1 Walaŋ ŋon,

ɔ bɛɛ mo ɔ wose dona akpanyanyaŋtena ya,

te ɔ bɛɛ tɛɛ nombiakumɛɛ yɛɛra gbɛɛneŋ man ya,

te ɔ bɛɛ kyaa bomna baŋ bee kulu balaŋ ya nɛ, ŋonna nyeebam.

2 Mɔna Degbeŋgyoo nombia na gyoo ɔ sia,

te ɔ na gyoo ɔ mmaraase man nelim na ka weese.

97 Ao, mena keŋ mɛɛ gyae nyaŋ mmaraa keŋ,

mɛɛ gyoo ke man wee dibiliŋ pou.

98 Nyaŋ mmaraase doo me gyaŋ debaŋ kamasɛ,

ŋa te yele me ta gyeŋ nombia kela me kɔlara.

99 Ma gyeŋ nombia kela ma wolara pou,

nawolo nyi mɛɛ gyoo nya mmaraase man,

100 Mee nyii nombia man nideli kela kegyiise,

nawolo nyi mee di n gbɛɛneŋ dɔɔ.

15 Mɛɛ gyoo n kawolase ŋan man,

te me sia gyakaa n gbɛɛneŋ dɔɔ.

16 N kawolase na gyoo me sia,

mɔɔ gyae maa wolee n nombia ŋan ya.

47 Nyaŋ mmaraase ŋan na gyoo me sia,

nawolo nyi mɛɛ gyae ŋa.

48 Mee bu nyaŋ mmaraase ŋan te mɛɛ gyae ŋa,

na maa gyoo n kebakesee ŋan man.

147 Mɛɛ karatɛɛ wii baake neŋ nyi nya kyɔ maŋ,

me ta mo me loo gyakaa n nombii dɔɔ.

148 Me sia bee wuu nelim pou ya,

na maa nyiŋ gyoo n keyakosee ŋan man.

14 Yela me nɔɔwoya na ŋan mɛɛ gyueŋ me konɔɔ man nɛ,

ka gyoo n sia,

Degbeŋgyoo, me Kpanaŋ na ma Nyeelɛɛre.

3 Me nɔɔ gyae ke kolosi nyansa nombia,

nombia ŋan doo me konɔɔ man, gyae ke yela ɛ ke nyii nombia man.

11 Maa tɔɔse abɔɔ ŋan Degbeŋgyoo be yɛɛ,

Ayi, maa tɔɔse n gyakoloŋ nombia ŋan n be yɛɛ gyaŋgba gyaŋgba nɛ.

12 Maa tɔɔse n tomse ŋan n be yɛɛ nɛ pou,

na maa gyueŋ gyakoloŋ nombia dinaana ŋan n be yɛɛ nɛ.

5 Mɛɛ tɔɔse gyaŋgba gyaŋgba,

mɛɛ gyoo n tomse ŋan pou man,

mɛɛ gyoo n nyiŋmaa man tomse pou man.

9 Wurubuarɛ, dɛɛ tɔɔse n kegyae keŋ taŋ ɔto ya nɛ,

nyɔ ɔsom deni dinaa keŋ man.

33 Maa kpee nɔɔneŋ fa Degbeŋgyoo ma kekyaa man pou,

maa kpee nɔɔneŋ lese me Wurubuarɛ yele ma kekyaa man pou.

34 Ŋan mɛɛ gyueŋ pou dɛɛ gyoo ɔ sia,

debaŋ keŋ mɛɛ nyaŋee Degbeŋgyoo man nɛ.