1 Ritu nganyi, ame riwa wa tren wen ritu Bachi, me ibreyi no yi son riwa a tsra ri bibi yo riwa Bachi yo yi. 2 Ka tu mbi yo ri meme, rere, nga vu sron. Tsro nyɨme mbi ri ngambi. 3 Ti kya riwa bi to ti bi ri mɨlan son mbi riwa itu mbi no he riri, bi kabru rimi si sron. 4 Ikpa riri nga Yuu riri nye he bibi riwa iyo sron riri riwa Izhi yo yi-a. 5 Bachi riri nye he, iyo sron riri, isontu ima riri. 6 Izhi riri nga A ti ri wawu, riwa a he Bachi ri Wawu, ari tindu zu rimi wawu,

7 Ama ko ngaan mbi kpa dindi ti bibi senkpa riwa Kristo de. 8 Bibi riwa imbe ri tre ri;

<<Yeso a hi ri shu mu, a vu wawa wa tren wa ri ngawan,

ran no nji kyawa.>>

9 Zizan, riwa wa tre ri,<< A hi ri shu-a>> Ri tre, ri sen, a gɨzhi ye ri meme? 10 Riwa a ye meme, a he riri ri riwa a hi rishu, ri shu nga ri meme, riwa a ri shu ri shu nga ko ngye. 11 A zhu wari no wa he wa tindu Izhi, wari wa la tre Izhi, wari wa tre tre Izhi, nga wa tsro tre Izhi, 12 Ritu no wa nji Izhi no wa fe no wa to tindu riwa wa hu Izhi, ritu riwa wa mme kpa Kristo, 13 riwa kita wawu mbu ki ran kabru kiri he riri rimi yo sron mbu nga to mbu riwa Yeso, ki he wawa ki yi kpa, nga ki ri to bibi nkpen riwa Kristo he riwu.

14 Wati rinyi ritu no ta ki ran bru he ka imiri ngaran, riwa gungu ri vu wa ran fu wa rega ritu tsro mba riwa wa gyuru nji ri bibi ti mba. 15 Ritu nganyi, no ta ki la kpunji ritu nyɨme ki ran gbron rimi wan ko rimi nkon ritan wa to Kristo, wawu riwa a he nji riwa ari ngɨzhi ta. 16 A no wa hu Izhi no wa gbron rimi Yuu mba, wari ngɨzhi-u rimi zon riwa ko igbre ritan rimi mba ri zon ko ritan ri zon kpa ri gbron, ran ri zon ri nyɨme.

17 Me la yi, me kawon ri la yi rimi nde Bachi, ran he ka bibi son wawa wa ran he nji Yahuda ran, wawa wa he ri rimɨren ri kuklu. 18 Isron mba ti bu, wa he graan ri tu son riwa Izhi ri de, ritu to riwa wa ran to ran he riwa, ritu sentu mba. 19 Isron mba he gbingbindri, wa gra rimi ti kya ri shan, wa gru si rimi ti meme ti.

20 A ran he ngamba nye wa tsro yi ri nkon Kristo ran. 21 Wari tre ri bi srenton riwu, wari tsro yi ri wo wan nye, bibi riwa kpunji tre riwa Kristo he. 22 Bi kpanyɨme ri bibi ti mbi risen, riwa bi he rimi wan, riwa ari time ritu mbiye wan riwa ari gyuru nji. 23 Biyi sran sron mbi, 24 ka sron sisa riwa wa ngɨzhi, ri bibi riwa wa ngɨzhi-u a he ka Izhi inga a ŋɨran ngawa rimi son ri kpunji riwa a tsra nga Tsitsri.

25 Iche ran he ngaran, biyi bi to ko ngaan ran la vayi wan kpunji tre, ritu ki he wambu wawu rimi kpa Kristo. 26 Inde bi ti fu, ran no fu mbi no ngɨzhi yi hi no yi ti meme ti ran, ran no fu mbi no he hi ri yawulu ran. 27 Ran ka nkon chuwo ri memenji ran. 28 No nji ri yɨbi no ran bru yɨbi ran, tse no ran chu kpa ran ran tindu kpi nji ri wo wan, riwa ari fe kya riwa ari no wa ti ya.

29 No gigla tre kyari no ran zhuu ri nyu mbi ran, tsede no he bibi tre riwa a tsra riwa ari zon nji, nowa tre, ran bru tre, ritu tiwan ari no kya dindi no he ri wawa wa wo-u. 30 Bi mɨlan ya, ran kpa sron Yuu ri Tsitsri riwa Izhi time ran, Iyu he alama kya riwa Izhi ri tumbi, ivi ri ye riwa Bachi ri kpata chuwo. 31 Bi ka ko bibi tre riwa a rii chuwo, ran yira njo ngaan ri fu ran, ran tifu ran, ran tre meme tre kya ritu njo ran, ran kawen ri njo ran. 32 Ti dindi ti ri ngambi, ran lo sron ri ngambi, bi ri ran ka meme ti ngambi rega bibi riwa Izhi ka meme ti mbu rega ri ta dzu ritu Kristo.