Marido e mulher
O casamento é aliança sagrada entre marido e mulher, instituída por Deus desde o Éden. A Bíblia define papéis complementares fundados em amor, respeito e fidelidade mútua.
Instituição divina
Deus criou homem e mulher e os uniu em uma só carne. O casamento é projeto divino que reflete o amor de Cristo pela Igreja.
Ndin Abasi amaabot awo ke mbid idem amọ,
ke mbid Abasi anye amaabot ammọ;
anye amaabot ammọ, awodeen ye awonwaan.
Akema Abọọñ Abasi amaabo ate, "Ifọnnọ awodeen adiba ikpọọñ. Ami ñyaabot awo unwam a-adotto ye anye."
Ntak ado anam awodeen akpọñ ete ye eka amọ akediana ye anwaan amọ, ndin ammọ ekappa edo abʌk keed.
Anye amaabọọrọ ate, "Ndufo ikikoodo ke tọọñọ ke aditọọñọ Andibod ‘akebot ammọ awodeen ye awonwaan,’ anyʌñ abo ate, ‘Ke ntak ami, awodeen ayaakpọñ ete ye eka amọ anyʌñ akediana ye anwaan amọ, ndin ammọ awo iba eyaekappa edo abʌk keed’? Ndin ammọ idooho awo iba aba, ado edido abʌk keed. Ke ntoro, se Abasi amaakedian, yak awo ndomokeed akuudiañña."
Nte idooho Abasi keed akibot ndufo? Abasi inie ndufo ke abʌkidem ye ke sịbidịd. Ndin nsoo ke Abasi keed ami ayem? Enọ asañake ye mbaak Abasi. Ke ntoro kpeme idem, kuunyʌñ utre adinam akpanikọ nnọọ anwaan uyịn mfo.
Papéis no casamento
O marido ama e a mulher respeita. Ambos se submetem voluntariamente a Deus e um ao outro, em parceria e unidade.
Mme ebe, ima ibaan ndufo, kpa naña Krais akema ufọkabasi anyʌñ asaana idem amọ ayaak anọ anye, nọ anam anye ado adisana, asịññe anye mbad ke adiyet ke mmọọñ ato ke ikọ, nọ anyʌñ aben anye ayaak anọ idem amọ nte ufọkabasi a-ayammake ke ubọọñ, inieghe mbad me ñkịd, ibiomoke ndo ndomokeed, ndin ado adisana, anyʌñ anana ndo. Ke ukem usʌñ ami, ana mme ebe ema ibaan ammọ. Awo a-amaaha anwaan amọ ama idem amọ. Ke adinekke nse, kpaanam awo ndomokeed isuaha idem amọ, ado anọ anye ndidia anyʌñ akama anye afọn, kpa naña Krais ama ufọkabasi.
Ibaan ndọ isuuho idem inọ mme ebe ndufo, nte esuuhọ enọ Abọọñ. Sia ebe ado iwuod anọ anwaan nte Krais adooho iwuod anọ ufọkabasi, a-adooho idem amọ, a-anye anyʌññọ ado Andinyaaña. Ndin, naña ufọkabasi asuuhọ iwuod anọ Krais, akpena ibaan esuuk iwuod enọ mme ebe ammọ ke afịd ñkpọ.
Kpayeado, awo keedekeed ana ama anwaan amọ naña anye ama idem amọ, ndin ana anwaan akpono ebe amọ.
Ikọitem A-anieghe Ubon Krais
Ibaan ndọ, isuuk iwuod inọ mme ebe ndufo naña adot ke Abọọñ.
Mme ebe, ima ibaan ndufo ikiinyʌñ isọñ ido ye ammọ.
Item Ndọ
Ke ukem usʌñ ado, ana ibaan ndọ esuuk iwuod enọ mme ebe ammọ nọ ato do akpedo a-aba awo ndomokeed ke atu ammọ i-imiinịmme ikọ Abasi ke akpanikọ, ammọ ekeme adiikappa esịd, itooho ke ukwọrọikọ, ado ato ke eduuwem ibaan ammọ; ke a-ammọ emaekịt naña ibaan ammọ enie adisana ido ye ukpono ke uwem ammọ.
Kpasʌk ntoro, mme ebe idu uwem ye ibaan ndufo ke usʌñ a-afọnnọ, inyʌñ inọ ammọ ukpono nte mbon ememme ikan ndufo, sia ammọ ikeene ndufo ewuana ke enọ mfọn uwem, mbaak ñkpọ ndomokeed adibiọọñọ akam ndufo.
Fidelidade e união
O casamento é honroso e deve ser preservado com fidelidade. O cordão de três dobras não se rompe facilmente.
Awo iba e-efọn ekan awo keed,
sia ammọ enie eti udod eto utom ammọ:
Adieke keed ke atu ammọ aduọhọ,
keed akeme adinwam anye ako nọ adakka ada.
Ado mbọm awo a-aduọhọ
ndin inieghe awo se inwam anye nọ adakka ada.
Ñko, adieke awo iba enaaha itie keed, ammọ eyaekop ufiob.
Ado awo keed akeme die adikop ufiob ikpọọñ?
Akpesʌkado ekeme edikan awo keed ke anwan,
awo iba ekeme edida ñnwana ñnyaaña idem ammọ.
Udʌk a-awañake ita ikemeke adisọp ñkịppe.
Anie akan akịt anwaan a-anieghe eti edu?
Ekọmudua amọ asọñ akan mme rubi.
Ebe amọ anie ayọhọ mbuọdidem ke idem amọ
inyʌññọ inana eti ñkpọ ndomokeed.
Awo a-akịtte anwaan a-akịt eti ñkpọ
anyʌñ abọ mfọn ato Abọọñ.
Mme ufọk ye inie edo udeeme se awo anie ato ete ye eka,
ado adiọọñọidem anwaan ato Abọọñ.
Anwaan eti edu ado anyanya ebe amọ,
ado idiọọk anwaan esuenne atie nte ñkpọ a-akwaattakwaat akpọ amọ.
Yak ediọñ ñkpọdiọhọ mmọọñ mfo,
ñko afo ayaakop inem ke anwaan uyịn mfo.
Edima akoyo, uyaiya edob,
yak eba amọ uyʌkkọ fiin afịd ini,
yak ima amọ unaam fiin nte ukọd.
Permanecer juntos
O que Deus uniu, o homem não separe. A Bíblia protege o casamento e orienta sobre convivência, perdão e perseverança conjugal.
Ke Abaña Ndọ
Ke abaña se ndufo ekewet ebịp: "A-afọn awodeen aditre inie ewuana ye awonwaan." Ado sia use ye efịbe ekponno eti-eti, yak awodeen keedekeed anie ewuana ye anwaan amọ, awonwaan anyʌñ anie ewuana ye ebe amọ. Ebe ana anam ubiọñutom ndọ anọ anwaan amọ, anwaan ñko ana anam kpasʌk ntoro. Anwaan inieghe adudu ibaña idem amọ, ado ana ayaak idem amọ anọ ebe amọ. Kpa ke ukem usʌñ ado, ebe inieghe adudu ibaña idem amọ, ado ana ayaak idem amọ anọ anwaan amọ. Ikiinyịm emọ-emọ idem ndufo, ibọhọke ado ke unyịmme ndufo, ñko ke etək-etək ini, nọ ndufo ekan eyaak idem ndufo ayọhọ-ayọhọ esịn ke ubọñ akam. Imaikweñe imaana iba keed mbaak Setan adidomo ndufo idomo ato ke unana mfadidem.
Mmenọ mbon e-edọọhọ ndọ ewʌhọ ami (idooho ami, ado Abọọñ): Anwaan inaaha adiañña akpọñ ebe amọ. Anye akpediañña ndọ, inaaha anye adọ ndọ aba, me idooho ntoro yak anye anam emem ye ebe amọ. Ebe ñko inaaha asio anwaan amọ ndọ.
Ado adieke anye i-imiinịmme ke akpanikọ awuọhọ ndọ, yak anye anyọñ. Akpetịppe ntoro, mbed ibọppọ nditọeka ke Krais e-enịmme ke akpanikọ sia Abasi abo yak ñnyịn idʌñ ke emem. Afo anwaan, anam die adiọọñọ me afo uduunyaaña ebe mfo? Ñko, afo ebe, anam die adiọọñọ me afo uduunyaaña anwaan mfo?
Nte uwọdñkpọ, ke mbed, awonwaan ufọk ndọ adiana ye ebe amọ adaña nte ebe amọ abaaha ke uwem, ado ebe akpekpa, e-etat awonwaan ado esio ke mbed ndọ.
Awodeen akpedọ anwaan ufa-ufa, inaaha enọ anye aka ekọñ me edọñ anye utom mfen. Ana esaana anye eyaak nọ anye atie ke ufọk ke isua keed anyʌñ anọ anwaan a-anye adọọhọ inemesịd.