Maria

Masagûlû ga sahûla kûbyalwa kwa Yesû

26 Elisabeti lwabele no limi lya miese mutanda Masalagûlû Gabulieli utuminwe no Kabesha Mpûngû abagale kukibûndê kya kwêtwa nasaleti kûko kû Galilaya. 27 ✝kwa nsongwa kasi gûmo musike wakwêtwa Malia musongwe wa muntû gûmo sina lyage Yosefu, wa musoo gwa Daudi. 28 Noge Masalagûlû gamugêlêle Malia gamulombwele, "Lwimu gwe ûwelwe kya buntû! No Kabesha Mpûngû Kolo wêamo nobe!"

30 Hûao Masalagûlû umulombwele, "Malia, Nokatudjuki; kibalo watambûla kya bûntû kya Kabesha Mpûngû. 31 ✝Lola ûsawimite limi no wakabyala mwana wa mwana mulûme, wêkamwinika sina lyage Yesu. 32 ✝Mwana gûdjo wêkaba mukûlû no wêketwa mwana wa wêmwigûlû biiko. Kolo Kabesha Mpûngû sha amuwe kikanwa, kya bûkolo bwa Tata nkûlû wage Daudi, 33 kwanansho wêkabêkala nsese gya Yakobo milemba mbagala; no bûkolo bwage habûkabi no nfulo!"

Lwêmbo lwa ntûmbo lwimbile Malia

46 ✝Noge Malia,

"Wêsambile; mutêma gwane gwa mu tûmbêka Kolo

47 No mutêma gwane gwa lo gelelwa biiko kibalo kya Kabesha Mpûngû muandia wane,

48 ✝Kwa kûba wamulola kwa lûsa mwingili wage mwitûkêshe.

Nansho kûbambêla ano bantû bonse be kangita wa malyese,

49 Mone Kabesha Mpûngû wêno bûkome wanongela bintû bikata.

No sina lyage lilûmbûlûke;

50 No lûsa lwege kû bantû bakumutûdjûka lwa kûgêlêlêla mbialo no mbialo

Kûbalya bakumutûdjûka kabesha Mungû.

51 Walonga bintû bikata kwa kûboko kwage walibasangalêka

Beno munsimbwe mumaninga ga mitêma gyabo.

52 ✝Walibagwêsha babêkali kuima mu bikanwa byabo bya bûkolo,

mone walibasesha balya betûkêshe.

53 Beno ndjala walibekûtia bisoga,

mone bampeta walibasindûla minie samba.

54 Washa kumukwasha Isilaeli mwingili wage,

kûba edjûkane lûsa lwege.

55 ✝Nansilya biali balagêlêle ba Tata nkûlû betû, Bûlaimu

no lûbyalo lwege!"

4 Byonka nansho Yosefu noge ûselile mukibûndê kya Nasaleti mwalo gwa Galilaya, ûgêle mukibûndê kya Daudi kya kwêtwa Betelehemu mwalo gwa Daudi, no kwanansho ûbele walûbyalo lwa Daudi. 5 Ûgêle kûbalwa amo no musongwe wage Malia, kwana ûbele no limi. 6 Lua babele kûko kû Betelehemu, kyaba kyage kya kûbyala kigwanine, 7 ûbyalile mwanage wabûbelê, mwana mulûme. Umushikile kishandê kya bwanike, umulalikile mu kisakyê kya banghombe kibalo babulilwe antû mu nsese gya baika.

19 Mone Malia ûkwatêlêshe mianda gyonse gigyo mumutêma gwage.

34 Kûwa Simo wêbesele malyese, umulombwele Malia, nyage wa Yesû: "Mwana gûdjû wêkaba kibalo kya kûgwêsha no kûbyûla kwa bantû bangê mu Isilaeli. Noge wakaba byesha byakabengwa no bantû; 35 kibalo maninga ga bantû bangê gekaûtûlwa hûtû hûtû. No mugela gobe gwe mwine, misa gikakukinka nagwe lûpanga lwabûgê lwê kakukinka Mutêma gobe."

48 Babyali bage lwabamumwene begalagenie. Malia nyage umubulishe: "Mwanane, mwanda gwa kêê walitûlongela nansho? tata obe no nene twaba twakûkeba kwa kininga."

49 Yesû wêbabulishe: "Kibalo kyakê mwakûnkeba? Amwidjê kwana kimpyenene kûba mu nsese gya Tata wane?" 50 Mone babyali bage abasingûlwê nsintwe gya mianda gyalibalombwele.

51 Nfulo utukile nabo Nasaleti, ûbele walibakokela. Mone nyage ûbêkêlêshe mianda gigyo gyonse mumutêma gwage.

Musoo gwa sitê gwa Yesû

31 Kyaba kisile nyage wa Yesû no bamwanabo, bemene andje, batumine muntû ku mwita. 32 No bibûngo bya bantû bangê bibele bi mwalagale Yesû, ba mulombwele: "Lola, nyobe no bakwa nyobe beandje, ba kûkûkeba."

33 Yesû ûêndwêle: "Nani madjû wane? No bambyalwa nane bani?" 34 Wê balwele balya babele ba mwalagale, wêsambile: "Lola! Madjû wane no bambyalwa nane! 35 Muntû gegense wê kalonga kiswa mutêma kya Kabesha Mpûngû, gûdjo ûmwanetû, no nkasibyala gyane, no hû madjû wane."