Maria

Amintarea Prispus al Isus

26 Tu meslu a shasea tsi Elisabeta eara greauã, anghilu Gabriel s-pitricu di la Dumnidzãlu tu un cãsãbã a Galileiljei, tsi s-acljima Nazaret, 27 la unã virghinã, tsi eara susita a unui bãrbat cu numa Iosif, di casa al David. Numa a virghinãljei eara Maria. 28 Anghilu s-dusi la ea sh-lji dzãsi: "Ghini ti aflai, tini mplinã di har, Domnul easti cu tini."

30 Sh-anghilu lj-dzãsi: "S-nu ai fricã Marii, cã ai aflatã har nãintea a Dumnidzãlui. 31 Ia, tini va armãnji greauã sh-va amintsã un ficior, sh-numa va lji-u badz Isus. 32 Elu va hibã mari sh-va si s-acljeamã Hiljilu a Multu-Analtului. Domnul Dumnidzãlu va lji da thronlu al David, tatãl a lui. 33 Elu va amirãreascã pisti casa al Iacov trã totãna sh-amirãriljea a lui nu va aibã pute bitisiri."

Amintarea al Isus Hristos

18 Amintarea al Isus Hristolu fu ashã: Maria, muma a lui, eara susita al Iosif, ma nãinti tsi s-apãrnjea s-bãna deadun, armasi greauã di la Duhlu Sãmtu.

Cãnticlu ali Marii

46 Sh-Maria dzãsi:

"Suflitlu a meu l-mãreashti Domnul,

47 sh-duhlu a meu s-hãrseashti tu Dumnidzãlu, Ascãpãtorlu a meu,

48 cã elu vidzu cu arsiri aplicarea a huzmicheariljei a lui.

Di tora sh-nclo tuti gheneratsili va nj-dzãcã cahara,

49 cã Puterniclu nj-featsi lucri mãri

sh-Sãmtu easti numa a lui!

50 Sh-njila a lui va hibã di la bãrnu tu bãrnu

trã atselji tsi au fricã.

51 Elu adrã fapti vãrtoasi cu bratslu a lui,

sh-dispãrtsã fudulji cu minduirili a ininjilor a lor.

52 Arãsturnã vãrtoshlji dit thronurili a lor

sh-anãltsã aplicatsilji,

53 lji umplu cu bunetsi agiunjilji

sh-lji scoasi nafoarã cu mãnjili goali avutslji.

54 Elu agiutã Israelul, huzmichearlu a lui,

aducãnda aminti njila a lui,

55 ashãtsi cum lj-avea tãxitã a pãrintsãlor a noshtri, a Abrahamului

sh-a urmashilor a lui di totãna."

4 Atumtsea sh-Iosiful ishi dit cãsãbãlu Nazaret a Galileiljei, tsi s-njidzea tu Iudea, tu cãsãbãlu al David tsi s-acljima Betlehem, cã elu eara dit casa sh-dit soia a amirãlui David. 5 Elu s-dusi trã reghistrari deadun cu Maria, susita a lui tãxitã tsi eara greauã. 6 Ashãtsi, cãndu elji eara aclo, agiumsirã dzãlili ali Marii trã amintari. 7 Sh-ea amintã ficiorlu a ljei prot-amintat, u-nfãshe sh-lu bãgã tu un grajdu cã tu hani nu avea loc trã elji.

19 Iarã Maria li vigljea tuti aesti zboari zigãsãnda tu inima a ljei.

34 Atumtsea Simeonul lji ghinicuvintã sh-lji dzãsi ali Marii, muma al Isus: "Ia, aestu easti bãgat trã cãdearea sh-alinarea a multsãlor tu Israel sh-tra s-hibã semnu trã cai va greascã contra, 35 tsi si discoapirã minduirili di multi ininji. Iarã suflitlu a tãu va lu pitrundã unã spatã."

48 Cãndu elji lu vidzurã, armasirã ciudisits sh-mã-sa lj-dzãsi: "Hilje, cãtse nã lu fãtsesh aestã? Ia, tatãl sh-mini, ma ti cãftam cu mirachi!" 49 Iarã elu lã dzãsi a lor: "Cãtse mi cãftats? Nu lu shtits cã prindi s-hiu la casa a Tatãlui a meu?" 50 Ma elji nu lu aduchirã zborlu tsi elu lã dzãsi a lor. 51 Sh-ashãtsi elu dipunã deadun cu elji, vini tu Nazaret sh-lã asculta pãrintsãlji. Sh-muma a lui li tsãnea tuti tsi undzirã tu inima a ljei.

3 Cum bitisi yinlu, muma al Isus lji dzãsi a lui: "Elji nu au ma yin." 4 Isusul lji-dzãsi: "Ts-ai cu mini, muljeari? Oara a mea nu ari vinitã ninga." 5 Muma a lui lã dzãsi a huzmichearilor: "Fãtsets itsido tsi elu vã dzãtsi!"

25 Ma ningã crutsea al Isus stãtea muma a lui sh-sora a mumãljei a lui, Maria al Cleopa, sh-Maria Magdalena. 26 Isusul cãndu vidzu muma a lui shi ningã nãsã uceniclu tsi vrea, lji dzãsi a mumãljei, "Muljeari, ia, hiljilu a tãu!" 27 Deapoea lji dzãsi a uceniclui: "Ia, muma a ta!" Sh-di atsea oarã uceniclu u lo Maria la casa a lui.

Fumealjia al Isus

31 Tu oara atsea vinirã fratslji a lui sh-muma, shi stãnda nafoarã, pitricurã sh-lji grirã. 32 Multsãmea eara apunat anvãrliga di nãsu, sh-lji dzãsirã: "Ia, muma sh-fratslji a tãlji, suntu nafoarã sh-ma ti caftã." 33 Ma elu apãndisi a lor: "Cai easti muma-a mea icã fratslji a melji?" 34 Daepoea, mutrinda anvãrliga di atselji tsi shidea ningã nãsu, dzãsi: "Ia, muma-a mea sh-fratslji-a melji! 35 Cã, caitsido tsi fatsi vrearea al Dumnidzãu, elu easti fratili-a meu, sora-a mea sh-muma."

55 Nu easti aestu hiljiu a lemnarlui? Nu s-acljeamã muma a lui Maria, sh-fratslji a lui Iacov, Iose, Simon sh-Iuda? 56 Sh-surãrili a lui nu suntu tuti la noi? Atumtsea di iu lji vinirã aishtui tuti aesti?"

14 Tuts aeshti eara cu unã singur minduiri tu rugãciuni deadun cu muljerili, cu Maria, muma al Isus sh-cu fratslji a lui.