1 Woayra ame si

mezɔna ɖe ame vɔ̃ɖiwo ƒe aɖaŋuɖoɖo nu

alo nɔa tsitre ɖe nu vɔ̃ wɔlawo ƒe mɔ dzi loo

alo nɔa anyi ɖe fewuɖulawo dome o,

2 ke boŋ ekpɔa dzidzɔ le Yehowa ƒe se la ŋu,

eye wòdea ŋugble le eŋu zã kple keli.

8 Mègana Segbalẽ sia nado le wò nu me o, de ŋugble le eŋu zã kple keli be nàwɔ nu siwo katã woŋlɔ ɖe eme la dzi nyuie. Ekema dzɔgbenyui kple dzidzedze anɔ wò mɔ dzi.

97 O, ale gbegbe mehelɔ̃ wò se lae!

Medea ŋugble le eŋuti ŋkeke blibo la.

98 Wò sededewo wɔm nunyalae wu nye futɔwo katã,

elabena wole gbɔnye ɖaa.

99 Gɔmesese su asinye wu nye nufialawo katã,

elabena medea ŋugble le wò ɖoɖowo ŋu.

100 Gɔmesese le asinye wu dumegãwo,

elabena mewɔ ɖe wò ɖoɖowo dzi.

15 Mede ŋugble le wò ɖoɖowo ŋu,

eye melé ŋku ɖe wò mɔwo ŋu.

16 Wò sededewo doa dzidzɔ nam,

nyemaŋlɔ wò nya la be o.

ג Gimel

47 Wò sededewo doa dzidzɔ nam,

elabena melɔ̃a wo.

48 Medo nye asiwo ɖe dzi na wò sedede siwo melɔ̃ la,

eye mede ŋugble le wò sededewo ŋu.

ז Zayin

147 Mefɔ hafi ŋu ke, eye medo ɣli be woaxɔ nam,

ke metsɔ nye mɔkpɔkpɔ da ɖe wò nya la dzi.

148 Nye ŋkuwo le te le zã blibo la katã me,

be made ŋugble le wò ŋugbedodowo ŋu.

14 Na be nye numenyawo

kple nye dzi ƒe ŋugbledede nadze ŋuwò,

O! Yehowa, nye Agakpe kple nye Xɔnametɔ.

3 Nye nu agblɔ nunya ƒe nyawo,

eye nya siwo ado tso nye dzi me la ahe gɔmesese vɛ.

11 Maɖo ŋku Yehowa ƒe nuwɔwɔwo dzi,

ɛ̃, maɖo ŋku nukunu siwo nèwɔ le blema la dzi.

12 Made ŋugble le wò dɔwɔwɔwo katã ŋu,

eye mabu ta me le wò nuwɔwɔ dzɔatsuwo ŋu.

5 Meɖo ŋku blemaŋkekeawo dzi,

hede ŋugble le wò dɔwɔwɔwo katã ŋuti,

eye mebu nu siwo wò asiwo wɔ la ŋuti.

9 O! Mawu, míedea ŋugble le wò lɔlɔ̃ si meʋãna o la ŋu

le wò gbedoxɔ me.

33 Madzi ha na Yehowa le nye agbemeŋkekewo katã me,

eye zi ale si mele agbe la,

madzi kafukafuha na nye Mawu la.

34 Nye ŋugbledede nedze eŋu,

esi mele dzidzɔ kpɔm le Yehowa me.