Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
Yeso a den wa nfyen ri wa hanton
Riwa Yeso a ka bubu wan chuwo, imba wafiyen hari wa hu wari kpagɨro yo-u wari tre, <<To lo sron mbu, a wu vren Doda.>>
Riwa Yeso a gra ri ko wa nfiyen waka ye riwu, ka tre ri wa, << Bi kpa nyɨme me kpa yi chuwo?>>Wa ka tre wu, <<Een Bachi.>>
Imba ka bre wo ri si mba ran tre, <<A he kpanyɨme sron mbi, wa kpa yi chuwo.>> Imba isi mba ka bu. Ama Yeso ka gbi wa vumvuton bran bran ran tre, <<Nowa ran la njo tre nyi ran.> Ama wa ka zhu wari si la tre-a ri gbu wawu.
Wan nfyen hari wa to tsu
Riwa Yeso nga wa miri kowan wa ka Jeriko ran don, ikpa nji waka hu. Wa nfɨyen hari waka ki kusan kon, riwa wa wo ri Yeso ri hi kawan wari kpagro,<<Bachi, ivren Doda to lo sron mbu.>>
Inji waka yirawan ngha wari tre riwa, ki mgbi, ama wa ka kpagro mgbanban,<<Bachi, ivren Doda, to lo sron mbu!>>
Yeso ka kukri ran yo wa.<<Bi wa me tingye riyi?>>A miyen wa.
Wa ka tre ri wu,<< Bachi, kiwa Kiri to tsu.>>
Wa ka lo Yeso sron, ka bre wa wo ri simba mba wa ka to tsu wari hu.
Yeso a den nji ri mfyen ri meme Batsaida
Riwa Yeso wa ye zhu ri Batsaida nji wa ri wa ngɨzhi nji ri mfyen ri ye ri Yeso wari bre wu ri no ibrenji ri mfyen a wo no fe to tsu. Yeso ka vu wo nji ri mfyen ran ngɨzhi-u hi ri kugon gbu ban wo sa-u ran miyen-u ri,<<Wu to kyari zizan?>> Inji ri mfyen-a ka nzu si ya ran tre ri,<<Me to nji ama wa he ka konkron wa zren.>>
Yeso ka bru sawo ri nji-a ri sii nganga nji-a ka bu si ya ran to ko ngye ka kpan. Yeso ka la-u ri no kɨma hi ko ran la-u ri no bru hu ku vi gbu ngaran.>>
Yeso a den Mangbi nga Mangbi
Yeso ka zhu ri gbu Taya ran hu ku Sidon hi ri nne ri Galili ri nkon a hu ri gbu wuru. Ri bubu wan wa ngiji nji ri riwa a ran ran to tre ran ye ri wu nga wari bre Yeso ri no bre wu wo no fe sii.
Yeso ka ban mangbi-a hi ri gran bubu riwa nji wa ran bran ran, ka son miri wo ri ton. Ka zhu nten ran ibrenji-a wo ri rɨme. Ka ndzu tu ban shu ran gbi vri wan ran tre nji-a ri,<<Iffata!>>Ari tre ri,<<No bu.>> Riwa a tre ngamba iton nji-a ka bu, ikya riwa a lo rɨme wan a ka si, nga nji-a ka gra tre ran bi
Kau ri riwa Yeso a fen wa ton ri no wa ran la njo ran. Ama riwa a ran fen wa ton wawa waka sondu ran vra tre-a. Inji wa ti sisiri bran, wari tre ri,<<A ti ko ngye tsra,>><<A no mangbi wa wo tre nga ran no mangbi wa to tre.>>
Yeso a Den Batalomi Nji ri mfyen
Riwa wana zhu ri Yeriko wawu iwa miri ndu wan nga mgbron nji kigbu, nji ri mfyen ri ka son ri kusan nkon ran ran ibrekpi inde wan a he Batimawus, ivren Timawus. Riwa a wo ri Yeso nji ri Nazara ri ye ran ndzu ran tre ri,<<A wu Yeso vren Doda to lo sron won!>>
Wari waka yira ngan iri no son gbi, ama ka kawan ran nzu ran ran tre ri,<<Ivren Doda to lo sron won!>>
Imba Yeso ka kukri ran tre ri,<<Yo-u ri mon yi>>Waka yo nji ri mfyen wari tre riwu ri,<<Ŋgiri wulunde, Yeso ri yo-u.>> Imba ka ran wɨro wulunde ran ka tsro ri ka mbɨzhuu wan taga ran ye ri Yeso.
Yeso ka miye ri,<<Wu wa me ti ngye ri wu.>>
<<Inji ri mfyen-a ka tre ri, Inji tsro me wa men to tsu.>>
Imba Yeso ka tre ri wu,<<Hi ngawen ikpanyɨme wen kpa-u chuwo.>>Ri bubu ka to tsu meron ra hu Yeso waka hi ngamba.
Yeso ka den nji ri nfien kpa chuwo
Riwa Yeso a ran ye Yariko, nji ri nfiyen kason ri nghɨma nkon ran ran bre. Mba ka wo ran gbunji wana hi, ka miyen ri ngye ri hi. Wa ka lawu, <<Yeso nji Nazare a ka ri hi.>> Ka yo, <<Yeso vren Doda, losron ri me!>> Nji wawa wa he kusi wan wa fen wu ton ran tre no songbi, ama ka kpagro bran, <<Ivren Doda, losron ri me! >> Yeso ka kukri ran tre nowa ngɨri nji-a ye no.Riwa a ye hyure, Yeso ka miyen, <<Ngye nye me ti ri wu?>>
Ka nyɨme ri,<<Bachi, me su me ri to tsu nganga.>> Yeso ka tre riwu, << Kpa to si wen; Ikpanyɨme wen kpa-u chuwo.>> Ri bubu wan ka fe siwan ran hu Yeso, gbresan nde Izhi. Ka ikpanji wa to, waka gbresan nde Izhi ngawen.
Yeso a den nji riwa wa ngɨzhi-u ri mfyen
Riwa Yeso a ran zren, ka to nji ri wa ngɨzhi-u ri mfyen. Imiri ndu wan waka miyen ri,<<Inji ri tsro, meme ti ngaa nye no wa ngɨzhi nji nyi ri mfyen? A he meme ti wan nye ka iwa wa tiwan?>> Yeso ka nyɨme ri wa ri,<<Aran he ritu nji nyi, ka wa ti wan wa ti meme ti nye no ti nfyen ran, ama wa ngɨzhi-u ri nfyen ritu no wa tsro gbengbren Izhi ritu wan. A he nganyi ki sondu ran ti ndu nji riwa a ti ta ndu ka nji ran ku rina, ichu he ri nkon ri ye riwa njo ran to ti ndu ngaran. Riwa me he ri mgbugblume nyi, ame mi he kpan wulu mgbumgblume.>>
Kugon riwa Yeso a tre nganyi, ran zhu nten sro ri meme ran san meme riwu ka fon meme riwa a san-a ran ka gban ri nji-a ri si, ran la-u ri,<<Hi wuri ngla si wen ri juju ima ri siluwam.>>Itu nde-a he,<<Indu.>>Imba nji-a ka hi ran ka ngla si wan ka bru ye ko isi wan ka ran kpan ka ran to tsu.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
Ijin ri wa a ti mkpuzhu a ye ku ngbazhu bre wu, a tre,<< Bachi riwu nyime nuwen si kpa.>> Yeso aban wo wan bre wu, na tre mi nyime, fe si iwa nkpunzhu ka kre. Yeso a tre wu,<<Wo, ran la njo kya ran ri wu he nji ri bre Bachi nde ngiri wen no wa to ri tuba bibi wa Musa a la.>>
Wa ban nji riwa a he lilo klukpa, kru ri bla. Riwa Yeso a to ikpanyɨme mba senkpa. wan ran tre, << Ivren won ran kpa sron wen time ran. wa ka meme wen ti wen chuwo wu.>>
Riwa wa nganyi, wa tsro doka Musa waka tre ri kamba ri, <<Inji nyi ri Izhi ri time.>>
Yeso a to rimɨren mba ran mɨye wa, << Itu ngye meme tre he resron mbi? Ritan han wu, wa tre, <Wa ka meme ti wen chuwo wu,> Ka wa tre, <wurunde hi ngawen?> Ama me wa no yi to ri ivren nji he ri senkpa riwa ari ka meme ti nji chuwo ri mgbumgburu mme.<< Imba ran tre ri nji ri lilo gblu kpa no wurunde ran ban ntabɨri wan ran hi ngawen ko.>>
Ngha nji-a ka wurunde na ban ntabɨri wan ran hi ko.
nji ri riwa a kɨlu nkon a he bubu wan. wa ran wa kya riwa wa vu Yeso ri wu, waka miyen wu, <<A bi nowa den chachu son vɨri?>> A miye wa ri,<<ngan rimi mbi inde ntɨma wan ku ri mi juju chachu son vɨri a ran vu ran chu wu zho rimi juju ran? wana kan ji kaburu mba ntɨma ran.>> A tre lnji-a,<< nowen wo wen.>>Ka de wo wan inba wo wan ka bi bibi riwa iri wan a he.
Iyi wa Bitrus a kru ri blaa ran ran tsri mbzhu, nga riwa Yeso a zhu ri bubu wan, waka la-u ritu wan. A hi kusan wan, ran ndzu-u wo dzi nde, imbzhu-a ka kau chuwo nga ka ti ndu ri wa.
Inji ri Lilo Mkpuzhu
Inji ri lilo Mkpuzhu a ye kɨbu mgbazhu ri kusi Yeso ran bre ri,<<Ka wu nyɨme, wu to tsri won bibi riwa lilo won ri kre penpren.>>
Imba ka lo Yeso sron ka nɨme wo ran bre wu ran tre ri wu ri,<<Me nyɨme meri tsri-u he nji ri tsitsri!>> Ri bubu wan lilo mkpuzhu-a ka ka wu chuwo, ka he nji ri tsitsri.
Inji wari waka ye ri wu wa ngɨzhi nji ri lilo klukpa ye ri wu, wawa wa ban wu ye wa he nji nza. Ritu nji wa kigbu ri wu wa ran fe nkon riwa wa hi hure ri wu ran, ri ngamba waka hon tu tra riwa Yeso a he rimi wan, wa ruu tu tra-a waka gra ri nji ri lilo klukpa wari ka-u yo ri tu blaa wan ri kru-a. Riwa Yeso a to kpanyɨme mba, Yeso ka tre ri nji ri klukpa-a ri,<<Ivren won, wa ka meme ti wen rega ri wu,>>
Wa tsro doka Musa wari wawa wa ki ri bubu wan waka ran rimɨren ri sron mba ri, <<Ritu ngye ko nji nyi ri tre meme ritu Izhi? Ari tsri Izhi nye nji ri tsitsri riwa ari to ka meme nji rega?>>
Ri bubu wan Yeso ka to kya riwa wa rimɨren ritu wan ri sron mba nga ran tre wa ri,<<Ritu ngye ko bi rimɨren bibi mba? A he hwɨri riwa wa tre ri nji ri lilo klulpa-a ri,<Wa ka meme ti wan rega ri wu > Ka wa tre<Wulu kri nde ban kpala wen wuri zren?>> Yeso ka tre ri nji ri lilo klukpa ri me no yi to ri ivren nji he ri gbengbren ri ka meme ti rega ri mgbumgblume.>> Me la-u wulu kri nde ban blaa wen wuri hi ko! Riwa wa ki ran ya nji-a ka wulu kri nde, ran ban blaa wan ran hi ngawan a nzu wa sron wawu mba waka gbre Izhi, ran tre ri<<Ki ran to bibi kya nyi zari ran!>>
Imba Yeso ka bru hi ri tra Izhi ran ka fe nji ri lilo klu wo ri ri bubu wan. Inji wari wa he ri bubu wan ritu wari wa nkon vu Yeso ri meme ti, imba waka ju si ran ya wari to ko ari den nji-a chachu sonvri. Yeso ka tre nji ri lilo kluwo-a ri,<<Wulunde ye kukri nde ri kusi ko ngaa.>>
Imba Yeso ka miyen wa ri<<Ingye nye doka mbu tre ki ti chachu vi sonvri? A tre ri ki ti ndindi ti ka ki ti meme ti, ki kpa nji chuwo ka ki ka nji chuwo no kuu?>> Ama waka ran tre kya ran.
Yeso ka ti fu ri wa a ndzu si ya wa ama ka losron ri wa ritu kpekpe sron mba. imba ka tre ri nji ri lilo kluwo-a ri,<<Nɨme wo wen.>>Nji-a ka nɨme wo wan ran fe si.
Yeso a Kpa nji ri Nkpuzhu Chuwo
Chachu ri Yeso a he rimi gbu ri, tse nji ri kae ri lilo nkpuzhu a han gbengbren wan ka ye, riwa a to Yeso ran ku kusi wan, ran ibreu ri, <<A wu Bachi, nde wu kpa nyɨme ri wuhe ri gbengbren riwa wu kpa wen chuwo.>>
Imba Yeso ka nɨma wo ran ibreu wo ran tre ri, <<Me kpa yɨme, lilo mba kre,>> Imba me ron lilo nkpuzhu-a ka kado.
Inji wari wa ban nji ri lilo klukpa ri ntanbɨri wati kukuri riwa wa ngiji-u gra rimi ko wari kau yo kusi Yeso. Riwa wa wa bubu gyen riwa wa ngɨzhi wu gra ritu nji wa kigbu, wa ka hon shu ritu ko wari kau yo zu tutra yo ri tsutsunji, ri kusi Yeso.
Riwa Yeso a to kpanyɨme mba, a tre, <<Ikpan won, wa ka meme ti wen chuwo riwu.>>
Wa hu doka Musa nga wawa wa tsro doka wa gra taka ri kanba,<<Rinyi he ngha riwa a ye kpande ri time? Ngha ri ka meme ti nji chuwo imba Izhi kankɨshi wan ba?>>
Yeso a to kya riwa wa takaa ran mɨyen wa, <<Ngye ti ko bi taka bibi kya wa nyi rimi siron mbi? Ritan nye he huri nowa tre ri,<Wa ka meme ti mbi chuwo yi,> Ka wa tre,<wurunde bi ri zɨren>? Ama bi to ri ivren Izhi he ri gbengbren ri meme riwa ari kameme ti chuwo.>>A tre ri nji riwa a klukpa,<<Me lau, wurunde, ban ntanbɨri wen wuri hi ko.>> Rimba ka mɨren wurunde kusimba, ran ban kya riwa a ran kru ritu wan ran hi ko ri kinklan sron ri gbresan nde Izhi.
Inji ri Lilo Kɨlu wo
Chachu son vɨri ri nganga a gra rimi tra Izhi, ran ran tsro, nji ri a he rimi mba ri wa iwo wan ri ku wori a gblu kado. Tse wa tsro tre Izhi ri wa tsro doka Musa waka yo si wari to ko ari den nji chachu son vɨri, don wari ka ngɨzhi wu hi ri wa sron mmo. Ama Yeso ka to sron mba.Tse ka miyen nji riwa a gblu wo,<< Wulu kri ri kusi ko ngha.>> Imba ka wurunde ran kri ri bubu wan.
Imba Yeso ka tre riwa, << Me mɨyen yi, a bi nowa ti dindi chachu son vɨri ka nowa ti meme ti? Nowa kpa nji chuwo ka nowa wuu?>>
Imba ka ya wa wawu, ran tre ri nji-a<< De wo wen.>>Ka de, iwowan ka bru ran ye bubu wan.
Yeso a Kpa Vɨrendu Rinkon wa Lokpa chuwo
Riwa Yeso a kre la tre ri nji wawa wa ki ran wou, Ka gra ri Kaparnau. Ri Bubu wan a, rinkon wa lokpa ri Roma ri a he riwa ivren ko wan a ran he ri si ran ka he hure ri nkon kuu. Rinkon wa lokpa ri Roma ka ran su vren ko wan-a bran bran. Riwa a wo tre Yeso, ka ti wa rinkon wa nji Yahuda wari ndu hi ritu no wa bre wu no ye ran no vren ndu wan si. Wa rinkon nji Yahuda-a waka hi ri Yeso, waka bre wu bran bran, wa ri tre ri, <<Nji nyin a a he rewa wu zon wu, ritu a nyime wa nji mbu hari ran mme tra Izhi rita.>>
Mba Yeso ka hu wa hi. Riwa a he wɨreri ko-a, rinkon wa lokpa ri Roma-a ka ti wa kpanwan ndu nowa lawu ri:>> Bachi, ran kpa sron wen time ran, ritu me ran he riwa wu ye rimi ko won ran. Me ran tsra riwa me ye kusi wen ran ama wu tre ri nyu ka kre, ivren ndu won ri fe si. Ame ma me ti ndu ri gbengbren nji ri, nga ri wa lokpa kusan won, me ya tre ri ri, <Hi,> Ari hi. Iri me ya tre wu <Ye,> Ari ye. Me la ti won ri, ti kya nganyi ari ti.>>
Ri wa Yeso a wo kamba, mamaki ka vu. ka kɨma ran la nji wawa wa hu, <<mi la yi yi, rimi Israila mi ran fe nji rimi ikpanyime ri senkpa ka rinyi zari ran.>> Riwa wawa wa ti wa ndu wa kɨma ran hi kamba ri ko rinkon wa lokpa ri Roma a, wa ka to ka ivren ndu a ka fe si.
iwa ri a he riwa Iyu a no kru lilo ri se wuru don tandɨra. A son ri si a ran he ri senkpa riwa ari wurunde ran. Riwa Yeso a to wu, ka yowu ye kusi ran tre wu ri,<<Iwa, me siwu jo rimim lilo mba.>> Ka ban wo yo ritu, ka fe si ri bubu wan ran kɨma ran gbre Izhi.
Yeso ri Ko Farisa
Chachu son vɨri ri, Yeso a hi ko riwa ari ri ri ri ko nji Farisa, ka mɨlan ya. Kusi wan nji ri a he ri lilo hu kpa. Yeso ka mɨyen Farisa nga wa tsro doka Musa, <<A bi riwa wa den nji chachu son vɨri?
Ama nji-a waka ki gbangbi. ka ndzu nji-a zi nde, ka den ran no hi ngawan.
Yeso a Den wa lilo Nkpuzhu Wuru
Aran hi ri Urushelima, Yeso ka ran zɨren ran hi ri tsɨtsu gbu Samariya nga Galili: Riwa Yeso a ran hi rimi gbu, nji wuru riwa wa he ri lilo nkpuzhu waka fe. Waka ki kpata riwu Ngha waka yo wu gbangban,<<Yeso, Nji rinko, toya mbu!>> Riwa Yeso ka towa, ka tre,<< Hi, ka kambi tsro nji ri la tre Izhi.>> Riwa waka hi, waka tsɨri wa. Imba iri rimi mba, riwa a to ri wawu fe den, ka bru ye, ran ran gbresan nde Izhi gbangban. Ka kɨbu ngbazhu ri ŋdaza Yeso ran ran ngɨri riwu nji-a a he samariye nye. Yeso ka miyen, <<Wa ran tsɨri yi ŋgibrewuru-a ran? mgbron chu wa wa he kutan?
Wa ran fe iri riwa ari bru ye ran ye gbresan nde Izhi ran kara itsɨren-a?>>
Imba Yeso ka tre ri nji-a,<<Wurunde wuri hi, ikpaŋyɨme wen nowu si.>>
Yeso a den nji ri lilo mkpuzhu
Kugon rimba, Yeso ka hi ri Urushelima ritu roro ri tsitsri vi riwa nji Yahuda. Ri Urushelima juju ima ri nyun nkon tra ri riwa wa yo wu ri nkon ntɨma riwa wa ti bru mgbɨreton kagon wan riwa inde wan ri rɨme Hibruniyawa a he Betazda. Rimi bru nye wa lilo wa mfyen, wa mkpuzhu nga wa gblu kpa kigbu wasi kakru ri bubu wan. Imiri ko Izhi wasi ye ri bubu wan ri vi ri vi wari ran chu ima-a nga nji riwa a ye gra rimi ima-a gbuchi ko bibi lilo bibitan riwa a he ri wu ari fe si. Inji ri lilo ri a he riwa a ti se setra don tandra a ran to zren ran. Riwa Yeso a to-u ka a kakru imba ran to ri a ti vi hari ri bubu wan,Yeso ka miyen-u ri,<<Wu wa wuri fe si?>>
Inji ri lilo-a ka nyɨme ri Yeso ri,<<A wu nji rinkon me ran he ri nji riwa ari dzon wen no wen me hi gra rimi juju ima-a ri vi riwa wa miri ko Izhi wa chu ima-a ran, ka me wa meri gra in jo ri nkan ri ye gra gbuchi ri moo.>>
Imba Yeso ka la-u ri,<<Wulunde kri nde wu ri ban blaa wen wuri zren.>> Ri bubu wan nji-a ka fe sika ban blaa wan ran zren.
Ama chachu wan a he chachu sonvri riwa nji Yahuda.
Imba Yeso ka bru kɨma hi ri kana riwa Galili ri bubu riwa a kɨma ima nji ti ima ri roo. Ri bubu wan nji ri kon meme ri a he riwa ivren wan a ran he ri sii ran ri Kafarnau. Riwa nji-a a wo ri Yeso a zhu ri ri Yudiya ri Galili imba ka hi riwu ran bre wu ri no hi ran den vren wan riwa a ran he ri nyu kuu. Yeso ka kpanyɨme riwu ri,<<Inde bi ran to kya ri de sisiri nga kya riwa bi to risi ran bi ran ri kpanyɨme ran ko tsawen.>> Inji rinkon ri meme-a ka tre ri Yeso ri,<<Inji ri nkon ye kɨi ritu no vren won no ran kuu ran.>> Yeso ka tre riwu ri,<<Hi ngawen ivren wen ri nawo.>> Inji-a ka kpanyɨme ri kya riwa Yeso a la-u-a ran hi ngawan. Riwa a he rimi hi ko wan imba imiriko nji-a waka ye fe wu ri nkon wari tre riwu ri,<<Ivren wen fe sii.>> Imba ka miyen wa ri ivi ritan nye a gbuchi ran fe sii? Wa ka tre ri wu ri,<<Irren ri ji nye ikpa-a a ka-u chuwo. Imba A ti vren-a ka to ri a he tsra ri vi riwa Yeso a la-u-a ri,<<Hi, ivren wan ri nawo.>>Inji-a nga wa ko wan wawu waka kpanyɨme ri Yeso. Rinyi nye a he kya ri de sisiri ri hari riwa Yeso a ti kugon riwa a ka Yudiya don ran hi Galili.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
Nga iwa ri wa a ti se wuru don hari riwa a ran zhu yi, ka ye kugon wan ran bre nyu tsro wan wo. A tre ri,<<Ko me bre wo tsro wen megyen me fe si.>>
Yeso ka kɨma ya ran tou. Na tre ri wu, <<Hi ngawen, ikpa nyime wen a no wu si.>> Imba nye ka fe si.
Iwa ri a he ri bubu wan riwa a ran zhu yii ri se wurudon hari. Iwa-a a so yaa bran ri wo wawa wa de gbugblu nga ran wuu kongye riwa a he ri wu kre ritu riwa no fe si ama lilo-a ka sondu ran sro nga. Riwa iwa-a a wo tre Yeso ka dzu rimi jɨbu nji-a ran ye zhu kugon Yeso nga ran bre wo ri nyun tsro Yeso, ritu a ran rimɨren rimi kpa wan ri,<<Ko wawu bre wo ri tsro wan kakre wawu ri fe sii.>> Ri bubu wan izhu yii-a ka kukri nga ka wo rimi kpa wan iri wa den wawu.
Iwa ri riwa ise wan a he wuru don hari a ran zhu yi njo rimi mba ka ran ya no si ran. A ju ri Yeso kugon ran bre wo ri nyu tsro wan, ri mba iyi- a ka kukiri.
Yeso ka tre,<< Nnga nye ibrewen wo? >> Riwa waka tɨron wawu mba, Bitrus ka tre,<< Iti ko, Ikpanji wa ran ima-u.>>
Ama Yeso ka tre,<< Njo ibrewen wo, ritu mi to gbengbren zhu ri kpa won.>>
Riwa Iwa-a a to kamba ran ri tuwan, ran chiwi hi ran gra wɨri kpa, ran ku kru kusi wan, a ju ri tuwan ri kusi gbunji ran la kya riwa wawu ibretsiro wan wo ri tu wan, ri bibi riwa a fe si. Ka la wu ri,<< Ivɨra won ikpanyɨme wen a kpawu chuwo. Hi ri si kpa.>>
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
Ivɨra Yayirus mba wa riwa a ran zhu yi riwa a bre wo ri nyu tsro Yeso
Riwa Yeso a he mi tre nganyi, rikon wa Lokpa ri ka ye ran kɨbu ngbazhu kusi Yeso ran tre, <<Vɨra won kuu zizan ye wuri bre wu wo, ari wurunde.>> Imba Yeso ka wurunde ri wa miriko wan ran hu.
Riwa Yeso a hi ri ko rinkon wa Lokpa, ran to wa nvɨri rangan ri kpanji riwa wana kagbamu. Yeso ka tre,<<Don nkon. Ivɨra yin ran kuu ran, ari kruna.>>Wan nzawu ri tsɨri. Riwa wa dzu wa zhu ra, imba Yeso ka gra ran vu ri wo, imba ivɨra ka wurunde.
Inji ri rimi wa rinkon ri tra bubu kabru nji Yahuda ri riwa wa yo nde wa ri Yayirus, ka ye ri bubu riwa a to Yeso ran kɨbu mgbazhu ri kusi wan. Ka sondu ran bre Yeso ri,<<Ivra won tsitsa a ran he si ran me bre wu ritu wu ri ye bre wu wo no fe si ran son ri sii.>> Imba Yeso ka hu wa hi ri ko-a. Ijɨbu nji waka hu wari ran ima-u.
Riwa wa ke ri ko Yayirus Yeso ka to wa kpagro wari ri yii ko kutan. Yeso ka gra rimi ko-a ran tre ri wa ri,<<Ritu ngye ko bi yii bi ri ri kpagra ko kutan? Ivra nyi ran kuu ran ari kru nna nye.>> Imba waka nza-u ri tsri, ka dzu wa zhu raa wawu ran yo ti vra-a ri yi vra-a nga wa miri ndu wan wawa wa he ri wu ri bubu wan, nga wari gra rimi tra riwa ivra-a he rimi wan. Yeso ka vu wo vra-a ran tre ri,<<Talita kumi!>>Riwa ari tre ri,<< Vi vra, walunde.>> Ri bubu wan ivra-a ka wulunde ran zren. Ise wan a he wuru don hari riwa a ti ngamba a waka gra ti sisiri bran bran.
Yeso ka tre,<<Ko ringye, nye, me ka yi nji wa zizan kabru? Wa he nji bibi tan? Wa he ka imiri wawa waki ri richu, wa ri yo kamba ri,
<<<Ki nvɨri ngba ri yi,
bi ran ngulu ran,
ki chuse kuu ri yi,
bi ka mbi ri yi.>
Riwa Yohana ri vu nji son tu ri ima a ye a ran ri ri ran, a ran so nfrihi ran, Ama bi ran tre ri, <Ai a he ri ibɨji.> Ama riwa Ivren Nji a ye ran ran ri, ran ran so, bi ran tre ri, <Bi to a ri ri ran so bran bran, ikpan wa kpa nkɨren ri meme ri wa ti meme ti!> Ama wiwiri wa tou tsra ritu imiri wan.>>
Iwa ri ti Memeti a Gban Yeso Nyen
Nji Farisa ri a yo Yeso ri no hi ran riri ri ko wan, Yeso ka hi ran kuson riwa a ri riri a. Ri gbu a, iwa ri a he ri ti meme ti riwa a wo ri Yeso ri ri ri ko nji Farisa, ka ngɨzhi vi gbanran ima ri miwi raro wati wu ri tita onis ri nye ri miwi raro riwa a ti nkɨren bran bran.
Mba nji ri wana yo-u ri Yairus, nji rinkon ri tra Izhi, a ye ran joku kusi Yeso, ran bre wu no hi ko wan. A he ri vruwa riri, riwa a he rise wuru don hari, a he ri nyu kuu.
Riwa Yeso a ran hi ngawan, ikpanji waka ran ima-u
Riwa Yeso a he rimi tre, nji ri ka zhu ri ko nji riko Izhi ran tre,<< Ivira wen a kuu,>>Ran vu ya sro ŋnga ri nji ri tsro ran.>>
Ama riwa Yeso a wo kamba, ka nyɨme ran tre ri nji rinkon ri tra Izhi,<< Ran ti sisiri ran ikpanyɨme wen nkankshe, a ri fe si.>>
Riwa a gra ri ko-a a ran nyɨme no njo no gra ran, ka ra Bitrus ri Yohana, ri Yakuba, nga ti mba iyi vra. Waka kamba ran ti shnji siron wari ran yi ritu wan. Ama Yeso ka tre, << Bi ka yi chuwo. Ivira-a a ran kuu ran, ari kruna.>>
Waka ran ndza Yeso, ritu wa to ri a kuu. Ama Yeso ka vu wo vra ka nzu ran tre ri,<< Ivɨra won, wurunde.>> Ivɨri wan ka bru ye, ka wurunde, ka lawa ri nowa no ri no ri. Wa ti vra waka ti mamaki, ama Yeso ka lawa ri nowa ran la njo ran ikya riwa a ti.
Ikuu lazaru
Inji ri nye a ran lo, nde wan a he lazaru riwa a zhu ri Batani igbu wa meremu ri vayi wan vru wa marta. Meremu nye riwa vayi wan lazaru riwa a lo wawu nye a gban dza Bachi ri nye ri ro ran se za wan ri nfutu wan. Ri mba ka ti miri vayi wan mirimba ndu no wa la Yeso,<Bachi > Ikpan wen riwa wu nyɨme ri wu ri lo.
Riwa Yeso a wo nganyi ran tre, lilo nyi a ran ri wuu Lazaru ran, onhon a he ri nkpen Izhi riwa ivren Izhi ri fe nkpen rimi wan.>>
Yeso ri nyɨme ri marta nga vayi wan vruwa ri lazaru. Rwa Yeso a wo ri lazaru a ran he ri si kpa ran ka bru son ri bubu riwa a he ti vi hari. Ngha ran la miri ndu wan ri ki bru hi ri gbu Yudiya.
Miri ndu wa ka tre ri wu,<<A wu nji riko ivi-ri nyi nye Yaudiwa wa wa nkon wa ri ta-u ri tita wu bru hi gbu nga ri!>>
Yeso ka tre riwa ri, <<A ran he awa wurudon hari nye ri vii riri ran? Ko ngaa ri zren ri kpan Izhi a ran kɨbu dza ran ritu ari to kpan mgbumgbulu me nye. Ama ko ngaan ri zren ri chu a ri kɨbu dza ritu ikpan tsu a ran he ri wu ran!>> Kugon riwa a tre nganyi ran bru la wa miri ndu wan ikpan mbu lazaru a kru naa ama me hi miri shɨme-u.
Imiri ndu wan wa ka tre ri,<Bachi a he kruna nye, ari fe si kpa.>
Yeso a ran tre ritu kuu wan, ama imiri ndu wan wa yonga a ri tre ritu kruna ri son vri. Imba Yeso ka la wa a he njanji,<Lazaru a kuu,
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
Yeso a tre nchon ngungu wuru
Wa a gra vuima, imri ko wan wa wu. Ga chan wu wulu a wulunde ri ma, wa ka he rijen ma, wa wulunde ri tru vuma, a ran kru na. Miri ko wan, wa ka hi ran tashime wa ri tre,<<Bachi kpata chu wa, ki ku.>>
Yeso ka tre riwa,<<Ingye ti ko bi ti fu, Biyi wa fifi kpa yɨme!>>Ka wulunde ran tre fu ri ngungu nga ne-a imba bubu ka kulu!
Riwa nji wa to kya riwa a ti bi wa ka ti mamaki sisiri wa ri miyen ngye he ngha wa? gungu ga ma kukri!
Iwa yawulu a ti, imiri ko wan waka wawu ye wa ri tre,<<Bubu nyi njo ran he ri bubu wan ran, ga yawulu ti. No kpanji nyi nowa hi ko wari wa kya ri ri.>>
Yeso ka la wa, << Aran he riwa wa hi kamba ran, bi wa kya nowa ri.>>
Waka lawu ri,<<ki he ri ngbɨre jujuyɨmo ton ri lambe hari.
Ka tre ri,<<Ngɨzhi wa ye no wen.>> Imba ka la wa ri no wa nji-a nowa kuki ritu giga. Riwa a ban jujuyimo mgbɨre ton ri lambe hari-a, ran ndzu wa ban shu, ran ngiri ri Izhi, ran chu wa jujuyimo, ran si no miriko wan, Imiriko wan wa si no wanji. Wawumba waka ri wari hushi, nga miriko wan waka vu susu wan shu rimi sisen wuru don hari riwa wa kadon. Ikpa ronron riwa wa ri wa he ngo ton ama wa ran bla mba ri miri.
Ri bu mbre Yeso ka wulunde zren ritu ima riwa ari fe miriko wan.
Yeso ka yo miriko wan ran tre riwa ri,<<Inji wanyi wa lowen sron, ritu ivi mba ri tɨra ruwa riwa wa he rɨme rinyi iwa wana he ri ikya riwa wa ri ran. Me ran su miri nowa hi ngamba ri iyon ran, nowa ran ku nyiren ri nkon ran.>>
Imiriko Yeso waka tre riwu ri,<<ko ki fe jujuyɨmo bran ri minyi ri ji nyi riwa ki no kpanji wanyi nowa ri?>>
Yeso ka miyen wa, << Imkpon bren nye bi he ri wu?>>
<<Imkpon tangban, waka la wu Nga vi lambe fiwen.>>
Imba Yeso ka la ri kpanji nowa ki ri meme. Imba ka ban ŋkpon tangban ri lambe-a, ran ngiri, ran chu wa wa ran ka no miriko wan, wa ka kpa ran ga nji. Wawumba wari hwɨshi, hari wari vu ngbɨron jɨujɨu wan shu sisen tangban riwa wa ri don ngbron. Wawa wari-a wa han ngo nza ban de mba ri miri mba.
Nkɨren meme ri ko Izhi
Riwa Yeso nga mirindu wan wa zhu ri gbu kafarnaum, wawa wa kpa nkɨren meme wa ye ri Bitrus wa ri mɨyen,<<Wa tsro tre mbi wa ran ri han nkɨren ri ko Izhi ran?>>
<<Een, ari han,>> A nyime.
Riwa Bitrus a ye rimi ko, Yeso ka gbuchi tre ri. <<ltaka wen he ngye Sima?>> A miyen.<<Ri ngha nye wa chu wa meme wa kpa ndu nga nkɨren ri wa miri mba ka ri wari? >>
<<Bitrus ka tre riwa ri,>>
Ka nyime,<<Waka chu miri joo,>>Yeso ka lawu <<Ama ritu riwa kiran kpa sɨromba time ran, hi ri nchon nne wuri yongɨron, Ban Lambe riwa wu gbuchi vuu; wuri bu nyu wan wuto bibi nkɨren. Ban wu ka nowa ri nkɨren wa mo ri wa me.>> No wa.
Iklom mbwa a klu
Ri bubu bre, riwa aku nkon ri hi gbu, iyon ka ti wu, Ka to konkron mbwa riwa a kri kusan nkon, ka hi kusan wan ran ran fe klo kya ri tu wan ran ka ra mvumvu wan. Ka tre ri konkron-a ri wu ran klo ngaran, imba konkron ka kɨlu ran kpo vu vu rega.
Riwa miriko wan wa to kya riwa a ti, a lowa sron.<<A hese konkron kpo vunvu gbagbla.>>
Yeso ka la wa, <<Mi la yi kpunji, ldan wu he ri yosron wuran ti shaka ran, wu la konkron wen ri kya mi tre ran, a ran he kyar ri wa bi to kon kono rana, lbi tre no ngblu no wen hi ari wii ti ka kawen ta yo ma a ri he ngamba. Idan wu nyime, wu kpa kya riwa wu miyen ri bre. >>
Ri bubu wan inchon gungu ka fu, nga ishi ima ka gbuchi ran kɨbu mvu mam-a, ka gbuchi ran sho ri ima. Yeso a he ri kugon mvu ima-a a ran kru nna ran ka tu wan yo ri tsro ri yo tu, imiri ndu wan waka shɨme-u ran tre ri,<<Inji ri tsro, a ran dren sron riwa ki wa kiri kuu ran?>> Yeso ka wulunde kri nde ran tre ri ngungu ri,<<Kukri kpen!>>Imba ngungu-a ka kukri nga ko kutan ka he yoon.
Imba Yeso ka tre ri miri ndu wan ri,<<Ritu ngye ko bi ti sisiri? Bi kambi ran he ri Yosron ran?>>
Ama wa ti sisri bran wari ran tre ri ngamba ri,<<Inji nyi he ngaa nye? Kau ri ngungu nga shi ima wa wo tre wan?>>
Ri zhu Yeso ri bubu wan tse ka to ijɨbu nji wa ki ri bubu wan nga waka lo sron, ritu wa he ka intɨma wa wa wa ran he ri nji ri kɨshu wa ran ka gra ri tsro wa kyawa kigbu. Ama Yeso ka nyɨme wa ran tre ri, Biyi no wa kya riwa wa ri wa ka tre wu ri ki hi reri ri nkren kigbu riwa wa ndu nyi kiri ka no wa ri?>> Ama Yeso ka nyɨme wa ran tre ri,<< Biyi no wa kya riwa wa ri >>Wa ka tre wu ri, <<Ki hi reri ri nkren kigbu riwa wa ndu ri hwa tandra nyi kiri ka no wa ri?>> Yeso ka tre ri wa ri,<<Jujuyɨmo bren bi he ri wu?Hi bi ri ya to, riwa wa ka ya wa ye la-u ri, jujuyɨmo hari nye nga lambe hari.>> Imba Yeso ka no miri ndu wa no wa no nji no wa kuki ri tu shushu giga ri gbu gbu. Imba waka kuki ri gbu ri gbu, wari wa he ngbɨre gbigba ri nga wari wa he ngbɨre seton.>> Yeso ka ban jujuyɨmo ton-a nga lambe hari-a ran nzu-u ban shu, ran ngɨri ri Izhi, ran fran ran no miri ndu wan wa ngɨzhi hi ran ga nji nga ran ga lambe hari-a wawu ri nji. Ijɨbu nji-a waka ri wari hwɨshi, hari wari tan zhuzhu wan shu rimi sisen wuru don hari. Inji wawa wa ri ri-a wa he ronron ngo ton nye.>>
Riwa Yeso a to miri ndu wan wa ran so yaa ri tru mvu ima ritu ngungu a ran fu wa, a he ri bubu mibrenye, nga wa to-u a ri ye ri wa, a ran zren ri tu ima nne, ka ti zhu ka ari vu wa yɨba. Ama riwa wa to-u ari zren ri tu ima tse waka yonga a he zhinji nye waka kpagro. Ritu wawu mba wa to-u wari ti sisiri. Ri bubu wan Yeso ka tre ri wa ri <<Vu sron ran ti sisiri ran a he ame nye.>> Imba Yeso ka gra ri wa rimi mvu ima-a nga ngungu-a ka ku kri. Tse sisiri ka ti wa wawu mba,
Yeso a no nji ngo nza ri
Chachu ri, ijɨbu nji wa bru ye kabrutu. Riwa wa ran he ri kya riwa wa ri ran, Yeso ka yo miri ndu wan ran la wa ri, <<Me losron ri nji wanyi ivi ri tra luwa wa he ri me nga wa ran he ri kya riwa wa ri ran. Ka me no wa hi ngamba ri yon, wari mba wa joku ri nkon ritu wari mba wa zhu ri nkon kpata.>>
Imiri ndu wan waka nyɨme wari tre ri,<<Ri tsutsu ji nyi ki fe ri ri minyi riwa ari ke jɨbu nji wanyi?>>
Yeso ka miyen wa ri<<Bi he ri jujuyɨmo bren waka tre ri.>>
<<Ngbɨre tangban.>>
Yeso ka la jɨbu nji-a ri no wa kuki ri meme. Ka ban jujuyɨmo tangban-a ran ndzu ban shu ran ngɨri ri Izhi, ran fran ga miri ndu wan waka kpa ran ga nji nga waka ga nji wawu. Wa he ri vi lambe tsawen, ka ngɨri ri Izhi ritu lambe-a ngawen ran tre no wa ka ga nji. Ko ngaa ka ri ran hwɨshi nga miri ndu Yeso wa tan zhuzhu wan riwa wa kadon ka shu rimi sisen tangban. Inji wawa wa ri ri-a wa he ngo nza nga ka no wa hi ngamba,
Yeso a la Nyu ri konkron Mbwa
Ri mibreri han wan riwa wa wulunde zhu ri Batani iyon ka ti Yeso. Riwa a to konkron mbwa ri riwa a ti mvumvu huu, ran kunkon hi ka a klo. Ama riwa a ka zhu ri bubu wan a ran to kyari ran ara mvumvu kuklu ritu riwa a ran he vi riwa imbwa ri klo ran nye. Imba ka tre ri konkron mbwa-a ri,<<Injo ran bru ri klo wen ngaran hi ri kre vi!>>
Imiri ko wan waka wo kya riwa a tre.
Konkron Mbwa a kuu
Riwa waka ran hi ri mibrewaka to konkron mbwa ri wa Yeso a lanyu riwu-a ka kuu kau ri nja wan. Bitrus ka taka, imba ran tre ri Yeso,<<Inji ri tsro, to-en! Imbwa riwa wu lanyu riwu-a klu!>>
Yeso ka kpa nyɨme riwu ri,<<Kpa nyɨme ri Izhi. Kpunji tre me la yi inde nji kpa nyime ri Izhi ari to tre ri tita ri no wurunde ta ngawan yo rimi nne inde a ran tre ri sron hari ran a ri he bibi riwa a tre-a. Ritu ngamba ame me layi ko ngye riwa bi bre ri sron riri, yo sron ri bi fe wu, ari he wa mbi. Ngha bla vi riwa bi ki ri bre Izhi nga wu to ri bi he ri fu njo ri sron mbi bi ka ka meme ti mba chuwo ri wa ritu no Timbi riwa a he ri shu no ka meme ti mbi chuwo ri yi.>>
Iyo Miriko Wan wa Gbuchi
Chachu ri Yeso kukri ri nyu nne nji wa kagbamu ri wu ritu riwa wawa wa ri wo tre Izhi, wawu Yeso ka kri rinyu nne Janisarata. Imba ka to nvuima wari hari wa tsitsa, rinyu nne, wavu lamba waka zhu rimi mba wari ran ngla jiji ri vu lambe mba. Imba Yeso ka gra rimi ri rimimba, riwa Bitrus, ran ibreu, ri bubu wan no tru nvuma ban kusi jɨo rinyu ima. Ran gra tsɨrowa tre ri kpanji rimi nghɨma.
Riwa a kre tre-a, ran tre ri Bitrus, <<Turu nvuima wen hi bubu riwa a ti ron, bi ri ta jiji ri vu lambe mbi tayo bi ri gbi lambe zhu riima.>> Bitrus ka tre riwu ri, <<A wu Njiriko, tu richu ki sondu tiya, kiran vu kya ran ama tunde wu tre, me ta jiji rivu lambe won yo.>>
Riwa wa tayo waka vu lambe kigbu tata hari jiji ri vu lambe mba ka gbuchi ran gbon. Waka yo wa kpan ndu mba riwa wa ri nvu ima ri han nowa ye zon wawa, waka ye, wari vu wa lambe shu nvu ima ngamba wari ran wa wari den Bachi.
Riwa Bitrus a to kamba, ran ku kusi Yeso ran tre, <<A wu Bachi, ame me he ngha riwa wu kri kusan won, ritu riwa me he nji ri meme ti.>> Ritu riwa wawu Bitrus ri wawa wa he wawa wa hu, waka ti sisiri ritu lambe riwa wa gbi zhu, a he kamba nye Yakubu ri Yohana imiri Zabadi, ikpan ndu Bitrus.
Yeso ka tre ri Bitrus, <<Ran ti sisiri ran rinyi hi kusi bi ran vu nji ron.>> Riwa wa vu nvuima mba ye ri nyura wari ka konge chuwo wari hu.
Yeso A no Ngungu Wulu no Kɨri
Chachu ri Yeso a gra rimi nvuima iwa miriko wan. A tre riwa, <<de ki hi ku gran nne.>> Waka wurunde hi ri gran riwan. Wa rimi hi tse ngha ka vu. Ngungu ri iwo wulu ka ran ti, nghɨma mba kana wa ran sho ri ima hari waka he rimi sisiri.
Waka hi wari shɨme u, wari tre, <<Njiriko, Njiriko ki kuu!>>
Ka shɨme, ran yɨra ngha ri gungu nga sɨra wulu mba ngungu nga ima waka kullu, bubu ka he yoon. Ka tre riwa, <<Ikpa nyɨme mbi he mme?>>Waka tsri wari wɨri kpa, wari tre ri kamba, <<Ngha nye nyi hari gungu nga ima wa wo doka wan? wawa ngawen wa wo-u.>>
Yeso A no Ngungu Wulu no Kɨri
Chachu ri Yeso a gra rimi nvuima iwa miriko wan. A tre riwa, <<de ki hi ku gran nne.>> Waka wurunde hi ri gran riwan. Wa rimi hi tse ngha ka vu. Ngungu ri iwo wulu ka ran ti, nghɨma mba kana wa ran sho ri ima hari waka he rimi sisiri.
Waka hi wari shɨme u, wari tre, <<Njiriko, Njiriko ki kuu!>>
Ka shɨme, ran yɨra ngha ri gungu nga sɨra wulu mba ngungu nga ima waka kullu, bubu ka he yoon. Ka tre riwa, <<Ikpa nyɨme mbi he mme?>>Waka tsri wari wɨri kpa, wari tre ri kamba, <<Ngha nye nyi hari gungu nga ima wa wo doka wan? wawa ngawen wa wo-u.>>
Ikpa Nji Riwa a he ri Meme Bɨzhi Chuwo
Waka zhu ri meme Garasina riwa wa rugran nne zhu ri meme Galili
Ri yawulu miri ndu wan wuru don hari wa ye wa ri tre, <<No gbunji wamba no wa hi ri gbu riwa wa kagon mba wari wa kya riwa wa ri nga bubu riwa wa kru, ritu bubu riwa ki he nji wa ran he ri bubu riwa ki he nyin ran. >>
Ama Yesu Ka tre wa ri,<< Bi yi no wa kya no wa ri,>>
Wa ka nyɨme ri,<<Ngbrewuru yɨmo ton nga ŋgibrelambe hari se kode ki hi kiri reri ye no gbunji.>> Igbu roron ngo ton wa he ri bubu wan.
Ama Yeso Ka tre ri imirindu wan,<< Nowa kuson mme nji se titon.>> Miriko wan wa ti bibi riwa a la wa, ko ŋnga ka son ri mme. Imba Yeso a ban ŋkpon juju yɨwo ton nga lambe hari na ndzu ban shu, ran ngɨri ran kpɨru wa. Imba ka kano imirindu wan nowa ka no gbunji. Wawu mba wa ri wari hwɨshi, nga mirindu wan waka vu zhuzhu wan sho sisen wuru don hari riwa wa don gbron wan.
Iro ri Gran ri Kana riwa Galili
Ri vi ri tra wan waka ti ro ri ri gran ri Kana riwa Galili iyi Yeso ka he ri bubu gran. Wa yo Yeso nga mirindu wan ri bubu ro gran Riwa iima raro ri ro ri gran a kre, iyi Yeso ka tre riwu ri,<<Iima raro kre.>>
Yeso ka tre riwu ri,<<Iya itre nyi ran he wa me ran, ai ivi won ran ti rina.>>
Iyi Yeso ka tre ri wa ndu wan ri,<<Ikya riwa Yeso tre ri no yi ti, bi ka ti wu.>>
Nji Yahuda wa he ri bibi tsri ngamba riwa wa ti ritu ngamba wa ri mbuwari tanren wawa wa me wa ri tita ki ri bubu wan, ko ritan rimi mba ri ri galo gbigba ri.
Imba Yeso ka tre ri wawa wa tindu ri,<<Fon ima sho ri mbuwari wanyi.>>Waka shu mbuwari wa-a ri ima,
Ngha Yeso ka la wa ri,<<To zizan vu hi no nji riwa a he nji ri ro gran.>>Wa ka vu ima-a ka no nji ri ro gran, iima-a ka kɨma ti ima raro nji riwa a ran ya ro ri gran ka pireso tsawen. Wawu kana to bubu riwa iima raro-a zhu ye ran, ama wawa wa ti ndu-a wa to bubu riwa iima-a zhuu ye, imba ka yo ron wasa-a ri gran, ran tre riwu ri,<<Ai ko ngan ri gbuchi de ima ri roo ri, kugon riwa nji wa so wari hua ko ari ngɨzhi riwa a ran bi tsra ri rigbuchi ran yi ama a wu wu rii ima ndindi-a tse zizan!>>
Rinyi nye a he kya ri de sisiri ri gbuchi riwa Yeso a ti-a ti kya nyi ri kana riwa Galili; bubu riwa wa tsro mkpen wan, imiri ndu wan waka kpa nyɨme riwu.
A tre rinyi ritu ran tsra Filibu nye, ama rimi sron wan a to kya riwa ari ti-e.
Filibu ka nyɨme ri,<<Ko no ko ngaa no fe tsawen, ari ban nkren gbigba hari riwa ki rejujuyɨmo bran!>>
Iri rimi miri ndu wan riwa inde wan a he Andarawus vayi sima Bitrus, ka tre ri, <<Ivren ri tsitsa he nyi riwa a he ri jujuyɨmo mgbɨreton nga lambe hari. Ama a ran ri ke nji wanyi wawau ran.>>
Yeso ka la miri ndu wan ri,<<No nji wamba no wa son mme.>>Ri bubu wan giga a he imba nji-a waka kuki ri meme nji wawa wa he ri bubu wan wa he ronron ngo ton. Yeso ka ban juju yɨmo-a ran ngɨri ri Izhi ran ka ga nji wawa wa he ri bubu wan, ngamba nye a ti ri lambe-a me nga wawu mba waka ri bran bibi riwa wa wa.
Riwa wa hwɨshi wawumba Yeso ka la miri ndu wan ri,<<Taan zhuzhuwan riwa a dongbron, no ta ran no time ran.>> Imba imiri ndu Yeso waka tan zhuzhu wan rimi mgbɨreton riwa nji wa ri don, wa tan shu rimi sisen wuru don hari.
Imiri ndu wan-a wa tru mvu ima-a hi ri bubu riwa a ke dza gbigba tanren hi ri tamgban, imba waka to Yeso ri dzren ri tu ima, a ran ye ku bubu mvu ima-a nga wawa wa ran ti sisiri. Yeso ka tre wa ri,<<Ran ti sisiri ran a he ame nye!>>
Imba waka nyɨme no gra rimi mvu ima-a nga ri bubu wan waka to ka mvu ima-a ka zhu ri bubu riwa wa hi.
Yeso a zhu ri Miri Ndu wan Tamgban
Kugon rimba, Yeso a bru zhu ri miri ndu wan nganga ri nyu nne Tibariya ri Galili. Ingye ngaa bibi riwa a zhu ri wa-a-en. Sima Bitrus, Toma (riwa wa yo-u ri ngare), Nataniyel riwa a zhu ri meme Kana ri Galili, ivren Zabadi, nga miri ndu Yeso hari wawa wa he iwawa. Sima Bitrus ka la mgbron mba ri, <<Me hi ri bubu vu lambe.>> Waka la-u ri,<<Kita ngawen ki hu-u.>>Imba waka zhu wari ka gra ri mvu ma-a wari hi, ama ri chu chachu mba wa ran vu kyari ran. Riwa inzan a ran zhu, Yeso ka kukri ri nyun nne, ama imiri ndu wan wana to ri a he Yeso nye ran. Imba ka miyen wa ri, <<Imiri nze, bi ran vu kyari ran?>> Waka nyɨme ri, << Ko kyari ran.>> Yeso ka la wa ri, <<Ta tsro ri vu lambe yo ku nghima wo ri mvu ima mbi nga bi vu lambe wari.>>Imba waka ta tsro ri vu lambe-a yo wa ran to gbi wu zhu raa ngaran, ritu a vu lambe kigbu. Imba ivren ndu Yeso riwa a nyɨme-u ka la Bitrus ri, >>A he Bachi nye.<<Riwa Bitrus a wo ri a he Bachi nye, ka ban tsro ri ka kpa wan ka nye ngawan ran, ran dza ku rimi ima. Imgbron miri ndu Yeso waka ye ri nyun nne-a rimi mvu ima-a, wari ran gbi tsro ri vu lambe riwa a sho ri lambe. Wa ran he kpata ri nyu nne-a ran, a he dza gbigba ri nye hi ri bubu riwa wa ran he. Riwa wa zhu ri nyu nne-a, waka to klawulu ri lambe ri tu wan nga vi jujuyɨmo. Imba Yeso ka la wa ri,<<Ngɨji lambe wari rimi riwa bi vu-a ye.>>
Sima Bitrus ka dza hon ri tu mvu ma-a ran gbi tsro ri vu lambe-a riwa a sho ri lambe wa wuloga rimi wan, lambe-a wa he gbigba ri ri seton don tra, ama kau ri kigbu lambe-a itsro ri vu lambe-a a ran gbon ran.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
Yeso a de si ri Ivren jin rikon
Yeso a gra Kafanahum rinkon wa lokpa ri ka ye wa zon riwu ran tre, << A wu tibuwawu ivren ri ndu won kru ko a ari lo lilo wu kpa,ari so yo bran,bran.>>
Yeso a tre wu, me hi miri no si.
Rinkon wa lokpa ka kpa yɨme ran tre,<<Me ran tsra riwa wu ye ri ko won ran riwu tre nji riwa ari tindu mmo ri fe sii. Ame ma me he wo nji ri, inga wa lokpa wari wa ri wo won ime tre riwu, <Hi,> Ka hi, ri mu <Ye> Ka ye, <ti kya kati.>>
Yeso a wo nganyi ka no mamaki,<< ka tre miriko wan, mi la yi vi ku ri gbu Israila mi ran fe wa sengba kongye ran. Me layi nji brabran wa ye kugbo, kushu wa wari ri Ibrahi, Ishaku, nga Yakubu iko won ishu. Imiri wa wa wa washu iwa kamba wa ta wa saro ibu bubu wa wana yi wan ri tan nyiri.>> Yeso ka tre ri nji ri lokpa roma, <<Hi ngawen, a he ngye wen surun wen wa wu ti.>>
Ivren wen fe si.
Yeso a kpa wa lilo bɨzhi hari chuwo
Riwa a hi gra meme wa yo wa nji Garasina nji hari wa wa he lilo bɨzhi wa zhu bubu gru. Wa ri fe wati sisiri, branbran njo ka ran hu ko mba ran. Wa kpagɨro wari tre, <<Ingye wu wa ri ta a wu ivren Izhi? Wu ye riwa wu no ta ya iwa ivi na ti ri na?>>
Iko a fon bran ri bubu wa, wa he ri dushu wako wana riri. Ibɨzhi a bre Yeso ri,<< nga wu dzu ta hi ra tru ta yo ikpa dushu.>>
Yeso a tre wa <<Hi,>>Wa ka zhu wa ri hi kpa dushu, wa tsutsu,wari wagra ma wa ri ku.
Iwa wa ho dushu wa tsutsu gra gbu wa ka la nji ikya riwa ti a ti kabru ri jin wa, wa he lilo bɨzhi. Igbu wawu wa wulunde hi wa fe Yeso wa, wa to vren Bachi wa Bre wu no ka gbu meme mba don na hi ngawan.
Yeso a no Nji riwa aran ran tre ran no tre
Riwa wa ran hi ngamba, nji ri riwa a he ri ibɨji a ran ya tre ran waka ngɨzhi wu ye ri Yeso. Riwa wa zhu ri bɨzhi mangbi-a ka gra tre.Imba ikpanji waka tre ri, <<Wa ran to bibi tin nyi zari ri Israila ran.>>
Yeso nga Baalzabul
Waka ngɨzhi nji riwa a he ri ibɨji ran ti nfɨyen ran he mangbi, Yeso ka no ran tre na to tsu.
Yosron riwa Wa
Yeso a wurunde mba hi ri meme Taya mba sidon. Imba iwa ivɨra kaana ri ka ye riwu ran dzu ran ran tre ri, <<Bachi, Ivren Doda, to losron won shi! Meme bɨzhi ri wuru vɨra won ari to ya.>>
Imba ka ran tre kya ran. Imiriko wan waka ye wari bre wu ri, <<Zuu no hi ngawan, ari hantaton ri yi wan.>>
Imba Yeso ka tre riwa ri, <<Wati wen ndu ye ri wa Israila wawa wa kado nye rinkɨshe.>>
Ama iwa-a kaye ran kɨbumgbazhu ku si wan.<< Bachi, zon wen>> Ka tre.
Ka tre riwu ri,<<Aran bi nowa no yawu ri riwa miri ran.>>
<<Een, Bachi,>>Iwa-a ka tre,<<Kau yawu ngawen wa ri juzhu ri riwa a ku zhu ri kpanchi tiko wan.>>
Imba Yeso ka tre riwu ri, <<Iwariko, yosron wen senkpa! Ikya riwa wu mɨyen wa no wu.>>Imba lilo vira wan ka kɨre.
Ikpa Vɨran riwa a he ri Lilo Bɨzhi Chuwo
Riwa wa ye ri kpa nji, nji ri ka chiwi ye ri Yeso ran kɨbu ngbazhu kusi wan. <<Bachi, ya vren won ri si lo sron.>> A tre, <<Ari ku kpinkpi, ari to ya bran. Ari ye ka ku ri wuru ka rimi ima. Me ngɨzhi-u ye ri mirindu wen, wa ran to den chuwo ran.>>
<<Yeso ka tre riwa ri, biyi wawa bi ran kpa nyime ran nga wa sentu wa ndzan nyin,>>Yeso ka tre,<<shitan me son ri yi? shitan me vu sron ri yi? Ngɨzhi vren mba ye ri me.>> Yeso ka tre fu ri meme bɨzhi, nga ibɨji-a ka zhu jo rikpa vren-a, ka fe sii ri bubu wan.
Ri mba nji ri ri meme Yuu ka ye rimi tra ri kabrutu nji Yahuda ran ran kpagro, <<Yeso ri Nazaret ngye nye wu wa ri ta? Ka wu ye wuri wuu ta nye? me to ri wu he nji ri Tsitsri riwa Izhi nye!>> Yeso ka tre ri,<<Somgbi wu ri zhu ri kpa nji mba!>> Iyu meme-a ka dzan nji-a kpa ran no kpagro nga ka zhu ri kpa wan.
Inji ri La tre Izhi ran he ri mkpen ri gbu wan ran
Yeso nga miri ndu wan wa ka ruu gran nne ri Galili hi ri gbu Garasina. Ri gɨzhi Yeso rimi mvu ima, nji ri lilo meme bɨzhi riwa a zhu ri bubu no nji yɨbi ka ye ri Yeso. Inji-a a ran kru ri bubu riwa wa no nji yɨbi, injo a ran to lo-u ri che ran. Ritu riwa wa sondu ran lo-u wo nga dza ka suu che ran rega. Injo ka ran to vu lo ri che nga ran. Bla vi ri chu nga ri ji a ran zren rimi bubu riwa wa ban nji ri no yɨbi-a, nga ritu gashi ka ran kpagro ran ran dru ngawan kpa ri tita.
Riwa nji-a a to Yeso ri kpata, ka wulunde ri tsu ran ye kɨbu mgbazhu ri kusi wan. Inji-a ka Kpagro mgbamgban ran tre ri< Yeso, Ivren Izhi riwa a he ri mkpen bran ingye nye wu wa ri me? Me bre rimi nde Izhi ran no wen Yaa ran!>> Inji-a ka tre ngamba ritu Yeso a tre ri wu ri,<<A wu Yuu meme mba zhu zho ri kpa nji nyɨn!>>
Imba Yeso ka miyen-u ri,<<Inde wen he ngaa?>>
Ka tre ri,<<Nde won he ijɨbu, ritu ki kigbu ri kpa nji nyi.>> Ngha ka sondu ran bre Yeso ri no ran dzu wawa zho ri bubu nyi ran.
Ijɨbu dushu wa ko wari wa ran ri ri ri kpa mgblu hwɨreri bubu wan. Iyu meme-a ka bre Yeso ri,<<No ta ki hi gra ri kpa dushu wa ko wamu wuri no ta ki kii ri mi mba.>> Yeso ka nyɨme, imba Iyu meme-a waka hi gra rimi kpa dushu wa ko-a. Ijɨbu dushu wa ko-a wa he ngo hari nye, imba waka wulunde gbagbla wari gre hi wari ka ku rimi nne wari kuu.
Inji wawa wa ran kɨshu dushu wa ko-a waka tsutsu hi ri gbu ri bran nga gbu wa tsitsa, wari kasi bla tre kya riwa a ti wa kusan mba nga ikpa nji waka gre ye wari ye to kya riwa a ti.
Ama bi tre ri a tsra riwa ka wa tiwan wa miyen-u kya a ran no wa ran, ritu a ka dzi ri sron wan iri wawu ri ka no Izhi ikya riwa a hi ran ka ran no wa, Ri ngamba bi dzu ri dzon wa ti wan. Ri ngamba nye bi wu tre Izhi ritu bi ri tsro wari bibi ti mbi, ngamba nye bi ti kyawa kigbu.>>
Yeso ka bru yo jɨbu nji ran la wa ri,<<Biyi wo wen wawu mbi nga bi ri to. Aran kya riwa a gra ri kpa nji nye ri kpaa zuu Kusi Izhi ran, ama ikya riwa a zhu ri nyu nji nye ri kpa zuu Kusi Izhi.>>
Yosron Wa riwa a he waa Yudiya ran
Imba Yeso ka wulunde ran hi ri gran meme Taya. A gra ri ko a ran wa no njo no to ran Ama igra wan a ran he ri yayɨbi ngaran. Ri bubu wan iwa ri riwa ivra wan tsitsa a he ri lilo meme Yuu ka wo tre Yeso ran ye kɨbu mgbazhu ri kusi wan. Iwa mba a he wa Heleni nye, wa ngɨzhi-u ri Finikiya ri gbu Suriya a bre Yeso ri no dzu meme bɨzhi zho ri vra wan. Yeso ka la ri wu ri, no miri no wa ri hwɨshi ri, a ran tsra riwa ki vu ri miri ka sro ri yawu ran. >>
Iwa-a ka nyɨme ran tre ri,<<A he ngamba nye Bachi, ama ko yawu wa ye waka ye tan zhuzhu wan riwa a rega ri>> Yeso ka la-u ri ,<<Ritu nyɨme nyi riwa wu he ri wu, bru hi ko, meme bɨzhi ka vra wen don!
Ka bru hi ko ran ka to vra wan-a kru ri blaa, nga meme Yuu-a ka ka-u don.
Inji ri rimi jɨbu nji-a ka tre ri,<<Inji ri tsro me ngɨzhi vren won ye ri wu ritu a he ri lilo meme wu a ran ri to tre ran. Ri vi riwa lilo-a wulunde ri wu, ari ban wu taga ri meme ari no si funfon ri nyu ran ran tan ŋɨri, nga ran ran nɨme ngawan. Me miyen miri ndu wen no wa chu meme yu zho waka ran to ti-u ran.>>
Yeso ka tre wa ri,<<Biyi nji wa nzan nyi wawa bi ran he ri kpanyɨme ran, me son ri yi hi shitan nye? Me vu sron ri yi hi ri shitan? Ngɨzhi vren-a ye no wen.>>
Waka ngɨzhi vren-a ye ri Yeso, riwa iyu meme-a a to Yeso, ka wuru vren-a taga ri meme ikpa wan ka ran wɨri, inyu wan ka ran funfon.
Yeso ka miyen ti vren-a ri,<<Tu shitan nye ikya nyi vu?>> Ngha iti vren-a ka tre ri,<<A vu tu ri vren.>> <<Ari si wuru-u taga rimi wulu ko rimi ima, ritu ran wu-u nye. Ama ka wu to ti kyari wuka losron ri ta wu ri dzon ta.>>
Yeso ka la-u ri,<<Ritu ngye ko wu miyen ri ko me to ti? Ko ngye ri he hwri ri nji riwa a kpanyɨme.>>
Ri bubu wan iti vren-a ka nzu ran ran tre ri,<<Me he ri kpanyɨme; dzon wen no kpanyɨme won no bran!>>
Riwa Yeso a to jɨbu nji wa ran ye hyure ri wu ri tsu ka yira meme yu ngaa ri,<<A wu meme wu mba riwa wu dzu vren nji ri tre me wa no zhu ka-u don ran bru ye gra wu ri kpa ngaran.>>
Meme yu ka kpagro ran gɨzhu vren-a bran ran zhu hi ngawan ivren-a ka kru ka ikɨmo, ijɨbu nji-a wa ran tre ri,<<Ivren-a kuu.>> Ama Yeso ka vu wo ran nzu-u ka wulunde son nde.
Yeso a Kpa Kpanji wa lilo Chuwo
Imba ka wurunde rimi tra Izhi ran hi ko Bitrus. Iyi Bitrus ka ran fama ri meme nbɨzhu, Imba waka bre wu ritu wan. Imba ka kri ritu wan, ran yira lilo nbɨzhu ngha, ka kawu chuwo, me ron ka wurunde ran gbuchi ran tindu riwa.
Riwa Yeso a gɨzhi ri nyu nne tse nji ri riwa a he ri bɨzhi ka zhu rimi gbu ran fe wu ri kon. A ban vi riwa a ran su tsro ran, nga a ran ran son iko ran, tse ri bubu riwa wa no nji yɨwi. Riwa a to Yeso ran ban gro kpa, ran joku kusi wan, ran nzu ran ri,<< Ngye nye wu wa ri me, Yeso, Ivren Izhi riwa wa gbre wu? Me bre wu, ran nowen ya ran!>> A tre nganyi don Yeso no zu shnji bɨzhi jio riwawu don ritu riwa ibɨji a ran vu bla vi, Wa ye waka lo-u yo ri tra. wa lou ri che ama ka su che, meme bɨzhi ka zu hi ji. Yeso ka miyen-u ri,<< Inde wen he ngha?>> Ka tre,<<Tuli>>, Ritu ibɨji wa gra riwu kigbu. Ibɨji wa ka bre wu bran ri no ran no wawa no wa ku ri bubu kuu ran. To, ri bubu wan dushu wa ko waka kigbu wa ran ri ri ri benhen gashi, wa ka bre wu no kpa yɨme riwa nowa gra rimi mba ka kpa yɨme riwa. Imba wa bɨzhi wa ka don wari gra rimi wa dushu wa ko-a gre ke wa dushu wa ko wa ka gre gra ban mi nne wari kuu. Riwa imiri wa kɨshu dushu wa ko wato kya riwa a he, wari wurutsu, wari la tre-a ri wa nchon gbu ri tsitsa gbu. Imba wanji waka zhu riwa wato kya riwa a ti. Riwa wa ye ri Yeso, wa ri ye fe nji riwa wa bɨzhi wa zhu rikpa wan, a son ri kusi Yeso, a su tsro, ituwan kae riri mba waka ti sisiri.
Mi la yi janji, wari ŋbi wawa wa kuki ri nyin wa ran kuu ran tse wa to Kpanchison Izhi.>>
Isran kpawan Yeso
A he vi tandara riwa Yeso a tre kya wamba, a ban Bitrus, Yohana nga Yakubu, wari hi bubu bre Izhi ri tu ngblu. Riwa a ran bre Izhi, isi wan ka sran, itsɨro wan ka he kinklan pwa ka ishanwulu ndzan. Ri bubu wan, Musa nga Iliya, Waka ye rimi gbre ri kpen, wa ran tre ri Yeso, wa ran tre ritu hi ngawan, ari he bibi riwa wa ka zi ri Urushelima.
Bitrus nga wa kpan zɨren wan wa ran kru ngha, ama riwa wa shɨme ngha wa to gbre Yeso wan nga nji hari waka ki ri wu. Riwa nji-a wa ka Yeso ran don, Bitrus ka tre ri wu, Itiko, a bi riwa ki he ri nyin. Ri nowa ti bru ti tra iri riwa Musa nga ri riwa Iliya.<<A ran to kya riwa a ran tre ran.
Nji ri rimi mba ka yo wu ri.<<Nji ri tsro, me bre wu no ya vren won, ritu wawu nye he vren won nkankshi wan. Ibɨji-a risi hon wu,ari son ka kpagɨro ba yo sron. Ibɨji-a risi wuruu, ikpawan risi wɨri, nyu wan risi funfon. Aran ri kau chuwo ran tse a kpa time. Me ibremiriko wen nowa zuu wa zhu, ama wa ran ya ran.>>
Yeso a tre wa, <<Biyi wa bi ran senkpa ri tre won ran, ri son won ri yi bran bran bi ran towan ran shi tan bi to kya? Ban vren wen ye ri me?>>
Kau riwa ivren-a a ran ye, ibɨji-a ka ban wu taga ri meme. Ama Yeso ka yɨra ŋnga ri wu meme a, ran no si nga ran ka vren-a no tiwan. Wawu mba waka ti mamaki ritu nkpen Izhi.
Riwa wana ti mamaki ritu kya riwa Yeso a ti, ka tre ri miri nduwan,
Yeso ri Balzabul
Chachu ri Yeso a ran zhu ri mangbi bɨzhi ri kpa nji ri, Riwa ibɨji-a zhu tse nji-a ka tre, ikpanji waka ti sisri.
Iri rimimba ka chu njingban ran ka sɨren wu vunvu ton kuwori taga. Ama Yeso ka nyɨme, <<bi kawa chuwo ngamba>>Ran ban ton a ka ngha ri wu nga ran no si.
Wawa Yohana a tiwa ndu waka hi kamba, Yeso ka gbuchi ran la gbunji tre ritu Yohana, ran ran tre ri <<Ngye bi ka to rimi ji? Bi hi bubu to gbundo giga riwa gungu a tru wu taga? Ko, iya ngye nye bi hi bubu ya? Nji riwa a su tsro dindi? Aran kamba ran, wawa wa su tsro wa ti nkɨren wawa wa son ri tra bla tre chu. Ko, iri ngye nye bi ka ya? Nji ri la tre Izhi? Me layi mba, a han nji ri la tre Izhi. Rinyin nye he riwa itre wan he rimi ngha ran tre,
<Ngye ngha me ti nji ri ndu a hi kusi wen,
ri wa a ri milan nkon ti ri wu ri ko wuri ye.>
Mi layi, rimi wawa riwa mba wa ngɨzhi, ba riwa a han Yohana, doka ri kamba riwa a han wa ti ri shu wawu ri kpanchison Izhi a han.>> A wu riwa wuwo ri nye, ri wawa wa kpa nkɨren ri meme, waka kpanyɨme ri nkon Izhi wawu nye a tsra ritu mba nye waka vuwa son tu ima wa Yohana. Ama Farisa ri wawa wa tsro doka Musa waka kamba ritu kya riwa Izhi ka zi ri wa. Waka kamba ri no Yohana no ran vuwa son tu ima ran.