;

era tuddukira eri Mukama Katonda okuwona okufa.(Zabbuli 68:20)

4 Mulwanirire abatalina maanyi n’abali mu kwetaaga, mubawonye;

mubanunule nga mubaggya mu mikono gy’ababi.(Zabbuli 82:4)

17 Bwe tunaasuulibwa mu kikoomi ekyaka omuliro, Katonda gwe tuweereza anaatuwonya ekikoomi ekyaka omuliro era anaatulokola mu mukono gwo, ayi kabaka. 18 Naye ne bwe kitaabe bwe kityo, twagala okimanye, ayi kabaka nga tetugenda kuweereza bakatonda bo, newaakubadde okusinza ekifaananyi ekya zaabu kye wabumbisa."(Danyeri 3:17,18)

18 Yamponya abalabe bange ab’amaanyi abankyawa,

abo abaali bansinza amaanyi.(2 Samwiri 22:18)

14 Naye baayimirira wakati mu nnimiro ne bagirwanirira, era ne batta Abafirisuuti, nga Mukama y’abawadde obuwanguzi.(1 Ebyomumirembe 11:14)

13 "Weewaawo, okuva mu nnaku ez’edda Nze Nzuuyo;

tewali n’omu ayinza okuwonya omuntu mu mukono gwange.

Kye nkola ani ayinza okukikyusa?"(Isaaya 43:13)

23 Bwe munaabajooganga ne bankaabira, nnaabawulirizanga.(Okuva 22:23)

13 Buli alikoowoola erinnya lya Mukama alirokoka.(Abaruumi 10:13)

16 Kaakano olinda ki? Situka obatizibwe onaazibweko ebibi byo nga bw’oyatudde erinnya lye.’(Ebikolwa by’Abatume 22:16)

10 era ne bwe mulindiridde Omwana wa Katonda, okukomawo okuva mu ggulu, gwe yazuukiza okuva mu bafu, ye Yesu oyo yekka atulokola okutuwonya mu busungu bwa Katonda obugenda okujja.(1 Basessaloniika 1:10)

14 abantu bange abatuumiddwa erinnya lyange bwe baneetowazanga, ne basaba, ne banoonya amaaso gange, ne bakyuka okuleka amakubo gaabwe amakyamu, kale nnaawuliranga nga nsinziira mu ggulu ne nsonyiwa ekibi kyabwe era ne mponya ensi yaabwe.(2 Ebyomumirembe 7:14)

8 Musemberere Katonda, ne Katonda anaabasembereranga. Mulongoose engalo zammwe, mmwe abakozi b’ebibi, mutukuze emitima gyammwe, mmwe abalina emyoyo egitaaganaaga.(Yakobo 4:8)

11 Obanga mmwe abantu ababi musobola okuwa abaana bammwe ebirabo ebirungi, Kitammwe ali mu ggulu talisingawo okubawa ebirungi bye mumusaba?(Matayo 7:11)

13 Era buli kye munaasabanga mu linnya Lyange nnaakibakoleranga, Kitange alyoke agulumizibwe mu Mwana. 14 Bwe munaasabanga ekintu kyonna mu linnya lyange nnaakikolanga."

15 "Kale obanga munjagala mugonderenga ebiragiro byange, 16 nange ndisaba Kitange n’abawa Omubeezi omulala anaabeeranga nammwe emirembe n’emirembe,(Yokaana 14:13-16)

31 Tumanyi nti Katonda tawulira balina bibi, naye awulira abo abamutya era abakola by’ayagala.(Yokaana 9:31)

26 Omuntu asaba Katonda, Katonda n’amukwatirwa ekisa.

Alaba amaaso ga Katonda n’ajaguza n’essanyu,

Katonda n’amuddiza nate ekifo kye eky’obutuukirivu.(Yobu 33:26)