Maria

Ba deŋ yel Yezu Dɔɣum yela

26 Ŋmaar siyoobi poŋi ka Na’ayen da tom U maleka Gebiriyɛl Nazarɛf teŋ, 27 U da tom u la pɔɣɔsa’ar so n nam pu mi buraaga sa’ani, Geusɛf so n a Devit yizugu nir la, n da maahimit yi u di u. Pɔɣɔsa’ara wo’or da a la Mɛɛri. 28 Maleka wa da tã u sa’ani na po’oh u ka yel u yii, <<Kamaalug a la i den! Daan la be ni i mi?>>

30 Ka maleka la yel u yii, <<Da bah ka dabɛɛm tar i ya, Mɛɛri, ka Na’ayen sũũr n nɔŋ i. 31 I nan ŋwɔ̃k poor dɔɣɔ buribig, ka sɛɣɛ ka wo’or Yezu. 32 U nan a nivokãt, ka nirib nan bɔɔn U Gaatbazã’ã Dawɔɔ, Daan Na’ayen la nan zaŋ Devit na’am la te u. 33 U nan so Gekɔb yir la yɛha, ka u so’olum kun tar ba’ahugo?>>

Mɛɛri Woompɛ̃ɣɛ̃ra

46 Ka Mɛɛri woom yii,

<<Mam sii pɛ̃ɣɛt Daan la,

47 mam sii nyɛɛmirin ni Na’ayen so N a fããt la,

48 se’el n so la, U nyɛ u ntomit la tarug ka zo u nimbɔ̃’ɔ̃g. Yelemɛŋir, nan nan na yɛha, nir woo nan bɔɔn mam kamaalug;

49 se’el n so la, Gaatbazã’ã Daan la toma yelekãt te m,

ka u wo’or bɔɔn Kassi.

50 U suguru be ni seba n nam u nɔɔr

yit zomaan kãã la wa nirib, ti paagit zomaan se’e n kenna la.

51 U pa’al paŋ ni U nkpãuŋ;

u sãɣam pa’alim mɛŋ dem ni ba sũya putẽ’ẽra.

52 U sigih paŋ dem teŋ ba na’am la niŋa,

ka zɛ̃k sirigum-mɛŋ dem saazugu;

53 u diih seba kom n dumit la ni yelesoma,

ka sa’ah seba n tar la ka ba keŋ nubɛɛlih.

54 U soŋ u ntomit Izirɛal,

tẽẽgit U suguru ni ba la,

55 dol ɔn da diŋ nɔɔr ni ba yaanam la,

tet Ebraham ni u buuri yɛ saŋa n ka ba’ahugo?>>

4 Geuzɛf da bah Nazarɛt n be Galili teŋ la, ka keŋ Devit teŋ Bɛtilehɛm n be Geudiya, se’el n so la Geuzɛf da a la Devit buuri. 5 Geuzɛf da dol la Mɛɛri, so ka u da diŋ nɔɔr yi u nan di ka u tar poor la, keŋ yi ba kããl ba. 6 Ba n da be niŋa se’em ma’a la, saŋa da paa ya yi u dɔɣɔ. 7 U da dɔɣɔ u sar-sar biburibig, zaŋ fuug vaarum u dɔ’ɔl zoŋi, se’el n so la, dozaalug da pu be zĩ’ĩ la ni ka ba nan kpɛ̃’ɛ̃.

19 Mɛɛri da zaŋ tɔɣum ma iŋa u sũũr ni ka tẽ’ẽhit bu yela.

34 Ka Simiyɔn da kamaal ba ka yel Mɛɛri, Ka ma la yii, <<Nirikooŋ Izirɛal poŋi luu ni ba dɔɔgir nan yi la bi-kãã la wa nina, ka la mi nan a dããlun se’eog ka nirib nan tɔɣɔ gɛ̃ɛ̃h U, 35 ka la nan bah ka nirib putẽ’ẽra ni ba sũya nɛɛ, ka so’o nan kuh i mɛŋ sũh?>>

48 U dɔɣɔrib la n da nyɛ U la, ba iŋa lɛɣibi, ka U ma' yel U yii, <<M Biigaa, Nan ka I iŋ ti yela? Behimaa, I Ba' ni mam ɛ I mi fɛ̃ɛ̃ fɛ̃ɛ̃ ka pu nyɛ I ya.>> 49 Ka Yezu bɔ’ɔh ba yii, <<Ya ɛɛrim yela bo? Yam pu mi yi N nar yi M be Mba yir laa?>> 50 Amaa, ba da pu bɔk Un yel ba se’el la. 51 Ka U da dol ba sigi Nazarɛf teŋ, ka nam ba. Amaa U ma' da zaŋ yel ãã la wa iŋa u sũhin.

Yezu yir dem Vɛ̃kki

31 Ka Yezu ma, ni U sɔ̃ɔ̃t tana; ba da zɛ la yeŋ ka tom so yi u bɔɔl U te ba. 32 Nirikooŋ n da zĩ kaa U, ka ba da yel U yii, <<I ma ni I sɔ̃ɔ̃t n zɛ’ yeŋ ka bɔ’ɔhit I yel.>> 33 Ka Yezu lebih ba yii, <<Ban n a Mam ma’ ni N sɔ̃ɔ̃re?>> 34 Ka Un da beh seba n da zĩ kaa U la U da yel yii, <<Yam seba n zĩ kaa Mam ma, n a Mam ma’ ni N sɔ̃ɔ̃t! 35 So woo n tom Na’ayen n bɔɔt se’em la, ɔŋ n a Mam sɔ̃ɔ̃g bee ma’.>>