Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
Jesusan bënxuñu rabë́ pëxküa
Anuax kuania ka Jesús bëxuñu uni rabëtan nuibiankin, kuënkënkin kakëxa: ¡Davitan rëbunki nu kamina nuibakin ꞌakinti ꞌain!
A xubunu Jesús atsinkëbë ka bënxuñukama a ꞌurama kuania, ñukakëxa: —¿Mitsun kaina ꞌën karana uisakin mi ꞌati ꞌai kixun sinánin?
—Usa ka ꞌën ꞌIbu, ka kakëxa.
Usa ꞌain ka Jesusan aín bëru tikakin kakëxa: —Min sinankësa oi ka ꞌiti ꞌikën.
Usa ꞌaín ka bëpëxkukin Jesusan kakëxa: —Uibi kamina ñuixuntima ꞌain.
ꞌAibi ka pikukin kamabi menuxun ꞌunantanun Jesusan ka ꞌë pëxkuaxa kixun ñuiakëxa.
Jesusan rabë́ uni bëxuñu bëpëxküa
Jericó nuax chikikiani kuania ka ꞌaisamaira unin Jesús nuibiankëxa.
Rabë́ uni bënxuñu ka bai ꞌurama tsoakëxa, Jesús kuainia kuakin ka munuma kuë́ënkënkin kakëxa: —ꞌËn ꞌIbu, Davitan rëbunki, nuibakin ka nu ꞌakin.
Unin ka kakëxa banama ka nëtët, kakëxi ka akamax nëtë́tima kushíira kuënkëni kiakëxa: —¡ꞌËn ꞌIbu, Davitan Bëchikë nuibakin ka nu ꞌakin!
Usa ꞌain ka Jesusan nirakëkin bëxuñukama kuënxun ñukakëxa: —¿Añu mikama kupin ꞌati kaina kuë́ënin?
Atun ka ësakin kakëxa: —ꞌËn ꞌIbu nukama ka bëpëxkut.
Jesusan ka nuibakin akama, ramëkin aín bëru mëakëxa. Usakin ꞌakëxëshi ka bëpëxkuakëxa, usai ꞌikin ka Jesús nuibiankëxa.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
Usaia ꞌikëbë ka uni achúshi aín nami chankui ꞌinsinkë an a bëtanain aín rabuxutan tsobukin ësakin kakëxa: —ꞌËn ꞌIbu ꞌaisa tankin kamina ꞌë pëxkuti ꞌain.
Kakëxun ka Jesusan aín mëkënan ramëkin kakëxa: —Ka pëxkut kakëxëshi ka ¡Aín nami pëxkuti mëniokakëxa!
Usai ꞌia ka Jesusan ësakin kakëxa: —Ka is uibi kamina ñuixuntima ꞌain; sacerdotenu kamina kuanti ꞌain, kuakin kamina a Dios ꞌinantia Moisés kiasabi okin sacerdotekaman isnun ꞌinanti ꞌain.
Usai ꞌikëbëtan ka uni ꞌinsinkë nikinbi tankëma achúshi bakëtinu ꞌaruxun ubankëxa: An uni ubankë an ka Jesusan ka ënë uni pëxkuti ꞌikë kixun sinankëxa, sinánia ꞌunankin ka Jesusan ꞌinsinkë uni a kakëxa: —Chuamarua ka ꞌit min ꞌuchakama ka tërë́nkë ꞌikën.
Kia kuakin ka an kuënëo bana ꞌunánkë uni rairinën sinankëxa: —Ënë unix ka ꞌatimati Diosmi banaia ax ka ꞌaisama ꞌikën.
Kia atun, sinán ꞌunankin ka Jesusan kakëxa: —¿Uisa kupin kaina mitsun ꞌatimakin sinanin?
¿Uisa kara "Min ꞌucha ka tëmashi tërë́nkë ꞌikë", mi kanabi "Nirukiani ka kuantan kixun mi kati ꞌik".
Kana mi ismiti ꞌain, ꞌën Unin Bëchikë ꞌixun kana ꞌënribi ënë menu kushi ꞌixun, uni aín ꞌuchakama tërëana. Uni ꞌinsinkë nirukibi tankëma: —Nirukiani ka min bakëti bibiani min xubunu kuantan kati ꞌain.
Usakin kakëshi ka nirukiani aín xubunu kuankëxa.
Anu ka uni achúshi aín mëkën bamakë ꞌiakëxa. Usa ꞌain ka Ami manankatsi kixun Jesús ñukakëxa, —¿Anun ñu mëtima nëtën uni pëxkuti kara asabi ꞌik?
Kakëxun ka Jesusan kakëxa: ¿Uinu ꞌikë mitsu uni achushitan kara, achúshi ñuina ꞌarakakë ꞌixun anun ñumëtima nëtën kininu pakëtia baritima ꞌik?
¡Achúshi unix ka ñuina ꞌarakakësamaira ꞌikën! Usa ꞌain ka anun ñumëtima nëtën ñu upíira ꞌati asabi ꞌikën.
Usa ꞌain ka Jesusan aín mëkën ꞌinsinkë uni ka mëishpak kakëx, mëishpatishi aín mëkën pëxkuakëxa.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
Usai ꞌikëbë ka xanu akumakë mëkën rabë́ ꞌimainun rabë́ baritia, imi putakë an Jesús kaxu kuankin aín chupa kuëbi tikakëxa.
Ka sinánkëxa: ꞌAin chupa tikaishi, kana pëxkuti ꞌain.
Kuainakëkin ka Jesusan isakëxa, iskin ka xanu kakëxa: —Chuamarua kamina ꞌiti ꞌain, xu xanu. ꞌËmi sinani kamina pëxkua, anuax ka xanu pëxkukë ꞌiakëxa.
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
Xanu ꞌinsinkë ꞌimainun Jaironën bëchikë xanu ia
Jesusan bana ñuikëbë ka judiosnën ꞌapu aín kushi achúshi ukin kakëxa: —Aín rabuxutan tsobukin, ꞌën bëchikë ka bamatisa ꞌikë, usa ꞌaibi ukimin min mëkën anu nankëx ka iëti baiskiti ꞌikën.
Jesús nirukiani kuankëbëa, aín unikama abë́ nirukiani kuania ka nuibiankëxa.
Jesusan ka judiokama ꞌapun xubunu nukukin isakëxa, an ñu më́ëkë unikama bukukë isanan uni sharati inia isakëxa.
Ka kakëxa: —Ka pikú ënuax, xu xanu ka bamakëma ꞌikën, ka ꞌuxaxa kia ka. Unikaman Jesús usankankëxa.
ꞌAibi ka anu ꞌikë unikama a chikini atsinki ka, xu xanu aín mëkënan bikin biruakëxa.
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
Jesusan suñuón bukubumia
Ësakin katankëxa ꞌukëmanan kuanux manë nuntinu ꞌirukëbë ka aín ꞌunámikë unikamaribi këñuruakëxa.
Usai suñuan ꞌikuasinkëbë parumpapa bëchunki manënuntinu ꞌunpax ꞌirui uchuakëxa. ꞌAibi ka Jesús ꞌuxakëxa.
Usai ꞌikëbëtan ka aín unikaman Jesús bësunkin kakëxa. —¡Nukën ꞌIbu, nu ka ꞌiëmit! Kananuna nanëtin.
Kia ka Jesusan bësukin kakëxa: ¿Uisa katsi karamina ꞌitsaíira rakuëtin? ¿Mitsun kaina Diosan ka nu bëruankin ꞌakinia kixun ꞌunániman? Ësakin kai nirukin ka suñuan ka nëtët kanan parúmpapa bëchunkë aribi bukubut kakëxa, kakëx ka aín bëchunkë nëtëishiakëxa.
Usai ꞌikëbëi ka aín unikama ratuti kanankëxa: —¿Uisa uni kara ënëx ꞌik suñuan ꞌimainun parunpapabi ka aín bana kuatia?
Anuxun ka bëbakishbukëbë a ꞌuruma kuankin aín unikama kakëxa: —Ka xupibutia ënëx ka anu uni ꞌikëma ꞌikë kamina unikama kuantanun kati ꞌain, kamina aín piti ñu marui ëmakamanu kuantanu xuti ꞌain.
Kakëxun ka Jesusan kakëxa: —Ënë kama kuanimabi ka asabi ꞌikën, míkaman kamina piti ꞌinanti ꞌain.
Atun ka kakëxa: —Ënu ka mëkën achúshi pan ꞌimainun rabë́ tsatsa ꞌikën.
Kakëxun ka Jesusan ësokin kakëxa: —Ënu ka ꞌë bëxun.
Anuxun ka ꞌitsaíira uni basinu tsobumiakëxa, usokin ꞌatankëxun mëkën achúshi pan ꞌimainun rabë́ tsatsa aín mëkënan bitankëxun, manámi bësunkin asabi ka kixun katankëxun aín unikama ꞌinankëxa, anuxun ka kamabi uni atun mëtikakëxa.
Kamaxubi ka puchakin piakëxa, usotankënxun ka axa tëxëkë mëkën rabë́ ꞌimainun rabë́ kaki buakakin biakëxa.
ꞌAn pikë unikamax ka cinco mil uni ꞌiakëxa, ꞌai ka xanu ꞌimainun tuakama tupun këma ꞌiakëxa.
Pë́karakuatsinia nëtë xabakëbë ka, Jesús parúmpapa kamananën atumi kikuatsini uakëxa.
Jesusan ꞌitsaíira uni pimia
Usakin ꞌatankëxun ka Jesusan aín unikama kuëntankëxun kakëxa: —Ënë unikama kana nuibatin ka rabë́ ꞌimainun achúshi nëtën ꞌëbë́ ꞌikën, aín piti ka ꞌaima ꞌikën; pimixuma kana aín xubunu xuisamatanin bain kuani ka bëënanti ꞌikën.
Aín unikaman ka kakëxa: ¿Uinua karana ꞌitsaíira uni pimiti piti biti ꞌain? Ënëx ka anu uni ꞌikëma me ꞌikën.
Jesusan ka ñukakëxa: —¿Uitiu panñu karamina mitsux ꞌain? Mëkën achúshi ꞌimainun rabë́ panbë ka tsatsa ꞌitsamashi anu ꞌikën, kixun ka atun kakëxa.
Usa ꞌain ka kamabi uni tsobunun kixun kakëxa.
Mëkën achúshi ꞌimainun rabë́ pan këñun tsatsa bikin ka nukën Papa Dios asabi ka kixun kakin aín unikaman, tukapakin atu mëti kakëxa.
Kamaxunbi ka puchakin piakëxa, aín tëxëkë ka mëkën achúshi ꞌimainun rabë́ kakí uakakin biakëxa.
An pikë ax ka cuatro mil uni bëbu xanu ꞌimainun tuakamaribi, tupunkëma ꞌaish ꞌitsaíira ꞌiakëxa.
Anuxun Dios rabiti xubunu kuríki ꞌinanti bana
Jesús ꞌimainun aín unikama Cafarnaúmnu bëbakëbë ka anuxun rabiti xubunu inanti kuríki bikë unikama Pedro isi kuankëxa, kuanxun ka ñukakëxa: —¿An mi ꞌunamikë unin kara xubunu inanti kuríki ꞌinanin?
Ñukakëxun ka Pedronën kakëxa: —Ka ꞌinania, usakin kakë basikëma ꞌainshi xubunu atsinia ka Jesusan ësakin, Pedro ñukakëxa. ¿Simón min kaina uisakin sinani?. Ui unikama kara kupionun kixun ënë menu ꞌikë ꞌapukama kain, kara ꞌain ꞌaintsikama kain, ianan kara bëtsi menu ikë unikama kain?
Pedronën ka kakëxa: —Bëtsi menu ꞌikë unikaman ka ꞌinania, kakëxun ka Jesusan usa ka kixun kakëxa. Aín aintsikaman ka kupioima bëtsi unikaman ka kupioia kixun kakëxa.
ꞌAibi kamina nun kananuna kuríki ꞌinanima uni kitima kupí parunpapanu kuaxun mishkikin apain bikë tsatsa ꞌain ananua mërakin kuríki biti ꞌain, a kuríki kamina minan ꞌimainun ënaribi ꞌinanti ꞌain.
Jesusan higuera ꞌatimo
Ñantamashi ka Jesús Jerusalén ëmanu kuantëkëankëxa, bain kuani ka panankëxa.
Anuxun ka higuera achúshi isakëxa. A ꞌurama kuankin ka bai rapasu nikë bimiñuma aín pëchishi isakëxa ískin ka kakëxa: —¡Uinsarabi kamina bimiñu ꞌitima ꞌain! Kakëx ka higuera bënëtishi xanankëxa.
Usaia ꞌikëbë ratuti sinankasmakin ka aín unikaman Jesús ñukakëxa. ¿Uisati kara higuera bënëtishi xananx?
Jesusan ka kakëxa: —Kana asérabi mi kain, mitsunmi ꞌëmi sinankin këmëkima ka ꞌiti ꞌikë kixun kakëx ka ꞌën higuera ꞌakësa oiribi ꞌiti ꞌikën, ënë matá kamaribi ka parunpapanu ka kuantan kakëx ka kuanti ꞌikën.
Kamabi ñu mitsun abë́ banakin ami sinánkin ñukakë a kamina biti ꞌain.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
Jesusan Capitanën ñumëmikë uni pëxkua
Jesús Cafarnaúmnu atsinkëbë ka capitan achúshi romanu ꞌikë an ꞌakinun kixun kai kuankëxa.
Kuanxun ka kakëxa: —ꞌËn ꞌIbu, ꞌën ñu më́mikë uni ka ꞌisinkë xubunu ꞌikën, ka ꞌitsaíira tëmërakin paë tania.
Kakëxun ka Jesusan kakëxa: —ꞌËn kana pëxkui kuanti ꞌain.
Kia ka capitannën kakexa: —ꞌËn ꞌIbu, mix xubunu atsinti kana kuëënima; atsinkima kamina pëxkunun kati ꞌain, usokin mi kakë ka ꞌën ñu më́mikë uni pëxkuti ꞌikën.
ꞌËnribi kana ꞌën ꞌapu kikësabi okin ꞌain, ꞌën suntárukamanribi ka ꞌën kikësabi okin ñu ꞌaia, ꞌën kuantanun kakëx ka kuania; ꞌën kakëx ka bëtsix aia, ꞌën ñumëmikë uni ñu ka ꞌat kakëxun ka ꞌaia.
Usakian kakëx ratukin ka Jesusan abëa kuankë unikama kakëxa: —Kana mi kain Israelnua kana ë́sa uni iskëma ꞌain.
Usa ꞌain kana mitsu kain ꞌitsaíira uni ka amiax bari urukë anuax umainun, aín tsipumiax uti ꞌikën, utankëx ka Abraham, Isaac, Jacob, abëtan pi naíkamëonu timë́ti ꞌikën.
ꞌAibi ka axa naíkamëonu ꞌisatankë unikama ax bëánkibukënu nikë ꞌiti ꞌikën. Anuax ka tëmëranan bënëti inkin aín xëta ñërëxkati ꞌikën.
Usakin katankëxun ka Jesusan capitan kakëxa: —Min xubunu kuantankëxun kamina min sinankësabi oi ka pëxkuaxa isi kuanti ꞌain.
Ësai kikëbëishi ka capitanën ñumëmikë uni pëxkuakëxa.
Ñunshin ꞌatimañu uni Gadara ꞌia
Kuanx Gadara menu bëbakëbë ka rabë́ uni ñunshin ꞌatimañu anu uni mainkënua piku kuasini uakëxa, Jesusbë mëranani. An ka bai kushíira ꞌixun uibi anu inutanuma bëarakëxa.
Usa ꞌai ka a isi munúma kuënkënkin Jesús kakëxa: ¿Uisoti karamina Jesús Diosan bëchikë min nu ubion? ¿Anun mi nu tëmëramiti nëtë ka ꞌisama pain ꞌikën, ꞌaibi karamina uban?
A ꞌuri pachu ka ꞌitsaíira kuchin piabakëxa.
Usa ꞌain ka ñunshin ꞌatima uninu ꞌikë an Jesús kakëxa: —Nu ëman chikinkin kamina nukama kuchikamanu xuti ꞌain.
Jesusan ka kakëxa: —Ka kuantan.
Kakëx ka ñunshin ꞌatimakama a uninuax chikikianx kuchikamanu atsiankëxa, atsinkëbë ka kamabi kuchikama abakiani kuanx kuëëtunua parunpapanu rëukuti bakami kiakëxa.
Usai ꞌikëbë ka an kuchi bëruankë unikama abakiani kuanx, bëbakin a ꞌurama ꞌikë ëma anu ꞌikë unikama, ñuixunkin ka usaia ñunshin ꞌatimañu uni rabë́ ꞌikë a kamabi ñuixuankëxa.
Usokin chanioia kuabiani ka a ëmanu ꞌikë unikama abakiani anua Jesús ꞌikë nu kuankëxa, anu rikianxun iskin ka kamaxubi atun nëtënuax chikinun kixun kakëxa.
Jesusan banañuma uni banamia
Bënxuñu unikama chikitamainun ka uni banañuma Jesusnu bëakëxa, anu ñunshin ꞌatsian ꞌikë.
Anua Jesusan ñunshin chikinkëbë ka uni banakëxa, usaia ꞌikëbë ka uni ratuti sinankasmai kiakëxa: —¡Uinsarabi ka Israelnu ësa ñu ꞌiama ꞌikën!
Jesús mi atimati bana
Usai ꞌikëbëtan ka uni achúshi ñunshin ꞌatimanën ꞌimikëa bëxuñu ꞌianan banañuma Jesusnu ubankëxa, ubania pëxkukëx ka uni banakëxa.
Judioma xanu sinan kushi ꞌia
Jesús ka anuax Tiro ꞌimainun Sidón menu kuankëxa.
Achúshi xanu Canaan menu ꞌikë ax ka kuënkënkiani a ꞌurama obiani ësai kiakëxa: —¡ꞌËn ꞌIbu Davitan Bëchikë ꞌë ka nuibakin ꞌakin, ꞌën xanu tuá ka ñunshin ꞌatimañu ꞌaish ꞌitsaíira tëmëraia!
Kia ka Jesusan uisakibi kama ꞌikën. Kaiama ka aín unikaman kakëxa: —Ënë xanu kamina kuantanun kati ꞌain, ka kuënkën kuatsini nunu uaxa.
Jesús ka kiakëxa: —Diosan ka ꞌë Israel ëmanuishi, ꞌikë ovejakama ꞌibuñumasa ꞌikë anu ꞌë xuaxa.
Usai kikëbë ka xanu ax rantin puruni a bëmanon tsobuti kiakëxa: —¡Ën ꞌIbu ꞌë ka ꞌakin kiakëxa!
Jesusan kakëxa: —Nun bëchikë bikuantankëxun pan ꞌuchiti ꞌinanti ka ꞌaisama ꞌikën.
Kia ka xanuxunribi kakëxa: —Usa ka ꞌën ꞌIbu, ꞌuchitinënbi ka aín ꞌibuan kuëënan chanuxun pikëbëtan a tëmuxun aín sanibi pakëtia pia.
Kia ka Jesusan kakëxa: —Xanu min sinán ka kushíira ꞌikën, usa ꞌain ka min kuëënkësa oi ꞌiti ꞌikën. Kikëbëishi ka aín tuá xanu ax pëxkuakëxa.
Jesusan ñunshin ꞌatimañu tuá pëxkua
Usai ꞌikiani kuanx ka anua ꞌaisamira uni timëkë anu Jesús bëbakëxa, bëbakëbë aín bëmanon rantinpuruni tsobukin achúshi unin kakëxa:
—ꞌËn ꞌIbu, ꞌën bëchikë karamina nuibakin ꞌakintima ꞌain, ka ꞌaisamaira tëmërai pakëti aín nami bërëi sakiki, tsinu ꞌiruanabi bakanuribi pakëtia.
Usai ꞌia kana min ꞌunamikë unikamanu an ꞌë pëxkuxunun kixun bëa, ꞌaibi ka atun pëxkukëma ꞌikën.
Jesusan ka kakëxa: —¡Uni sinañuma aish upíma kama ñu ꞌatima atishi sinankë! ¿Uiti oishi karana mitsubë ꞌiti ꞌain? ¿Uiti okinshi karana mitsun ñu ꞌatima aia tënëti ꞌain? Ënu ka a tuá ꞌë bëxun.
Kakëxun bëia ka Jesusan a tuanu ꞌikë ñunshin ꞌatima chikinun kushin kakëxa, chikikëbë ka a tuá asabi tikiakëxa.