Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
यीशु ने दो अंधा खे अच्छो करणो
जब यीशु व्हा से आगे बढ्यो, ते दो अंधा ओका पीछे यो बुलाते हुइ चल्यो, "हे दाउद को बेटा, हम पर दया कर."
जब उ घर मे पोच्यो, ते वे अंधा ओका पास आया, अरु यीशु ने ओकासे बोल्यो "तुमखे विश्वास हइ, की मी तुमखे अच्छो करी सकुस हइ?"
ओने ओकासे बोल्यो, "हव प्रभु."
तब यीशु ने ओकी आख पकडिखे बोल्यो, "तुम्हारो विश्वास का जसो तुम्हारा लिये हुइ." अरु ओका आख खुली गया अरु यीशु ने उनखे आदेस का साथ हुशार कऱ्यो अरु बोल्यो, "हुशार, कोय या बात खे नी जानस."
पर ओने नीकली खे सब देस मे ओको समाचार फैल्य दियो.
दो अंधा खे आख को दान
जब यीशु अरु ओका सेवक यरीहो से नीकली रा था, ते एक बडि गर्दी ओका पीछे हुइ ली. अरु दो अंधा, जो सडक का धुरो पर बठ्या था, यो सुनीखे कि यीशु जय रोस हइ, "बुलय खे बोलन लग्या, हे प्रभु, दाउद का बेटा, हम पर दया कर."
दुन्याहोन ने उनखे गाली दी, खे चुप ऱ्हे, ओखे धमकय खे बोलन लग्या, हे प्रभु, दाउद का बेटा, हम पर दया कर.
तब यीशु ने खडो हूइ खे, उनखे बुलायो, अरु बोल्यो, "तुम का चास हइ की मी तुमारा लिये का करु?"
उनने ओकासे बोल्यो, "हे प्रभु, यो की हमारी आख खुली जाये."
यीशु ने दया खय खे उनकी आखहोन खे पकड्या, अरु वे झल्दी देखन लग्या. अरु ओका पीछे हुइ लिया.
यीशु ने बैतसैदा का अन्धा खे अच्छो करनु
वे बैतसैदा मे आया, अरु दुन्या होन एक अंधा खे ओका पास लिखे आया, अरु वोका से प्रार्थना करण लग्या, की येखे हात लगा. व्हा से अंधा को हात पकड्यो वोखे गाव का बाहेर लि गयो, अरु वोका आख पर थुक्यो अरु वोका पर हात रखी खे ओखे पुच्छो, का तुमखे दिखै दि र्हो?
ओने आख उठैइ खे बोल्यो, "मी इन्सान खे देखूस हइ क्युकी वे मेखे चलता हुये दिखै देस हइ जसो झाड."
तब वोने फिर वोका आख पर हात रख्यो अरु बडो अच्छो दिखान लग्यो, अरु वोखे दिखान लगी गो. वोने यो बोली खे घर मे भेजो, यो गाव मे पाय भी नी रखनु.
यीशु ने बहिरा अरु गूगा इन्सान खे अच्छो कऱ्यो
तब सूर अरु सैदा का प्रदेस से नीकलीखे सिदोन का रस्ता से गलील की झील पहुची खे दिकापुलीस तो इन्सानहोन ने एक बहिरा खे जो मुको भी थो, ओका पास लायो अरु ओकासे प्रार्थना करी कि अपना हात ओका पर रखनु. येकालिये उ ओखे गर्दी से अलग ली गयो, अरु अपनी उगली ओका कानहोन मे डाली, अरु थूकी खे ओकी जीभ खे छियो. अरु यीशु स्वर्ग का तरफ देखीखे आह भरी, अरु ओकासे बोल्यो, "इप्फत्तह!" यानेकी खुली जा!
अरु इन्सान को कान खुली गया, अरु ओकी जीभ की गाठ भी खुली गइ, अरु उ सफा बोलन लग्यो. तब यीशु ने इन्सानहोन खे आदेस दियो कि उ कोय से नी बोलनु. पर जोत्तो जादा ओने उनखे आदेस दियो, उत्तर मे उन्हे यो नी बतायो. वे सुनीखे भोत चकित हुया, "उ खेत्ता अच्छी तरह से सब कुछ करस हइ!" उनने बोल्यो, "उ भैइ अपुन खे सुनन की, अरु गूगाहोन खे बोलन की ताकत देस हइ!"
अंधा बरतिमाइ खे आखदान
फिर वे यरीहो मे पहुच्या.अरु जब व्हापर अपना सेवक अरु एक बडी गर्दी का सात यरीहो से बाहेर जइ रा थो ते बरतिमाइ नाम को एक अंधो भिकारी, जो तिमाइ को बेटो थो, सडक का किनारा मे बठ्यो थो. जब उनने सुन्यो की यो नासरी को ऱ्हेन आलो यीशु आयो पुकारी खे बोलन लग्यो, "हे यीशु, दाउद का बेटा मरा पर दया कर!"
भोत झण ने ओखे धमकय खे बोल्यो कि तु चुप र्हे पर वु अरु जादा चील्लान लग्यो, यीशु "दाउद का बेटा मरा पर दया कर"
तब यीशु ने रुखी खे बोल्यो, "ओखे बुला."
अरु इन्सानहोन ने उ अंधा खे यो बोलीखे बुलायो, "हिम्मत रख, उट! उ तोखे बुलास हइ."
उ अपना कपडा फेकी खे उछल पड्यो अरु यीशु का पास आयो.
यीशु ने जवाब देते हुये बोल्यो, "तु, चाहस की मी तरा लीये करु?"
अरु अंधा इन्सान ने ओकासे बोल्यो, "हे गुरु यो की मी देखन लग्यु!"
यीशु ने ओकासे बोल्यो, "चली जा, तरा विश्वास ने तोखे अच्छो करी दियो."
उ तुरुत देखन लग्यो अरु रस्ता मे ओका पीछे चली गयो.
यीशु खे एक अंधा खे अच्छो करणो
जब मसीह यीशु यरीहो का पास पहुच्या ओखे एक अंन्धो मीलीयो जो रस्ता का किनारा बठ्यो हुयो भिक्षा मागी रो थो. अरु व्हा गर्दी कि चलन की आवाज सुनीखे पुछन लग्यो. "ह्या, हुय रोस हइ?"
उनने ओखे बतायो. "यीशु नासरी जय रोस हइ."
तब ओने फुकारी खे बोल्यो. "हे यीशु. दाउद की सन्तान. मरा पर दया कर."
जो आगे आगे जय रा था. वे ओखे धमकान लग्या कि चुप र्हे पन व्हा अरु भी चिल्लान लग्या. "हे दाउद कि सन्तान. मरो पर दया कर."
तब यीशु ने खडो हुयखे आज्ञा दी कि ओखे मरा पास लाव. अरु जब व्हा नजीक आयो. ते ओकासे यो पुछ्यो. तु, चाहस हइ. "मी तरा लिये का करु?"
ओने बोल्यो. "हे प्रभु. यो कि मी देखन लग्यो."
यीशु ने ओकासे बोल्यो, देखन लग्या. तरो विश्वास ने तोखे अच्छो करी दियोस हइ.
अरु उ तुरुत देखन लग्यो अरु परमेश्वर कि महिमा करतो हुयो. ओका पीछे हुयो. ओका पीछे हुय लियो. अरु सब दुन्या ने देखी खे परमेश्वर की महिमा करी.
पइदा से अंधा सखे नजरदासन
फिर जाता हुया ओने एक इन्सान खे देख्यो, जो जन्म से अंधो थो. अरु ओका सेवक होन ने ओकासे पूछ्यो, "हे गुरु, कोय ने पाप कर्यो थो कि यो अंधो जन्म्यो यो इन्सान ने या ओकी माय बाप ने?"
यीशु ने जवाब दियो, "नी ते येने पाप कर्यो थो, नी येका माय बाप ने पर यो येका लिए हुयो, कि परमेश्वर का काम ओमे प्रगट हुये. जो ने मेखे भेज्यो हइ. हमखे ओका मे दिन हीस दिन मे करणो जरुरती हइ वा रात आनआली हइ जोमे कोय काम नी करी सकतो. जब तक मी जगत मे हइ, तब तक जगत को उजालो हइ."
यो बोलीखे ओने जमीन पर थूक्यो अरु उ थूक से मट्टी छासनी, अरु वा मट्टी उ अंधा का आखहोन पर लगैइखे. ओकासे बोल्यो, "जा, शीलोह का कुण्ड मे धोइ ले" शीलोह को अर्थ भेज्यो हुयो हइ अन्नत ओने जैइखे ले, अरु देखता हुया लौटी आयो.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
अरु एक कोढी ने पास अयखे ओखे प्रणाम कऱ्यो अरु बोल्यो, "हे प्रभु, अगर तु चाये ते मेखे अच्छो करी सकस हइ."
यीशु ने हात उटयखे ओखे छुयो, अरु बोल्यो, "मी चैवस हइ, तू अच्छो हुइ जाये" अरु उ झल्दी कोढ से अच्छो हुइ गयो. यीशु ने ओकासे बोल्यो, "देख, कोय से नी बोलनु, पन जयखे अपना आप खे याजक खे देख्यो अरु जो दान चढायो मूसा ने रुख्यो हइ ओखे चेढा, ताकी ओका लिये गवाह हुये."
अरु देख, कोइ दुन्या एक लकवा को माऱ्यो हुया खे खटीया पर रखी खे ओका पास लायो. यीशु ने ओको विश्वास देखी खे, उ लकवे को माऱ्यो हुयो से बोल्यो, "हे बेटा, हिम्मत रख. तरो पाप माफ हुये गया."
अरु कोय पंडीतहोन आपस मे बोलन लग्या, "यो तो परमेश्वर की नीन्दा करस हइ."
यीशु ने उनका मन कि बात जानीखे बोल्यो, "तुम दुन्या अपना-अपना मन मे बुरो बिचार करी रास हइ? सिधो का हइ? यो बोलनो, ‘तरा पाप माफ हुया’ या यो बोलनो, ‘उट अरु चल फिर.’ पन तुम यो जानी ले की इन्सान का बेटा खे पृथ्वी पर पाप माफ करण को अधिकार हइ." येका लिये ओने लखवा को माऱ्यो हुयो से बोल्यो, "उट, अपनी खटीया उठा, अरु अपना घर जय जा."
उ उठीखे अपना घर चली गयो.
व्हा एक इन्सान जो लकवा को थो, जेको हात सुखो हुयो थो. अरु फरीसीहोन ने ओका पर दोष लगान का लिये ओकासे पुछ्यो, "की तु आराम का दिन अच्छो करणु उचित हइ?"
ओने उनका से बोल्यो का "तुम मे असो कोन तो इन्सान हइ, जेको एक मेंडो हइ अरु उ आराम का दिन गड्डा मे गिरी जाये ते उ ओखे पकडीखे नी नीकाले? अच्छो, इन्सान को एक मेंडो मे से कतनो बढी खे हइ! येका लिये आराम का दिन भलो करणु अच्छो हइ." तब ओने उ लखवा इन्सान से बोल्यो, "अपनो हात दे." ओने हात बडायो अरु उ फिर अपना दुसरो हात का जसो अच्छो हुइ गयो.
अरु शमौन की सासु बुखार मे पडी थी, अरु उनने तुरुत ओका बारे मे ओकासे बोल्यो. तब ओने पास जैइखे ओको हात पकडी खे ओखे उठायो. अरु ओको बुखार उतरी गयो, अरु वा उनकी सेवा करण लगी.
कोढ का रोगी खे अच्छो करणो
अरु एक कोढ को रोगी यीशु का पास अयखे, ओकासे मदत मागी, अरु ओका सामने घुटना टेकीखे, ओकासे बोल्यो, "अगर तू चाह्ये ते मेखे अच्छो करी सकस हइ."
यीशु ने ओका पर दया खैइ खे हात बडायो, अरु ओखे पकडी खे बोल्यो, "मी चाहुस हइ, तू अच्छो हुइ जा." अरु तुरुत ओकी कोढ सुधरते चली गइ, अरु उ अच्छो हुइ गयो.
अरु दुन्या एक लखवा का रोगी खे चार इन्सानहोन से उठयखे ओका पास लि गया. पर जब वे गर्दी का कारण ओका पास नी पहुची सक्या, ते उनने उ छत खे जेका नीचे उ थो, खोली दियो अरु जब ओखे लटकै चुक्या ते ओकी खटिया खे जेका पर लखवा को मार्यो हुयो पड्यो थो, उतारी दियो. यीशु ने उनको विश्वास देखीखे ओखे लखवा लग्याआला खे बोल्यो, "हे बेटा तरो पाप माफ हुयो."
तब कोय व्यवस्था का शिक्षक जो व्हा बठ्या था वे अपना अपना मे मन बिचार करण लग्या. "यो इन्सान क्यु असो बोलस हइ? यो तो परमेश्वर की मजाक करस हइ, परमेश्वर खे छोड अरु कोन पाप माफ करी सकस हइ?" यीशु ने तुरुत अपनी आत्मा मे जानी लियो, कि वे अपना मन मे असो बिचार करी रा हइ, अरु उनसे बोल्यो "तुम अपना मन मे यो बिचार क्यु करी रा हय?" सरल का हइ? लखवो लगना से यो बोलनो हइ कि तरा पाप माफ हुया, यो बोलनो हइ, कि उट अपनी खटिया उठैइखे चल फिर. पर जेका से तुम जानी ले कि इन्सान का बेटा खे धरती पर पाप माफ करण को अधिकार हइ, ओने उ लखवो लग्या हुया से बोल्यो. "मी तोखे बोलुस हइ. उट, अपनी खटिया उठैइखे घर चली जा."
उ उठ्यो, अरु तुरुत खटिया उठैइखे सब का सामने से नीकलीखे चली गयो. येका पर सब अचम हुया, अरु परमेश्वर कि महिमा करीखे बोलन लग्या, हमने असो कभी नी देख्यो.
सुख्यो हाथआला इन्सान को अच्छो होनो
अरु उ आराधनालय मे गयो व्हा एक इन्सान थो जेको हात सूखी गयो थो. अरु ओका उपर इलजाम लगाना का लिये ओका हात मे लग्या हुया था, कि देखनु, उ अराम का दिन मे अच्छो करस हइ कि नी. ओने सुख्या हाथआला इन्सान से बोल्यो, "बीच मे खडो हो." अरु उनसे बोल्यो, अराम का दिन भलो करणो अच्छो नी हइ या बुरो करणो,
जान खे बचानु या मरी जानु? पर वे चुप र्हिया. अरु यीशु ने मन की करता से उदास हुइ खे, उन खे घुस्सा से चारी तरफ देख्यो, अरु उ इन्सान से बोल्यो "अपनो हात बडा" ओने बडायो, अरु ओको हात अच्छो हुइ गयो.
कोड खे अच्छो कर्यो जानो
जब वू कोय नगर मे थो. ते देख्यो. व्हा कोड से भर्यो हुयो एक इन्सान थो. अरु व्ह यीशु खे देखी खे मेडा, उपर गिर्यो. अरु प्रार्थना करी. कि हे परमेश्वर अगर तू चाह्ये ते मेखे अच्छो करी सकस हइ.
वो ने हात सामे करी खे वोखे पकड्यो अरु बोल्यो मी चाहुस की तू अच्छो हुय जा अरु वोको कोढ तुरुत अच्छो हुयो.
अरु देख कोय दुन्या एक इन्सान खे जो बिमारी को मारो हुयो थो. खटीया पर लयो. अरु वे वोखे अंदर ली जान अरु यीशु का सामने रखन को उपाय ढूडता था.
अरु तब गर्दीकरण वोखे अंदर नी लीजय सक्यो ते वुनने छपर पर चडी खे अरु कवेली अलग करी खे. वोखे खटीया सहीत बीच मे यीशु का सामने उतारी दियो. वोने वुन को विश्वास देखीखे वोका से बोल्यो. हे इन्सान. तरा पाप माफ हुया.
जब शास्त्री अरु फरीसी वाद विवाद करण लग्या. कि यो कोन आय. जो परमेश्वर की नीन्दा करस हइ? परमेश्वर खे छोडी कोन पाप की माफी करी सकस हइ?
यीशु ने वुन, मन की बात जानीखे. वुन से बोल्यो कि तुम अपना मन मे, वाद विवाद करी रास हइ? सोपो का हइ? का यो बोलनु. कि तरो पाप माफ हुया. या यो बोलनु कि उट. अरु धुम फिर? पन येका लिये कि तुम जान कि इन्सान को बेटो खे जमीन पर पाप की माफ करण को भी अधिकार हइ वो ने वु बिमार को मारा हुया से बोल्यो. मी तरा से बोलूस. उट अरु अपनी खटीया उठइ खे अपना घर मे जा.
वु तुरुत उनका सामने उठा. अरु जोका पर वु पड्यो थो वोखे उठइ खे. प्रभु की महिमा करतो हुयो अपना घर चली गयो.
लखवो लगायो आलो इन्सान
अरु असो हुयो कि कोय अरु एक दुसरो अराम को दिन खे व्हा आराधनालय मे जयखे उपदेस करण लगयो. अरु व्हा एक इन्सान थो. जोको जवनो हात सूख्यो थो. शास्त्री अरु फरीसी होन पर दोस लगान को अवसर ढुडन का लिये वो की ताक मे था. कि देखे कि व्हा पवित्र का दिन अच्छो करतो हइ कि नी. पन व्हा वुनका बिचार जानतो थो. येका लिये वोने से हाथआला इन्सान से बोल्यो. उट का बीच मे खडो हो व्हा उठी खे खडो हुयो. यीशु ने वुन से बोल्यो. मी तुम से यो पूछुस कि आराम, दिन, अच्छो हइ. अच्छो करणो या बुरो करणो. जान खे बचानो कि नास करणो? अरु वोने चारी तरप वे सब खे देखीखे वु इन्सान से बोल्यो. अपनो हात बडा वो ने असो य कर्यो. अरु ओको हात फिर अच्छो हुइ गयो.
यीशु एक रोमन अधी,र खे अच्छो करस
जब उ दुन्या से या सब बात बोली चुक्यो. ते कफरनहूम मे आयो. व्हा कोय सुबेदार को एक सेवक जो वोको प्रेम मे थो. बीमारी से मरना पर थो. वोने यीशु की बातचित सुनीखे यहूदीयाहोन का कोय बापदादा इन्सान खे उन से ह्या प्रार्थना करण खे वोका पास भेज्यो. कि अयखे मरा सेवक खे अच्छो कर. वे यीशु का पास आया ओका से बडी प्रार्थना करीखे बोलन लग्यो. कि वु यो योग्य हइ. कि तू वोका लिये ह्या कर्हे. क्युकि वु हमारो राष्ट्र से प्रेम रखस हइ. अरु वोनेय हमारी आराधनालय खे बनयस हइ.
यीशु ओका सात सात चल पर जब वु घर से दूर नी थो. ते सेनापति ने वोका पास कोय दोस्त का वजेसे बोलन भेज्यो. कि हे प्रभु दुख मत उठा क्युकि मी यो योग्य नी. कि तू मरी छाय का तल्ले आह्ये.
यो करण मेने अपना आप खे यो योग्य भी नी समझ्यो कि तरा पास अवु. पर वचन मे बोली देस ते मरो सेवक अच्छो हुय जाह्ये. मी भी दुसरा को अधिकार इन्सान आय. अरु सिपय मरा हात मे हइ. अरु जब एक खे बोल्योस. जा. ते व्हा जास हइ. अरु दूसरा से बोलस कि आका तु आस हइ. अरु अपनो कोय सेवक खे कि यो कर. ते व्हा वोखे करस.
यो सुनीखे यीशु ने अचम कर्यो. अरु वोने मेडो पलटय खे वु गर्दी से जो वोका पीछे अय री थी बोल्यो. मी तुम से बोलुस. कि मेने इस्राएल मे भी असो विश्वास नी पायो.
अरु भेज्यो हुयो दुन्या ने घर पलटी खे. वु सेवक खे अच्छो पायो.
व्हा एक बय थी. जेखे अठरा साल से एक कमजोरी करनआली बुरी आत्मा लगी थी. अरु वा कुबडि हुय गय थी. अरु कोय रीति से सीधी नी हुय सकती थी. यीशु ने ओखे देखीखे बुलायो. अरु बोल्यो. "हे बय. तु अपनी कमजोरी से छुटी गय." तब यीशु ने ओका पर हात रख्यो. अरु वा तुरुत सीधी हुय गी. अरु परमेश्वर की महिमा करन लगी.
यीशु बीमारीहोन खे अच्छो करस हइ
फिर व्हा अराम का दिन फरीसीहोन को मुखियो मेसे कोय का घर मे रोटी खान गयो अरु वे ओखे मारना मे था. व्हा एक इन्सान ओका सामने थो. जेखे जलोदर कि बिमारी थी. येका पर यीशु ने व्यवस्था करण आला खे अरु फरीसी होन से बोल्यो. "आराम को दिन अच्छो करणो अच्छो हइ. कि नी?"
पन वे चुप चाप र्हिया तब ओने ओखे हात लगय खे अच्छो कर्यो. अरु जान दियो.
यीशु को दस दुन्या खे अच्छो करणो
फिर जब यीशु यरुशलेम जय रो थोते जो सामरिया अरु गलील देस कि सीमा से हुयखे जय रा था. अरु कोय गाव मे घुसनो करतो थो टेम वे दस कोढी मील्हे. अरु उनने दुर खडो हुयखे. उच्चा आवाज से बोल्यो. "हे यीशु. हे स्वामी. हम पर दया कर."
यीशु ने उनखे देखीखे बोल्यो. "जाव. अरु अपना आपखे याजक खे बतायो."
अरु जातेय जाते वे अच्छो हुय गयो. तब उनका मेसे एक ह्या देखीखे कि मी अच्छो हुय गयो हय. उच्चा आवाज से परमेश्वर की महिमा करते हुयो पलट्यो. अरु यीशु का पाय पर मुडा का उप्पर गिरीखे ओको धन्यवाद करण लग्या. अरु व्हा सामरी थो. येका पर यीशु ने बोल्यो. "का दस अच्छो नी हुये. ते फिर वे नौ बोल्या? का या परदेसी खे छोडी कोय अरु नी नीकाली. जो परमेश्वर की महिमा करतो?" तब यीशु ने उनका से बोल्यो. "उठीखे चलते जा. तरो विश्वास अच्छो कर्यो हइ."
अडोतीस साल का रोगी खे अच्छो करनो
या बातहोन का बाद यहूदीयाहोन को एक त्योहार हुयो, अरु यीशु यरुशलेम खे गयो. यरुशलेम मे मेडा का फाटक का पास एक कुण्ड हइ, जो इब्रानी भाषा मे बैतहसदा बोलस हइ, अरु ओका पाच ओसरी हइ. येका मे भोत सा बीमार, अंधा, लगडा अरु सूख्या आंग आला पानी का हलान की आस मे पडया र्हेता था. क्युकी चुन्या टेम पर परमेश्वर का स्वर्गदूत कुण्ड मे उतरीखे पानी खे हलायो करता था पानी हलाते मे जो कोय पैयले उतरतो, उ अच्छो हुइ जातो थो, चाह्ये ओकी कोय बीमारी क्यु नी हो. व्हा एक इन्सान थो, जो अडतीस साल से बीमारी मे पड्यो थो. यीशु ने ओखे पड्यो हुयो देखीखे अरु यो जानीखे कि उ भोत दिनहोन से योही दशा मे पड्यो हइ, ओकासे पूछ्यो "का तू अच्छो होनो चाहस हइ?"
उ बीमार ने ओखे जवाब दियो, "हे स्वामी, मरा पास कोय इन्सान नी, कि जब पानी हलायो जाये, ते मेखे कुण्ड मे उतारनु. पर मरा पहुचते-पहुचते दूसरो मरासे पैयले उतरी जास हइ."
यीशु ने ओकासे बोल्यो, "उट, अपनी खटिया उठा अरु चल फिर." उ इन्सान तुरुत अच्छो हुइ गयो,
अरु अपनी खटिया उठैइखे चलन फिरन लग्यो.
तब उ फिर गलील का काना मे आयो, झा ओने पानी खे अंगूर को रस बनायो थो उ राजा को एक कर्मचारी थो जोको बेटो कफरनहूम मे बीमार थो. उ यो सुनीखे कि यीशु यहूदीया से गलील मे अय गयो हइ, ओका पास गयो अरु ओकासे प्रार्थना करण लग्यो कि चलीखे मरा बेटा खे अच्छो करी दे क्युकी उ मरना पर हइ. यीशु ने ओकासे बोल्यो, "जब तक तुम चिन्ह अरु अद्भुत काम नी देख्ये तब तक कभी भी विश्वास नी कर्ये"
राजा का कर्मचारी ने ओकासे बोल्यो, "हे प्रभु, मरा बेटा का मरना से पैयले चल."
यीशु ने ओकासे बोल्यो, "जा, तरो बेटो जिन्दो हइ"
उ इन्सान ने यीशु की बोली हुइ बात पर विश्वास कर्यो अरु चली गयो. उ रस्ता मे थो, कि ओका सेवक ओकासे अयखे मील्या अरु बोलन लग्या, "तरो बेटो जिन्दो हइ."
ओने उनसे पूछ्यो, "कोय घडी उ अच्छो होन लग्यो?" उनने ओकासे बोल्यो, "कल सातवा घण्टा मे ओको ज्वर उतरी गयो." तब बाप जानी गयो कि यो उ घडी हुयो जो घडी यीशु ने ओकासे बोल्यो, "तरो बेटो जिन्दो हइ," अरु ओने अरु ओका पुरा घराना ने विश्वास कर्यो.
यो दूसरो चिन्ह थो जो यीशु ने यहूदीया से गलील मे अयखे दिखायो.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
अरु देख, एक बय ने जेखे बारा साल से खुन बोहायो थो ओका पीछे से अयखे ओका कपडा को कोना खे पकडी लियो. क्युकी उ अपना मन मे बोलतो थो, "अगर मी ओका कपडा खे पकडी लिह्यु ते अच्छी हुइ जायु."
यीशु ने पलटी खे ओखे देख्यो अरु बोल्यो, "बेटी हिम्मत रख. तरा विश्वास ने तोखे अच्छो कऱ्यो हइ." फिर वा बय उ टेम मे अच्छी हुइ गइ.
एक बय थी जो बारा साल से खुन बगरन की बीमारी थी, अरु जेने भोत से वैद्य से इलाज करायो, अरु अपना सब पैसा खर्च करण पर भी ओखे कुछ लाभ नी मील्यो, पर अरु भी बीमार हुइ गइ थी. ओने यीशु का बारे मे सुनी खे, गर्दी मे ओका पिछे-पिछे अय अरु ओका कपडा खे छि लियो. क्युकी वा बोलती थी कि मी ओका कपडा खे छि लियु ते मी अच्छी हुइ जायु.
अरु तुरुत ओको खुन बोहानो बंद हूयगो, अपना आंग मे सोची लियो कि मी बीमारी से अच्छी हुइ गइ.
अरु एक बय ने जेखे बारा साल से खुन बोहान की बिमारी थी अरु जो अपनी सब जिवन डाॅकटर का पीछे खर्चो कर चुक्या था अरु फिर भी कोय का हात से अच्छो नी हुय सकी थी. पीछे से अयखे ओका कपडा को पदर खे छियो. अरु तुरुत ओको खुन बोहानो रुखी गयो. येका पर यीशु ने बोल्यो. "मेखे कोने छियो?"
जब सब मुकरण लग्या. ते पतरस अरु ओका सोपती ने बोल्यो. "हे स्वामी. तुमखे तो गर्दी दबय रीस हइ अरु तरा पर गिरी पडस हइ."
पन यीशु ने बोल्यो. "कोय ने मेखे छियो हइ क्युकी मेने जानी लियोस हइ कि मरा मे से सामर्थ्य नीकलस हइ." जब बय ने देख्यो. कि मी लुकी नी सकु तब कापते हुयो आयो. अरु ओका पाय पर गिरीखे सब दुन्या का सामने बतायो. कि मेने कोय करण से तोखे छियो. अरु कसी तुरुत अच्छी हुय गयो. ओने ओकासे बोल्यो. "बेटी तरो विश्वास ने तोखे अच्छो कर्योस हइ. शांती से चली जा."
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
रोमी अधिकारी की बेटी अरु एक बय ने यीशु का कपडा खे छुयो
उ ओकासे या बात बोली ही रो थो, कि देख, एक मुखियो ने अयखे ओखे प्रणाम कऱ्यो अरु बोल्यो, "मरी बेटी अभी मरी हइ. पन चडीखे अपनो हात ओका पर रख, ते वा जिन्दी हुइ जाये."
यीशु उठीखे अपना सेवक का सात ओका पीछे हुइ लिया.
जब यीशु उ मुखिया का घर मे पोच्यो अरु बासरी बजानवाला अरु गर्दी मे हल्लो मचाते देख्यो, तब यीशु ने बोल्यो, "हटी जा, पोरय मरी नी, पर सोय हइ." येका पर वे ओकी हसी करण लग्या. पन जब गर्दी नीकाली दी गइ, ते ओने अंदर जयखे पोरय को हात पकडीखे उठायो, अरु वा खडी हुइ गइ.
फिर आराधनालय का अधिकार मे से याइर नाम को एक इन्सान आयो अरु वोखे देखी खे वोका पाय पर गीरी गयो, अरु यो बोलिखे ओका से प्रार्थना करिखे बोलन लगी का मरी छोटी बेटी बिमार हइ. तू अयखे ओका पर हात रख कि वा अच्छी हुइ जाय अरु जिन्दी र्हे.
तब यीशु ओका साथ गयो. अरु बडी गर्दी ओका पिछे चलन लगी, ह्या तक कि इन्सानहोन कि गर्दी ओका पर गिरी पडी थी.
अरु वे आराधनालय का अधिकारी का घर मे आया, ते दुन्या होन खे चिल्लाते अरु जोर से रोते विलापते देख्यो. जब वु अंदर जइ खे वोने बोल्यो तुम काय का लिये रोय रा अरु चिल्लय रा? बेटी मरी नी, पन सोय रीस हइ.
अरु वे ओकी हसी उडान लग्या. पन सब खे बाहेर नीकाली खे बेटी का माय बाप अरु वोका सात आलाखे लीखे वोने उ घर मे झा बठी थी व्हा वे गया. अरु बेटी को हात पकडी खे वोने वोखे बोल्यो, तलीता कुमी! येको मतलब हइ, हे बेटी, मी तोखे बोलुस हइ, उट.
अरु बारा साल की वा पोरय तुरुत चलन फिरन लगी, येका पर दुन्याहोन खे खुब अचम्बो हुयो.
अरु मी यो जगत की दुन्या की उपमा कोय से दिव कि कोय का बराबर हइ? वु वे बच्चा का बराबर हइ जो बजार मे बठ्यो हुयो एक दूसरा खे पुकारी खे बोलतो हइ. हम ने तुम्हारा लिये बासरी बजय. अरु तुम नी नाच्या. हम ने विलाप कर्यो. अरु तुम नी रोया. क्युकि यहून्ना बपतिस्मा देनवालो नी रोटी खाते आयो, नी अंगूर को रस पीते आयो, अरु तुम बोलस हय, वो मे बुरीआत्मा हइ. इन्सान को बेटो खाते पीते आयो हइ, अरु तुम बोलस हय, देख कावरो अरु दारु कुट्यो इन्सान. चुगी लेनवाला का अरु पापी को दोस्त. पर ज्ञान अपना सब बच्चा से सही न्यायी र्ही गयो हइ.
शमौन नामक फरीसी का घर
फिर कोय फरीसी ने वोका से प्रार्थना करी. कि मरा सात खानो खा. अरु व्हा वो फरीसी का घर मे जयखे खानो खान बठ्यो. अरु देख. वु गाव की एक पापी बय यो जानीखे कि व्हा फरीसी का घर मे खानो खान बठ्योस हइ. सगमरमर का वस्तु मे अत्रर लय.
अरु देख. याइर नाम एक इन्सान जो आराधनालय को मुखियो थो. आयो. अरु यीशु का पाय पर गिरीखे ओकासे प्रार्थना करणे लग्या. "मरा घर मे चल." क्युकी ओका बारा साल की एककुलती बेटी थी.
अरु वा मरना पर थी. जब उ जय रो थो. तब दुन्या ओका पर गिरी गा.
जब उ बोली रोथो. कि कोय ने आराधनालय को बुजुक का ह्या से अयखे बोल्यो. "तरी बेटी मरी गइ गुरु खे दुःख नी देनु."
यीशु ने सुनीखे ओखे उत्तर दियो. "मत डरे. फक्त विश्वास रख. ते उ बची जाह्ये."
घर मे अयखे ओने पतरस. अरु यहून्ना. अरु याकूब. अरु बेटा का माय बाप खे छोडी खे अरु कोय खे अपना सात अंदर आन नी दियो. अरु सब ओका लिये रोय पीटी रा था. पन ओने बोल्यो. "रोय मत. वा मरी नी पन सोय रीस हइ."
वे यो जानीखे कि मर गय हइ. ओकी हसी उडन लग्या पन ओने ओका हात पकड्यो. अरु फुकारी खे बोल्यो "ओ बेटी उट!" जब ओकि जान पलटी गयो अरु व्हा तुरुत उठी. फिर ओने आज्ञा दी. कि ओखे कुछ खान खे दियो जाह्ये. ओकी माय-बाप चमकिगो हुयो. पन ओने उनने धम नो दी. कि यो जो हुयो हइ. कोय से नी बोल्यो.
लाजर खे मारनो
मरियम अरु उसकी भैइन मार्था को गाव बैतनीय्याह को लाजर नाम एक इन्सान बीमार थो. या उ मरियम थी जेने प्रभु पर अत्रर डालीखे ओका पायहोन खे अपना बालहोन से पोछ्यो थो, ओ को भैइ लाजर बीमार थो. तब ओकी भैइनहोन ने ओखे बुलाओ भेज्यो, "हे प्रभु, देख, जोका से तू प्रेम करस हइ, उ बीमार हइ."
यो सुनीखे यीशु ने बोल्यो, "या बीमारी मरन की नी, पर परमेश्वर की महिमा का लिये हइ, कि ओका वजेसे परमेश्वर का बेटा की महिमा हुये."
अरु यीशु, मार्था अरु ओकी भैइन अरु लाजर से प्रेम रखतो थो. जब ओने सुन्यो, कि उ बीमार हइ, ते जो जगा पर उ थो, व्हा दो दिन अरु ठैरी गयो. फिर ओका बाद ओने सेवक होन से बोल्यो, "ओका हम फिर यहूदीया खे चल्हे."
सेवक होन ने ओकासे बोल्यो, "हे गुरु, अभी तो यहूदीया तोखे पत्थराव करणो चाहतो थो, अरु तू फिर भी वही जास हइ?"
यीशु ने जवाब दियो " का दिन बारा घंटा नी होय? अगर कोय दिन मे चल्यो, ते ठोकर नी खाता, क्युकी यो जगत को उजालो देखस हइ. पर अगर कोय रात खे चल्ये का ते ठोकर खास हइ, क्युकी ओमे उजालो नी." ओने या बातहोन बोली, अरु येका बाद उनसे बोलन लग्यो, "हमारो दोस्त लाजर सोइ गयो हइ, पर मी ओखे जगान जउस हइ."
तब सेवक होन ने ओकासे बोल्यो, "हे प्रभु, अगर उ सोइ गयो हइ, ते बची जाये."
यीशु ने तो ओका मरना का बारे मे बोल्यो थो पर वे समझ्या कि ओने नीद से सोइ जाना का बारे मे बोल्यो. तब यीशु ने उनसे साफ बोली दियो, "लाजर मरी गयो हइ.
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
हवा अरु तूफान खे शान्त करणो
जब उ डोंगा पर चेढ्यो, ते ओका सेवक ओका पीछे हुइ लिया. "अरु नदी मे एक असो बडो तुफान उठ्यो की डोंगा पानी की लहर से ढुबन लगी. अरु उ सोय रो थो. तब उनने ओका पास अयखे ओखे जगायो, अरु बोल्यो, हे प्रभु, हमखे बचा, हम खतम हुय रास हइ."
ओने उनका से बोल्यो, "हे अल्पविश्वासिहोन, क्यु डरस हइ?" तब ओने उठीखे हवा अरु पानी खे धमकायो, अरु सब शान्त हुइ गयो.
अरु दुनीया खे अचम्बो करीखे बोलन लग्यो, "यो कसो इन्सान हइ, कि हवा अरु पानी भी ओकि आज्ञा मानस हइ."
जब रात हुइ ते ओका सेवक होन ने ओका पास अयखे ओखे बोल्यो, "या तो सुनसान जगा हइ अरु देर हुये ऱ्ही हइ, अरु दुन्याहोन खे बिदा कऱ्यो जाये की वे बजार मे जयखे अपना लिये खानो मोल लाये."
यीशु ने सेवक होन से बोल्यो, की उनको जानो जरुरी नी हइ! तुम ही जयखे उनका लिये खानो ला
ओने ओकासे बोल्यो, "की हमारा पास पाच रोटी अरु दो मंछी खे छोडी खे अरु कुछ नी हइ."
यीशु ने बोल्यो, "उनखे मरा पास लिखे आ." तब ओने दुन्याहोन खे घास पर बठन खे बोल्यो, अरु वे पाच रोटीहोन अरु दो मंछीहोन खे लीखे आ. अरु स्वर्ग का तरप देखीखे धन्यवाद बोल्यो अरु रोटीहोन खे तोडी-तोडीखे सेवक होन खे दी, अरु सेवक होन ने दुन्याहोन खे दी. अरु सब खयखे मगम हुये गया, अरु ओने बचया हुया टुकडाहोन से भरी हुये बारा टोपली उठ्य. अरु खानवाला बय अरु बच्चाहोन खे छोडी खे पाच हजार इन्सान का नजीकपास था.
अरु यीशु फजर का तीन से छे बजे का नजीकपास पानी पर चलतो हुये उनका पास आयो.
चार हजार दुन्याहोन खे खलानो
यीशु ने अपना सेवक होन खे बुलय खे बल्यो, "मेखे या गर्दी पर दया आस हइ. क्युकी वे तीन दिन से मरा साथ हइ अरु उनका पास कुछ भी खान खे नी हइ. अरु मी उनखे भुखो बिदा करणो नी चास. कही असो नी हुये की रस्ता मे थकीखे गिरी जाये."
सेवकहोन ने ओकासे बोल्यो, " हमखे या जंगल मे खा से एत्ती रोटी मील्ये कि हम एत्ती बडि गर्दी खे संतुष्ट कर्या"
यीशु ने उनसे पुछ्यो, "तुमारा पास कतनी रोटी हइ?"
ओने बोल्यो, "सात अरु जरासी छोटी मंछी हइ."
तब ओने दुन्याहोन खे जमीन पर बठ्न कि आज्ञा दी. अरु ओने सात रोटीहोन अरु मंछीहोन खे लीखे धन्यवाद करीखे तोडि खे अरु अपना सेवक होन खे दियो गयो, अरु सेवक होन ने दुन्याहोन खे दी. येका प्रकार सब खयखे संतुष्ट हुये गया अरु बच्या हुया टुकडाहोन से भरी हुइ सात टोपलीहोन उठय. अरु खानवाला बय अरु बच्चाहोन खे छोडी खे चार हजार इन्सान था.
मन्दिर को कर लेनो
जब यीशु अरु सेवक कफरनहूम मे पोच्या, ते मन्दिर का लिये कर लेनवाला ने पतरस का पास अय खे ओका से पुछ्यो "तुमारो गुरु मन्दिर को कर नी दिये?"
ओने बोल्यो, हव देउस हइ. जब उ घर मे आयो, ते यीशु ने ओका पुछना से पैयले ओकासे बोल्यो, "हे शमौन तु का समझस?
"पृथ्वी को राजो चुंगी या कर को का से लेस हइ? अपना बेटाहोन से या दुसरा से?"
पतरस ने ओकासे बोल्यो?
"दुसरा से." यीशु ने ओकासे बोल्यो, "तब बेटाहोन कर देना से बची गया. फिर भी हम उनखे ठोकी खे नी खलानु, तु नदी का एक किनारा पर जय खे जाल डाल, अरु जो मंछी पैयले नीकले, ओखे ला. ते तोखे ओको मुडो खोलना पर एक चादी को सिक्काको मील्हे, ओखे लिखे मरो अरु अपना बदल मे उनखे दी देनु."
यीशु ने अंजीर का झाड खे श्राप दियो
दुसरा दिन खे जब उ नगर खे लोटी रो थो, ते ओखे भुख लगी. अरु अंजीर का झाड खे सडक का किनारा पर देखी खे उ ओका पास गयो, अरु पता खे छोडी खे ओमे अरु कुछ नी पय खे ओकासे बोल्यो, "अभी से तरा मे कभी फल नी लगन का," अरु अंजीर को झाड झल्दी सुखी गो.
यो देखी खे सेवक होन ने अचम्बो कऱ्यो अरु बोल्यो, "यो अंजीर को झाड झल्दी कसो सुखी गयो?"
यीशु ने उनखे उत्तर दियो, "मी तुम से सच्ची बोलुस हइ. अगर तुम विश्वास रखे ते, अरु दुर नी कर्हे. ते फक्त यो कर्हे, जो यो अंजीर का झाड से कऱ्यो गयो हइ. पन अगर या टेकडी से भी बोले की उखडी जा अरु समुदर मे जा पड ते यो हुये जाये. अरु जो कुछ तुम प्रार्थना मे विश्वास से मागे उ सब तुम खे मीले."
जब एक भयानक तूफान आयो अरु लाट डोंगा खे टकरान लगी ह्या तक की पाणी डोंगा मे भरन लग्यो. अरु व्हा खूद पिछे का भाग मे उस्तो अरु गद्दा पर सोयो थो अरु सेवक ने ओखे उठायो अरु बोल्यो "हे गुरुजी, तुमखे चिंता नी हइ, की हमारो नाश हूय जाह्ये ते का तोखे?" जब ओने उठीखे जाना का बाद वोने तूफान खे धमकयो, अरु पानी खे बोल्यो, "शान्त र्हे, अरु रुखी जा" अरु तूफान रुखी गयो अरु सब कुछ शान्त हूय गयो. ओने उनखे बोल्यो, तुम इत्तो डरस क्यु हइ? या कसी बात हइ की तुमारा मे विश्वास नी हइ. अरु वे एक दम डरी गा अरु आपस मे बोलन लग्या, अन्नत : यो कोन आय? की येका बोलना से तूफान अरु पाणी, "लहर भी येकि बात मानस हइ!"
दिन डुबी गयो ते उ, सेवक वोका पास आया अरु बोलन लग्यो, "या जगा सुनसान हइ दिन पुरो डुबी गो थो. उनखे भेज कि आस पास का खेत मे अरु गाव मे जयखे अरु अपना लिये कुछ खान का लिये मोल ला.
"पन यीशु ने उत्तर देते हुये बोल्यो," कि तु इनखे कुछ खान खे दिदे वुनने वोखे बोल्यो,
हम एक झन खे सौ सिक्का, "की मजुरी की रोटी मोल ला अरु वुनखे खान खे दे?" ओने वोखे बोल्यो, तरा पास केतनी रोटी हइ? जय खे देख वोने देखी खे बतायो, पाच रोटी अरु दो मंछी.
तब यीशु उनखे आज्ञा दि, कि सब खे हरी घास पर पगत होन मे बठैइ दे. अरु दुन्या पचास पचास अरु सौ सौ की पगत मे बठी गा. वोने पाच रोटी अरु दो मंछी ली अरु स्वर्ग का तरप करी अरु आशिर्वाद माग्यो अरु पाच रोटि तोडी अरु वोने सेवक होन खे देतो गयो की वे उनखे बाटी दे, अरु वोमे दो मंछी खे भी वुन मे बाटी दे. अरु सब ने खायो अरु धन्य हुया. वुनने रोटी का तुकडा अरु मंछी से भरी हुइ बारा टोपली उठइ. अरु खान आला की सख्या मे से सीरीप इन्सान पाच हजार था.
जब वोने उनखे बडी मुसीबत मे देख्यो, क्योकी हवा वुन का तरप फिरी, ते रात का लग भग तिन बज्या, वु वुन का पास पानी पर चलतो हुयो आयो, अरु वोने आगे नीकली जानो चाह्यो. पन जब उनने वोखे पानी पर चलते देख्यो, ते वुनखे लग्यो कि, यो भुत आयो, अरु वे चिल्लन लगया क्युकी सब ने वोखे देख्यो अरु डरीगा था.
पन वोने तुरुत उनखे खुद उ उनका से बोल्यो, हिम्मत रख मी आयो, डरनु मत. जब वू उनका सात डोंगा पर चडी गयो,अरु तुफान रुखी गो,
चार हजार दुनीयाहोन खे खलानो
वे दिन मे फिर जब बडि गर्दी एक जगा जमा हूय गी अरु वोका पास खान खे कुछ नी थो, ते वोने अपना सेवक होन खे बुलय खे बोल्यो, "मेखे या गर्दी पर दया आस, क्योकी ये तिन दिन से मरा साथ हइ, अरु वोका पास खान खे कुछ भी हय नी. अगर मी उनखे भुको घर मे भेजी दियु, ते वे रस्ता मे गली जाह्ये अरु भोत झन दुर से आया हइ."
वोका सेवकहोन ने उत्तर दियो, इन खे तुप्त करण खे यो जंगल मे कोय येत्ती रोटी खासे लाहे?
"वोने ओका से पुछो का तुम्हारा पास केतनी रोटी हइ?"
"वुनने बोल्यो," सात.
जब वोने गर्दी खे जमीन मे बठन खे बोल्यो, अरु वे सात रोटी खे ली अरु परमेश्वर को धन्यवाद करी खे तोडि, अरु अपना चेला होन खे देतो गयो कि उनखे बाट अरु उनने दुन्याहोन का सामने बाटी दि. वुनका पास कुछ छोटी मंछी भी थी ओने परमेश्वर को धन्यवाद करी खे उनखे भी दुन्या का सामने बाटन को आदेश दियो. अरु वे खैय खे तुप्त हुय गा, अरु चेलाहोन ने बच्या हुया टुकडाहोन कि सात टोपलीहोन भरी खे उठइ. अरु दुन्या चार हजार का नजीक पास था. तब ओने दुन्याहोन खे बिदा करी दिया,
अंजीर का झाड खे श्राप देनो
अरु दुसरा दिन जब वे बैतनीय्याह से नीकल्या ते वोखे भुख लगी. अरु पत्ता से भऱ्यो एक अंजीर को झाड खे दुर से देखी खे, वु वोका पास गयो कि अचानक कुछ मीली जाह्ये. पन व्हा पहुची खे पत्ता का शिवाय कुछ भी नी था. तब वोने झाड खे बोल्यो, "अब से कोय तरो फल कभी खान का नी."
अरु वोको सेवक सूनी रो थो.
गुल्लेर का झाड की सिक देनो
फिर फजर की टेम मे जब वे उदर से जइ रा था, ते उनने वु अंजीर को झाड खे जडी तक सुकते हुयो देख्यो. पतरस ने ध्यान लगय खे बोल्यो गुरु देख, यो अंजीर को झाड जेखे तोने सराप दियो थो सुखी गयो.
यीशु ने वोखे बोल्यो, "परमेश्वर पर विश्वास रख. मी तुम से सच्ची बोलुस, जो कोय या पहाड से बोल्हे, उखडी जा अरु समुदर मे जयखे गिरी जा,अरु अपना मन मे दुर नी रखनु पन जो कुछ वुनका से बोल्यो, विश्वास कर की हुय जाह्ये ते वोका लीये हुय जाह्ये." येका लीये मी तुमखे बोलुस, कि जो कुछ तुम प्रार्थना मे मागस विश्वास कर की वोखे पय लियो, अरु वु तुमखे मीली जाह्ये. अरु जब तुम खडा हुयखे प्रार्थना कर्हे ते तुमारा मन मे कोय का भी लिये कुछ बुरो हुये ते वोखे माफ करी देनु, जेमे तुमारो बाप जो स्वर्ग मे हइ तुमारो भी बुरो माफ कर्हे.
पहीला सेवक खे बुलायो जानो
एक दिन जब गर्दी वोका पर गिर पडती थी. अरु परमेश्वर को वचन सुनती थी. अरु व्हा गनेसरत की नद्दी, किनार पर खडा था. ते असो हुयो. कि वोने नद्दी, किनार दो डोंगा लग्या हुया देख्या. अरु डिम्बर वोका पर से उतरीखे जाल धोय रा था वे डोंगा मे से एक पर जो शमौन की थी. चडी खे. वोने वोका से प्रार्थना करी. कि किनार से थोडो जमीन हटयी ले चल. जब व्हा बठीखे दुन्या खे डोंगा पर से उपदेस देन लग्यो.
तब वे बात करी चुक्या ते शमौन से बोल्यो. खोल मे ली चल. अरु मंछी पकडन का लिये अपनी जाल डाल.
शमौन ने वोखे उत्तर दियो. कि हे स्वामी. हम ने पुरी रात मेहनत करी अरु कुछ नी पकड्यो. तेभी तरा बोलना से जाल डाल्यु. जब वुनने असो कर्या. ते खुप मंछी घेरी ली. अरु वुन कि जाल फटन लगी गी. येका पर वो ने अपना साथआला खे जो दूसरा डोंगा पर था. हिसारो कर्यो. कि अयखे हमखे सात दे अरु वो ने अयखे. दो डोंगा ह्या तक भरी ली कि वे डूबन लगी. यो देखीखे शमौन पतरस यीशु का पाय पर गिर्यो. अरु बोल्यो. हे परमेश्वर. मरा पास से जा. क्युकि मी पापी इन्सान आय.
क्युकि येत्ती मंछी खे पकड्यो जाना से वोखे अरु वोका साथआला खे खुप अचम हुयो. अरु वसो य जब्दी को बेटो याकूब अरु यहून्ना खे भी. जो शमौन, सात मे था. अचम हुय जब यीशु ने शमौन से बोल्यो. मत डर आब से तू इन्सान खे जिन्दो पकड्यो कर्हे.
अरु वू डोंगा का किनार पर ली आयो अरु सब जमीन मे कुछ छोडी खे वोका पीछे चलि दियो.
यीशु तूफान खे शान्त करणो चाहस हइ
फिर एक दिन वे अरु ओका सेवक डोंगा पर चेढ्या. अरु ओने उनका से बोल्यो. "आ. नद्दी का पार चल." येका लिये उनने डोगो खोली दीयो. पर जब डोगो चली रोथो. ते व्हा सोय गयो अरु नद्दी पर आधी अय. अरु डोंगा मे पानी से भरन लग्यो अरु वे आपत मे था. तब उनने नजीक अयखे ओखे जगायो. अरु बोल्यो.
"गुरुजी! हम नाश हुया जास हइ." तब ओने उठीखे आधी खे अरु पानी की लाट खे धमकय अरु वे रुखी गयो. अरु चुप हुय गयो. अरु उनने उनका से बोल्यो. "तुम्हारो विश्वास खा थो?" पर वे डरी गया.
अरु अचम्बो हुयखे आपस मे बोलन लग्या. "यो कोन आय. जो आधी अरु पानी खे भी आज्ञा देस हइ. अरु वे ओकी बात मानस हइ?"
यीशु तूफान खे शान्त करणो चाहस हइ
फिर एक दिन वे अरु ओका सेवक डोंगा पर चेढ्या. अरु ओने उनका से बोल्यो. "आ. नद्दी का पार चल." येका लिये उनने डोगो खोली दीयो. पर जब डोगो चली रोथो. ते व्हा सोय गयो अरु नद्दी पर आधी अय. अरु डोंगा मे पानी से भरन लग्यो अरु वे आपत मे था. तब उनने नजीक अयखे ओखे जगायो. अरु बोल्यो.
"गुरुजी! हम नाश हुया जास हइ." तब ओने उठीखे आधी खे अरु पानी की लाट खे धमकय अरु वे रुखी गयो. अरु चुप हुय गयो. अरु उनने उनका से बोल्यो. "तुम्हारो विश्वास खा थो?" पर वे डरी गया.
अरु अचम्बो हुयखे आपस मे बोलन लग्या. "यो कोन आय. जो आधी अरु पानी खे भी आज्ञा देस हइ. अरु वे ओकी बात मानस हइ?"
बुरीआत्माहोन, इनसान खे अच्छो करणो
फिर वे गिरासेनीयहोन का देस मे पहुच्या. जो वा पार गलील का सामने हइ.
जब दिन डुबन लग्यो. ते बारा ने अयखे ओकासे बोल्यो. "गर्दी खे बिदा करी. कि चारी तरप का गाव अरु बस्तिहोन मे जयखे अपना लिये र्हेन की जगा. अरु खाना को इनतजाम कर. क्युकी हम ह्या सुनसान जगह मे हइ."
ओने उनका से बोल्यो. "तुम उनखे खान खे दे." उनने बोल्यो. "दो सौ सिक्का, रोटि अरु दो मंछी खे छोडी खे अरु कुछ नी. पन ह्या. अगर हम जयखे ये सब दुन्या, लिये खानो मोल ली. तो सकस हइ." क्युकी व्हा पर नजीकपास पाच हजार दुन्या था. अरु उनने अपना सेवक से बोल्यो.
उनखे पचास पचास करखे पगत मे बठय दे.
उनने असो य कर्यो. अरु सब खे बठय दियो. तब ओने वे पाच रोटि अरु दो मंछी ली. अरु स्वर्ग का तरफ देखीखे धन्यवाद कर्यो. अरु तोडी-तोडीखे सेवक होन खे देते गयो कि दुन्या खे पोरसी दे. अरु सब खाय खे तृप्त हुया. अरु बचा हुया टुकडा से बारा टोपली भरीखे उठइ ली.
काना शहर मे भ्याव
तीसरा दिन गलील का काना मे कोय एक का शहर भ्याव थो, अरु यीशु की माय भी व्हा थी. यीशु अरु ओका सेवक भी उ भ्याव मे बुलाया था. जब अंगूर को रस खत्म हुइ गयो, ते यीशु की माय ने उकासे बोल्यो, "उनका पास अंगुरकोरस नी र्हियो."
यीशु ने ओकासे बोल्यो, "हे बय मेखे तरा से का काम? अभी मरो टेम नी आयो."
ओकी माय ने सेवकहोन से बोल्यो, "जो कुछ उ तुम से बोल्ये का उ करणु."
व्हा यहूदीयाहोन खे अच्छो करण का लिये पत्थर का छे मडका रख्या था, जोमे दो दो, तीन-तीन मन समाता था. यीशु ने उनसे बोल्यो, "मडका मे पानी भरी दे" तब उनने उनका मुडा तक भरी दियो. तब ओने उनसे बोल्यो, "अरु नीकालीखे खाना का प्रधान का पास लि जा." अरु वे लि गए. जब खाना को प्रधान ने उ पानी चख्यो, जो अंगूर को रस बनी गया थो अरु नी जानतो थो कि उ खा से आयो हइ. पर जिन सेवकहोन ने पानी नीकल्या थो वे जानता था, ते खाना को प्रधान ने दूल्हा खे बुल्येइ खे ओकासे बोल्यो. "हर एक इन्सान पैयले अच्छो अंगूर को रस देस हइ, अरु जब इन्सान पीखे छकी जास हइ, तब मध्यम देस हइ. पर तोने अच्छो अंगूर को रस अभी तक रख छोड्यो हइ."
यीशु ने गलील का काना मे अपनो पयलो चिन्ह देखीखे अपनी महिमा प्रगट करी अरु ओका सेवक होन ने ओका पर विश्वास कर्यो.
पर ओने या बात ओखे परखन का लिये बोली. क्युकी उ खुद जानतो थो कि उ का कर्ये.
फिलिप्पुस ने ओखे जवाब दियो, "दो सौ सिक्का की रोटी भी उनका लिये पूरी नी हुये कि उनमे से हर एक खे थोड़ी-थोड़ी मीली जाये."
ओका सेवक होन मे से शमौन पतरस को भैइ अन्द्रियास ने ओकासे बोल्यो , "ह्या एक पोर्यो हइ, जोका पास जौ की पाच रोटी अरु दो मच्छीहोन हइ, पर इत्ता दुन्या का लिये वे का हइ."
यीशु ने बोल्यो, "दुन्याहोन कि बठ्यैइ दे" वा जगा भोत घास था, तब वे दुन्या जो गिनती मे नजीकपास पाच हजार था, बठी गा. तब यीशु ने रोटिहोन लीखे अरु धन्यवाद करीखे बठन आलाहोन खे बाटी खे बाटी दी. अरु ओसो मे मच्छीहोन मे से जोतनी वे चाहता था बाटी दि. जब वे खैइ खे मगम हुइ गया, ते ओने अपना सेवक होन से बाटी ले बोलयो, "बच्या हुया टुकडा से बारा टोपली जमा करी ले, कि कुछ फेक्यो नी जाये." येका लिये उनने जमा हुया, अरु जौ की पाच रोटिहोन का टुकडा जो खानआला से बची र्हि थी, उनकी बारह टोपलीहोन भरी.
तब जब वे खेते-खेते तीन चार मील का नजीकपास नीकली गया, ते उनने यीशु खे झील पर चलता, अरु डोगा का पास आते देख्यो, अरु डरी गया. पर ओने उनसे बोल्यो, हिम्मत रख मी आयो, डरनु मत. तब वे ओखे डोंगा पर चडैइ देन का लिये तैयार हुया अरु जल्दी उ डोंगा उ जमीन पर जा पहुच्यो जहा उ जातो थो.
तिबिरियुस नद्दी का धुरा चेलाहोन पर प्रगट होनो
या बातहोन का बाद यीशु ने अपना आप खे तिबिरियुस झील का किनारा सेवक होन पर प्रगट कर्ये अरु या रीति से प्रगट कर्यो. शमौन पतरस अरु थोमा जो दिदिमुस बोलस हइ, अरु गलील का काना नगर का नतनएल अरु जब्दी को बेटो, अरु ओका सेवक होन मे से दो अरु जन जमा था. शमौन पतरस ने उनसे बोल्यो, "मी मछ्छी पकडन जास हइ." उनने ओकासे बोल्यो, "हम भी तरा साथ चलस हइ."
येका लिए वे नीकलीखे डोंगा पर चड्या, पर उ रात कुछ नी पकड्यो. फजर होते ही यीशु किनार पर खडो हुयो. फिर भी सेवक होन ने नी पहचान्यो कि यो यीशु हइ. तब यीशु ने उनसे बोल्यो, "हे बच्चाहोन, तुम्हारा पास कुछ खान खे हइ?" उनने जवाब दियो, "नी." ओने उनसे बोल्यो, "डोंगा की दाहिनी तरफ जाल डाल, ते पाये." तब उनने जाल डाली,
अरु अब मच्छीहोन का कारण जाल खीच नी सक्या.
येका लिए वा सेवक ने जोका से यीशु प्रेम रकतो थो पतरस से बोल्यो, "यो तो प्रभु हइ" शमौन पतरस ने यो सुनीखे कि प्रभु हइ, कमर मे कपडा खे कसी लियो, क्युकी उ बिना कपडा को थो, अरु झील मे कूद पड्यो. पर अरु सेवक होन डोंगा पर मच्छीहोन से भरी हुइ जाल खीचते हुयो आयो का क्युकी वे किनार से जमीन जादा दूर नी कि कोय दो सौ हात पर थो. जब किनारा पर जमीन पर उतर्या, ते उनने कोयला की आग का अरु ओका पर मच्छी रखी हुइ, अरु रोटी देखी. यीशु ने उनसे बोल्यो, "जो मच्छीहोन तुम ने अभी पकडी हइ, उनमे से कुछ ला."
शमौन पतरस ने डोंगा पर चडीखे एक सौ त्रिरेपन बडी मच्छीहोन से भर्यो हुयो जाल किनारा अरु जमीन पर खीच्यो, अरु इत्ती मच्छीहोन होना पर भी जाल नी फट्यो.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
सेनापति को विश्वास यीशु पर
अरु जब उ कफरनहूम मे आयो ते एक रोमी सेनापति ने ओका पास अयखे ओकासे प्रार्थना करी. "हे प्रभु, मरो सेवक घर मे लकवा को मारो भोत दुख पीडा मे हइ."
ओने ओकासे बोल्यो, "मी अयखे ओखे अच्छो कऱ्यु,"
सेनापति ने उत्तर दियो, "हे प्रभु, मी यो योग्य नी कि तु मरा घर मे आयो, पर फक्त मुडा से बोली दे ते मरो सेवक अच्छो हुइ जाये." क्युकी मी भी अधिकार इन्सान हइ, अरु सेवक मरा हात मे हइ, अरु जब एक से बोलस हइ, जा, ते उ जास हइ. अरु दुसरा खे, आ, ते उ आस हइ, अरु अपना दास से बोलस हइ, की यो कर, ते उ करस हइ.
यो सुनीखे यीशु ने अचम्बो कऱ्यो, अरु जो ओका पीछे ए रा था उनका से बोल्यो कि "मी तुम से सच्ची बोलुस हइ खे कि मेने इस्राएल मे भी असो विश्वास नी पायो." अरु मी तुम से बोलुस हइ, कि भोत सारा पूर्व अरु पश्चिम से अयखे अब्राहम अरु इसहाक अरु याकूब का साथ स्वर्ग का राज्य मे बठ. पन राज को वारीस बाहेर अंधारा मे डाली दिया जाये व्हा रोनो अरु दात खे कटरनो हुये. अरु यीशु ने सेनापति से बोल्यो, "जा जसो तरो विश्वास हइ, असो ही तरा लिये हुये."
अरु ओको सेवक उ टेम अच्छो हुइ गयो.
यीशु बुरी आत्माआला खे अच्छो करस
जब उ वा पार गदरेनीयो का देश मे पोच्यो, ते दो इन्सान जोमे बुरी आत्मा थी कब्र से नीकलते हुये ओखे मीली, जो येतना बलवान था कि कोय वा रस्ता से जय नी सकस हइ. अरु, उनने चिल्लय खे बोल्यो, "हे परमेश्वर का बेटा, हमारो तरा से काम का तु टेम से पैयले हमखे दुख देन ह्या आयो हइ."
उनसे कुछ दुर भोत सा डुक्कर को एक झुड चरी रो थो. बुरी आत्माहोन ने ओकासे बोलीखे प्रार्थना करी, "अगर तु हमखे नीकलस हइ अरु डुक्कर का झुण्ड मे भेजी देस"
ओने उनका से बोल्यो, "जा!" अरु उ नीकली खे डुक्कर मे घुसी गया अरु पुरो झुण्ड धुरा पर से झपटिखे पानी मे जय पड्यो अरु डुबी खे मऱ्यो.
अरु चरानआला भागीगा, अरु गाव मे जयखे या सब बात अरु जोमे बुरी आत्मा थी. उनको पुरो हाल सुनायो. अरु सब गाव का दुन्या यीशु से मीलन खे नीकली आया अरु ओखे देखीखे प्रार्थना करी की हमारो देश से बाहेर नीकली जा.
एक गूगा खे अच्छा करणो
जब वे बाहेर जय रा था, तब दुन्या एक गूगा खे जोमे बुरीआत्मा थी ओका पास लायो. अरु जब बुरी आत्माहोन नीकाली दी गय, ते गूगो बोलन लग्यो. अरु गर्दी ने अचम्बो करीखे बोल्यो, "इस्राएल मे असो कभी नी देख्यो गयो."
यीशु अरु बालजबुल
तब दुन्या एक अंन्धो-मुको इन्सान खे जोमे बुरीआत्मा थी, ओका पास ओखे लायो. अरु ओने ओखे अच्छो कऱ्यो. अरु उ मुको इन्सान बोलन अरु देखन लग्यो.
बय को विश्वास
यीशु व्हा से नीकलीखे, सूर अरु सैदा का देस का तरप चली गयो. अरु देख, उ देस से एक कनानी बय नीकली, अरु चिल्लयखे बोलन लगी, "हे प्रभु! दाउद को बेटो, मरा पर दया कर, मरी बेटी बुरी आत्मा मे भोत दुख उठ्य री हइ."
पर ओने ओखे कुछ भी उत्तर नी दियो, अरु ओका सेवक होन ने अयखे ओकासे प्रार्थना करीखे बोल्यो, "येखे बिदा कर. क्युकी वा हमारा पीछे पीछे चिलाती चिलाती आस हइ."
ओने उत्तर दियो, "इस्राएल का घराना का गम्या हुये मेडा खे छोडी खे मी कोय का पास नी भेज्यो गयो."
पर उ आयो, अरु वा अयखे अपना टोगर्या टेकीखे प्रणाम कऱ्यो, "हे प्रभु, मरी मदत कर."
ओने उत्तर दियो, "बच्चाहोन की रोटी लिखे कुत्ताहोन का सामने डालनो अच्छो नी हइ."
ओने बोल्यो, "सत्य हइ प्रभु, पर कुत्ताहोन भी वे टुकडा खास हइ, जो उनका स्वामीहोन का मेज से गिरास हइ."
येका पर यीशु ने ओखे उत्तर दिखे बोल्यो, "हे बय, तरो विश्वास बडो हइ. जसो तू चास हइ, तरा लिये असो ही हुये" अरु ओकी बेटी उ टेम अच्छी हुय गइ.
बुरी आत्मा से पिडीत बच्चाहोन खे अच्छो करणो
"जब वे गर्दी का पास पोच्यो, ते एक इन्सान ओका पास आयो, अरु टोगऱ्या टेकी खे बोलन लग्यो. हे प्रभु, मरा बेटा पर दया कर! क्युकी ओखे मीर्गी आस हइ, अरु उ भोत दुख उठास हइ. अरु बार-बार अंगार मे अरु बार-बार पानी मे गिरी जास हइ. अरु मी ओखे तरा सेवक होन का पास लायो थो, पर वे ओखे अच्छो नी करी सक्या."
यीशु ने उत्तर दियो, हे अविश्वासीहोन अरु बिगड्या दुन्याहोन, मी कब तक तुम्हारा सात ऱ्हुयु? कब तक तुम्हारो सहनु? ओखे ह्या मरा पास ला. तब यीशु ने ओखे आज्ञा दी, अरु बुरीआत्मा ओमे से नीकली. अरु बेटो उ टेम मे अच्छो हुय गयो.
उ टेम मे उनको आराधनालय मे, एक इन्सान थो. जोमे एक बुरी आत्मा थी. ओने चिल्लय खे बोल्यो, हे नासरत नगर को यीशु, हमखे तरा से काम? का तू हम खे खतम करण आयो हइ? मी तोखे जानुस हइ तू कोण हइ, तू परमेश्वर को पवित्र जन हइ.
यीशु ने ओखे धमकय खे बोल्यो, चुप र्हे अरु ओमे से नीकली जा,
तब बुरी आत्मा ओखे मुरगडी खे अरु बडा आवाज से चिल्लय खे ओमे से नीकली गइ.
सैतान लग्या आला खे अच्छो करनो
फिर वू नद्दी का आगे गेरासेनीयहोन का देश मे पहुच्या, अरु उ डोंगा से उतर्यो ते, तुरुत एक इन्सान जोमे बुरी आत्मा, थी, कब्र से नीकलीखे ओखे मील्यो. उ मरगट मे र्हिया करतो थो अरु कोय ओखे साकल से भी नी बाधी सकता था. क्युकी उ बार-बार बेडिहोन अरु साकलहोन से बाध्यो गयो थो, पर ओने साकल खे तोडी दियो, अरु बेडिहोन खे टुकडा-टुकडा करी दिया था, अरु कोय ओखे कब्जा मे नी करी सकता था . उ लगातार रात-दिन मरगट अरु टेकडीहोन मे चिल्लाते अरु पत्थरहोन से अपना आप खे घायल करतो थो. उ दूर से यीशु खे देखीखे दौवड्यो, अरु ओका पाय पर घुटना का बल गिर खे प्रणाम करयो.
अरु जोर से चील्लय खे बोल्यो, परम प्रधान परमेश्वर को बेटो यीशु, मेखे तरा से काम? मी तोखे परमेश्वर की कसम दिउस मेखे सजा मत दे क्युकी उ ओका से बोली रो थो, "हे बुरी आत्मा, यो इन्सान मे से नीकली जा."
यीशु ने ओका से पुच्छो, तरो नाम का हइ? ओने ओकासे बोल्यो मरो नाम सेना हइ. क्युकी हम भोत झन हइ. अरु वोने वोका से गिडगीड्य खे प्रार्थना करी की हमखे यो देस का बाहेर नी भेजनू.
व्हा पहाड पर एक डुक्कर होन को एक बडो धन चरीरो थो. अरु उनने ओकासे प्रार्थना करते हुयो बोल्यो हमखे वे डुक्कर मे भेज की हम मीली जाह्ये. येका लिये ओने उनखे आज्ञा दि. अरु बुरी आत्मा होन ओमे से नीकली खे डुक्करहोन का अंदर गइ. अरु डूक्करहोन को जो बडो झुण्ड जो नजीकपास दो हजार को थो पहाड पर से झील मे गीरी खे डुबीखे मरी गया.
उन डुक्करहोन खे चरान आला ने भागी खे नगर मे अरु गाव मे या खबर सुनय, अरु दुन्या होन जो कुछ हुयो थो वोखे देखन खे आया.
तुम सिखास हइ कि अगर कोय अपना बाप या माय से बोल्ये, जो कुछ तोखे दान करी रोस हइ, ‘यो कुरबान हइ’ जेखो मतलब हइ, यो परमेश्वर को दान हइ, ते असो इन्सान खे अपना बाप या माय की सेवा नी करण को बहानो मीली जास हइ. यो प्रकार से तुम अपना नीयम बनय खे, परमेश्वर का शिक्षाहोन खे टाली देस हइ. अरु येका वजेसे भोत सा काम करस हइ."
इन्शान खे अशुद्ध करन वाली बात
फिर यीशु ने इन्सानहोन खे अपना पास बुलैइ खे उनसे बोल्यो, "तुम सब मरी बात सुन्नु, अरु समझनु. असी कोय चिज नी जो इन्सान मे बाहर से अंदर जैइ खे अच्छो नी कर्हे. पर जो चिज इन्सान खे अंदर से बाहर नीकालस हइ, वेमे ओखे अशुध्द करस हइ.
गैरयहूदीहोन कि बय को विश्वास
फिर यीशु व्हा से उठीखे सूर अरु सैदा देस मे चली गयो. अरु एक घर मे गयो अरु उ नी चातो थो कि कोय खे मालुम चले,पन उ लुक्यो नी ऱ्ही सक्यो. अरु एक बय जोकी छोटि बेटी मे बुरी आत्मा थी, यीशु कि बात सुनीखे अय, अरु ओका पाय पर गिरी गइ. गैरयहूदिहोन कि बय या सुरुफिनीकी मे पइदा हुइ थी. ओने यीशु से प्रार्थना करी की मरी बेटी मे से बुरी आत्मा खे नीकाली दे. पर यीशु ने बोल्यो, "पैयले बाच्चाहोन खे तृप्त होन दे, क्युकी बच्चा कि रोटि खे लिखे कुत्ताहोन का आगे डालनो अच्छो नी हइ."
ओने ओखे उत्तर दियो, "सच्ची हइ प्रभु. पर टेबल का नीचे कुत्ताहोन भी तो बच्चा का टुकडा टाकडा खे खास हइ."
यीशु ने ओका से बोल्यो, तू जय जा "तुमारा जबाब से. बुरी आत्मा तरी बेटी मे से नीकली गइ हइ!"
ओने अपना घर मे अयखे देख्यो कि पोरई खटीया पर सोइ देखी हइ, अरु बुरी आत्मा नीकली गइ हइ.
गर्दी मेसे एक ने वोखे उत्तर दियो, हे गुरु तरा पास अपना बेटा खे लायो जोमे असी आत्मा घुसीस जो ओखे मेखे बनय देस. अरु जब कभी वा बूरी आत्मा वोखे पकडस ते जमीन मे पटकी देस अरु वोका मुडा से फेस नीकलस अरु दात कटरन लगी जास अरु आंग कडक करण लगी जास मेने तुम्हारा सेवक खे नीकालन खे बोल्यो पन वे वोखे नी नीकाली सक्या.
वोने उत्तर देते हुयो बोल्यो, हे अविश्वासी दुन्याहोन मी कब तक तुमारा साथ हइ? मी कब तक तुम्हारी झेल्यु? वोखे मरा पास ला. वोने पोर्या खे वोका पास लायो.
अरु जब ओने देख्यो ते तुरुत वा आत्मा ने वोखे घुमय फिरय अरु वु जमीन पर गिरी खे इधर वुधर होन लग्यो. अरु वोने ओका बाप से पुछ्यो, यो कब से असो हुय रोस?
वोने उत्तर दियो बचपन से. ओने ओखे खतम करण का लिये कभी अंगार अरु कभी पानी मे गिरायो. पर अगर तू कुछ करी सख्ये ते हमारा पर दया खैइ खे हमारो उपकार कर.
यीशु ने ओकासे बोल्यो? अगर तू करी सकस हइ! या बात हइ? विश्वास करण आला को सब कुछ हुइ सकस हइ.
पोऱ्या का बाप ने तुरुत लालाभासा करी खे बोल्यो, मी विश्वास करुस, मरो अविश्वास कमजोर हइ मरो विश्वास बडाना मे मरो हात भार लगा.
जब यीशु ने देख्यो दुन्या भागी खे गर्दी खुप बडते जय रिथी ते वोने बुरी आत्मा खे यो बोली खे डाट्यो, ये बाहरी गुंगी आत्मा! मी तोखे आदेस देउस हइ येका से नीकली जा अरु फिर कभी येमे घुसनु नी.
अरु वा चिल्लय खे अरु घुमय फिरय खे वोका आंग से नीकली गय. अरु वु पोर्यो मरीगो जसो हुय गयो अरु भोत झण ने बोल्यो, वु तो मरी गो. पन यीशु ने वोको हात पकडी खे उठायो अरु वू उठि खे खडो हुय गयो.
पतरस की सासु अरु इन्सान खे अच्छो होनो
वु आराधनालय मे से उठीखे शमौन, घर मे गयो अरु शमौन की सासु खे बुखार चड्यो हुयो थो. अरु उनने वोका लिये वोका से प्रार्थना करी. वोने वोका नजीक खडो र्हिखे बुखार खे डाट्यो अरु वोका पर से उतरी गयो अरु वा तुरुत उठीखे उन की सेवा चाकरी करण लगी.
जब व्हा किनार पर उतर्यो ते जमीन उ नगर को एक इन्सान ओखे मील्यो. जोमे बुरीआत्मा थी. अरु भोत दिन से कपडा नी पेनतो थो अरु नी घर मे र्हेतो थो क्युकी मरगट मे र्हे तो थो. वहा यीशु खे देखी खे चिल्लायो. अरु ओका सामने गिरीखे बडा आवाज से बोल्यो. "हे परमप्रधान परमेश्वर को बेटो यीशु! मेखे तरा से काम? मी तुम्हारा से प्रार्थना करुस हय. मेखे दुख नी देनु." क्युकी व्हा उस बुरी आत्मा खे उ इन्सान मे से नीकलन की आज्ञा दि रा था. येका लिये कि व्हा ओका पर घडी घडी प्रबल होती थी. अरु अगर दुन्या ओखे हतकडी मे अरु साकल से बाधता था. ते भी व्हा बाधी आला खे को तोडी डालतो थो. अरु बुरीआत्मा ओखे जंगल मे भगायो फिरता था.
यीशु ने ओकासे पूछा. "तरो का नाम हइ?"
ओने बोल्यो. "सेना." क्युकी खुप बुरीआत्माहोन ओमे टेम मे गइ थी. अरु उनने ओकासे प्रार्थना की. "हमखे यानेकी गड्डा मे जान की आज्ञा नी दे."
व्हा टेकडा पर डुक्कर को एक बडो धन चरी रोथो. अरु उनने ओकासे प्रार्थना करी. "हमखे उनका सामने दे." अरु ओने उनखे जान दियो. तब बुरीआत्माहोन उ इन्सान से नीकलीखे डुक्कर मे समा गय अरु उ धन पर से झपटी नद्दी मे जय गिर्यो अरु डूबी मर्यो.
चरानआलो यो जो हुयो थो देखीखे भाग्हे. अरु नगर मे. अरु गावहोन मे जयखे ओको खबर बोल्यो. अरु दुन्या यो जो हुयो थो ओखे देखन खे निकाले. खे अरु यीशु का नजीक अय खे जो इन्सान से बुरीआत्माहोन नीकली थी. ओखे यीशु का पास कपडा पेन्या अरु सचेत बठयो हुयो मील्यो ते वे डरी गया.
मी तुम से सच्ची बोलुस हय. कि जो यह्या खडो हइ, उन मे से कोय-कोय असा हइ कि जब तक परमेश्वर को राज नी देखी ली तब तक मरन को सवाद नी चखन को.
यीशु को रुप बदलनो
या बात खे कोय आठ दिन बाद व्हा पतरस. अरु यहून्ना अरु याकूब खे सात लीखे प्रार्थना करण खे लिये पहाड पर गयो. जब व्हा प्रार्थना करी रो थो, ते ओको मेडा को रुप बदली गयो, अरु ओका कपडा उजरा हुयखे चमकन लग्यो. तब. मूसा अरु एलिय्याह. यो दो इन्सान उनका सात बात कर राथा.
ये महिमा सहित दिखाय दियो. अरु ओका मरन की बात करी राथा. जो यरुशलेम मे होन आला थो.
पतरस अरु ओका सात वाला नीद से भरी थी. अरु जब अच्छी तरह जागा हुयो. ते ओकी महिमा. अरु वे दो इन्सान खे. जो ओका सात खडा था. देख्या. जब वे ओका पास से जान लग्या. ते पतरस ने यीशु से बोल्यो. "हे स्वामी. हमारा ह्या र्हेनो अच्छो हइ अरु हम तीन मण्डप बनायो. एक तरा लिये. एक मूसा, लिये. अरु एक एलिय्याह, लिये." व्हा समजती नी थी. किका बोली रीस हइ.
तब. गर्दी मे से एक इन्सान ने चिल्लाय खे बोल्यो. "हे गुरु. मी तुम से प्रार्थना करुस हय कि मरो बेटा पर कृपा दृष्टि करी. क्युकी व्हा मरो एकलौतो हइ. अरु देख. एक बुरी आत्मा ओखे पकडस हइ, अरु व्हा एका एकी चिल्लय उठ्योस हइ. अरु व्हा ओखे असो मुर्गडस हइ. कि व्हा मुडा मे फेस भरी लास हइ. अरु ओखे कुचलीखे तकलीफ से छोडी देस हइ. अरु मे ने तरा सेवक से प्रार्थना करी. कि ओखे निकाले. पन वे नी नीकली सक्या."
यीशु ने उत्तर दियो. "हे अविश्वासी अरु जिद्दी दुन्या मे कब तक तुमारा सात तुम्हारी सह्यु? अपनो बेटा खे यो ली आयो." व्हा अय य रा था कि बुरीआत्मा ने ओखे पटकीखे मुर्गड्यो. पन यीशु ने बुरी आत्मा खे धमकय खे अरु बेटा खे अच्छो करीखे ओको बाप खे दि दियो तब सब दुन्या परमेश्वर को महा सामर्थ्य से अचम हुयो. पन जब सब दुन्या वे सब काम से जो उ करतो थो.
दुख भोगन कि भविष्यवानी
अचम्बो करी रा था. ते उनने अपना सेवक से बोल्यो.
यीशु अरु बालजबालू
फिर ओने एक मेकी बुरीआत्मा खे नीकल्यो. जब बुरीआत्मा नीकली गय. ते मेकी बोलन लगी. अरु दुन्या ने अचम्बो कऱ्यो.
अरु उनमे से एक ने महायाजक सेवक पर तलवार चलखे ओका जवनो टी दियो.
येका पर यीशु ने बोल्यो. "अब बस कर." अरु ओको न छीखे अच्छो कर्यो.
तब यूहन्ना खे भेज्यो हुयो दुन्या चली दिया. ते यीशु यहून्ना को बारे मे दुन्या खे बोलन लग्यो. तुम जंगल मेका देखन गया था? हवा से हलाते हुयो सरकण्डे खे? ते तुम फिर, देखन गया था? नाजूक कपडा पेन्यो हुयो इन्सान खे? देख्यो. जो भडकीला कपडा पेन्यो अरु सुख चैन से र्हेस हइ, वे राजभवन मे र्हेस हइ. ते फिर, देखन गयो थो? कोय भविष्यव्दक्ता खे? ह्या. मी तुम से बोलुस. वरन भविष्यव्दक्ता से भी बडा खे. यो उ हइ. जोका बारे मे लिख्योस हइ. कि देख मी अपना दूत खे तरा आगे आगे भेजुस जो तरा आगे रस्ता सीधि कर्हे. मी तुम खे बोलुस कि जो बयहोन से जन्म्यो हइ. उन मे से यहून्ना से बडो कोय नी पर जो परमेश्वर का राज्य मे छोटो से छोटो हइ. व्हा वोका से भी बडो हइ.
अरु सब साधारण दुन्या ने सुनीखे अरु चुगी लेनवाला ने भी यहून्ना को बपतिस्मा लिखे परमेश्वर खे सच्छो मानी लियो. पर फरीसीयो अरु व्यवस्थापक ने वो खे बपतिस्मा नी लिखे परमेश्वर की मनसा का अपना बारे मे टाली दियो.