Mediador

5 Zɛɛb ɛ́ ngɔt, tin, mot di eduula pak bot ɛ bɔs nɛ Zɛɛb ɔ yɛ ɛ́ mot ngɔt, mot tak ɛ́ Yezu Klisto.

6 Yezu eezɛbɔɔza nɛ nɛ náá: «Yɛ ɛ́ mam ɛ di ze, mɛ ɛ́ etsɛɛtsɛ, mam ɛ́ di tsik. Mot tok nɛ ghwyil ɛtɔ́ pɛ daa Saagam, nyɛ di ààdhaa pɛ daa lam ɔɔ.

6 Tin, nenak yak, mɛsa mɛ Yezu di esa ɛ, yɛ ɛ́ mɛsa mɛ di edhaa mɛsa djas ɛ. Etɛɛ náá, nyɛy ɛ́ mot nasɛ́ɛaa étɛp ɛduula pak bot nɛ Zɛɛb tɔ tɛtɛ ɛbhɛŋ ɔ. Tɛtɛ ɛbhɛŋ ɛ tak nakusaa ɛ́ nɛ tɛtɛ ekɛk di edhaŋ ɛ.

15 Dum nɛ tɛp tak ɛ́ di náá, Klisto ɛ́ di mot di eduula pak Zɛɛb nɛ bot tɔ ɛbhɛŋ na bes ɔ. Etɛɛ náá, bot ɛ Zɛɛb nazedjóo ɔ, neebela esa e lyak na kɔm-kɔm ee nyɛ nakɛk bɛ ɛ. Tin, bɛ aabela yɛ ɛ́, dum nɛ ɛsyee ɛ mot ngɔt nagwyɛ ɔ. Kɔ ɛsu ɛ tak ɛ́, bot ɛ bɔs moo mos pɛka tɔ mesyem mɛ bɛ nasa si ɛbhɛŋ ɛ na mwa ɛ.

15 Mɛ ààpawaab náá, wɔ dis bɛ kɔ bɔs’ak. Tin, mɛ kwyɛl ɛ́, wɔ baal bɛ sok bhwoob Mbee mot.

27 Tin, Zɛɛb mot di ebee tɔ ebhum elyem e bot ɔ, nɛ gu sa Sisim di ekwyɛl ɛwaab ɛ. Etɛɛ náá, Sisim ɛpedjaala Zɛɛb, étɛp bot ɛ di edum koŋ nɛ Zɛɛb ɔ, dáa nyɛy Zɛɛb di ekwyɛl ɛ.

38 Nɛ tsɛɛtsɛ, mɛ nɛ gu náá, dhiiti sonok tok nɛ ghwyil ɛbɛk mena nɛ kwyɛl Zɛɛb di nɛ yɛ nɛ nena ɛ:

Ye nakoozodi ɛsyee nɛghu tsik,

ye nakoozodi efofop,

ye nakoozodi edhiiti ekukuma,

nɛghu membi mɛ mɛbwala mɛ di pɛ tɔ gwoo ɛ,

ye nakoozodi etɛp e mos nɛghu etɛp e djɛmɛn,

39 ye nakoozodi esa e mɛbwala mɛ di tɔ gwoo nɛghu pɛ si bɔs ɛ,

ààkobɛ-bɛak sa wat nakusaa-kusak ɛ,

ye tok nɛ sa wat di nɛ ghwyil ɛwa ndje tɔ kwyɛl di pak bis nɛ Zɛɛb ɛ.

Zɛɛb naalyaal mena kwyɛl tak kɔ ɛsu ɛ Yezu Klisto Ghɛŋ’enaka.

21 Klisto nabɛ ɛ́ ààbɛ nɛ mesyem. Tin, Zɛɛb naanɔɔ mesyem mena, djɛ nyɛ. Zɛɛb nasa deenek ɛ, etɛɛ náá, mena needika bot ɛ epiki é mis mɛ.