Maria

यीसु को जनम को पूढा सांगनो

26 छँटवो महीना मा, परमेस्वर कन लक, एक कुँवारी को कन जिबराइल सरगदूत* नाव को, सरग दूत ला धाडिस। वा टूरी गलील छेतर को, नासरत नगर मा, रव्हन वालो होती। 27 ✝जोकि पक्की राजा दाऊद* को खानदान मा, यूसुफ नामको टूरा संग भई होती। ओ कुँवारी टूरी को नाव मरियम होती। 28 सरग दूत ना, ओको कठा जायके सांगिस, "नमस्कार* मरियम, पिरभु को किरपा तोरो पर भईसे।"

30 तबा सरगदूत ना कहीस, "मरियम तु भेव नोको कर, परमेस्वर को किरपा तोरो पर भईसे। 31 चोव! तु पोट लक होवजोस, अखीन तोरो लक एक टूरा जनम लेहे, तु ओको नाव यीसु* राखजो।✝ 32 उ महान होहे अखीन पिरभु को टूरा कहलाहे। परमेस्वर वोको आजा-पुरखा, दाऊद को सिघासन* वोला देहे। 33 अना उ तोरो पुरखा, याकूब को घराना मा, जुग-जुग लक राज करहे, अखीन वोको राज अमर* रहेत।"

यीसु मसीह को जलम

18 यीसु मसीह को जलम असो भयो। जबा वोकी माय मरियम की पक्की, युसुफ को संग भई। तबा उनको मिलन* को पूढा, वा पवीतर आतमा कन लक, पोट ले भई गई।

मरियम को गाना

46 एको पर मरियम असो गावन लगी,

"मोरी जीव (मन) पिरभु को गुन-गान करासे।" 47 मोरो जीव, आपरो मुक्ती देवन वालो,

परमेस्वर को खुसी मनावसे। 48 काहे का वोना आपरो सेविका को गरीबी* पर,

किरपा करीसेस। अब लक सब पीड़ी,

मोला धन्य कहेति। 49 काहे का, गजब सक्तिसाली परमेस्वर ना,

मोरो लाय मोठयो काम करीसेस,

पवीतर से वोको नाव। 50 वोको तरस वोको भविस्यवक्ता गीन पर,

पीढ़ी-पीढ़ी लक बनो रव्हसे। 51 परमेस्वर ना अपरो ताकत दिखाईसेस, वोना घमन्डी गीन ला,

छितराय देईसे। 52 वोना मोठो अधिकारी गिनला,

उनको सिघासन लक उतार दियो से।

अखीन, गरिब* ला, महान बनायो से।

53 वोना भुखो-लाघो गिनला, साजरो-साजरो जेवन देइसेस।

अखीन धनी गिनला,

रिकामो हात लौटा दियो से।

54 वोना अपरो दया, ला ध्यान देके ना, आपरो दास इसरायल ला

संभालयो से। 55 जसो कसम, हमरो बाप-दादा लक खायो होतो।

का अबराहम अखीन ओको सन्तान पर,

परमेस्वर को करुना सदा बनो रहेत।

4 मंघा यूसुफ अखीन मरियम, आपरो नाव लिखावन काजी गलील को नासरत नगर ले, यहुदिया मा दाऊद को नगर बैतलेहम मा गईन। 5 वहान दूई युसूफ अना मरियम जोनको पक्की भयी होती जायके आपरो नाव लिखवान गईन। 6 जब उ दोई वोच नगर मा होतीन, तब मरियम को जचकि को बेरा भई गयी।

चरवाहागिन ला सरगदूत को सन्देसा

7 उनको रुकन को लाय सराय मा, जघा नही होतो। यो काजी वय गाई-बईल को कोठा मा रुकिन। अखीन वोको पयलो टूरा वहांच भयो, अखीन वोला कपरा मा लपेट केना, गव्हान मा राखीस।

19 पर मरियम यो सब कव्हनो ला, आपरो मन मा सोचत होती।

34 सिमोन ना उनला, अखीन आसीस दियो। अना लेकरा को माय मरियम ला कहीस। "अवो यो लेकरा, एक असो निसान से, जोन को लोकईन विरोध करयेत, यो कारन लक इसरायल मा बहुत लोकगीन को पड़नो, अखीन जी उचलनो होयहेत। 35 अखीन एक तरवार, वोको हिरदय को आरपार, छेद देहेत। जेनको लक लोकगीन को, मन को बात टोन्ड मा आ जाहे।"

48 वोको माय-बाप भी वोला चोवके ना, अचंभा भई गइन। वोको माय ना वोला कहीस, "टूरा, तू ना आमरो संग मा असो काहे करीसेस? देख, तोरो बाप अखीन मी, चिन्ता मा होतीन, अखीन तोला ढुढ़त होतिन।"

49 तब यीसु ना कव्हयो, का "तुम्ही मोला काहे ढुन्ढ-ढान्ढ काहे करासो? तुम्ही नही जानसो, की मी पक्को, आपरो बाबूजी को घर मा रहू।" 50 पर यो गोस्टी, कोनी ला समझ नही आयो।

51 यीसु उनको संग येरूसलेम नगर लक आपरो घर नासरत नगर मा आयो। अखीन, उ आपरो माय-बाप को आधीन रहयो। वोको माय ना यो सब गोस्टी आपरो मन मा, सजोय के राखीस।

3 जबा पिवनो को लाई अंगूर को रस खत्म भय गयो। ता यीसु की माय ना कहीस, "अता उनको जवर ता अंगूर को रस नाहती।"

4 यीसु न कहीस। "अवो माय, अबा मोरो काजक काम से? अबा यो काम करनो की बेरा नहात।"

5 ओकी माय नौकर गीनला कव्हासे, "उ जोन काही करन ला सांगेत वोच करने।"

25 अता सिपाही ना असो ही करीन यीसु को कूरूस जवर ओकी माय, अना ओकी माया की बहिन, कलोपास की बायको* मरियम, अना मरियम मगदलीनी उभी होती। 26 जबा यीसु ना आपरी माय अना ओनो चेला ला जेनला उ माया राखत होतो। जवर उभो देखिस ता आपरी माय लक कहीस "हे बाया* देख यो तोरो टूरा से।"

27 तबा ओना चेला लक कहीस, "यो तोरो माय से।" अना वोच बेरा लक उ चेला ओला आपरो घर ले गईन।

यीसु की माय अना भाउ

31 यीसु की माय अना ओको भाऊ आइन, अना बाहेर उभा भयके ओला हाकलन धाड़ीन। 32 अना भीड़ ओको आजुबाजु बसी होतीन, अखीन ओन्हीसीन ओला कहीन "चोवो, तोरी माय अना तोरो भाऊ बहिन बाहेर तोला ढुढासेत।"

33 ओना जवाब साँगीस का "कोन मोरो माय अना भाऊ सेत" 34 ओना नजर इता-उता घुमायके कव्हयो "दिसो, यो आय मोरो माय अना भाऊ। 35 काहेकि जोन कोनी परमेस्वर को मरजी पर चलासे, वोच मोरो भाऊ अना बहिन अना माय आय।"

55 का उ बढ़ई को टूरा नाहाय? का एको माय को नाव मरियम नाहती? याकूब, यूसुफ, सिमोन अखीन यहूदा एकोच भाऊ बहीन आमरो बीच मा नाहत? 56 अना का एकी सप्पा बहिन, हमरो बीच मा नही रहीसेत"

14 इनको संग मा काही आई-माई, अखीन यीसु की माय मरियम अना वोका भाऊ गिन भी होतिन। यो सब आपरो आपला एक संग पिराथना मा लगायो राखत होतिन।