Livro da vida

20 Tuhzemah muisaw hoylei hae paw nynh nae kaw ae ngae oh pawte nae lungtua nan sah; nae min tuh vaawlang kya zei athua keiccuze nae lungtuahua sah," a cipya hae.

3 Alungzipaw ryalahkheihtu nang kha mah, hynh-e nopi hae hynh na bawm nawlan hae kae ngia; pawccecize minmin tuh kamaw ry, Klement ry, hiinnaw ccauh kya mih min um hae paw tuhlaepaw kae te rya kae lahkheih hae paw ryte thehoypaw rya kya ryalahtu hae nynh thua hae.

8 Chia athuapaw Tuutaw kya-e hiinnaw ccauh kya laephi athotakaw te mih min zei athua lei hae paw, laephi vawlan a um hae paw balyn nynh sarepaw kha oun beik cih hae.✝

8 Na muihpaw sarepaw tuh langmawlya la um zah atu um khyh, adianaw um lei lan akhupaw laekarung lungkhu te yn kaethung cih zah ronaw kalan a cceih cih; laephi vawlan um hae zah laephi athotakaw te hiinnaw ccauh kya mih min zei athua lei hae paw nynh langmawlya la um zah atu a um leipaw, te bua yn langkuh cih paw sarepaw kha he oun muih hae tuh, mih ngaeangthua cih.✝

Michi hae Byapianaw

11 Myarya lepaw bawitungkhung arawpaw te tuh-e vawlan a haungpaw kha ka muih, tuh-e paw malang kyate vaaw te lae tuh ccue hae zah, mih hanlan umnaw um vae khyh.✝ 12 Michi hae adih te ale nynh bawitungkhung malang a thadyn hae paw kha ka muih; te ccauh hae kha a kia hae. Hiinnaw ccauh athuapaw ccangpaw ccauh kha mah kia athua. Michi hae tuh mih ryalaw thyhte, tuh-e ccauh hae kya azeiku thyhte byapia athua hae. 13 Rili nynh a kya umpaw michi hae kha a poukhae. Chinaw te michi khua hae nynh mih kya umpaw michi hae kha a poukhae hae. Ccungccaw hae balyn tuh mih ryalaw thyhte byapia athua hae. 14 Chinaw te michi khua tuh maee tuili lungkhu lang vua athua hae. Tuh-e maee tuili tuh vaening chinaw nynh thua. 15 Hiinnaw ccauh kya a min zei athua leipaw miakaw tuh maee tuili lungkhu lang vua athua hae.

27 Anungsikuhpaw uccaw hae kha tuh-e khuapi lungkhu lang teekhae thua lan khyh, luathua-ae-uipaw rya a lahpaw te a hynpaw tuh tuh-e khuapi lungkhu lang kharouh tee lan khyh hae. Tuutaw kya-e hiinnaw ccauh kya min zei athua hae paw rou nynh a tee cih hae.✝

Michi hae Thoothuinaw

1 "Tuh ccyh lyatuin, na minphuin hae thungkhawtu, bawi lepaw Mikhael tuh yn langkuh cih. Minphuin hae a um takaw hae te a um boi leipaw lungriathaenaw ccyh tuh yn thua cih. Thuasalama tuh ccyh lyatuin, ccauh kya a min zei athuapaw na minphuin hae miakaw tuh luesah athua cih hae.✝ 2 Laenoi kya a ih hae paw patae tuh oun tho cih hae, abang tuh zungzae hiinnaw te a tho cih hae zah, abang tuh maethyanaw te zungzae theihryakunaw khate a tho cih hae.✝

5 A taetupaw tuh boeining rawpaw kha lawsahku athua cih, hiinnaw ccauh kyate a min kha ka thee vae lan khyh, ka Paaw malang te a vaawccungccaw hae malang a min kha ccaekia ka khan cih.✝

16 Accing loh leipaw

ka pyn kha phe na muih.

Tuh-e hae ccangkheit san a um mawkhe,

ka hanlan na raepaw nin hae balyn kha

na ccauh kya zei athua vae.

8 Ka ngaethyanaw kha phe na ny vae;

ka mitphi kha na tuihinbu lungkhu

phe na ruin vae.

Tuh-e hae tuh na ccauh kya

na zei vae khaw?

26 Pawccecize de na tah vae hae paw kha

a tuaa a sah hae,

vaemaw na muesah vae hae paw kha

mah a buachih hae.

27 Mih seinaw kyakhe seinaw kha

biachihpah hae lah,

na kyate seithyaanaw mue nan hae sah.

28 Hiinnaw ccazing kyate

minmin kha the thua hae sah;

miding hae kya min ccazing lawbua

thua nan hae sah.✝

Lungzi hae paw Ryalaw Mee

16 Tetuh Bawipaw rawrih hae paw nynh lu kheit te lu kheit a hoku hae. Bawipaw nynh ngae zah phe a thae, te Bawipaw rawrih hae paw te amaw min kha saw a tua hae paw tuh a malang e ccazing kyakhe mih min kha a zei hae.

32 Thuasalama mih seinaw kha beih ngaethya hae; na ngaethya kho khyh hae zetuh na zeipaw ccauh kyate ka min kha the ccavae," a cipya.✝ 33 Bawipaw nynh Moses kha, "Ka tungvaw a seipaw humhung zemah ka ccauh kyate a min kha ka the cih.