1 Ritu ngamba, ame Bulus riwa wa tren wen ritu Yeso Kristo ritu biyi wawa bi ran he nji Yahuda ran. 2 Kpunji riwa bi wo ri Izhi rimi dindi ti wan a no wen ndu nyi meti ritu no bi ri yi, 3 Me ngaa riyi tsawen ri, Izhi zhu ri kya riwa a riri ran bu ri mo no wen to-u. 4 Inde bi kra kya riwa me ngaa, bi to kya riwa me to ri kya ri yayɨbi riwa Izhi. 5 Ri vi riwa wa vuyɨba wa ran la kyawa wa yayɨbi ri wa ran, ama Izhi bu wa riwa dzu riwo Tsitsri wandu Izhi ri wa la tre Izhi. 6 Yayɨbi kya nyi wa he riwa ritu tre tre Izhi wawa wa ran he nji Yahuda ran wa he kpan gado rita, igbɨrekpa riri, wa kpan ka bru nga ka tre dzi rimi Yeso Kristo.

7 Wa yo wen me he nji riwa me tre tre Izhi nyi, ritu ide ri dindi ti riwa Izhi riwa wati ri mo rimi gbengbren. 8 Ame riwa tsitsri won he fiwen han wa ko ngaan, ame nye wa no wen dindi ti nyi no wen tre tre Izhi ri wawa wa ran he nji Yahuda ran ritu bibi wo riwa Kristo he ri wu riwa wa ran to bla ran, 9 nga meri tsro nji wawu bibi tre ri yayɨbi riwa a kru ri me ise ri se riwo Izhi, wawu riwa a ngɨzhi 10 Wa ti rinyi zizan ritu riwa no wa la bibi to riwa Izhi he riwu kankankan ri wa la tre Izhi ri wa gbengbren ri shu, ri nkon wawa wa hu Izhi. 11 Izhi ti rinyi ritu wan wan riwa a ran kre ran, riwa a ka dzi dzu riwo Yeso Kristo Bachi mbu. 12 Ri wu Kristo nye ki fe nkon hi ri Izhi, ri kpa nyɨme mbu kusi wan. 13 Me ibreyi, vu sron, ran ti sisiri ritu ya riwa me ti ritu mbi ran, a he gbre mbi nye.

14 Ritu nganyi, me kɨbu ngbazhu me ri bre kusi A ti mbu, 15 Wawu riwa ari yo nde ri bla ri me ri shu nga meme. 16 Me bre Izhi no no yi bibi de riwa a he rimi gbɨre wan, no no yi Iyu ri mkpen gbengben ri sron mbi, 17 me ibreno Kristo no son ri sron mbi ritu kpanyɨme mbi, nga me ibreno nyɨme no son ri ko wan bran rimi sron mbi. 18 Me bre Izhi ritu biyi, ri wanji riwa Izhi, bi ri fe gbengbren riwa bi to bibi bran nga gbron, bibi dzen nga nkpen nyɨme riwa kristo he ri wu. 19 Bi ri to bibi nyɨme riwa Bachi he ri wu ri ta, riwa a han gbengbren to nga riwa wa shu yi ri sho riwa Izhi.

20 Nkpen he ri nji riwa a he ri gbengbren han kya riwa ki bre wawu, ko ka, ki ti rimi gbengbren wan riwa a he ri sron mbu, 21 Nkpen he wa Izhi ritu wawa wa hu Izhi nga ri Yeso Kristo bla vi, hi ri kremkpen ri krenmkpen! No he ngamba.