22 False lippis is abhominacioun to the Lord; but thei that don feithfuli, plesen him.

8 But to ferdful men, and vnbileueful, and cursid, and manquelleris, and fornycatouris, and to witchis, and worschiperis of idols, and to alle lieris, the part of hem shal be in the pool brennynge with fier and brymstoon, that is the secounde deth.

16 Sixe thingis ben, whyche the Lord hatith; and hise soule cursith the seuenthe thing.17 Hiye iyen, a tunge liere, hondis schedinge out innocent blood,18 an herte ymagynynge worste thouytis, feet swifte to renne in to yuel,19 a man bringynge forth lesingis, a fals witnesse; and him that sowith discordis among britheren.

9 Nyle ye lie togidere; spuyle ye you fro the elde man with his dedes, and clothe ye the newe man,

25 For which thing ye putte awei leesyng, and speke ye treuthe ech man with his neiybore, for we ben membris ech to othere.

6 Jhesus seith to hym, Y am weie, treuthe, and lijf; no man cometh to the fadir, but bi me.

44 Ye ben of the fadir, the deuel, and ye wolen do the desyris of youre fadir. He was a mansleere fro the bigynnyng, and he stood not in treuthe; for treuthe is not in hym. Whanne he spekith lesyng, he spekith of his owne; for he is a liere, and fadir of it.

9 A fals witnesse schal not be vnpunyschid; and he that spekith leesyngis, schal perische.

7 I am maad lijk a pellican of wildirnesse; Y am maad as a niyt crowe in an hous.

6 He that gaderith tresours bi the tunge of a leesing, is veyne, and with outen herte; and he schal be hurtlid to the snaris of deth.

19 The lippe of treuthe schal be stidfast with outen ende; but he that is a sudeyn witnesse, makith redi the tunge of leesyng.

28 A fals tunge loueth not treuth; and a slidir mouth worchith fallyngis.

6 Nethir an yuel willid man schal dwelle bisidis thee; nethir vniust men schulen dwelle bifor thin iyen.

11 Ye schulen not do thefte. Ye schulen not lye, and no man disseyue his neiybour.