1 Ri sen biyi wawa bi ran to Izhi ran bi kuu rimi Yuu ritu ka wo tre ri sentumbi nga meme ti, 2 Wawa bi ran he rimi wan ri sen, bi hu kyawa wa gbengbren ri shu, wa to ngungu nyi riwa a ri zhuu rimi sron wa ka tre Izhi wo 3 Kita wawu ki he ka wawa ki kii ri hu mbye bibi wambi nji, ki ti kya riwa ikpa ri sron wa wa, hari bi ri ri hu sron mbi lele nye ifu Izhi he ri tu mbu, biyi ngbron nji. 4 Ama ilosron Izhi a kigbu, nga nyɨme wan rita a he nkpen mbi mba. 5 Riwa ki kuu rimi Yu ri ka wo mbu a ngɨzhi ta ye ri si ri Kristo. A he rimi dindi ti nye a kpa yi chuwo. 6 Rimi kabru mbu ri Kristo Yeso a tata shɨme ri wawu ran no ta ki kii ri kpanchison wan ri shu. 7 A ti rinyi no tsro ta ri vi wawu ri nzan riwa ari ye a tsro dindi tiwan bibi wan ran he ran, ritu tsro ta dindi ti Zu riwo Yeso Kristo. 8 Ritu dindi ti Izhi nye wa kpayi chuwo ritu yo sron a ran he ritu gbengbren mbi ran a he ide riwa Izhi nye, riwa njo ran kpo ngwan ran. 9 Aran he ritu ndu mbi ran, riwa njo ri kpo ngawan ran. 10 Kita ki he wandu Izhi, riwa wati ta rimi Yeso Kristo no ta ki tindu dindi, riwa Izhi ti zi ri ta kusi mu riwa ki ti.

11 Biyi wawa bi ran he nji Yahuda ri ngɨzhi ran riwa wa yo yi,<<Biyi wa wa wa ran fon yi nju ran>> Ran tre ri<<Ri nji Yahuda wa wa wa yo ngamba ri,>>Wa wa wa fon nju riwa wa kɨma-u ti kya riwa nji wa ti ri kpa mba tika kya ri wa bi he ri sen. 12 Taka chachu mba, bi he kpata ri Kristo. Bi he gran bi ran he wawa Izhi a chu yi ran, bi he tsren bi ran he rimi miri alakauri ran, ri wa a he rimi tre dzi ri wa Izhi ritu miri wan, ri wa bi ki ri gbungblu me nyi mba yo sron mba Izhi. 13 Ama zizan, ri katu kabru mbi ri Yeso Kristo, biyi riwa bi ran he kpata wa ngɨzhi yi ye ku san ri yii riwa Kristo.

14 Wawu Kristo ri tuwan ngɨzhi si sron ye wawa wa ran he nji Yahuda ran ti riri. Ri kpa wan a yira kankan ri wa a ga wa ti hari ran no wa he kpan fu ngamba. 15 A dzi doka ri nji Yahuda ri wa doka wan rimi de kpa wan, ritu wan nye a ngɨzhi nji ri sisa dzu ri wo nji hari, ngamba nye a ngɨzhi son ri sisron ye. 16 Ngha ran ka wa dzon tu haha mba ri Izhi, no wa he kpa riri, ritu konkron riwa wa kpan-u, ngamba nye a chu fu zho ri tsutsu mba. 17 Imba kristo a ngɨzhi tre dindi ye ri yi biyi wawa bi he kpata ri Izhi nga nji Yahuda, wawa wa he hyure ri wu. 18 Ritu wan nye haha mbu ki fe zhuu ri A ti ritu nkon Yuu riri 19 Ashe, biyi bi ran he gran ngaran, ko ka tsren, ai bi he wa kpan wawa ki ki wawa wa Tsitsri wa ko Izhi, 20 wawa wa mme wa ri nchinchi wawa wati ndu iwa wandu Izhi, Kristo Yeso kyuwan wawu nye he tita ri nju tra riwa wa mme. 21 Itra riwa wa mme wa kabru tu wa ri mme, a he tra ri Tsitsri riwa Izhi. 22 Rimi Yeso nye bi yi ngawen wawa me no yi he bubu son Izhi dzu ri wo Yuu.