Mal

13 Ang may takot sa Panginoon

ay lumalayo sa kasamaan.

Namumuhi ako sa kapalaluan, kayabangan,

pagsisinungaling at masamang pag-uugali.

10 Kayong mga umiibig sa Panginoon

ay dapat mamuhi sa kasamaan.

Dahil iniingatan ng Panginoon

ang buhay ng kanyang mga tapat na mamamayan

at inililigtas niya sila sa masasama.

14 Lumayo kayo sa masama

at gawin ninyo ang mabuti.

Pagsikapan ninyong kamtin

ang kapayapaan.

133 Patnubayan ninyo ako ng inyong mga salita,

at huwag ninyong hayaang akoʼy pagharian

ng kasamaan.

16 "Linisin ninyo ang inyong sarili.

Tigilan na ninyo ang paggawa

ng kasamaan

sa aking harapan.

7 Huwag mong isiping

napakarunong mo na.

Matakot ka sa Panginoon,

at huwag gumawa ng masama.

8 Para iyon sa ikabubuti

at ikalalakas ng iyong katawan.

21 Huwag kayong padadaig sa kasamaan, sa halip talunin ninyo ang kasamaan sa pamamagitan ng paggawa ng kabutihan.

Ipakita sa Gawa ang Pagmamahal sa Kapwa

9 Magmahalan kayo nang tunay. Iwasan ninyo ang masama at laging gawin ang mabuti.

17 Mga kapatid, nakikiusap ako sa inyo: Mag-ingat kayo sa mga taong lumilikha ng pagkakahati-hati at gumugulo sa pananampalataya ninyo. Nangangaral sila laban sa mga aral na natanggap ninyo sa amin. Kaya iwasan ninyo sila.

5 Ang ilaw na itoʼy nagliliwanag sa kadiliman, at kailanmaʼy hindi madadaig ng kadiliman.

15 Huwag na huwag ninyong gagantihan ng masama ang gumagawa sa inyo ng masama, sa halip, sikapin ninyong makagawa ng mabuti sa isaʼt isa at sa lahat.

21 Sa halip, suriin ninyong mabuti ang lahat upang malaman kung galing ito sa Diyos o hindi. Panghawakan ninyo ang mabuti, 22 at iwasan ang lahat ng uri ng kasamaan.

13 At huwag nʼyong ipahintulot na kamiʼy matukso

kundi iligtas nʼyo po kami sa masama.

[Sapagkat inyo ang kaharian,

at ang kapangyarihan,

at ang kaluwalhatian, magpakailanman! Amen.]*

15 Hindi ko idinadalangin na kunin mo na sila sa mundo, kundi ingatan mo sila laban sa masama.*

7 Iingatan ka ng Panginoon sa anumang kapahamakan;

pati ang buhay moʼy kanyang iingatan.

8 Ang Panginoon ang mag-iingat sa iyo nasaan ka man,

ngayon at magpakailanman.

18 Ililigtas ako ng Panginoon sa lahat ng kasamaan, at dadalhin niya akong ligtas sa kanyang kaharian sa langit. Purihin ang Diyos magpakailanman! Amen!

11 Isuot ninyo ang lahat ng kagamitang pandigma na ibinigay sa inyo ng Diyos upang malabanan ninyo ang masasamang plano ng diyablo.

12 Sapagkat ang kalaban natin ay hindi mga tao kundi mga masamang espiritu sa kalangitan – mga pinuno, may kapangyarihan at mga tagapamahala ng kadilimang namamayani sa mundong ito.

26 Kung magalit man kayo, "huwag kayong magkasala"*. At huwag ninyong hayaan na lumipas ang araw na galit pa rin kayo. 27 Huwag ninyong bigyan ng pagkakataon si Satanas.

20 Binalak nga ninyong gawan ako ng masama, ngunit binalak naman ng Diyos na magdulot ito ng mabuti upang mailigtas ang maraming buhay na siyang nangyayari ngayon.

21 Kaya talikuran na ninyo ang lahat ng kasamaan at maruruming gawain, at tanggapin nang may pagpapakumbaba ang salita ng Diyos na itinanim sa inyong puso na siyang makapagliligtas sa inyo.

9 Ngunit kung ipinagtatapat natin sa Diyos ang ating mga kasalanan, matapat siyang magpapatawad sa ating mga kasalanan at maglilinis sa lahat ng ating kasamaan sapagkat siyaʼy matuwid.

20 Sinabi pa ni Hesus, "Ang lumalabas sa tao ang nagpaparumi sa kanya. 21 Sapagkat sa puso ng tao nagmumula ang masamang pag-iisip na nagtutulak sa kanyang gumawa ng seksuwal na imoralidad, pagnanakaw, pagpatay, 22 pangangalunya, kasakiman, kasamaan, pandaraya, kalaswaan, pagkainggit, paninira sa kapwa, pagmamayabang, at kahangalan. 23 Ang lahat ng kasamaang ito ay nanggagaling sa puso ng tao, at nagpaparumi sa kanya."

12 Ang galit ay nagpapasimula ng kaguluhan,

ngunit ang pag-ibig ay nagpapatawad

ng lahat ng kasalanan.

9 "Ito ang sinabi ng Panginoon ng mga Hukbo sa mga mamamayan: ‘Humatol kayo nang makatarungan. Ipakita ninyo ang inyong kabutihan at habag sa isaʼt isa. 10 Huwag ninyong gigipitin ang mga biyuda, mga ulila, mga dayuhan, at ang mga mahihirap. Huwag kayong magbalak ng masama laban sa isaʼt isa.’