27 ሀዋዳን ጾሳይ አሳ ባረ ሌምሱዋን መዳ፤ እ አሳ ጾሳ ሌምሱዋን መዳ፤ እ ኡንቱንታ አቱማ አሳነ ማጫ አሳ ኦደ መዳ።✝✝

18 ሄዋፐ ጉየ መና ጎዳይ ጾሳይ፥ "ብታኒ ባረካ ደእያዌ ሎአ ግደና፤ ታን አዉ እንጀትያኖነ አ ማድያኖ መና" ያጌዳ።

24 ሄዋ ድራዉ አሳይ ባረ አዉዋነ ባረ አቶ አጊደ፥ ባረ ማቻትና እትፐ ደአና፤ ኡንቱንቱ ላኡ እት አሾ ግዳናዋንታ።✝

4 የሱስ ዛሪደ፥ ሀዋዳን ያጌዳ፤ "ጾሳይ ኮይሮ ኡንቱንታ መደ፥ አቱማዋነ ማጫዉኖ ኦዳ።✝ 5 ሄዋ ድራዉ፥ ‘እት አሳይ ባረ አባነ ባረ ዳዮ አጊደ፥ ባረ ማቻትና እትፐ ደኤ፤ ኡንቱንቱ ላኡ እት አሳ ግዲኖ’ ያግያ ቃላ ናባብበይክቴ?✝ 6 ሄዋ ድራዉ፥ ኡንቱንቱ እት አሳ ግድያዋፐ አትን፥ ላኡ አሳ ግድክኖ፤ ሄዋ ድራዉ፥ ጾሳይ እትፐ ደአናዳን ጋዋ አሳይ ሻኮፖ" ያጌዳ።

15 መና ጎዳይ ህንተዉነ ህንተ ማቻትዉካ ማቻትዉካ እት ቦላይነ እት አያናይ ደአናዳን ኦቤኔየ? ሄዋ አያዉ ኦዴ? ጌሻ ዘረይ ደአናዳና ግደኔ? ሄዋ ድራዉ፥ ህንተፐ ኦንነ ባረ ያላጋተን አኬዳ ማቻትና ጫቀቴዳ ጫቆ አማነተናዋ ግደናዳን ናገቶ።

25 አስናቶ፥ ክርስቶስ ዎሳ ጎልያ ሲቂደ፥ ባረ ሁጲያ እዝዉ እሜዳዋዳን፥ ህንተካ ህንተ ማቻቱዋ ሲቅተ። 26 እ ዎሳ ጎልያ ባረ ቃላንነ ሃን ሜጭ ጌሺደ፥ ጾሳዉ ዱማያናዉ ሀዋ ኦዳ። 27 ክርስቶስ ዎሳ ጎልያ ቅታይ ዎይ ዴሙዋ ጭስያዌ ዎይ ሄዋ ማላትያዌ ባይናን፥ አ ኩመን ቦንቹዋና ጌሻነ ቦረተናዋ ኦደ፥ ባረ ሁጰዉ ሺሻናዉ ኮዬዳ። 28 ስም ቃይ አስናይ ባረ ማቻቶ ባረ ቦላዳን ሲቃናዉ በሴ፤ ባረ ማቻቶ ሲቅያዌ ባረና ሲቄ። 29 አያዉ ጎፐ፥ ባረ ቦላ እጽያ አሳይ ሙለካ ባዋ፤ ሽን ክርስቶስ ዎሳ ጎልያ ሙዝያዋዳንነ ናግያዋዳን ኦንነ ባረ ቦላ ሙዜነ ናጌ።

22 ማቼቶ፥ ጎዳዉ ሞደትያዋዳን፥ ህንተ አስናዉ ሞደትተ። 23 አያዉ ጎፐ፥ ክርስቶስ ዎሳ ጎለዉ ሁጰ ግድያዋዳን፥ አስናይካ ባረ ማቻትዉ ሁጰ፤ ቃይ ክርስቶስ ባረ ሁጲያን፥ ባረ ቦላ ግድያ ዎሳ ጎልያ አሽያዋ። 24 ሽን ዎሳ ጎሊ ክርስቶሳዉ ሞደትያዋዳን፥ ማቼቱ ቃይ ባረንቱ አስናዉ ኡባባን ሞደታናዉ በሴ።

33 ግዶፐካ፥ ቃይ አስናይ ሁጲያን ሁጲያን ማችያ ባረ ሁጲያዳን ሲቃናዉ በሴ፤ ማቻታካ ባረ አስና ቦንቻናዉ በሴ።

18 ማቼቶ፥ አማንያ አሳዉ በስያዋዳን፥ ህንተንቱ አስናዉ ሞደትተ።✝

19 አቱማ አሳቶ፥ ህንተንቱ ማጫ አሳ ሲቅተ፤ ኡንቱንቱና ዎፑ ጊደ ደእተ።✝

1,2 ሄዋዳንካ ማቼቶ፥ ህንተ አስናቱዋፐ ጾሳ ቃላዉ አዛዘተና እቱ እቱ ደኦፐካ፥ ህንተ ፓሉመተናን፥ ኡንቱንቱ ህንተ ያሻተነ ህንተ ጌሻ ደኡዋ በኢደ ጾነታና ማላ፥ ኡንቱንቶ ሞደትተ።

7 ሄዋዳን አስናቶ፥ ህንተ ማጫ አሳቱዋና አኬካን እትፐ ደእተ። ኡንቱንቶ ዳቡራንቻ አሳተይ ደእያ ድራዉ፥ ኡንቱንታ ቦንችተ፤ ህንተ ዎሳይ በተና ማላ፥ ጾሳይ እሜዳ ደኡዋ አ ኬካተ ኡንቱንቱ ህንተናና እትፐ ላትኖ።

9 እቱዋ ግድያዋፐ ላአ ግድያዌ ሎአ፤ አያዉ ጎፐ፥ ኡንቱንቱ ኦሱ እቱዋዋፐ አደ፥ ሎኦ አይፍያ እማናዉ ዳንዳዬ። 10 ቃይ፥ ላኡዋፐ እቱ ኩንዶፐ እቱ ደን፤ ሽን ባረካ ደእያ ኡራይ ኩንዶፐነ አ ደንያዌ ባይና ድራዉ፥ አዉ አየ አና! 11 ሜጎ ዎድያን ላኡ እትፐ ግሶፐ ሆኤ፤ ሽን ባረካ ግስያ ኡራ ሀቃፐ ሆአናዉ ዳንዳዪ? 12 እት አሳይ ባረካ ተአናዉ ዳንዳየና መቱዋ ላኡ አሳቱ እትፐ ኤቀቲደ፥ ተአናዉ ዳንዳዪኖ። ሄዙ ኩን ዶቀቴዳ ዎዶሩካ ኤለ ዱጸና።

10 ዎዛናማ ማቻቶ ኦን ደማናዉ ዳንዳዪ? እንቁዋ ግያ አልኦ ሹቻፐካ እዛ አልአዉ። 11 እ አስናይ እዞ ኡባባንካ አማኔ፤ አዉ ደአናዉ በስያዋፐ አያይነ ፓጨና።

22 ማቻቶ ደሜዳ አሳይ ሎኦባ ደሜዳ፤ ሄ ኡራይ መና ጎዳንካ ናሸቴ።

14 እት አሳይ ጎልያነ ማጹዋ ባረ አዉዋፐ ላታናዉ ዳንዳዬ፤ ሽን አኬካንቻ ማቻቶ መና ጎዳይ እሜ።

4 ዎዛናማ ምሽራታ ባረ አስናዉ ካላቻ ማላ፤ ሽን ባረ አስና ካዉሽያ ምሽራታ አ መቀ ምያ አጃጅያ ማላ።

18 ሄዋ ድራዉ ነ ማቻትና ናሸታ፤ ያላጋተን ኔን አኬዳ ነ ማቻትፐ ናሸቻ ኮያ። 19 ሎእያ ጋራትዳንነ ናሸችያ ገንአቲዳን፥ እ ንይ ኡባ ዎደካ ኔና አሎ፤ ኡባ ዎደ እ ሲቁ ኔና ኦሞዶ።

1 ህንተንቱ ታዉ ጻፌዳ የዎ አቱማ አሳይ ማጫዉኖ ቦቼነንቶ ሎአ። 2 ሽን ዎሹማ ጋሱዋ ድራዉ፥ አቱማ አሳዉ ሁጲያን ሁጲያን ማቻታ ደኡ። ቃይ ማጫ አሳዉካ ሁጲያን ሁጲያን አስናይ ደኦ።

3 አስናይ ባረ ማቻትዉ አስናተን በስያባ ኦ፤ ቃይ ሄዋዳን፥ ማቻታካ ባረ አስናዉ ማቼተን በስያባ ኦ። 4 ማቻታ ባረ አሳተዉ ጎዳ ግዱኩ፤ ሽን እዝ አስናይ ጎዳ። ሀዋዳንካ፥ ቃይ አስናይ ባረ አሳተዉ ጎዳ ግደና፤ ሽን አ ማቻታ ጎዳ። 5 ህንተንቱ ህንተ ግዶን ጾሳ ዎሳን ገንጫናዉ ሄ ዎድያዉ ዞረታን ድገታናፐ አትን፥ እቱ እቱዋ ድጎፕተ። ህንተንቱ ህንተንታ ናገና ድራዉ፥ ሴጻናይ ህንተንታ ፓጨናዳን፥ እትፐ ደእተ።

10,11 ማቻታ ባረ አስናፐ ሻከቱፑ። ሽን ሻከቶፐነ ገለናን ደኡ፤ ዎይ ባረ አስናና ስገቱ። አስናይካ ባረ ማቻቶ የዶፖ ያጋደ፥ አኬዳዋንታነ ገሌዳዋንታ አዛዛይ። ሽን ሀዋ አዛዝያዌ ጎዳፐ አትን፥ ታና ግድከ።

15 ሽን አማነናዌ ሻከታና ኮዮፐ ሻከቶ። አማንያ ማቻቶ ግድና፥ ዎይ አስና ግድና፥ ሀዋ ማላ የዉዋን ቃሸትክኖ። አያዉ ጎፐ፥ ጾሳይ ኑና ሳሮተን ደአናዉ ጼሴዳ። 16 አማንያ ማቻቴ፥ ኔን ነ አስና አሻንንቶነ ኦ ኤር? ዎይ አማንያ አስናዉ ኔን ነ ማቻቶ አሻንንቶነ ኦ ኤር?

2 አያዉ ጎፐ፥ አስና ገሌዳ ምሽራታ እዝ አስናይ ፓጻ ደኤዳ ኬናን፥ ህግያን አናና ቃሸታ ኡታዱ፤ ሽን እዝ አስናይ ሀይቆፐ፥ አናና ጫቄዳ ህጊ እዞ ሞደና።

5 "ኦራ ማቼ አኬዳ አሳይ ኦላዉ ቦፖ፤ ሀራ ዴጾ ኦሱዋካ አዉ እሞፕተ። እት ላይይ አና ጋካናዉ፥ ሀቃነ ቤናን ባረ አኬዳ ማቻቶ ናሸቾ።