Marido e mulher
O casamento é aliança sagrada entre marido e mulher, instituída por Deus desde o Éden. A Bíblia define papéis complementares fundados em amor, respeito e fidelidade mútua.
Instituição divina
Deus criou homem e mulher e os uniu em uma só carne. O casamento é projeto divino que reflete o amor de Cristo pela Igreja.
Tuhcite Pachia nynh, ccungccaw kha
amaw muinsan alo lante a rae,
minmin kha Pachia muinsan alo lante a rae hae;
aning nynh pise te nopi kha a rae hae.
Oute Bawipaw Pachia nynh, "Ccungccapaw hynh amaw makhaete um lan hoy khyh; amaw hanlan angaekuhpaw bawmtu lu kheit ka raepah cih," a ci.
Tukeiccuze pisepaw nynh a nung te a paaw kha cciataw zah a zu te a umkheih hae, te minmin tuh pyn pynkheit lang a tang hae.
Te Jesu nynh, "Atakaw lyaze raetu nynh ‘pise te nopi kha a rae hae, hynh-e keiccuze pise nynh a paaw te a nung kha a cciataw cih zah a zu te a umkheih cih hae, minmin lu ning tuh pyn pynkheit lang a tang cih hae,’ acikuhpaw kha na ria boi khyh oh tou? Tukeiccuze minmin tuh lu ning thua vae khyh hae, pyn pynkheit nynh athua vae hae. Tukeiccuze Pachia nynh a suelua vae paw kha humhung nynh mah phia nan sah," a ci.
Ccangkheit kyalyapaw Pachia nynh amaw kha rae khyh tou? A pynsaw te a muisaw tuh namaw kya-e nynh thua. Ccangkheit kyalyapaw Pachia nynh pawmou a ry? Pachia rawrihpaw ciihan kha nynh a ry. Tukeiccuze naemaw te naemaw tuakuh oh lah, humhung nynh mah a ccangvae lya-e a zu tungvaw lungzi leite um nan sah.
Papéis no casamento
O marido ama e a mulher respeita. Ambos se submetem voluntariamente a Deus e um ao outro, em parceria e unidade.
Vawpaw hae, Khri nynh khriccaawbuu kha sungsah zah khriccaawbuu hanlan a pyaku hawte, nae zu hae kha sungsah oh. Khri nynh tuhte a cyipaw tuh, khriccaawbuu kha Pachia bya athuapaw tui te singpyanaw liate a thyaa ccaw cite ccikan khylan, te akalouhkuhpaw khyhze akhinkuhpaw, tuhkhyhze khahcihawpaw ccangkhakheit sanmah um leite, khriccaawbuu kha amaw kalan phu-enaw te thuakhae khylan, te khriccaawbuu tuh athyaa nawlan te ccaenaw um khyh nawlan nynh thua. Tukeiccuze vawpaw hae nynh mimaw mih pyn a sungsah hae hawte mih zu hae kha a sungsah hae aho. A zu a sungsahpaw tuh amaw a sungsakuhpaw nynh thua. Pawccecize amaw a pyn a huapaw hum sanmah um khyh, Khri nynh khriccaawbuu kha do-oih zah a kua hawte, amaw pyn kha do-oih zah a kua,
Zu hae, Bawipaw rynaw na zui oh hawte, nae vawpaw hae rynaw kha zui oh. Pawccecize Khri tuh khriccaawbuu lu athua hawte, vawpaw tuh zu lu nynh thua; Khri tuh amaw pyn athuapaw khriccaawbuu Khumtu nynh athua. Tukeiccuze khriccaawbuu nynh Khri rynaw a zui hawte zu hae nynh mah pawpaw balyn kya mih vawpaw hae rynaw kha zui hae sah.
Tuhzemah nanning lu raveih nynh naemaw na sungsaku oh hawte nae zu hae kha sungsah oh, te zu nynh a vawpaw kha saw a tua cih.
Innbyn hanlan Phung hae
Zu hae, Bawipaw kya angaekuhpaw athua hawte nae vawpaw hae kaw kha ngae oh. Vawpaw hae, nae zu hae kha sungsah oh lah, minmin kya reisakuh nan oh.
Zu hae te Vawpaw hae
Tuhawte, zu hae nanning, nae vawpaw hae kalan pyakuh oh. Ou tuhte vawpaw lukhakheit nynh Pachia bya kha a ngae khyh zemah, bya hopya liate thua leite zu hae ozia liate thuasah, nae kya-e sawtuanaw te athyaapaw nae ozia kha a muihnaw hae liate thuasah minmin kha bua mue nawlan nynh thua.
Tuhawte vawpaw hae nanning, zu hae tuh a thawzya huapaw nopi nynh athua hae cipaw kha nyh oh; hiinnaw te asekuhpaw thawccinaw rho a ccoubua hae paw athua hae hawte sawtuanaw pya oh lah, thaekuthyanaw te umkheih oh; tuh-e tuh nae sawsangnaw akhawpaw a um khyh nawlan nynh thua.
Fidelidade e união
O casamento é honroso e deve ser preservado com fidelidade. O cordão de três dobras não se rompe facilmente.
Ruiban Hoi tuh Ahoy
Lu kheit laeze lu ning ahoyhua, pawccecize reihkute ryalaw mee alunghua a mue hae. Lukhakheit nynh a khuliaku ze, ccangpaw lu kheit nynh a tho cih; thuasalama lu kheit makhaete tuh a khuliaku ze ngaethya kou a um, a bawmtu hoi vae khyh. Lu ning te pynkheihlan a i hae ze mih khualung; thuasalama lu kheit makhaete tuh pawtemou a khualung kho cih? Lu kheit nynh ccangpaw lu kheit kha a tae kho zemah, lu ning nynh tuh lu kheit kha a tae cih. Ccangthum te ruepaw liarue tuh zoikadeihte pae khyh.
Nopi Hoypaw Thehoysahnaw
Zu hoypaw kha hummou
a mue kho cih?
Aning tuh aphutepaw
lung laeze aphutehua.
A vawpaw nynh tuh-e a zu tuh a zyn,
te a vawpaw tuh a ryachi boi lan khyh.
Zu a muekuhpaw tuh
uccaw hoypaw
a muekuhpaw thua zah,
Bawipaw kyate
maehoynaw kha a mue.
Inn te hoirumnaw tuh
nungpaaw rho nynh thua,
thuasalama ahawpaw zu tuh
Bawipaw kyate muepaw nynh thua.
Ahoypaw zu tuh
a vawpaw bawilukhung nynh thua,
thuasalama maethyanaw
a thuakhaepaw zu tuh
a vawpaw ru kya-e
athuhpaw hawte nynh athua.
Na tuidy tuh hythuapya thuasah lah,
na no lya-e na zu kyakhe hoysahte umtua,
aning tuh ry lan umpaw sazuh,
apuithyapaw sazuh pinung hawte nynh thua.
A matei nynh accyh takyh kya
na lungry ae ccingsah sah;
a sungsahnaw khate zungzae la ruikhaekuh.
Permanecer juntos
O que Deus uniu, o homem não separe. A Bíblia protege o casamento e orienta sobre convivência, perdão e perseverança conjugal.
Zuvaw Tangnaw
Atu nanning nynh ka kalan nae zei oh paw te asekuh lante: "Pise nynh zudy leite a um ze ahoy," na ci oh. Thuasalama ohhuakunaw kha sibia khylan pise miakaw nynh amaw a zu hoi sah lah, nopi miakaw nynh amaw a vawpaw hoi sah. Pise nynh vawpaw athuanawpaw a rya kha ccingsah sah lah, nopi nynh mah zu athuanawpaw a rya kha ccingsah sah; mih lu ning te mih rynaw kha lungryachikhaekuh kalang hae sah. Zu nynh amaw a pyn kya kaw hoi khyh, vawpaw nynh a hoi. Tuhawte vawpaw nynh mah amaw a pyn kya kaw hoi khyh, a zu nynh a hoi. Sawsangnaw rae khylan accyh sosoh na khyakuh oh zah nawccawkheih te na sibia oh paw laelan, lu kheit te lu kheit nae rynaw kha myapakuh nan oh; tuh-e ccyh he athang te, bua umkheih oh, tuhteze nynh na sungku kho khyh oh keiccuze Satan nynh ae tuhou lan khyh oh.
Zu, vawpaw a hoi hae paw kha kae nynh kaw ka pya hae, thuasalama tuh-e tuh kamaw kyate thua khyh, Bawipaw kyate yn thuapaw nynh thua: Zu nynh a vawpaw kha mah nan sah. A mya ze vawpaw hoi leite um sah, tuhkhyhze a vawpaw te bua ccawkuhthui hae sah. Vawpaw nynh a zu kha mah nan sah.
Thuasalama a zyn leipaw nynh a mya ze, mah ccaleih sah. Zyntu raee thuasah, ccia thuasah tuhcihawpaw byathan kya heedeku lanpaw thua khyh. Pachia nynh nanning kha daenaw te um khylan nynh ae ko oh. Pou zu, na vawpaw kha na khum kho lanpaw te na khum kho lei lanpaw tuh pawtemou na ny? Pou vawpaw, na zu kha na khum kho lanpaw te na khum kho lei lanpaw tuh pawtemou na ny?
Pawccecize tungtuh vae paw nopinung tuh a vawpaw a hiin lungkhu balyn kawbya liate a vawpaw kya heede athua; thuasalama a vawpaw tuh a chi lanze a vawpaw te asekuhpaw kawbya kyate aning tuh a lue.
Upadi Aphuinphuin
Zu a hoi thawpaw pisepaw tuh rhawtuk lan cceih lan khyh, tuh-e ryalaw te asekuhpaw ccangkhakheit kya mah naw thua lan khyh. A dykupaw a zu ryte lungpawte umkheih khylan kum kheit lungkhu a rythyte innvaw a um cih.