Marido e mulher
O casamento é aliança sagrada entre marido e mulher, instituída por Deus desde o Éden. A Bíblia define papéis complementares fundados em amor, respeito e fidelidade mútua.
Instituição divina
Deus criou homem e mulher e os uniu em uma só carne. O casamento é projeto divino que reflete o amor de Cristo pela Igreja.
Hagi Anumzamo’ma vahe’ma tro hu’neana, Agra’agna tro hu’ne. Vene a’ene tro huzanante’ne.
Anumzamo a' trohu’nea naneke
Hagi anante Ra Anumzamo’a anage hu’ne, Vemo’ma agrake maniazamo’a knare osianki’na, azahu vahera tro hanugeno knare hu’ne tragote’ne manigaha’e.
E’i ana agafare vemo’a nererane, nefanena atreno, a’ane hagerafino eri mago huke nemani’e.
Jisasi’a ke nona huno, Tamagra hampritma onke’nazo, ese agafare’ma Anumzamo’ma vene, a’enema tro huneznanteno, amanage hu’ne, ama kegafare vemo’a nerera afana atreno, nenaro’ene hagerfigeno, ana tarega’moke eri mago hune, magoke zanavufa manigaha’e. (Jen-Agf 2:24) Hanige’ne, mago’ane tare vahe omanigaha’e. Hagi magoke znavufa manigaha’e. E’ina hu’negu na’ano Anumzamo’ma eri hagerfima ante’nesia zana, mago ne’mo’a ovakanegahie.
Anumzamo’a tanagrira vene a’enena trohu tanantegeta, arave huta magoke tanavufga huta mani’na’e. Amega tanavufgare’ene avamupine tanagra Agri su’a mani’na’e. Hagi Agra naza tanagripintira eri’za nehie? Tanagripinti’ma fore’ma hanaza mofavreramimo’ma Agri’ma koroma hunte’za agoraga’ama mani zanku ave’nesie. E’igu kagu’a kegava hunenka nehazavema mani’nenka eri’nana aka’are mani fatgo huo.
Papéis no casamento
O marido ama e a mulher respeita. Ambos se submetem voluntariamente a Deus e um ao outro, em parceria e unidade.
Vene’nemotma, a’ne tmia tamagu’areti zmavesi zamanteho, Kraisi’ma mono kevu’agu agu’areti avesi zamanteno zamahoke heno ana a’ku (sios) fri’nea kna hiho. Ana nehuno Agra’a mono naga’mofona zamazeri ruotge huzmanteno tinuti sese hiankna huno ke’anu sese huzmante’ne. Anama hu’neana zamavareno Agrarega zamantesige’za, ana mono kevumo’za masazampima pehena omneno, kasmu' oneno, avufa ohakne: otage hu’za fatgo zampi hazenke omnenke’za manisnazegu ana hu’ne. Hagi anazanke hu’za vene’nemo’za a’ne zamia, zamagra zamufagu zamavema nesia kna hu’za zmavesi zamanteho. Aza’o nenaronku avesima nentemo’a, agra’agu avesinente. Na’ankure maka vahe’mo’za zamagra zamufagura zamagora note, hianagi zamagra zamufagu avesinte’za ne’za nemi’za, kegava hazankna huno Kraisi’a mono' kevu’are kegava nehie.
A’nemotma, Ramofo agorga nemaniza kna huta tamavenanehe’i agorga maniho. Na’ankure vemo’a, a’mofona aseni’a mani’ne. Kraisi’a anahu kna huno mono kevumofo aseni’a mani’ne. Agra ana mono kevu mofo avufa’a mani’neno aza huno avare’ne. Hianagi mono kevumo’za Kraisi kvafi nemanizankna hu’za, a’nemo’za nezmave kvafi maka’zana anazanke hu’za hugahaze.
Anahuga hianagi, amu’nontamifina mago mago’mo’a nenaronkura avesi nenteno agra avufagu agesa nentahiankna nehnigeno, nenaro’a anazanke huno nevena antahi nemino ke’a erizafa hugahie.
Mono nagamofo naneke
Hagi a’nemotma neramave agorga’a anteramitma maniho, e’inama hanazana Ramofo avurera knare hu’ne. Venenemota a’netamimofona zamavesinezamanteta, tamarimpa haviza huozmanteho.
Aravemofo naneke
Hagi anahukna kante, a’nemotma neramave agorga nemaninke’za, mago’a Anumzamofo kema amagema nontesaza neramave’za nege’za, mago kea osugahazanagi, knare tamavutamavaza nege’za zamagu’a rukrahe hugahaze. Na’ankure tamagra a’nemotma fatgo hutma vetamimofo agorga’a mani’nazagu anara hugahaze.
Hanki vene’nemota knare antahintahi avariritma, a’ne tamimo’zanena so’e hutma maniho. A’nemo’za hanave oti’nagu, knare tamavutmava huzmanteho. Tamagrama antahi’nazana a’nemo’za zamagranena zmasimu erigahaze. E’inahu hutma avaririsageno’a, magozamo’a nunamuma hanaza nunamuntamia rehizara osutfa hugahie.
Fidelidade e união
O casamento é honroso e deve ser preservado com fidelidade. O cordão de três dobras não se rompe facilmente.
Tare vahe’mokema eri’zama eri’zamo magoke vahe’mo’ma eri’zama eri’zana agatere’ne. Na’ankure taremokea oza aza huke eri’zana erigaha’ankino, knare hugaha’e. Hagi mago’mo’ma traka’ma hanigeno’a, magomo’a azeri otigahie. Hianagi trakama hanigenoma azahu vahe’ma omani’nimofona kasunku hunto. Anahu kna huno, taremokema magopima masena’ana amuho huke masegaha’e. Hianagi magokemo’ma agraku’ma masesiana inankna huno amuhoa hugahie? Magoke vahera ahe’za azeri haviza hugahazanagi, tare vahe’mokea hara huke ohevari ahevri (oza aza) hugaha’e. Hagi 3'a nofima magokepima erinteno zagi’nenia nofira ame hunora eri akamprura osugahie.
Knare antahi’zane a’nemofo naneke
Izaga knare avu’ava ene ara erigahane? Na’ankure e’inahukna a’mo’a, zago’amo marerisa havea agatere’ne. Neve’a ana a’mofonkura maka’zana hugahie huno antahinemiankino, mago zankura atupara osugahie.
Iza’o a’ma hakreno erinesimo’a, knare’za hakreno eri’neankino, Ra Anumzamo’a avesinente.
Negrera negafampinti none fenozanena erisanti haregahane. Hianagi Ra Anumzamoke, ama' antahi’zane a’ra kamigahie.
Hentofa avu’ava’ene a’mo’a, nevena knare agi nemie. Hianagi knare avu’ava osania a’mo’a, nevena zaferinafi namureno kasriankna hugahie.
Kasefa’ma mani’nenka e’rinana a’ka’ane muse hunka mani’negeno, Anumzamo’a asomu hugantegahie. A’ka’amo’a dia a' afu’mo’ma hiankna huno avesi avesi huno knare zantfa huneganteanki, amima’amo’a maka kna kavesizana kazeri knare nehina, kagri’ma kavesi kantenia zamo’a kazeri agrarega atre’na agri avesi’zampi manigahane.
Permanecer juntos
O que Deus uniu, o homem não separe. A Bíblia protege o casamento e orienta sobre convivência, perdão e perseverança conjugal.
Arave hu’zamofo naneke
Hagi mago ne’mo’ma a’ma e’orisiana knare hugahio hutma avompima kre’naza zanku, menina kenona nehue. Na’ankure monko avu’ava’za hu’zanku, mago mago vemo’a agra’a, a' antenkeno, mago mago a’nemo’a agra’a ve antegahie. Vemo’a agra’a a’ene masenkeno, a’mo’a anazanke huno ve’ane masegahie. A’mo’a agra’a avufgamofo kva omani’neanagi vemo kva hu’ne. Ana hukna huno vemo’a agra’a avufga kva osu’neanki, a’amo kva hu’ne. Tanavufa eri mago huzankura i’o osi’o. Hianagi mago tanarimpa hutna mago’a kna amne mani’neta, nunamu hanu’e hanuta’a, amne anara hugaha’e. Hianagi anama hutesutna ete ko eme tragoteta mani’o. E’i ana hutna tanavufamofo avesizana kegava nehnakeno, Sata’ma reranaheno ke’niana, evu oramigaha’e.
Hagi ko’ma arave hu’naza vahe’motarega kasege huneramantoe, nagri kasegeompage Ra Anumzamofo kasege. A’mo’a ve’a otreno. (Hu’neanagi anama hanuno’a, atrenkeno ve e’ori amne manino, huge zanarimpa eri mago huke, ete neve’ene, eri hagerafikeno), vemo’a a’amofona otregahie.
Hu’neanagi amentinti nosanimo ve atre, a' atre hukuma haniana, zamaze’ori zmatrenke’za ana hiho, amama mani’naza nomani’zampina nerafuno, neresarono mago’zamo’a kina reozmanteno. Hianagi tarimpa frune manisunegu, Ra Anumzamo’a tagi hu’ne. Hu’negu inankna hunka a’moka, vekamofo avu’ava’zana antahigahane? Hifi inankna hunka vemoka, akamofo avu’ava’zana antahigahane?
Hu’neanagi avame kema hunte’na hanuana, mago a’mo’ma vema erisigeno’a, ana a’mofona kasegemo kina rentesigeno, neve’ma asimu’ma erinoma mani’nesigeno’a neve’ene manigahie. Hianagi neve’ma frisigeno’a, ana kasegemofo kinafina omanigahie.
Hagi menima zahufama a’ma eri’nesia nera, sondia manige, kamani eri’za kva omiho. Hanki atrenkeno menima eri’nea a’enena musena huno mago kafu kuma’are manino.