Medo da morte
O medo da morte é universal, mas Cristo o venceu. A Bíblia ensina que para quem crê, a morte perdeu o aguilhão — não é mais motivo de terror, mas porta para a eternidade com Deus.
Cristo venceu a morte
Jesus assumiu carne e sangue para, pela morte, destruir o que tinha o poder da morte e libertar os que viviam em escravidão pelo medo dela.
Tukeiccuze imua hae tuh chii te saw kha a neethungkuh bua hae paw athua keiccuze, Khri amaw mah tuhawte chii te saw kha a neethungkuh bua; tuhcite Khri a chinaw liate chinaw tungvaw kawhoitu Satan kha rote, chi raw a ri hae keiccuze mih hiin lungkhu balyn seetangnaw kya um hae paw kha luesah khylan nynh thua.
Tukeiccuze hynh-e aroh khopaw nynh aroh kho leipaw khate ccaankuh zah hynh-e a chih khopaw nynh a chih kho leipaw khate he a ccaankuh te,
"Chinaw tuh taenaw nynh
po a laang vae,"
cite azeikuhpaw Ccathyaa tuh accing vae cih.
"Pou chinaw, na taenaw tuh
teimou a um?
Pou chinaw, na zunghe tuh
teimou a um?"
Chinaw a zunghe tuh seinaw thua zah, seinaw a thungnaw tuh kawbya nynh thua. Thuasalama ah Bawipaw Jesu Khri liate aening taenaw oun pyatupaw Pachia kya thehoynaw um sah.
Tukeiccuze a chinaw kya baptisma ah in oh liate aening tuh amaw ryte uukheih ah thuabua vae oh. Tuhcite Khri tuh Paaw phu-enaw liate chinaw kyate thoosahthui athua hawte, aening mah hiinnaw thawpaw kya ah hiin cih oh.
Pawccecize aening tuh a chinaw kyakhe amaw ryte ah chikheih oh athua ze, a thoothuinaw kya mah amaw ryte ah thookheih cih oh.
A promessa da vida eterna
Quem ouve a Palavra e crê já passou da morte para a vida. O amor perfeito lança fora o medo, até o medo da morte.
Byaccaccing kae hopya oh, ka bya thae zah kae yn sawtupaw a zynpaw ccungccaw tuh zungzae hiinnaw a hoi; byapianaw ing vae lan khyh, chinaw kyate hiinnaw kalan phe a sulue vae.
Jesu nynh Mata kha, "Kae tuh thoothuinaw te hiinnaw nynh ka thua, kae yn zynpaw tuh a chi zemah a hiin cih,
Byaccaccing kae hopya oh, humhung zemah ka bya a zuipaw tuh chinaw tung boi vae lan khyh," a ci.
"Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.
Sungsakunaw kya tuh rinaw um khyh, accingpaw sungsakunaw nynh tuh rinaw kha ccaring a dee. Pawccecize rinaw tuh detahnaw te akyngkuhpaw thua zah, rinaw a hoipaw ccungccaw tuh sungsakunaw phe ccing lan hoi loh khyh.
Não temas
Jesus disse: não temais os que matam o corpo. No vale da sombra da morte, o Senhor está conosco como pastor e protetor.
Pyn tuh theih kho salamah muisaw a theih kho lei hae paw kha la rih nan oh; muisaw te pyn kha parouhte hell kya a roh khopaw raw kha la rih oh.
Amoh huaccepaw chinaw hunghua kya
ka ccia zemah,
vawsawnaw kha ka rih lan khyh;
pawccecize nang nynh kae kha
nae umkhae;
na tungbang te na hoitang nynh
ka ngae yn ngansah.
Pachia nynh mih mit kyate
mitphi balyn kha a hupah cih hae.
Chinaw um vae lan khyh.
Ngaethyanaw, rawnaw te ccinaw
um vae lan khyh;
pawccecize langmawlya e
uccaw hae tuh pong azo vae hae,"
cite a hopaw kha ka thae.
Na teing lanpaw vawsawnaw kha rih nan. Dotua, nanning tuh syntawnaw teing khylan Satan nynh nanning kyaze abang kha thonginn lungkhu lang a sang cih hae, te nin haw lungkhu vawsawnaw na tung cih oh. Nang tuh chinaw kyacia a lungzipaw la thua, tuhteze tuh hiinnaw bawilukhung kha kae pya cih.
daenaw lungkhu lang a tee hae;
hmerarih lan a hiin hae paw tuh
mih iphae vawlan a haeung cih hae.
Pawccecize Ccathyaa nynh, "Bawipaw min a kopaw miakaw tuh khum athua cih," a ci.
"Nang keiccuze kaening tuh
anin ninlang oun chia hae;
chia lanpaw tuu lang nynh
oun ria hae,"
cite Ccathyaa kya azeiku hawte nynh thua. Oun phia kho lanpaw um khyh. Aening oun sungsahtupaw amaw liate, aening tuh hynh-e uccaw hae balyn kya taetu hae pasing nynh ah thua oh. Pawccecize chinaw thuasah, hiinnaw thuasah, vaaw hae thuasah, uktu hae thuasah, atu a umpaw uccaw hae thuasah, oun um cih paw uccaw hae thuasah, thungnaw huhan thuasah, ahangnaw thuasah, akhunaw thuasah, raepaw uccaw hae balyn kya-e pawpaw uccaw nynh mah thuasah, ah Bawipaw Jesu Khri kya umpaw Pachia sungsakunaw kyate aening kha oun phia kho lan khyh cipaw ccaerarih lan ka ny.