Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
ଜିସୁ ଇର୍ୱୁଡ଼୍ କାନାଲଡ଼୍କିଙ୍କ୍ ଉଡ଼ାନ୍ ଶକ୍ତି ହିତ୍ତଣ୍ଡ୍
ଜିସୁ ଆଗାଙ୍କ୍ ୱାଦାନ୍ ୱେଲେ ଇର୍ୱୁଡ଼୍ କାନାଲଡ଼୍କ୍ ଅଣ୍ଡ୍ ସୁସ୍ଥ ମାଡ଼୍ତଡ଼୍ । ଅଡ଼୍ ଗାଟି ଲେଙ୍ଗ୍ଦେ କେତ୍ତଡ଼୍, "ହୋ ଦାଉଦ୍ ବଂଶତଣ୍ଡ୍, ମାକିଂଙ୍କ୍ ଦୟା ମାଡ଼େ ।"
ଅଡ଼୍ ଜିସୁନ୍ ପେର୍କେପେର୍କେ ଆଞ୍ଜ୍ ଅଣ୍ଡୟ୍ ଲୋନ୍ ହସ୍ତଡ଼୍ । ଆଗେ ଜିସୁ ଅଡ଼୍କିଂଙ୍କ୍ ପାଚ୍ରାମାଡ଼ତଣ୍ଡ୍, "ନାନ୍ ମିକିଂଙ୍କ୍ ସୁସ୍ଥ ମାଡ଼ିତାନ୍ ଇଞ୍ଜ ମିଡ଼୍ ବିଶ୍ୱାସ୍ ମାଡ଼ୁତିଡ଼୍ କି ?" ଅଡ଼୍ ଉତ୍ତର୍ ହିତ୍ତଡ଼୍, "ହୋ ପ୍ରବୁ ।"
ଆସୁଟେ ଜିସୁ ଅଡ଼ାୱୁ କଣ୍ଡାଙ୍କ୍ ଇଟି ମିକା କେତ୍ତଣ୍ଡ୍, "ନିମ୍ ବେଲା ବିଶ୍ୱାସ୍ ମାଡ଼ୁତିନ୍ ଆଦେରକମ୍ ଆୟି ।" ଆସୁଟେ ସାଙ୍ଗେ ସାଙ୍ଗେ ଅଡ଼୍ କଣ୍ଡା ଉଡ଼୍ତଡ଼୍ । ଜିସୁ ଅଡ଼୍କିଂଙ୍କ୍ କଡ଼ା ଗଟ୍ ଇସ୍ କେତ୍ତଣ୍ଡ୍, "ସାବ୍ଦାନ୍ ! ବେନମେଣ୍ଡ୍ ଇଦ୍ ଗଟ୍ ପୁନ୍ମାକି ।"
ବାତେଙ୍କ୍ ଇତ୍କେ ଅଡ଼୍ ଆଗାଙ୍କ୍ ଆଞ୍ଜ୍ ଜିସୁନ୍ ଗଟି ସାରେଏକାମ୍ ପ୍ରଚାର୍ ମାଡ଼୍ତଡ଼୍ ।
ଜିସୁ ଇର୍ୱୁଡ଼୍ କାନାଲଡ଼୍ କଣ୍ଡାଙ୍କ୍ ସୁସ୍ଥ ମାଡ଼୍ତଣ୍ଡ୍
ଅନ୍ ଦିନ୍ ଜିସୁ ଶିଷ୍ୟଡ଼୍ତଡ଼୍ ଯିରୀୟ ସହର୍ତିଙ୍କ୍ ୱିଡ଼୍ସି ଆଦାନ୍ ୱେଲେ ନାର୍ଗେ ନାରୁଡ଼୍ ଅନ୍ ପର୍କେ ପେର୍କେ ଆଦ୍ତଡ଼୍ । ରଟ୍ ଆଞ୍ଚିନା କୁଦିମାନ୍ଦାନ୍ ଇର୍ୱୁଡ଼୍ କାନାଲଡ଼୍, ଜିସୁ ଆଦ୍ଆର୍ ୱାଦୁତନ୍ ଇଞ୍ଜ କାନାଲଡ଼୍ କେଞ୍ଜି ଗାଟି ଲେଙ୍ଗ୍ଦେ କାର୍ଙ୍ଗୁତଡ଼୍ "ହୋ ପ୍ରବୁ, ଦାଉଦ୍ ତେ ମାର୍; ମାକିଂଙ୍କ୍ ଦୟା ମାଡ଼େ ।"
ନାରୁଡ଼୍ ଅଡ଼୍କ୍ ଦମକ୍ ଇସ୍ କଟ ଆତ୍ତାଙ୍କ୍ କେତ୍ତଡ଼୍ । ବାତେଙ୍କ୍ ଇତ୍କେ ଅଡ଼୍ ମେଣ୍ଡେ ଗାଟି ଲେଙ୍ଗ୍ଦେ କାର୍ଙ୍କ୍ ତଡ଼୍, "ଦାଉଦ୍ତେ ମାର୍; ମାକିଂଙ୍କ୍ ଦୟାମାଡ଼େ ।"
ଜିସୁ ଆଗେନିସ୍ ଅଡ଼୍କିଂଙ୍କ୍ କାର୍ଙ୍ଗି କେତ୍ତାନ୍, "ନାନ୍ ମିଇ ସେଙ୍ଗେ ବାତେଏ ମାଡ଼ିତାନ୍ ଇଞ୍ଜ ଆଲ୍ସୁତିଡ଼୍ ?"
ଅଡ଼୍ କେତ୍ତଡ଼୍, "ପ୍ରବୁ ମାକିଂଙ୍କ୍ ଉଡ଼ାନ୍ ଶକ୍ତି ଇମ୍ ।"
ଜିସୁ ଦୟାତେ ବିଗଲିତ ଆସ୍ ଅଡ଼୍ କଣ୍ଡାଙ୍କ୍ ଇଟ୍ତଣ୍ଡ୍ । ସାଙ୍ଗେ ସାଙ୍ଗେ ଅଡ଼୍ ଉଡ଼୍ତଡ଼୍ ନୁ ଜିସୁନ୍ ପେର୍କେ ପେର୍କେ ଆଦ୍ତଡ଼୍ ।
ଜିସୁ ବେତ୍ସାଇଦାତାଗ୍ କାନାଙ୍କ୍ ଉଡ଼ାନ୍ ଶକ୍ତି ହିତ୍ତଣ୍ଡ୍
ଅଡ଼୍ ବେସୁଙ୍କ୍ ବେତ୍ସାଇଦା ନାର୍ ଏୱ୍ତଡ଼୍, ନାରୁଡ଼୍ ୱେରଙ୍କ୍ କାନାଙ୍କ୍ ଜିସୁନ୍ ଗାରେ ତାସ୍ ଅଂକିଙ୍କ୍ ଇଟାନ୍ ମାଇଦିଙ୍କ୍ ଅନୁରୋଦ ମାଡ଼୍ତଡ଼୍ । ଜିସୁ କାନାନ୍ କାଇ ପୟ୍ସ୍ ଅଂକିଙ୍କ୍ ନାର୍ଦେ ବାୟ୍ଦ୍ ଅତ୍ତଣ୍ଡ୍ । ଆଗେ ଅଂକିଙ୍କ୍ କଣ୍ଡାନାଗ୍ ଉସୁଲ୍ ମେହେସିସ୍ ଅନ୍ ମେନ୍ଦୁଲ୍ ତାଗେ କାୟ୍ୱାଟି ଅଂକିଙ୍କ୍ ପାଚ୍ରାରା ମାଡ଼୍ତଣ୍ଡ୍, "ବାତା ଉଡ଼୍ ପାର୍ଦୁତି ?"
ନାରୁଡ଼୍କ୍ ଉଡ଼ି କେତ୍ତଣ୍ଡ୍, "ହ, ନାରୁଡ଼୍କିଙ୍କ୍ ଉଡ଼୍ ପାର୍ଦୁତାନ୍ । ଅଡ଼୍ ବୁଚା ମାଡ଼ାନ୍ଡ଼୍ ଲେକାମ୍ ତନ୍ଦମିନ୍ଦେଡ଼୍ ।"
ଜିସୁ ନାରୁନ୍ତେ କଣ୍ଡେତ୍ ପର ନିଜର୍ କାଇୱାଟି ନୁ ନାରୁଣ୍ଡ୍ ସାୟେ ହେର୍କେ ମାଡ଼୍ତଣ୍ଡ୍ । ହଟାତ୍ ଅନାଦ୍ ଉଡ଼ାନ୍ ଶକ୍ତି ମାଲ୍ସ୍ ୱାତ୍ତେ ନୁ ଅଣ୍ଡ୍ ଲେକେତ୍ ଉଡ଼୍ପାର୍ତଣ୍ଡ୍ । ଜିସୁ ଅଂକିଙ୍କ୍ ଆ ନାର୍ ମାଲ୍ସ୍ ଆନ୍ମା ଇଞ୍ଜ ଗଟ୍ ଇସ୍ ଅନ୍ ଲୋନ୍ ରୟ୍ସିତ୍ତଣ୍ଡ୍ ।
ଜିସୁ କନ୍ଦାଙ୍କ୍ ନୁ କେଞ୍ଜାନଙ୍କ୍ ପାର୍ୱେନଙ୍କ୍ ସାୟେ ମାଡ଼୍ତଣ୍ଡ୍
ତାନ୍ ପେର୍କେ ଜିସୁ ସୋର ଅଞ୍ଚଲତାଗାଙ୍କ୍ ସିଦନ୍ତାଗ୍ ଆଞ୍ଜ୍ ଆଗାକଞ୍ଚ୍ ଦେକାପଲୀ ପ୍ରଦେଶ ଲୋପେଙ୍କ୍ ଇସ୍ ଗାଲିଲୀ ଆଞ୍ଚିନାଗ୍ ୱାସ୍ ହେୱ୍ତଣ୍ଡ୍ । ଆଗାକଞ୍ଚ୍ ବେସ୍କ୍ତଡ଼୍ ନାରୁଡ଼୍ ୱେରଙ୍କ୍ ବୟ୍ରାଙ୍କ୍ ଜିସୁନ୍ ଗାରେ ତାତ୍ତଡ଼୍ । ଅଣ୍ଡ୍ ଲେକେତ୍ ଗଟି ତିର୍ୟେ ପାର୍ୱକଟ ମାତ୍ତଣ୍ଡ୍ । ଅନ୍ ପର କାଇ ୱାଟାନ୍ ମାଇଦିଙ୍କ୍ ଅଡ଼୍ ଜିସୁ ଅନୁରଦ୍ ମାଡ଼୍ତଡ଼୍ । ଜିସୁ ଅଂକିଙ୍କ୍ ୱେର୍ଙ୍କେ ନାରୁଡ଼୍ ଲୋପେଙ୍କ୍ ସୁଦୁର୍ ଦୁରାମ୍ ଆତ୍ତଣ୍ଡ୍ । ଅଣ୍ଡ୍ କେୱ୍ଦାଗ୍ ୱାଡ଼୍ଞ୍ଜ୍ ଆଦ୍ପି, ଉଚି ଅନ୍ ୱାଞ୍ଜେର୍ତିଙ୍କ୍ ହିଟ୍ତଣ୍ଡ୍ । ତାନ୍ପେର୍କେ ସ୍ୱର୍ଗତ୍ପାକେ ପର୍ଉଡ଼ି, ଗାଟିନେସ୍କି କେତ୍ତଣ୍ଡ୍ "ଇପ୍ପତଃ !" ଅର୍ତ ଲେଙ୍ଗା ।
ସାଙ୍ଗେ ସାଙ୍ଗେ ନାରୁଣ୍ଡ୍ କେଞ୍ଜାନ୍ ଶକ୍ତି ପାଏମ୍ ଆତ୍ତଣ୍ଡ୍, ଅନାଦ୍ କନ୍ଦାଲ୍ ବନ୍ଦନ୍ ଦୁର୍ ଆତ୍ତେ ନୁ ଅଣ୍ଡ୍ ଇଞ୍ଜ୍ ଲେକେତ୍ ଗଟି ତିର୍ୟେ ପାର୍ଦୁତଣ୍ଡ୍ । ଇ ଗଟନା ବିଷୟ୍ତେ ୱେର୍ତଡ଼୍କିଙ୍କ୍ ବାତେ ବା କେଲ୍ମାଟ୍ ଇଞ୍ଜ ଜିସୁ ନାରୁଡ଼୍କ୍ ଆଦେଶ୍ ହିତ୍ତଣ୍ଡ୍ । କିନ୍ତୁ ଜିସୁ ବେସର୍ ମନା ମାଡ଼୍ତଣ୍ଡ୍, ନାରୁଡ଼୍ ଆସର୍ କେସ ଉଡ଼୍ତଡ଼୍ । ବେନଡ଼୍ ଇ ସାରେ ଗଟି କେଞ୍ଜ୍ତଡ଼୍, ଅଡ଼୍ କାବା ଆସ୍ କେତ୍ତଡ଼୍, ଅଣ୍ଡ୍ ବେସର୍ ଚମତ୍କାର୍ତେ ପାଡ଼୍ୟି ମାଡ଼ୁତଣ୍ଡ୍, ବୟ୍ରାଙ୍କ୍ କେଞ୍ଜାନ୍ ଶକ୍ତି, କନ୍ଦାଙ୍କ୍ ତିର୍ୟାନ୍ ଶକ୍ତି ଇସ୍ ମିନ୍ଦେଣ୍ଡ୍ ।
ଜିସୁ ବାର୍ଟିମୟ କାନାଙ୍କ୍ ସାୟ୍ ମାଡ଼୍ତଣ୍ଡ୍
ଜିସୁ ନୁ ତାନ୍ ଶିଷ୍ୟଡ଼୍ ଯିରୀୟତାଗ୍ ୱାତ୍ତଡ଼୍ । ଅଡ଼୍ ଆ ଟାଉନ୍ତିଙ୍କ୍ ୱିଡ଼୍ସି ଆଦାନ୍ ୱେଲେ ନାର୍ଗେ ନାରୁଡ଼୍ ଅନ୍ ପେର୍କେ ଆତ୍ତଡ଼୍ । ଟିମୟର୍ତେ ମାର୍ ବାର୍ଟିମୟ ପେଦେର୍ତେ ଅର୍ତୁଣ୍ଡ୍ କାନାଲ୍ ବିକାରି ଆର୍ଦାଗ୍ କୁଦିମାତ୍ତଣ୍ଡ୍ । ନାଜରିତିୟ ଜିସୁ ଆ ଆର୍ ଆଦୁତଣ୍ଡ୍ ଇଞ୍ଜ କେଞ୍ଜି ଅଣ୍ଡ୍ ଗାଟି ଲେଙ୍ଗ୍ ମାଡ଼ି କେତ୍ତଣ୍ଡ୍, "ହୋ ଦାଉଦ୍ତେ ମାର୍ ଜିସୁ ନାକିଙ୍କ୍ ଦୟା ମାଡ଼ା ।" ନାରୁଡ଼୍ ଅଂକିଙ୍କ୍ ଦମକା ମାଡ଼ି କଟ ମାନ୍ଦାଙ୍କ୍ କେତ୍ତଡ଼୍, କିନ୍ତୁ ଅଣ୍ଡ୍ ମେଣ୍ଡେ ଗାଟିଲେଙ୍ଗ୍ କାର୍ଙ୍ଗ୍ତଣ୍ଡ୍; "ହୋ ଦାଉଦ୍ତେ ମାରିନ୍ ଜିସୁ, ନାକିଙ୍କ୍ ଦୟା ମାଡ଼ା ।" ଜିସୁ ନିସ୍ ମିକା କେତ୍ତଣ୍ଡ୍, "ଅଂକିଙ୍କ୍ କାର୍ଙ୍ଗ୍ଗାଟ୍ ।" ନାରୁଡ଼୍ କାନାଙ୍କ୍ କାର୍ଙ୍ଗି କେତ୍ତଡ଼୍, "ଦାନ୍ଦ୍ ଆୟ୍ମା, ତେଦିୱାଡ଼ା, ଅଣ୍ଡ୍ ନିକିଙ୍କ୍ କାର୍ଙ୍ଗ ମିନ୍ଦେଣ୍ଡ୍ ।" କାନାଲ୍ ତାନ୍ ଚାଦର୍ ହେସି ୱେଡ଼୍କେତେ ତୁଲ୍ଲି ଜିସୁନ୍ ଗାରେ ଏୱ୍ତଣ୍ଡ୍ । ଜିସୁ ଅଂକିଙ୍କ୍ ପାଚାରା ମାଡ଼୍ତଣ୍ଡ୍, "ନି ମାଇଦିଙ୍କ୍ ନାନେ ବାତେ ମାଡ଼ିତାନ୍ ଇଞ୍ଜ ଇଚ୍ଛା ମାଡ଼ୁତି ?" କାନାଲ୍ କେତ୍ତଣ୍ଡ୍, "ଗୁରୁ ! ନାନ୍ ଉଡ଼ାନ୍ ମାଇଦିଙ୍କ୍ ଇଚ୍ଛା ମାଡ଼ୁତାନ୍ ।" ଜିସୁ ଅଂକିଙ୍କ୍ କେତ୍ତଣ୍ଡ୍, "ଅନ୍, ନି ବିଶ୍ୱାସ୍ ନିକିଙ୍କ୍ ସାୟ୍ ମାଡ଼୍ତେ ।" ସାଙ୍ଗେ ସାଙ୍ଗେ କାନାଲ୍ ତାନ୍ ଉଡ଼ାନ୍ ଶକ୍ତି ପାହେମ୍ ଆତ୍ତଣ୍ଡ୍ ନୁ ଅଣ୍ଡ୍ ଆନ୍ତେ ଜିସୁନ୍ ପେର୍କେ ପେର୍କେ ତାକ୍ତଣ୍ଡ୍ ।
ଜିସୁ ୱେର୍ଣ୍ଡ୍ କାନାଙ୍କ୍ ସୁସ୍ଥ ମାଡ଼ତଣ୍ଡ୍
ଅଣ୍ଡ୍ ଯିରୀୟ ନଗର୍ତେ ଗାର୍ରେ ହେଉଦାନ୍ ୱେଲେ, ୱେରଣ୍ଡ୍ କାନାଲ୍ ହାର୍ଦେ ଗାର୍ରେ କୁଦି ତାଆଲ୍କ ମାତ୍ତଣ୍ଡ୍ । ଅଣ୍ଡ୍ ନାରୁଡ଼୍ ସାରେତଡ଼୍ ଆଦାନାଦ୍ ଲେଙ୍ଗ୍ କେଞ୍ଜି ଗଟ୍ ବାତେଏ ଇଞ୍ଜ ପାଚ୍ରାମାଡ଼ାଙ୍କ୍ ପସ୍ପ୍ତଣ୍ଡ୍ ।
ଅଡ଼୍ କାନାଙ୍କ୍ କେତ୍ତଡ଼୍, "ନାଜରିତିୟ ଜିସୁ ଇଦ୍ ଆର୍ଇସ୍ ଆଦୁତନ୍ ।"
ଆଗାଙ୍କ୍ ଅଣ୍ଡ୍ କାନାଲ୍ ଗାଟି ଲେଙ୍ଗଦେ କାର୍ଙ୍ଗତଣ୍ଡ୍, "ହୋ ଜିସୁ, ଦାଉଦ୍ତେ ମାର୍, ନାକିଂଙ୍କ୍ ଦୟା ମାଡ଼ା ।"
ମାତର୍ ମୁନେ ଆଦାନଡ଼୍ ନାରୁଡ଼୍ କାନାଙ୍କ୍ ଦମକ୍ ଇସ୍ ଅଂକିଙ୍କ୍ କଟ ଆଦାଙ୍କ୍ କେତ୍ତଡ଼୍, ବାତେଙ୍କ୍ ଇତ୍କେ ଅଣ୍ଡ୍ ମେଣ୍ଡ୍ ଗାଟି ଲେଙ୍ଗତେ କାର୍ତଣ୍ଡ୍, "ହୋ ଦାଉଦ୍ ତେ ମାର୍, ନାକିଂଙ୍କ୍ ଦୟା ମାଡ଼ା ।"
ଜିସୁ ଆଗାଙ୍କ୍ ନିସ୍ ମିକା କାନାଙ୍କ୍ ଗାର୍ରେ ତାତାନଙ୍କ୍ କେତ୍ତଣ୍ଡ୍, ମେଣ୍ଡ୍ ଅଣ୍ଡ୍ ଗାର୍ରେ ୱାତ୍ତେ ୱେଲେ, ଜିସୁ ଅଂକିଙ୍କ୍ କେତ୍ତଣ୍ଡ୍, ନାନ୍ ନି ମାଇଦିଙ୍କ୍ ବାତ୍ ମାଡ଼ିତାନ୍ ଇଞ୍ଜ ନିମେ ଇଚ୍ଛା ମାଡ଼ୁତିନ୍ ? କାନାଲ୍ କେତ୍ତଣ୍ଡ୍, "ହୋ ପ୍ରବୁ, ନାନ୍ ବେଲାକି ମେଣ୍ଡେ ଉଡ଼୍ପାର୍ଦ୍ତାନ୍ ।"
ଜିସୁ କାନାଙ୍କ୍ କେତ୍ତଣ୍ଡ୍, "ତ ନିମେ କଣ୍ଡା ଉଡ଼େ; ନିୱାଦ୍ ବିଶ୍ୱାସ୍ ନିକିଂଙ୍କ୍ ସୁସ୍ଥ ମାଡ଼୍ତଣ୍ଡ୍ ।"
ସାଙ୍ଗେ ସାଙ୍ଗେ ଅଣ୍ଡ୍ କଣ୍ଡାଉଡ଼ି, ଇଶ୍ୱରତେ ମହିମା କୀର୍ତ୍ତନ୍ ମାଡ଼ମାଡ଼ ଅନ୍ ପେର୍କେ ପେର୍କେ ତାଆକାନଙ୍କ୍ ପସ୍ପ୍ତଣ୍ଡ୍ ନୁ ନାରୁଡ଼୍ ସାରେତଡ଼୍ ଆଦ୍ ଉଡ଼ି ଇଶ୍ୱର୍ ତେ ପ୍ରସଂଶା ମାଡ଼୍ତଡ଼୍ ।
ଜିସୁ ଜନମ୍ କାନାନ୍ କୋଣ୍ଡାଙ୍କ୍ ୱେସ୍ହିତ୍ତଣ୍ଡ୍
ଜିସୁ ହାର୍ଦାଗ୍ ଆଦାନ୍ ୱେଲେ ୱେରଣ୍ଡ୍ ଜନମ୍ କାନାଙ୍କ୍ ଉଡ଼୍ତଣ୍ଡ୍ । ମେଣ୍ଡେ, ଅନ୍ ଶିଷ୍ୟନଡ଼୍ ଅଂକିଙ୍କ୍ ପାଚ୍ରାମାଡ଼୍ତଡ଼୍, "ହୋ ଗୁରୁ, ବେନ ପାପ୍ ମାଡ଼୍ତାଙ୍କ୍ ଇଣ୍ଡ୍ କାନାଲ୍ ଆସ୍ମିନ୍ଦେଣ୍ଡ୍ ? ତାନ୍ ନିଜେତାଦ୍ ନା ତାମ୍ ୟାୟ୍ ବାବାଲଡ଼ାଦ୍ ?"
ଜିସୁ ଉତ୍ତର୍ ହିତ୍ତଣ୍ଡ୍, "ଅନ୍ୱାଦ୍ ବା ଅନ୍ ୟାୟ୍ ବାବାଲ୍ ପାପ୍ ମାଡ଼ଡ଼୍, ବାତେଙ୍କ୍ ଇତ୍କେ ଇଶ୍ୱର୍ତେ ଶକ୍ତିତାଦ୍ ପାଡ଼୍ୟି ବେଲାନ୍ ଇନାଗେ ତିଆର୍ ଆଦ୍ତେ, ଆଦିନ୍ ସେଙ୍ଗେ ଇଦ୍ ଗଟେମ୍ ଆଦ୍ତେ । ଦିନାମ୍ ମାଞ୍ଜ୍ ମାଞ୍ଜ୍ ନା ୱାଦାନ୍କର୍ତ୍ତାଲ୍ ଇଶ୍ୱର୍ତେ ପାଡ଼୍ୟି ମାଡ଼ାଙ୍କ୍ ମାନାଦ୍ ପାଡ଼୍ୟି; ବେନ୍ ସମୟ୍ତେ ବେନ୍ ପାଡ଼୍ୟି ମାଡ଼େପାର୍ୱଣ୍ଡ୍, ଇଦ୍ଲେକାମ୍ ଇକାଡ଼୍ ୱାସମିନ୍ଦେ ବେସୁଟ୍ ବେନ ବାତେଏ ପାଡ଼୍ୟି ମାଡ଼େପାର୍ୱଣ୍ଡ୍ । ନାନ୍ ବେସୁଙ୍କ୍ଯାକ ଜଗତ୍ତାଗ୍ ମିନ୍ଦେନ୍, ଆସୁଟେ ଯାକ ନାନ୍ ଜଗତ୍ତେ ୱେସ୍ ।"
ଇଦ୍ କେତ୍ତେ ପେର୍କେ ଜିସୁ ନେଲ୍ ଉସି ଅଣ୍ଡ୍ ଉସ୍ତାଦିନ୍ ତଡ଼୍ ବୁରୁଦା ମାଡ଼୍ତଣ୍ଡ୍, ମେଣ୍ଡେ ଅନାଦ୍ ରେଣ୍ଡେ କଣ୍ଡାନାଗ୍ ବୁରୁଦା ତମି ଅଂକିଙ୍କ୍ କେତ୍ତଣ୍ଡ୍, ଅନ୍, "ଶିଲୋହ ଏର୍ୱିନାଗ୍ ମକମ୍ ନର୍ମ୍ ।" ଆଗାଙ୍କ୍ ଅଣ୍ଡ୍, ପେଇସ୍ ଆଞ୍ଜ୍ ନର୍ତଣ୍ଡ୍ ନୁ ଅଂକିଙ୍କ୍ କଣ୍ଡା ତନ୍ତା ।
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
ଆସୁଟେ ୱେରଣ୍ଡ୍ କୁଷ୍ଠରଗୀ ଅନା ୱାସ୍ କେତ୍ତଣ୍ଡ୍, "ପ୍ରବୁ, ନିମେ ଯଦି ଇଚ୍ଛା ମାଡ଼ିତି, ଆଲାତ୍କେ ନାକିଂଙ୍କ୍ ସୁସ୍ଥ ମାଡ଼୍ଡ଼େ ପାର୍ଦ୍ତିନ୍ ।"
ଜିସୁ କାୟ୍ ଆସ୍ ଅଂକିଙ୍କ୍ ଇଟି କେତ୍ତଣ୍ଡ୍, "ନାନ୍ ଇଚ୍ଛା ମାଡ଼ୁତାନ୍, ନିମ୍ ଲେକେତ୍ ହାଇମ୍ ।" ଜିସୁ ଅଂକିଙ୍କ୍ କେତ୍ତଣ୍ଡ୍, "କେଞ୍ଜା, ନିମ୍ ବେଲା ଆସ୍ ଲେକେତ୍ ଆଦ୍ତିନ୍, ବେନଙ୍କ୍ କେଲ୍ମା; ନିମ୍ ସିଦା ପୁରହିତ୍ତା ଗାର୍ରେ ହାଞ୍ଜ୍ ନିଜେତିଙ୍କ୍ ପରିକ୍ଷାମାଡ଼େ ମେଣ୍ଡେ ନିମ୍ ସୁସ୍ଥ ଆଦ୍ତିନ୍ ଇଞ୍ଜ୍ ସାରେତଡ଼୍କିଂଙ୍କ୍ କେଞ୍ଜ୍ପାଙ୍କ୍ ସେଙ୍ଗେ ମୋଶାନ୍ ତଡ଼୍ ତିଆର୍ ଆତ୍ତେ ଇଞ୍ଜ ଉସ୍ୱର୍ଗ ମାଡ଼ା ।"
ଆଗେ ୱେରନ୍ ପକ୍ୟାଗାତ୍ ରୋଗିଙ୍କ୍ ନାରୁଡ଼୍ ଅନ୍ ଗାର୍ରେ ତାତ୍ତଡ଼୍ । ରୋଗି ତାନ୍ କେତ୍ତାଗ୍ ପାଟ୍ଟିମାତ୍ତନ୍ । ଜିସୁ ଅଡ଼ାଦ୍ ନାର୍ଗେ ବିଶ୍ୱାସ୍ ଉଡ଼ି ପକ୍ୟାଗାତ୍ ରୋଗିଙ୍କ୍ କେତ୍ତଣ୍ଡ୍, "ବାବୁ, ସାହାସ୍ ପୟିମ୍ । ନିୟାଦ୍ ପାପ୍ ସାରେ କ୍ଷମା ଆତ୍ତେ ।"
ବେସ୍କ୍ତୁଡ଼୍ ଶାସ୍ତ୍ରୀନାରୁଡ଼୍ ଇଦ୍ ଗଟ୍ କେଞ୍ଜି ହେର୍କା ମାଡ଼୍ତଡ଼୍, "ହିଣ୍ଡ୍ ନାରୁନ୍ ଇଶ୍ୱର୍ତିଙ୍କ୍ ଲିନ୍ଦ୍ ମାଡ଼ୁତଣ୍ଡ୍ ।"
ଅଡ଼ାଦ୍ ମନ୍ତାଦ୍ ଗଟ୍ ପୁଞ୍ଜ୍ ଜିସୁ କେତ୍ତଣ୍ଡ୍, "ମିଡ଼୍ ବାତେଙ୍କ୍ କାରାପ୍ ଶିନ୍ତେ ମାଡ଼ୁତିଡ଼୍ ? ‘ମିୟାଦ୍ ପାପ୍ କ୍ଷମା ଆତ୍ତେ ?’ ହିଦ୍ ଗଟ୍ କେତାନାଦ୍ ସହଜ୍ ନା ‘ତେଦି ଆନ୍’ କେତାନାଦ୍ ଅଦିକ୍ ସହଜ୍ ? ବାତେଙ୍କ୍ ଇତ୍କେ ପୃତିବିତେ ପାପ୍ କ୍ଷମା ମାଡ଼ାନାଦ୍ ଗାଲା ମନୁଷ୍ୟପୁତ୍ରନ୍ ଅଦିକାର୍ ମିନ୍ଦେ, ଇଦ୍ ଗଟ୍ ମିଇ ମୁନେ ପ୍ରମାନ୍ ମାଡ଼ିତାନ୍ ।" ତାନ୍ ପେର୍କେ ଜିସୁ ପକ୍ୟାଗାତ୍ ରୋଗିଙ୍କ୍ କେତ୍ତଣ୍ଡ୍, "ତେଦା, କେତ୍ ତେଇସ୍, ଲୋନ୍ ମାଲ୍ସ୍ ଆନ୍ ।"
ଅନ୍ ମୁନେ ରୋଗି ତେଦିମେଣ୍ଡେ ଲୋନ୍ ଆତ୍ତନ୍ ।
ୱେରନ୍ ୱାସ୍ତେ କାଇତେନଣ୍ଡ୍ ଆଗେ ମାତ୍ତଣ୍ଡ୍ । ଜିସୁନ୍ ଦଷ୍ ପୟିତାନ୍ ସେଙ୍ଗେ ମାନ୍ଦେ ନାରୁଡ଼୍ ଆଗେ କେପିମାତ୍ତଡ଼୍ । ଅଡ଼୍ ଜିସୁଙ୍କ୍ କେତ୍ତଡ଼୍, ବିଶ୍ରାମ୍ ଦିନ୍ ସୁସ୍ଥ ମାଡ଼ାନାଦ୍ ଶାସ୍ତ୍ର ବିରୁଦ୍ ଆୟ୍ୟ କି ?
ଜିସୁ ଉତ୍ତର୍ ଇସ୍ କେତ୍ତଣ୍ଡ୍, "ବିଶ୍ରାମ୍ଦିନ୍ ଯଦି ମିୟାଦ୍ ମେଣ୍ଢା ୱେରଡ଼୍ ଗୁଇନ୍ଦେତାଗ୍ ରାଲିତ୍, ମିଡ଼୍ ଆଦିଙ୍କ୍ ତେସ୍ ତାଡ଼୍ୱିଡ଼୍କି ? ୱେରନ୍ ନାରୁନ୍ ମୁଲ୍ୟ ୱେରଡ଼୍ ମେଣ୍ଢେତ୍ ମୁଲ୍ୟତ୍ ୱିଡ଼୍ସି ଗାଟି ଅଦିକ୍ । ଆଲେକେ ବିଶ୍ରାମ୍ଦିନ୍ ମେଣ୍ଡ୍ଅର୍ତିଙ୍କ୍ ସାହାଯ୍ୟ ମାଡ଼ାନାଦ୍ ମାୟାଦ୍ ଶାସ୍ତ୍ରତାଗ୍ ପାଡ଼୍ୟି ।" ଆଦ୍ କେସ୍ ଅଣ୍ଡ୍ କାୟ୍ ୱାତିମାନ୍ଦାନ୍ ନାରୁଙ୍କ୍ କେତ୍ତଣ୍ଡ୍, "କାୟ୍ ତିନାଙ୍କ୍ ମାଡ଼େ ।" ନାରୁନ୍ କାୟ୍ ତିନାଙ୍କ୍ ମାଡ଼ାନ୍ ସାଙ୍ଗେ ସାଙ୍ଗେ ଆଦ୍ କାୟ୍ ମେଣ୍ଡନ୍ କାୟ୍ ଇନା ସୁସ୍ଥ ଆତ୍ତେ ।
ଆଗେ ହେଉଦାନ୍ ୱେଲେ ଅଣ୍ଡ୍ କେଞ୍ଜ୍ତଣ୍ଡ୍ ଯେ ଶିମୋନ୍ତେ ପୋୟେ ଏଡ଼୍କିନେ ପାଟିମିନ୍ଦେ । ଅଣ୍ଡ୍ ତାନ୍ ଗାର୍ରେ ଆଞ୍ଜ୍ ତାନାଦ୍ କାଇ ପଇସ୍ କେତ୍ତାନ୍, ତାନାଦ୍ ଏଡ଼୍କ୍ ୱିଡ଼୍ସିଆତ୍ତେ ନୁ ଆଦ୍ ଅଡ଼୍କିଂଙ୍କ୍ ସେବା ମାଡ଼ାଙ୍କ୍ ଦାନ୍ଦେଆତ୍ତେ ।
କୁଷ୍ଠରଗୀ ସୁସ୍ଥ ଆତ୍ତନ୍
ୱେରଣ୍ଡ୍ କୃଷ୍ଠରୋଗି ଜିସୁନ୍ ପାକେ ୱାତ୍ତନ୍ । ମର୍ମିଣ୍ଡା ଇସ୍ ବିନତି ମାଡ଼ି କେତ୍ତାନ୍, "ପ୍ରବୁ, ନିମେ ଯଦି ଇଚ୍ଛା ମାଡ଼ିତି, ଆଲାତ୍କେ ନାକିଂଙ୍କ୍ ସୁସ୍ଥ ମାଡ଼୍ଡ଼େ ପାର୍ତିଡ଼୍ ।"
ଜିସୁ ଦୟାତେ କାଇ ଆସ୍ ଅଂକିଙ୍କ୍ ଇଟ୍ତନ୍ ନୁ କେତ୍ତାନ୍, "ନାନ୍ନେ ଆଦେକେ ଇଚ୍ଛା ମାଡ଼ୁତାନ୍, ନିମ୍ ଶୁଚି ଆୟାମ୍ ।" ସାଙ୍ଗେ ସାଙ୍ଗେ ଆଦ୍ ରୋଗ୍ ଅନାଗାଙ୍କ୍ ଦୁର୍ ଆତ୍ତେ ନୁ ଅଣ୍ଡ୍ ଶୁଚି ଆତ୍ତନ୍ ।
ଜିସୁ ଅଡ଼୍ପାକେ ସୁସମାଚାର୍ ପ୍ରଚାର୍ ମାଡ଼ାନ୍ ୱେଲେ, ନାଲ୍ୱୁଡ଼୍ ନାରୁଡ଼୍ ୱେରଙ୍କ୍ ପକ୍ଷାଗାତ୍ ରୋଗିଙ୍କ୍ କାଞ୍ଜି ତାତ୍ତଡ଼୍ । ବାତେଙ୍କ୍ ଇତ୍କେ ନାରୁଡ଼୍ ମାନ୍ଦେ ସେଙ୍ଗେ ଅଡ଼୍ ଅଂକିଙ୍କ୍ ଜିସୁନ୍ ଗାର୍ରେ ତାତାଙ୍କ୍ ଆୟେୱେ ମାତ୍ତେ । ଆଦିଙ୍କ୍ ଜିସୁ ବେନ୍ ପଡ଼ିୟେତାଗ୍ ମାତ୍ତନ୍, ଟିକ୍ ଆଦେ ପଡ଼ିୟେତାଗ୍ ମୁର୍ସ୍ତିଙ୍କ୍ ଟେଣ୍ଡ୍ତଡ଼୍ ନୁ ଆଦ୍ ଆଲାନ୍ ରୋଗିଙ୍କ୍ କେତିତାଗ୍ ପାଡ଼୍ସ୍ପି ମଦଲ୍ ଡିପିତ୍ତଡ଼୍ । ଆ ନାରୁଡ଼୍ ବିଶ୍ୱାସ୍ ଉଡ଼ି ଜିସୁ ପକ୍ଷାଗାତ ରୋଗିଙ୍କ୍ କେତ୍ତନ୍, "ପେକା ! ନିୟାଦ୍ ପାପ୍ ସାରେକ୍ଷମା ଆତ୍ତେ ।"
ଆଗେ କୁଦିମାନ୍ଦାନ୍ ବେସ୍ତୁଡ଼୍ ଶାସ୍ତ୍ରୀନାରୁଡ଼୍ ଆଦ୍ କେଞ୍ଜି ମାନ୍ଦାଗ୍ ଆଲ୍ସତଡ଼୍, "ଅଣ୍ଡ୍ ଇଦ୍ଗୋଟ୍ କେତାନଙ୍କ୍ ସାହାସ୍ ମାଡ଼୍ତଣ୍ଡ୍ ବେଲାନ୍ ? ଇଦ୍ ଇଶ୍ୱର୍ତେ ନିନ୍ଦ୍ । ଇଶ୍ୱର୍ତିଙ୍କ୍ ୱିଡ଼୍ସି ବେନ ପାପ୍କ୍ଷମା ମାଡ଼୍ଡ଼େ ପାର୍ୱଣ୍ଡ୍ ?"
ଅଡ଼୍ ମାନ୍ଦେ ହେର୍କା ପୁଞ୍ଜ୍ ଜିସୁ ପଚାର୍ ମାଡ଼୍ତଣ୍ଡ୍, "ବାତ୍ତିଙ୍କ୍ ଇଦ୍ଲେକାମ୍ କାରାପ୍ ଗଟି ସାରେ ଆଲ୍ସୁତିଡ଼୍ ? ଆ ପକ୍ଷାଗାତ ରୋଗିଙ୍କ୍ ‘ନିୟାଦ୍ ପାପ୍ କ୍ଷମା ଆତ୍ତେ,’ ଇଞ୍ଜ କେତାନାଦ୍ ସହଜ୍ ନା ‘ତେଦା, କେତ୍ ପଇସ୍ ଅନ୍’ ଇଞ୍ଜ କେତାନାଦ୍ ସହଜ୍ ?" "ପୃତିବିତାଗ୍ ପାପ୍ କ୍ଷମା ମାଡ଼ାନ୍ ସେଙ୍ଗେ ନାରୁନ୍ପିଲେତିଙ୍କ୍ ଅଦିକାର୍ ମିନ୍ଦେ, ଇଦ୍ ମିଡ଼୍ ଇଞ୍ଜେ ପୁନ୍ଦେପାର୍ୱିଡ଼୍ ।" ଇଦିନ୍ପେର୍କେ ଜିସୁ ଆ ରୋଗିଙ୍କ୍ କେତ୍ତନ୍, "ନାନ୍ନେ ନିକିଂଙ୍କ୍ କେତୁତାନ୍, ତେଦ୍ଦେ, ନିୟାଦ୍ କେତ୍ ପଇସ୍ ଲୋନ୍ଆନ୍ ।"
ସାରେତଡ଼୍ ଉଡ଼ି ମାନ୍ଦାନ୍ ୱେଲେ, ରୋଗି ତେଦିମିକା କେତ୍ ପଇସ୍ ଆତ୍ତନ୍ । ଆଗାଙ୍କ୍ ସାରେତଡ଼୍ ବାକୁୱା ଆସ୍ ଇଶ୍ୱର୍ତିଙ୍କ୍ ଦନ୍ୟବାଦ୍ ଇସ୍ କେତ୍ତଡ଼୍, "ମାମ୍ମେ ଇଦ୍ଲେକାତ୍ କାମ୍ ବେସୁଙ୍କ୍ ଉଡ଼୍ୱେ ମାତ୍ତମ୍ ।"
କଲିକାଇ ସାୟେଆତ୍ତେ
ଜିସୁ ପ୍ରାର୍ତନା ଲୋନ୍ ମାଲ୍ସ୍ ଆତ୍ତନ୍ । ଆଗେ ୱେରଣ୍ଡ୍ ନାରୁଡ଼୍ ମାତ୍ତନ୍ । ଅନାଦ୍ କାଇ ୱାସି ମାତ୍ତେ । ଜିସୁ ବିଶ୍ରାମ୍ ଦିନେତେ ଆ ନାରୁଙ୍କ୍ ସୁସ୍ଥ ମାଡ଼ିତ୍ତନ୍ କି ଇଲ୍ଲେ, ଇଦ୍ ବିଷୟ୍ତେ ଅନାଦ୍ ଦଷ୍ ପଇସ୍ କାରାପ୍ ଗଟି ତତାନ୍ସେଙ୍ଗେ ବେସ୍ତୁଡ଼୍ ନାରୁଡ଼୍ ଅନ୍ପରୁ ଲେକେତ୍ କଣ୍ଡେ ୱାଟ୍ତଡ଼୍ । ଜିସୁ ଆ ନାରୁଙ୍କ୍ କେତ୍ତନ୍, "ନା ମୁନେ ତେଦିୱାଡ଼ା ।" ଅଣ୍ଡ୍ ନାରୁଡ଼୍କିଂଙ୍କ୍ ପଚାର୍ମାଡ଼୍ତନ୍, "ବିଶ୍ରାମ୍ଦିନେତେ ବାଆତେ ମାଡ଼ାନାଦ୍ ଟିକ୍ ନିୟମ୍ ? ବେନ୍ ଦିନ୍ ୱେରନାଦ୍ ଲେକେତ୍ ମାଡ଼ିକାଡ଼୍ ନା କାରାପ୍ ମାଡ଼ିକା ? ୱେରନାଦ୍ ତ ଜିୱୁନ୍ତିଙ୍କ୍ ରକ୍ଷା ମାଡ଼ାନାଦ୍ ନା ବିନାସ ମାଡ଼ାନାଦ୍ ? ବାତେଙ୍କ୍ ଇତ୍କେ ଅଡ଼୍ କଟମାତ୍ତଡ଼୍ ।"
ଜିସୁ ଅଡ଼୍ପାକେଙ୍କ୍ କପାମ୍ ଆସ୍ ଉଡ଼୍ତନ୍ ନୁ ଅଡ଼ାଦ୍ ତିପାଲ୍ ହୃଦୟତିଙ୍କ୍ ଉଡ଼ି ଦୁଃକାମ୍ ଆତ୍ତନ୍ । ତାନ୍ପେର୍କେ ଆ ନାରୁଙ୍କ୍ କେତ୍ତନ୍, "କାଇ ଆମ୍ ।" ଅଣ୍ଡ୍ କାଇ ଆତାନ୍ ୱେଲେ ସୁସ୍ଥ ଆତ୍ତେ ।
ଜିସୁ କୁଷ୍ଠୀନାରୁନ୍ତିଙ୍କ୍ ସୁସ୍ଥମାଡ଼୍ତଣ୍ଡ୍
ଅନ୍ଦାମ୍ ଜିସୁ ୱେରନ୍ ନଗର୍ ତାଗ୍ ମାନ୍ଦାନ୍ ୱେଲେ, ଉଡାଟ୍, ୱେର୍ଣ୍ଡ୍ କୁଷ୍ଠୀରୋଗି ନାରୁଡ଼୍ ଆଦ୍ ଜାଗେତାଗେ ମାତ୍ତଣ୍ଡ୍; ଅଣ୍ଡ୍ ଜିସୁଙ୍କ୍ ଉଡ଼ି କାପ୍ମୁଡୁନ୍ଦି ଅଂକିଙ୍କ୍ ଦନ୍ୟବାଦ୍ ମାଡ଼ି କେତ୍ତଣ୍ଡ୍, "ହୋ ପ୍ରବୁ, ନିମେ ଯଦି ଇଚ୍ଛା ମାଡ଼ିତି, ଆଲାତ୍କେ ନାକିଂଙ୍କ୍ ସୁସ୍ଥ ମାଡ଼୍ଡ଼େ ପାର୍ତିଡ଼୍ ।"
ଆଗେଙ୍କ୍ ଅଣ୍ଡ୍ କାୟ୍ ଆଇସ୍ ଅଂକିଙ୍କ୍ ଇଟି କେତ୍ତଣ୍ଡ୍, "ନାନ୍ ଇଚ୍ଛା ମାଡ଼ୁତାନ୍, ସୁସ୍ଥ ଆଇମ୍ ।" ସାଙ୍ଗେ ସାଙ୍ଗେ କୃଷ୍ଟ ରୋଗ୍ ଅନାଗ୍କଞ୍ଚ୍ ମାୟିଆତ୍ତେ ।
ମେଣ୍ଡେ, ଉଡାଟ୍, ବେସ୍କ୍ତୁଡ଼୍ ନାରୁଡ଼୍ ଅରଟ୍ ପକ୍ଷାଘାତ ରୋଗି ନାରୁଙ୍କ୍ କାଟୁଲ୍ ତାଗ୍ କାଞ୍ଜି ତାସ୍ ଅଂକିଙ୍କ୍ ଲୋପେ ଆଦାନ୍ ସେଙ୍ଗେ ନୁ ଜିସୁନ୍ ମୁନ୍ନେ ରେହେତାନ୍ ସେଙ୍ଗେ ଆଲ୍ସି ମାଡ଼ମାତ୍ତଡ଼୍ । ବାତେଙ୍କ୍ ଇତ୍କେ ମିଡ଼୍ ଆତ୍ତାଙ୍କ୍ ଅଂକିଙ୍କ୍ ଲୋପେ ଆଦାନ୍ ସେଙ୍ଗେ ହାର୍ ଦରସ୍କାଙ୍କ୍ ଅଡ଼୍ ଲୋତ୍ତେ ପରୁ ଆଞ୍ଜ୍ ମୁର୍ସିଙ୍କ୍ ଟେଣ୍ଡି ଲୋପେକେ କାଟୁଲ୍ ତଡ଼୍ ଅଂକିଙ୍କ୍ ନାଡ଼ମେ ଜିସୁନ୍ ମୁନ୍ନେ ୱେହେସିତ୍ତଡ୍ । ଅଣ୍ଡ୍ ଅଡ଼୍ୱାଦ୍ ବିଶ୍ୱାସ୍ ଉଡ଼ି କେତ୍ତଣ୍ଡ୍, "ହୋ ବାବୁ, ନିୟାଦ୍ ପାପ୍ ସାରେ କ୍ଷମା ମାଡ଼ିତ୍ତଡ଼୍ ।"
ଆଗେ ଶାସ୍ତ୍ରୀନାରୁଡ଼୍ ନୁ ପାରୂଶୀଡ଼୍ ତିରିୟା ତିରିୟି ହାସ୍ ଇଲା କେତାଙ୍କ୍ ପସ୍ପ୍ତ୍ତଡ଼୍, ଇଣ୍ଡ୍ ଯେ ଇଶ୍ୱର୍ତିଙ୍କ୍ ଅପ୍ମାନ୍ ମାଡ଼ୁତଣ୍ଡ୍, "ଇଣ୍ଡ୍ ବେନ ? ମାତର୍ ଇଶ୍ୱର୍ ତେ ୱିଡ଼୍ସି ମେଣ୍ଡେ ବେନ ପାପ୍ କ୍ଷମାମାଡ଼୍ ପାର୍ଦ୍ତଣ୍ଡ୍ ?"
ବାତେଙ୍କ୍ ଇତ୍କେ ଜିସୁ ଅଡ଼୍ୱାଦ୍ ଗଟ୍ ତିରିୟାନାଦ୍ ପୁଞ୍ଜ୍ ମିକା ଅଡ଼୍କିଂଙ୍କ୍ କେତ୍ତଣ୍ଡ୍, "ମିଡ଼୍ ନିଜ୍ନିଜ୍ ମାନ୍ଦାଗ୍ ବାତେଙ୍କ୍ ଆଦ୍ ରକମ୍ କାରାପ୍ ଗଟି ତିରିୟୁତିଡ୍ ? ବେନ୍ କେତାନାଦ୍ ସହଜ୍ ? ନି ପାପ୍ ସାରେ କ୍ଷମା ମାଡ଼୍ତଡ଼୍ ଇଞ୍ଜ କେତାନାଦ୍, ନା, ତେଏଦେ, ଅନ୍ ଇଞ୍ଜ କେତାନାଦ୍ ? ବାତେଙ୍କ୍ ଇତ୍କେ ପୃତିବିତେ ପାପ୍ କ୍ଷମା ମାଡ଼ାଙ୍କ୍ ନାରୁନ୍ପିଲେ ତିଙ୍କ୍ ଅଦିକାର୍ ମିନ୍ଦେ, ଇଦ୍ ବେଲା ମିଡ଼୍ ପୁଞ୍ଜ୍ ପାର୍ଦ୍ତିଡ଼୍-ଇଦ୍ ସେଙ୍ଗେ ଜିସୁ ପକ୍ଷାଘାତ ରୋଗ୍ତିଙ୍କ୍ କେତ୍ତଣ୍ଡ୍, ନାନ୍ କେତୁତାନ୍ ତେଦ୍ଦେ," ନି କାଟୁଲ୍ ପୟିସ୍ ନି ଲୋନ୍ ହାନ୍ ।
ଆଗେତିନ୍ସ୍ ଅଣ୍ଡ୍ ସାଙ୍ଗେ ସାଙ୍ଗେ ଅଡ଼୍ ମୁନେତ୍କେ ତେଏଦି, ବେନେ କାଟୁଲ୍ତେ ପରୁ ଅଣ୍ଡ୍ ପାଟିମାତ୍ତଣ୍ଡ୍, ଆଦିଙ୍କ୍ ପୟିସ୍ ଇଶ୍ୱର୍ ତେ ମହିମା କୀର୍ତ୍ତନ୍ ମାଡ଼ମାଡ଼ ନିଜେ ଲୋନ୍ ଆତ୍ତଣ୍ଡ୍ ।
ୱାସ୍ତେ ନାରୁଡ଼୍ତେ କାୟ୍ ସୁସ୍ଥତା
ଜିସୁ ମେଣ୍ଡେଅଣ୍ଡ୍ ବିଶ୍ରାମଦିନେ ତେ ସମାଜ୍ ଲତ୍ତାଗେ ନେଙ୍ଗିମିକା ଶିକ୍ଷା ହିସ ମାତ୍ତଣ୍ଡ୍; ଆଗେ ୱେରନ୍ ନାରୁଡ଼୍ ମାତ୍ତଣ୍ଡ୍, ଅନ୍ୱାଦ୍ ତିନ୍ଦେକାଇ ୱାତିମାତ୍ତେ । ମେଣ୍ଡେ, ଅଣ୍ଡ୍ ଉମ୍ଭ ବିଶ୍ରାମଦିନେ ଦାଗେ ସୁସ୍ଥ ମାଡ଼ିତନ୍, ଇଦ୍ ଉଡ଼ାନ୍ ସେଙ୍ଗେ ଶାସ୍ତ୍ରୀ ନୁ ପାରୂଶୀଡ଼୍ ଅଂକିଙ୍କ୍ ଉଡ଼ ମାତ୍ତଡ଼୍, ବେଲାକି ଅଡ଼୍ ଅନ୍ ବିରୁଦ୍ ତେ ଦଷ୍ ପଇତାଙ୍କ୍ ପାର୍ଦ୍ତଡ଼୍ । ବାତେଙ୍କ୍ ଇତ୍କେ ଜିସୁ ଅଡ଼୍ୱାଦ୍ ମନ୍ତାଦ୍ ହେର୍କା ପୁଞ୍ଜ୍, ବେନ୍ ନାରୁଡ଼୍ ତେ କାୟ୍ ୱାତିମାତ୍ତେ, ଅଂକିଙ୍କ୍ କେତ୍ତଣ୍ଡ୍, ତେଦ୍ଦା ନାଡ଼ମେ ନିଲ୍ମ୍ । ମେଣ୍ଡେ ଅଣ୍ଡ୍ ତେଦି ନିତ୍ତଣ୍ଡ୍ । ଆଗେଙ୍କ୍ "ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, ନାନ୍ ମିକିଂଙ୍କ୍ ପାଚ୍ରାମାଡୁତାନ୍, ବିଶ୍ରାମଦିନେ ତେ ବାତେଏ ମାଡ଼ାନାଦ୍ ନିୟମ୍ ? ସାୟେ ମାଡ଼ାନାଦ୍ ନା କାରାପ୍ ମାଡ଼ାନାଦ୍ ? ଜିୱୁଣ୍ଡ୍ ରକ୍ଷା ମାଡ଼ାନାଦ୍ ନା ଆୱକାନାଦ୍ ?" ମେଣ୍ଡେ, "ଅଣ୍ଡ୍ ସାର୍ରେପାକେ ସାରେତଡ଼୍କିଂଙ୍କ୍ ଉଡ଼ି ଅଂକିଙ୍କ୍ କେତ୍ତଣ୍ଡ୍, ନି କାଇଆମ୍ । ଆସୁଣ୍ଟ୍ ଅଣ୍ଡ୍ ଆଲା ମାଡ଼ତ୍ତଣ୍ଡ୍, ଆସୁଟେ ଅନ୍ୱାଦ୍ କାୟ୍ ସୁସ୍ଥ ଆତ୍ତେ ।"
ଜିସୁ ୱେର୍ଣ୍ଡ୍ ରୋମୀୟ ଦାସତିଙ୍କ୍ ସୁସ୍ଥ ମାଡ଼ତଣ୍ଡ୍
ଜିସୁ ନାରୁଡ଼୍କ୍ ତାନ୍ୱାଦ୍ ସାରେ ଗଟ୍ କେତାନାଦ୍ ତେର୍ସ୍ପି କଫର୍ନାହୁମ୍ ଟାୱୁନ୍ତାଗେ ଆତ୍ତଣ୍ଡ୍ । ଆଦ୍ ଦିନାମ୍ତେ ୱେର୍ଣ୍ଡ୍ ଶତସେନାପତିତେ ଦାସ୍ ରଗାମ୍ ଆସ୍ ଡଲାନ୍ ରକମ୍ ଆସ୍ମାତ୍ତଣ୍ଡ୍, ଅଣ୍ଡ୍ ତାନୱେ ପ୍ରିୟଦାସ, ମାତ୍ତଣ୍ଡ୍ । ଅଣ୍ଡ୍ ଜିସୁନ୍ ବିଷୟତେ କାବୁର୍ ଆସ୍, ଅଣ୍ଡ୍ ବେଲା ୱାସ୍ ତାନ୍ ଦାସତେ ଜିୱେ ରକ୍ଷା ମାଡ଼ତଣ୍ଡ୍, ଇଦିନ୍ ସେଙ୍ଗେ ଅନ୍ ଗାର୍ରେ ଯିହୁଦୀଡ଼୍ ଲୋପେ ବେସ୍କ୍ତୁଡ଼୍ ମୁକ୍ୟା ନାରୁଡ଼୍କିଂଙ୍କ୍ ରହସ୍ ଅଂକିଙ୍କ୍ ଅନୁରଦ୍ ମାଡ଼ତଣ୍ଡ୍ । ଅଡ଼୍ ଜିସୁନ୍ ଗାର୍ରେ ଆଞ୍ଜ୍ ଅଂକିଙ୍କ୍ ନିଜାମ୍ ବିନତି ମାଡ଼ି କେତାଙ୍କ୍ ପସ୍ପ୍ତ୍ତଡ଼୍, "ଅଣ୍ଡ୍ ନିୱାଦ୍ ସାହାଯ୍ୟ ଆଦାନ୍ ସେଙ୍ଗେ ଯୋଗ୍ୟ ଆଦ୍ତନ୍; ବାତେଙ୍କ୍ ଇତ୍କେ ଅଣ୍ଡ୍ ମାନ୍ ଜାତିତିଙ୍କ୍ ପ୍ରେମ୍ ମାଡ଼ୁତଣ୍ଡ୍ ନୁ ଅଣ୍ଡ୍ ନିଜେ ମାନ୍ ସେଙ୍ଗେ ସମାଜ୍ଲନ୍ ତିଆର୍ ମାଡ଼ିସ୍ ମିନ୍ଦେଣ୍ଡ୍ ।"
ଆଗେଙ୍କ୍ ଜିସୁ ଅଡ଼୍ ତଡ଼୍ ଆତ୍ତଣ୍ଡ୍ । ଅଣ୍ଡ୍ ଲୋତ୍ତେ ସୁଦୁର୍ ଦୁରାମ୍ ହେୱତାୱେୟେ, ଶତସେନାପତି ସାଙ୍ଗଡ଼କ୍ ରହସ୍ ଅଂକିଙ୍କ୍ କେତ୍ତଣ୍ଡ୍, "ପ୍ରବୁ କଷ୍ଟ ମାଡ଼୍ମାଟ୍; ବାତେଙ୍କ୍ ଇତ୍କେ ନିମ୍ ଯେ ନା ଲନ୍ ଡେକେ ୱାଟିତି, ନାନ୍ ଇଦ୍ ରକମ୍ ଯୋଗ୍ୟ ଆୟ୍ୟ; ତ ନାନ୍ ନି ଗାର୍ରେ ଆଦାଙ୍କ୍ ନିଜେତିଙ୍କ୍ ଯୋଗ୍ୟ ହେର୍କେ ମାଡ଼ନ୍; ବାତେଙ୍କ୍ ଇତ୍କେ ୱେରନ୍ ପଦ୍ ଗଟ୍ ମାଡ଼ା, ନା ଦାସ ସୁସ୍ଥ ଆଦ୍ତନ୍ । ବାତେଙ୍କ୍ ଇତ୍କେ ନାନ୍ ୱେରନ୍ ଅଦିନତେ ମାତ୍କେ ମିକା ନା ଆଦିନ୍ ତେ ସୈନିଡ଼୍ ମିନ୍ଦେଡ଼୍; ମେଣ୍ଡେ, ନାନ୍ ଅର୍ତୁଙ୍କ୍ ଆନ୍ ଇତ୍କେ ଅଣ୍ଡ୍ ଆଦ୍ତନ୍; ଅର୍ତୁଙ୍କ୍ ୱାଡ଼ା ଇତ୍କେ ଅଣ୍ଡ୍ ୱାଦ୍ତଣ୍ଡ୍; ମେଣ୍ଡେ ନା ଦାସଙ୍କ୍ ଇଦ୍ ମାଡ଼ା ଇତ୍କେ ଅଣ୍ଡ୍ ଆଦ୍ ମାଡ଼ିତନ୍ ।"
ଜିସୁ ଇଦ୍ ସାରେ ଗଟ୍ କେଞ୍ଜି ବାକ୍ୱା ଆତ୍ତଣ୍ଡ୍, ମେଣ୍ଡେ ତିଡ଼ିୟି ମିକା ପେର୍କେ ୱାସ୍ ମାନ୍ଦାନ୍ ନାରୁଡ଼୍ ସାରେତଡ଼୍କିଂଙ୍କ୍ କେତ୍ତଣ୍ଡ୍, "ନାନ୍ ମିକିଂଙ୍କ୍ କେତୁତାନ୍, ଇସ୍ରାଏଲ୍ ଲୋପେ ଇସ ବାଡ଼ିୟାଦ୍ ବିଶ୍ୱାସ୍ ଦର୍ସ୍କନ୍ !"
ମେଣ୍ଡେ, ରହତେ ନାରୁଡ଼୍ ଲୋନ୍ ମାଲ୍ସ୍ ୱାସ୍ ଦାସଙ୍କ୍ ସୁସ୍ଥ ଉଡ଼୍ତଡ୍ ।
ଆଗେ ୱେରଡ଼୍ ନାଟାଡ଼୍ ମାତ୍ତେ ବେଲା କି ଅଟ୍ର ଏଣ୍ଡ୍ ଯାକ ଅଣ୍ଡୟ୍ ବୁତ୍ ଆତ୍ମା ତେ ମୁର୍ଗ ଆଶେ ମାତ୍ତେ । ନିଜ୍ତିଙ୍କ୍ ବେଲାମେଣ୍ଡେ ମାଡ଼ି ତିନାଙ୍କ୍ ଆଦାଙ୍କ୍ ପାର୍ୱକଟ ମାତ୍ତେ । ଜିସୁ ତାକିଂଙ୍କ୍ ଉଡ଼ି ଗାର୍ରେ କାର୍ଙ୍ଗି କେତ୍ତଣ୍ଡ୍, ହୋ ନାଟାଡ଼୍ତି, ନି ଦୁର୍ବଲ୍ତାଗାଙ୍କ୍ ମୁକ୍ତ ଆଦ୍ତିଡ଼୍ । ଆସୁଟେ, ଜିସୁ ତାନ୍ ପରୁ କାୟ୍ ୱାଟ୍ତଣ୍ଡ୍, ଆସୁଟେ, ଆଦ୍ ନାଟାଡ଼୍ ସାଙ୍ଗେ ସାଙ୍ଗେ ତିନାଙ୍କ୍ ଆସ୍ ନିସ୍ ପର୍ମେଶ୍ୱରତ୍ ମହିମା ବା ସ୍ତୁତି ମାଡ଼୍ତେ ।
ଜିସୁ ୱେର୍ଣ୍ଡ୍ ନାରୁଙ୍କ୍ ସୁସ୍ଥ ମାଡ଼୍ତଣ୍ଡ୍
ଅନ୍ଦାମ୍ ବିଶ୍ରାମ୍ଦିନାତେ ଜିସୁ ୱେରଣ୍ଡ୍ ପାରୂଶୀ ନାରୁଡ଼୍ ନେତାନ୍ ଲୋନ୍ ତିନ୍ଦାନ୍ ମାଇଦିଙ୍କ୍ ଆତ୍ତଣ୍ଡ୍, ମେଣ୍ଡେ ଅଡ଼୍ ଆଗେ ଜିସୁଙ୍କ୍ ସାୟ୍ ଲକ୍ଷ ମାଡ଼ି ଉଡ଼ମାତ୍ତଡ଼୍ । ଆସୁଟେ ଉଡ଼େ, ଜିସୁନ୍ ମୁନେ ୱେରଣ୍ଡ୍ ଜଲଦର ରୋଗ୍ତେ ନାରୁନ୍ ମାତ୍ତଣ୍ଡ୍ । ଜିସୁ ପାରୂଶୀନଡ଼କ୍ ନୁ ଦର୍ମଶାସ୍ତ୍ରୀନଡ଼କ୍ କେତ୍ତଣ୍ଡ୍, ବିଶ୍ରାମ୍ଦିନାତେ ସୁସ୍ଥ ମାଡ଼ାନାଦ୍ ଟିକ୍ ନିୟମ୍ ନା ଆୟ ? ବାତେଙ୍କ୍ ଇତ୍କେ ଅଡ଼୍ କଟ ଆଶେ ମାତ୍ତଡ଼୍ ।
ଆସୁଟେ, ଜିସୁ ଆଦ୍ ନାରୁଙ୍କ୍ ପୟିସ୍ ସୁସ୍ଥ ମାଡ଼୍ତଣ୍ଡ୍ ନୁ ରୟ୍ସିତ୍ ତଣ୍ଡ୍ ।
ଜିସୁ ଦଶ୍ଜାନ୍ କୁଷ୍ଠୀନାରୁଡ଼୍କିଙ୍କ୍ ସୁସ୍ଥ ମାଡ଼୍ତଣ୍ଡ୍
ଜିସୁ ଯିରୁଶାଲେମ୍ତା ଆଞ୍ଜ ମାନ୍ଦାନ୍ ୱେଲେ ଶମିରୋଣ ନୁ ଗାଲିଲୀ ତାଲାନ୍ ଆଞ୍ଜ ମାତ୍ତଡ଼୍ । ମେଣ୍ଡେ, ଅଣ୍ଡ୍ ବେନେ ୱେରନ୍ ନାର୍ ଆସାନ୍ ୱେଲେ, ଦଶ୍ଜାନ୍ କୁଷ୍ଟିନାରୁଡ଼୍ ଜିସୁନ୍ ତଡ଼୍ କାୟିଲ୍ତଡ଼୍; ଅଡ଼୍ ଯେକା ନିସ୍ ଗାଟି ଲେହେଙ୍ଗ୍ ତେ କେତ୍ତଡ଼୍, "ହୋ ଜିସୁ, ଗୁରୁ, ମାକିଂଙ୍କ୍ ଦୟା ମାଡ଼ା ।"
ମେଣ୍ଡେ, ଅଣ୍ଡ୍ ଅଡ଼୍କିଂଙ୍କ୍ ଉଡ଼ି କେତ୍ତଣ୍ଡ୍, "ମିଡ଼୍ ଆଞ୍ଜ୍ ନିଜେ ନିଜେ ଯାଜକିଡ଼କ୍ ତଅମୁଟ୍ । ମେଣ୍ଡେ ଅଡ଼୍ ଆଞ୍ଜ ଆଞ୍ଜ ସୁସ୍ଥ ଆତ୍ତଡ଼୍ ।" ବାତେଙ୍କ୍ ଇତ୍କେ ଅଡ଼୍ଆଗାଙ୍କ୍ ୱେରଣ୍ଡ୍ ତାନ୍ ସୁସ୍ଥ ଆତ୍ତାଦ୍ ଉଡ଼ି ଗାଟି ଲେଙ୍ଗଦେ ପ୍ରବୁଙ୍କ୍ ମହିମା କୀର୍ତ୍ତନ୍ ମାଡ଼ମାଡ଼ ମାଲ୍ସ୍ ୱାତ୍ତଣ୍ଡ୍, ମେଣ୍ଡେ ଜିସୁନ୍ ଡେକାନ୍ ମଦଲ୍ ଆଡ଼୍କି ଅଂକିଙ୍କ୍ ଦନ୍ୟବାଦ୍ ମାଡ଼ାଙ୍କ୍ ପାସ୍କ୍ତଣ୍ଡ୍; ଅଣ୍ଡ୍ ୱେରଣ୍ଡ୍ ଶମିରୋଣୀୟ ନାରୁଡ଼୍ । ଆଗାଙ୍କ୍ ଜିସୁ କେତ୍ତଣ୍ଡ୍, "ଦଶ୍ଜାନ୍ ବାତ୍ ସୁସ୍ଥ ଆୟ୍ୟଡ଼୍ ?" ଆଲାତ୍କେ ନଅଜାନ୍ ବେଏକେ ଆଦ୍ତଡ଼୍ ? ଇଶ୍ୱରତାଦ୍ ଗୌରବ୍ ମାଡ଼ାନ୍ ସେଙ୍ଗେ ଇଣ୍ଡ୍ ବିଜାତି ନାରୁଡ଼୍ ୱିଡ଼୍ସି ମେଣ୍ଡେ ବେନ ମାଲ୍ସ୍ ୱାଡ଼ଣ୍ଡ୍ ? ମେଣ୍ଡେ, ଜିସୁ ଅଂକିଙ୍କ୍ କେତ୍ତଣ୍ଡ୍, "ତେଦ୍ଦେ, ହାନ୍, ନିୱାଦ୍ ବିଶ୍ୱାସ୍ ନିକିଂଙ୍କ୍ ସୁସ୍ଥ ମାଡ଼ିତେ ।"
ଏର୍ୱ୍ ଗାର୍ରେ ଜିସୁ ରୋଗିଙ୍କ୍ ସୁସ୍ଥ ମାଡ଼୍ତଣ୍ଡ୍
ତାନ୍ପେର୍କେ ଯିହୂଦୀଡ଼ାଦ୍ ୱେରଡ଼୍ ପାଣ୍ଡୁମ୍ ଦିନ୍ ଆତ୍ତେ, ମେଣ୍ଡେ ଜିସୁ ଯିରୁଶାଲେମ୍ତା ଆତ୍ତଣ୍ଡ୍ । ଯିରୁଶାଲେମ୍ତେ ମେଣ୍ଢାନ୍ ଆର୍ଦେ ଗାର୍ରେ ୱେରଡ଼୍ ହେର୍ୱ୍ ମିନ୍ଦେ; ଏବ୍ରି ଗଟ୍ତେ ତାଆକିଂଙ୍କ୍ ବେତେସ୍ଦା ଇଞ୍ଜ କେତିତଡ଼୍, ତାନାଦ୍ ଏଇଙ୍ଗ୍ ମଣ୍ଡପ୍ ମାତ୍ତା । ଗୁଡ଼୍ସାତେ ପର୍ର ନାର୍ଗେ ନାର୍ଗେ ରଗିନାରୁଡ଼୍, କାନାଲଡ଼୍, କୁଟାଲଡ଼୍ ନୁ ଶୁଷ୍କାଙ୍ଗ ନାରୁଡ଼୍ ଆଗେ ମାତ୍ତଡ଼୍ । ଅଡ଼୍ ଏର୍ ଉଙ୍ଗାନାଦିନ୍ କେପି ମାତ୍ତଡ଼୍; ବାତେଙ୍କ୍ ଇତ୍କେ ବେନ୍ ସମୟ୍ତେ ପ୍ରବୁନାଦ୍ ୱେରଡ଼୍ ଦୂତ୍ ଏର୍ୱିନାଗ୍ ଡିଗି ଏର୍ଦିଙ୍କ୍ ହୁୟ୍ସ ମାତ୍ତେ, ମେଣ୍ଡେ ଏର୍ ଉଙ୍ଗାନ୍ ପେର୍କେ ବେନଆଇ ମୁନେଙ୍କ୍ ଆଦିନାଗେ ମୁଡ଼୍ନ୍ଦ ମାତ୍ତଣ୍ଡ୍, ଅଣ୍ଡ୍ ବେନେମେଣ୍ଡେ ରଗ୍ତେ ଆସ୍ ମାତ୍କେ ବାଡ଼େ ସୁସ୍ଥ ଆସ୍ସ ମାତ୍ତଡ଼୍ । ଆଗେ ଅଟ୍ତିରିଶ୍ ହେଣ୍ଡ୍ ରୋଗତେ ପିଡ଼ିତ୍ ୱେରଣ୍ଡ୍ ନାରୁଣ୍ଡ୍ ମାତ୍ତଣ୍ଡ୍ । ଜିସୁ ଅଂକିଙ୍କ୍ ପାଟି ମାନ୍ଦାନାଦ୍ ଉଡ଼ି ନାର୍ଗେ ହେଣ୍ଡେତ୍ ରୋଗି ଇଞ୍ଜ ପୁଞ୍ଜ୍ ଅଂକିଙ୍କ୍ ପାଚ୍ରାମାଡ଼୍ତଣ୍ଡ୍, "ନିମ୍ ବାତେଏ ସୁସ୍ଥ ଆଦାଙ୍କ୍ ଇଚ୍ଛା ଅଦୁତିନ୍ ?"
ରଗି ନାରୁଣ୍ଡ୍ ଅଂକିଙ୍କ୍ ଉତ୍ତର୍ ହିତ୍ତଣ୍ଡ୍, "ପାୟ୍କା ଏର୍ ଉଙ୍ଗାନ୍ ୱେୟ୍ ନାକିଂଙ୍କ୍ ଏର୍ୱିନ୍ ଲୋପେ ଆଦାନ୍ ମାଇଦିଙ୍କ୍ ନାକିଂଙ୍କ୍ ବେନ ହିଲ୍ଲେଡ଼୍; ମେଣ୍ଡେ, ନାନ୍ ଆଦାନ୍ ମୁନେଙ୍କ୍ ମେଣ୍ଡେ ୱେରଣ୍ଡ୍ ନା ମୁନ୍ଆଞ୍ଜ୍ ନେଙ୍ଗି ଆଦୁତଡ଼୍ ।"
ଜିସୁ ଅଂକିଙ୍କ୍ କେତ୍ତଣ୍ଡ୍, "ତେଦ୍ଦେ, ନିୟାଦ୍ କେତ୍ ପୟ୍ସ୍ ତାକା ।" ଆସୁଙ୍କେ ଆ ନାରୁଣ୍ଡ୍ ସୁସ୍ଥ ଆତ୍ତଣ୍ଡ୍ ନୁ ନିଜେତ୍ କେତ୍ ପୟ୍ସ୍ ତାକାଙ୍କ୍ ପସ୍ପ୍ତଣ୍ଡ୍ । ଆଦ୍ ଦିନ୍ ବିଶ୍ରାମ୍ଦିନେ ମାତ୍ତେ ।
ଇଗାକଞ୍ଜ୍ ଗାଲିଲୀତାଗ୍ ବେନ୍ କାନାଲ୍ ନାର୍ଦାଗ୍ ଜିସୁ ଏର୍ଦିଙ୍କ୍ ଦ୍ରାକ୍ଷାରସ୍ ମାଡ଼ି ମାତ୍ତଣ୍ଡ୍, ଆଦ୍ ପଡ଼ିୟେତାଗ୍ ଅଣ୍ଡ୍ ମେଣ୍ଡନ୍ନ୍ଦାମ୍ ଆଦ୍ତନ୍ । ମେଣ୍ଡେ ଆଗେ ୱେରଣ୍ଡ୍ ରାଜକର୍ମଚାରୀ ମାତ୍ତଣ୍ଡ୍, ଅନ୍ ମାର୍ କଫର୍ନାହୁମ୍ତାଗ୍ ପିଡ଼ିତ୍ ମାତ୍ତଣ୍ଡ୍ । ଜିସୁ ଯିହୁଦା ପ୍ରଦେଶ୍ତାଗାଙ୍କ୍ ଗାଲିଲୀତାଗ୍ ପେୟିସ୍ ୱାସ୍ ମିନ୍ଦେଣ୍ଡ୍, ଇଦ୍ କେଞ୍ଜି ଅଣ୍ଡ୍ ଅନ୍ ଗାର୍ରେ ଆଞ୍ଜ୍ ଅଣ୍ଡ୍ ବେଦ୍ପୁଟୁଙ୍କ୍ ଆଞ୍ଜ୍ ତାନ୍ ମାର୍ଦିଙ୍କ୍ ସୁସ୍ଥ ମାଡ଼ିଦ୍ତଣ୍ଡ୍, ଆଦିନ୍ମାଇଦିଙ୍କ୍ ଅଂକିଙ୍କ୍ ଅନୁରଦ୍ ମାଡ଼ାଙ୍କ୍ ପସ୍ପ୍ତଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍ ଡଲାନ୍ ରକମ୍ ଆସ୍ ମାତ୍ତଣ୍ଡ୍ । ଆସୁଟେ ଜିସୁ ଅଂକିଙ୍କ୍ କେତ୍ତଣ୍ଡ୍, "ଚିହ୍ନେ ନୁ ଆଶର୍ଯ୍ୟ ପାଡ଼୍ୟି ହୁଡ଼କଟମାତ୍କେ ମିଡ଼୍ ବେସୁଟ୍ ବା ବିଶ୍ୱାସ୍ ମାଡ଼୍ୱିଡ଼୍ ।"
ରାଜାନ୍ଦାସ ଅଂକିଙ୍କ୍ କେତ୍ତଣ୍ଡ୍, "ହୋ ଗୁରୁ, ନା ମାର୍ ଡଲାନ୍ ମୁନେଙ୍କ୍ ୱାଡ଼ା ।"
ଜିସୁ ଅଂକିଙ୍କ୍ କେତ୍ତଣ୍ଡ୍, "ଅନ୍ ନି ମାର୍ ଗେଲ୍ସି ଆତ୍ତଣ୍ଡ୍ ।
ଆଦ୍ ନାରୁନ୍ ଜିସୁଙ୍କ୍ କେତ୍ତେ ଗଟ୍ ବିଶ୍ୱାସ୍ ମାଡ଼ି ମାଲ୍ସ୍ ଆଦ୍ତନ୍ ।" ମେଣ୍ଡେ, ଅଣ୍ଡ୍ ଆଞ୍ଜ ଆଞ୍ଜ ଅନ୍ ଦାସଡ଼୍ ଅଂକିଙ୍କ୍ କାୟ୍ଲି ନି ମାର୍ ଗେଲ୍ସି ଆତ୍ତଣ୍ଡ୍ ଇଞ୍ଜ କେତ୍ତଡ଼୍ ।
ଆଦିଙ୍କ୍ ବେନ୍ ସମୟ୍ତେ ଅଣ୍ଡ୍ ସୁସ୍ଥ ଆତ୍ତଣ୍ଡ୍, ଆଦ୍ ଅଣ୍ଡ୍ ଅଡ଼୍କିଂଙ୍କ୍ ପାଚ୍ରାମାଡ଼୍ତଣ୍ଡ୍ । ଆସୁଟେ ଅଡ଼୍ ଅଂକିଙ୍କ୍ କେତ୍ତଡ଼୍, "ନିନେ ପାୟାଲ୍ ଗାଣ୍ଟେ ସମୟ୍ତେ ଅଂକିଙ୍କ୍ ହେଡ଼୍କ୍ ୱିଡ଼୍ସ୍ତେ ।" ଆସୁଟେ ବାବାଲ୍ ବୁଜେମ୍ ଆତ୍ତଣ୍ଡ୍ ଯେ, "ଜିସୁ ବେନ୍ ସମୟ୍ତେ ନିମାର୍ ଗେଲ୍ସ୍ତଣ୍ଡ୍ ଇଞ୍ଜ ଅଂକିଙ୍କ୍ କେସ୍ମାତ୍ତଣ୍ଡ୍, ଟିକ୍ ଆଦ୍ ସମୟ୍ତେକେ ହିଦ୍ ଗଟେମ୍ଆସ୍ ମାତ୍ତେ । ମେଣ୍ଡେ, ଅଣ୍ଡ୍ ନିଜେ ନୁ ତାନ୍ ପରିବାର୍ତେ ସାର୍ତଡ଼୍ ଜିସୁଙ୍କ୍ ବିଶ୍ୱାସ୍ ମାଡ଼୍ତଡ଼୍ ।"
ଯିହୁଦାତାଗାଙ୍କ୍ ମେଣ୍ଡନ୍ନ୍ଦାମ୍ ଗାଲିଲୀତାଗ୍ ୱାତ୍ତେ ପେର୍କେ ହିଦ୍ ଜିସୁନ୍ ଦ୍ୱିତୀୟ ବାକ୍ୱାକାମ୍ ମାଡ଼୍ତଣ୍ଡ୍ ।
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
ଜିସୁ ଆଦାନ୍ ୱେଲେ ୱେରଡ଼୍ ନାଟାଡ଼୍ ଅନ୍ ଗାରେ ୱାସ୍ ଅନ୍ ସିଲେତିଙ୍କ୍ ହିଟ୍ତେ । ଆଦ୍ ବାରହେଣ୍ଡ୍ ଯାକ ଗାଟି ନେତୁର୍ ପେଇତାନ୍ ରୋଗ୍ତେ କଷ୍ଟ ଆସମାତ୍ତେ । ଆଦ୍ ଏର୍କା ମାଡ଼୍ତେ, "ମାତର୍ ଅନ୍ ସିଲେତିଙ୍କ୍ ୱେରଡ଼୍ଦାମ୍ ହିଟ୍କେ, ନାନ୍ ସୁସ୍ଥ ଆଦ୍ତନ୍ ।"
ଜିସୁ ତାଙ୍କ୍ ମାଲ୍ସ୍ ଉଡ଼୍ତନ୍ ନୁ ମେଣ୍ଡନ୍ ପାକ୍ ଇସ୍ କେତ୍ତାନ୍, "ନନି, ସାହାସ୍ ପହିମ୍ । ନି ବିଶ୍ୱାସ୍ ନିକିଂଙ୍କ୍ ସୁସ୍ଥ ମାଡ଼୍ତେ ।" ଆସୁଟେ ଆ ମୁତ୍ତେ ସୁସ୍ଥ ଆତ୍ତେ ।
ୱେରଡ଼୍ ମୁତ୍ତେ ପ୍ରାୟ ବାର ହେଣ୍ଡେକ୍ ପୟିସ୍ ନେତୁର୍ ପେଇତାନ୍ ରୋଗ୍ତେ ଗାଟି ତିପାଲ୍ ଆସମାତ୍ତେ । ନାର୍ଗେଦାମ୍ ସାୟେ ମାଡ଼୍କେ ମିକା ସାୟେ ଆୱେ ମାତ୍ତେ, ତାନାଉ ସାରେ ଡାବ୍କ୍ ତେରମାତ୍ତେ ମିକା, ରୋଗ୍ ଲେକେତ୍ ଆୟ୍ୱେ ମାତ୍ତେ ନୁ ନାର୍ଗେ ଆସମାତ୍ତେ । ଆଦ୍ ଜିସୁନ୍ ବିଷୟ୍ତେ କେଞ୍ଜିମାତ୍ତେ ନୁ ନାରୁଡ଼୍ ଗହଲି ଲୋପେଙ୍କ୍ ଜିସୁନ୍, ସିଲେତିଙ୍କ୍ ହିଟ୍ତେ, ପେର୍କେଙ୍କ୍ ୱାସ୍ ଆଲ୍ସମାତ୍ତେ, "ନାନେ ଯଦି ଅନାଦ୍ ସିଲେତିଙ୍କ୍, ହିଟ୍କେ ନାନେ ସାୟେ ଆଦ୍ତାନ୍ ।"
ଆଦ୍ ଜିସୁନ୍ ସିଲେତିଙ୍କ୍ ଇଟ୍ତେ ସାଙ୍ଗେ ସାଙ୍ଗେ ତାନାଦ୍ ନେତୁର୍ ପେଇତାନାଦ୍ ବନ୍ଦ ଆତ୍ତେ ନୁ ଆଦ୍ ରୋଗ୍ତାଗାଙ୍କ୍ ସାୟେ ଆତ୍ତେ ଇଞ୍ଜ ଏର୍କେ ମାଡ଼୍ତେ ।
ଆସୁଣ୍ଟ୍ ବାର ହେଣ୍ଡ୍ ଯାକ ନେତୁର୍ ରୋଗ୍ ତେ ଅରଟ୍ ନାଟାଡ଼୍ ମାତ୍ତେ, ବେନ କି ତାନ୍ୱାଦ୍ ସାରେ ଡାବ୍କ୍ କର୍ଚ୍ଚ ମାଡ଼କେ ମିକା ବେନନ୍ ତଡ଼୍ ସୁସ୍ଥ ଆୟ୍ୟ ମାତ୍ତେ, ଆଦ୍ ପେର୍କେ କନ୍ସ୍ ୱାସ୍ ଜିସୁନ୍ ସିଲେତିଙ୍କ୍ ଇଟ୍ତା, ମେଣ୍ଡେ, ସାଙ୍ଗେ ସାଙ୍ଗେ ଆଦିନାଦ୍ ନେତୁର୍ ପେଇତାନାଦ୍ ବନ୍ଦ୍ ଆତ୍ତେ । ଆସୁଣ୍ଟ୍ ଜିସୁ କେତ୍ତଣ୍ଡ୍, "ବେନ ନାକିଂଙ୍କ୍ ହିଟ୍ତଣ୍ଡ୍ ?" ମାତର୍ ସାରେତଡ଼୍ ଅସ୍ୱୀକାର୍ ମାଡ଼୍ତଡ଼୍, ପିତର୍ କେତ୍ତଣ୍ଡ୍, "ହୋ ଗୁରୁ, ନାରୁଡ଼୍ ସାରେତଡ଼୍ ତୁର୍ସାତୁର୍ସି ଆସ୍ ନି ପରୁ ରାୟୁତଡ୍ ।"
ବାତେଙ୍କ୍ ଇତ୍କେ ଜିସୁ କେତ୍ତଣ୍ଡ୍, "ବେନ ୱେର୍ଣ୍ଡ୍ ନାକିଂଙ୍କ୍ ହିଟ୍ତଣ୍ଡ୍, ବାତେଙ୍କ୍ ଇତ୍କେ ନାୟାଗେ କନ୍ସ୍ ଶକ୍ତି ପେଇତ୍ତେ ନାନ୍ ପୁତ୍ତାନ୍ ।" ଆସୁଣ୍ଟ୍ ନାଟାଡ଼୍ ଉଡ୍ ତେ ଯେ, ଆଦ୍ ମିଞ୍ଜି ମାନ୍ଦାଙ୍କ୍ ପାର୍ୱ, ଆସୁଟେ ଆଦ୍ ୱାଡ଼୍କ ୱାଡ଼୍କ ୱାସ୍ ଅନ୍ ଡେକେତ୍ ମଦଲ୍ ରାଲି, ବାତେଙ୍କ୍ ଅଂକିଙ୍କ୍ ହିଟ୍ ତେ, ମେଣ୍ଡେ ବେଲା ସାଙ୍ଗେ ସାଙ୍ଗେ ସୁସ୍ଥ ଆତ୍ତେ, ଆଦ୍ ସାରେତଡ଼୍ ନାରୁଡ଼୍ ମୁନ୍ନେ କେତ୍ତେ । ଆଗେତିନ୍ସ୍ ଜିସୁ ଆଦିଙ୍କ୍ କେତ୍ତଣ୍ଡ୍, "ହୋ ପିକି, ନି ବିଶ୍ୱାସ୍ ନିକିଂଙ୍କ୍ ସୁସ୍ଥ ମାଡ଼ିତେ, ଶାନ୍ତି ତେ ଆନ୍ ।"
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
ବେଡ଼୍ୟେ ଦାସନ୍ ମାୟାଡ଼୍ ଗେଲ୍ସ୍ତେତେ ନୁ ରୋଗ୍ତେ ମୁତ୍ତେ ସୁସ୍ଥ ଆତ୍ତେ
ଜିସୁ ଇଉ ସାରେ ଶିକ୍ଷା ହିଦାନ୍ ୱେଲେ ୱେରନ୍ ଇହୁଦୀ ମୁକ୍ୟଦାସ ଅନ୍ ପାକେୱାସ୍ ମର୍ମିଣ୍ଡା ଉସ୍ କେତ୍ତଣ୍ଡ୍, "ହିଞ୍ଜେନେ ନା ମାୟାଡ଼୍ ଡଲ୍ତେ । ବାତେଙ୍କ୍ ଇତ୍କେ ନିମ୍ ୱାସ୍ ତାନ୍ ପର୍ର କାୟ୍ ୱାଟ୍କେ, ଆଦ୍ ନିଜାମ୍ ଜିୱୁନ୍ଆଦ୍ତେ ।"
ସାଙ୍ଗେ ସାଙ୍ଗେ ଜିସୁ ତେଦ୍ତନ୍ ନୁ ଅଣ୍ଡ୍ ନୁ ତାନ୍ ଶିଷ୍ୟନଡ଼୍ ଅନ୍ ଶିଷ୍ୟ ପେର୍କେ ଆଦ୍ତଡ଼୍ ।
ତାନ୍ ପେର୍କେ ଜିସୁ ଇହୁଦୀ ଦାସନ୍ ଲୋନ୍ ହେଉତନ୍ । ଆଗେ କାର୍ଙ୍ଗି ମାନ୍ଦାନ୍ ବାଦ୍ୟକାର୍ ନୁ ମେଣ୍ଡ୍ବାଗାତ୍ ନାରୁଡ଼୍ ଗଲ୍କ୍ ମାଡ଼ାନାଦ୍ ଉଡ଼ି, ଜିସୁ କେତ୍ତଣ୍ଡ୍, "ସାର୍ତଡ଼ି ହିଗାଙ୍କ୍ ପେଇସ୍ ଆନୁଟ୍ । ପିକିର୍ ଡଲ୍ଲ । ଆଦ୍ ଉଞ୍ଜିମିନ୍ଦେ ।" ଅନାୱୁ ଗଟି କେଞ୍ଜି ଅଡ଼୍ ପରିହାସ୍ ମାଡ଼୍ତଡ଼୍ । ବାତେଙ୍କ୍ ଇତ୍କେ ଅଡ଼୍ ପେଇସ୍ ଆତ୍ତେ ପେର୍କେ ଜିସୁ ପିକ୍ତେ ବାକ୍ଡ଼େତାଗ୍ ଆଞ୍ଜ୍ ତାନ୍ କାଇଦିଙ୍କ୍ ପଇସ୍ ତେହେତ୍ତଣ୍ଡ୍ ନୁ ଆଦ୍ ସାଙ୍ଗେ ସାଙ୍ଗେ ତେଦି କୁଦ୍ତଣ୍ଡ୍ ।
ଆଗେମାନ୍ଦାନ୍ ଲୋତ୍ତେ ଯାଇରସ୍ ପେଦେର୍ତନ୍ ୱେରଣ୍ଡ୍ ନାରୁଣ୍ଡ୍ ଆଗେ ହେଉତ୍ତନ୍, ନୁ ଜିସୁଙ୍କ୍ ଉଡ଼ି ଅନ୍ ଡେକାନ୍ ମଦଲ୍ ରାଲି ହୃଦୟତେ ନିବେଦନ୍ ମାଡ଼୍ତନ୍, "ନା ମାୟାଡ଼୍ ନାର୍ଗେ ରୋଗ୍ତେ ମିନ୍ଦେ । ନିମେ ୱାସ୍ ତାନ୍ ପରୁ କାଇ ୱାଟ୍କେ, ଆଦ୍ ସାୟେ ଆସ୍ ଗେଲ୍ସିତ୍ ।"
ଜିସୁ ଅନ୍ତୋଡ଼୍ ଆଦାନଙ୍କ୍ ପେଇତ୍ତନ୍ । ନାର୍ଗେ ମୁଲ୍ ନାରୁଡ଼୍ ଅନ୍ତଡ଼୍ ଆଞ୍ଜମାତ୍ତଡ଼୍ ଯେ ଅନ୍ ପରୁ ଅଡ଼୍ ସାରେପାକେଙ୍କ୍ ତାଲ୍ଗି ରାୟମାତ୍ତଡ଼୍ ।
ଆଗେ ହେଉସ୍ ଅଣ୍ଡ୍ ଉଡ଼୍ତନ୍, ନାଟା ଗାଟିଲେଙ୍ଗ୍ଦେ କେୟ ମାତ୍ତା, ଆଦ୍ ମାନ୍ଦେତିଙ୍କ୍ ଆଞ୍ଜ୍ ଆୱିଙ୍କ୍ କେତ୍ତନ୍, "ବାତ୍ତିଙ୍କ୍ ମର୍ ଆଦୁତିଡ଼୍ ? ବାତ୍ତିଙ୍କ୍ କେୟୁତିଡ଼୍ ? ପିକିଡ଼୍ ଡଲ୍ଲ, ଉଞ୍ଜ୍ତେ ।"
ଅଡ଼୍ ଅଙ୍କ୍ ବାକ୍ୱାଲ୍ ଆଲ୍ସି କାୱୁତ୍ତଡ଼୍ । ଜିସୁ ସାରେତଡ଼୍କ୍ ପେସ୍ପିତ୍ତନ୍ ନୁ ମାତର୍ ନିଜେତ୍ ମୁୱୁଡ଼୍ ଶିଷ୍ୟ ନୁ ପିଲେତ୍ ୟାୟ ବାବାଙ୍କ୍ ଆସ୍ ଆଦ୍ ଉଞ୍ଜିମାନ୍ଦାନ୍ ବାକ୍ଡ଼େତାଗ୍ ଆତ୍ତଡ଼୍ । ପିଲେତ୍ କାଇଦିଙ୍କ୍ ପଇସ୍ ଜିସୁ କେତ୍ତନ୍, "ତାଲିତା କୁମ୍," ଇତ୍କେ "ପିକି, ନାନ୍ କେତୁତାନ୍ ତେଦା ।" ପିକିଡ଼୍ ଆସୁଙ୍ଗେ ତେଦ୍ଦି ତାଆକ ଉଡ଼ାଙ୍କ୍ ପସ୍ପ୍ତେ । ଆସୁଙ୍ଗ୍ ତାନ୍ ବୟସ୍ ମାତର୍ ବାର ହେଣ୍ଡେକ୍ । ଇଦ୍ ଗଟ୍ନାତାଗ୍ ସାରେତଡ଼୍ ବାକ୍ୱା ଆତ୍ତଡ଼୍ ।
ଜିସୁ ମେଣ୍ଡେ କେତ୍ତଣ୍ଡ୍, "ଇ ଯୁଗ୍ତେ ନାରୁଡ଼୍କିଂଙ୍କ୍ ନାନ୍ ବେନନ୍ ତଡ଼୍ ସାମାନ୍ ମାଡ଼ିତାନ୍, ମେଣ୍ଡେ ଅଡ଼୍ ବେନନ୍ ରକମ୍ ଆଦ୍ତଡ଼୍ ? ବେନେ ପିଲା ହାଟ୍ ବାଜାର୍ତାଗ୍ କୁଦି କାର୍ଙ୍ଗା କାର୍ଙ୍ଗି ହାସ୍ କେତିତଡ଼୍, ମାମ୍ ମି ବକେତ୍ ଅଷଡ଼୍ ଉଦ୍ତନ୍, ମିଡ଼୍ ହେନ୍ଦୱିଡ୍; ମାମ୍ ଡୋଲତେ ପାଟେ ପାର୍ତମ୍, ମିଡ଼୍ କେୟିୱିଡ଼୍, ଅଡ଼୍ ଆଦ୍ ପିଲାନ୍ ଲେକାମ୍ । ବାତେଙ୍କ୍ ଇତ୍କେ ବାପ୍ତିସ୍ମ ଯୋହନ୍ ୱାସ୍ ରୋଟି ତିନଣ୍ଡ୍ ନୁ ଦ୍ରାକ୍ଷାରସ୍ ଉନଣ୍ଡ୍, ମେଣ୍ଡେ ମିଡ଼୍ ଯୋହନ୍ତେ ବିଷୟତେ କେତ୍ତିଡ଼୍, ଅଂକିଙ୍କ୍ ବୁତ୍ ପୟିତେ । ନାରୁନ୍ପିଲେ ୱାସ୍ ତିନ୍ତେ, ମେଣ୍ଡେ, ମିଡ଼୍ କେତୁତିଡ଼୍, ଉଡ଼ାଟ୍, ଇଣ୍ଡ୍ ଅରତୁଣ୍ଡ୍ ପେଟୁ ନୁ ମାତ୍ୱାରି, କରଗ୍ରାହୀ ନୁ ପାପି ନାରୁଡ଼୍ତେ ସାଙ୍ଗ । ବେନଡ଼୍ ଇଶ୍ୱର୍ତେ ଜ୍ଞାନତିଙ୍କ୍ ଗ୍ରହନ୍ ମାଡ଼ିତଡ଼୍, ଅଡ଼୍ ଜିୱୁଣ୍ଡ୍ ତାଗ୍ ଅନାଦ୍ ସତ୍ତେ ତନ୍ଦିତେ ।"
ପାରୂଶୀ ଶିମୋନ୍ତେ ଲୋନ୍ ଜିସୁ
ମେଣ୍ଡେ, ପାରୂଶୀଡ଼୍ ଲୋପେ ୱେର୍ଣ୍ଡ୍ ଜିସୁଙ୍କ୍ ତାନ୍ ତଡ଼୍ ତିନ୍ଦାନଙ୍କ୍ କାରଙ୍ଗ୍ତଣ୍ଡ୍ । ଆଗେ ଅଣ୍ଡ୍ ପାରୂଶୀନଡ଼୍ ଲୋନ୍ ଆସି ତିନ୍ଦାନଙ୍କ୍ କୁଦ୍ତଡ଼୍ । ମେଣ୍ଡେ ଉଡ଼ାଟ୍, ଆଦ୍ ନାର୍ ତାଗ୍ ଅରଟ୍ ପାପି ନାଟାଡ଼୍ ମାତ୍ତେ; ଜିସୁ ଆଦ୍ ପାରୂଶୀନ୍ ଲୋନ୍ ତିନ୍ଦାନଙ୍କ୍ କୁଦିମିନ୍ଦେଣ୍ଡ୍, ଇଦ୍ ପୁଞ୍ଜ୍ ଆଦ୍ ୱେରନ୍ ଦାମ୍ତାଦ୍ ବତଲ୍ତାଗ୍ ଲେକେତ୍ ଗାବ୍ତେ ନିୟି ତାସ୍,
ମେଣ୍ଡେ, ଉଡ଼ାଟ୍ ଯାଇରସ୍ ପେଦେର୍ ତଣ୍ଡ୍ ୱେର୍ଣ୍ଡ୍ ନାରୁଡ଼୍ ୱାତ୍ତଣ୍ଡ୍; ଅଣ୍ଡ୍ ସମାଜ୍ଲନ୍ ତେ ବାଡ଼୍ୟ୍ଣ୍ଡ ମାତ୍ତଣ୍ଡ୍ । ଅନ୍ ଜିସୁନ୍ ଡେକେତ୍ ମଦଲ୍ ରାଲି ତାମ୍ ଲୋନ୍ ୱାଦାନ୍ ସେଙ୍ଗେ ଅଂକିଙ୍କ୍ ବିନତି ମାଡ଼ତ୍ତଣ୍ଡ୍, ବାତେଙ୍କ୍ ଇତ୍କେ ଅନ୍ୱାଦ୍ ବାର ହେଣ୍ଡେତ୍ ୱେର୍ଟେ ମାତର୍ ପିକିଡ଼୍ ମାତ୍ତେ, ମେଣ୍ଡେ ଆଦ୍ ଡଲାନ୍ ରକମ୍ ଆସ୍ ମାତ୍ତେ । ବାତେଙ୍କ୍ ଇତ୍କେ ଅଣ୍ଡ୍ ଆଦାନ୍ ୱେଲେ ନାରୁଡ଼୍ ଅନ୍ ପରୁ ରାୟ ମାତ୍ତଡ଼୍ ।
ଅଣ୍ଡ୍ ଇଦ୍ ଗଟ୍ କେତ୍ତାନ୍ ୱେଲେ ସମାଜ୍ଲନ୍ ତେ ମୁକ୍ୟାନ୍ ଲୋତ୍ତେ କନ୍ସ୍ ୱେର୍ଣ୍ଡ୍ ୱାସ୍ କେତ୍ତଣ୍ଡ୍, "ନି ମାୟାଡ଼୍ ଡୋଲିଆତ୍ତେ, ଗୁରୁଙ୍କ୍ ମେଣ୍ଡେ କଷ୍ଟ ହିମା ।"
ବାତେଙ୍କ୍ ଇତ୍କେ ଜିସୁ ଇଦ୍ କେଞ୍ଜି ଯାଇରସ୍ତିଙ୍କ୍ କେତ୍ତଣ୍ଡ୍, "ୱେର୍ମାଟ୍, ମାତର୍ ବିଶ୍ୱାସ୍ ମାଡ଼ାଟ୍, ମେଣ୍ଡେ ଆଦ୍ ଗେଲ୍ସିତେ ।"
ମେଣ୍ଡେ, ଜିସୁ ଯାଇରସ୍ତେ ଲୋନ୍ ୱାସ୍ ପିତର୍, ଯୋହନ୍ ନୁ ଯାକୁବ୍, ମେଣ୍ଡେ ପିକିଡ଼୍ ତେ ୟାୟବାବଡ୍ ୱିଡ଼୍ସି ମେଣ୍ଡେ ବେନଙ୍କେ ଅନ୍ତଡ଼୍ ଲୋପେ ଆଦାଙ୍କ୍ ହିୱଣ୍ଡ୍ । ମାତର୍ ସାରେତଡ଼୍ ଆଦିନ୍ ସେଙ୍ଗେ କେୟକେୟ ଗୁଣ୍ଡେତାଗ୍ ରେହେସ ମାତ୍ତଡ଼୍ । ଆଗେତିନ୍ସ୍ ଜିସୁ କେତ୍ତଣ୍ଡ୍, "କେୟ୍ମାଟ୍; ଆଦ୍ଡୋଲ, ମାତର୍ ଉଞ୍ଜିମିନ୍ଦେ ।"
ବାତେଙ୍କ୍ ଇତ୍କେ ଆଦ୍ ଡୋଲିଆତ୍ତେ ଇଞ୍ଜ ପୁଞ୍ଜ୍ ମାତ୍ତାଙ୍କ୍ ଅଡ଼୍ ଜିସୁଙ୍କ୍ ପରିହାସ୍ ମାଡ଼ାଙ୍କ୍ ପସ୍ପ୍ତ୍ତଡ଼୍ । ମାତର୍ ଜିସୁ ଆଦିନାଦ୍ କାଇଦିଙ୍କ୍ ପଇସ୍ କାର୍ଙ୍ଗି କେତ୍ତଣ୍ଡ୍, "ହୋ ପିକି, ତେଦ୍ଦେ ।" ଆଗେତିନ୍ସ୍ ତାନାଦ୍ ଜିୱୁଣ୍ଡ୍ ମାଲ୍ସ୍ ୱାତ୍ତେ, ମେଣ୍ଡେ ଆଦ୍ ସାଙ୍ଗେ ସାଙ୍ଗେ ତେଦ୍ଦେ, ମେଣ୍ଡେ ଅଣ୍ଡ୍ ଆଦିଙ୍କ୍ ସୁଦୁର୍ ତିନ୍ଦାନଙ୍କ୍ ହିଦାନ୍ ସେଙ୍ଗେ କେସିତ୍ଣ୍ଡ୍ । ଇଗେତିସ୍ନ୍ ତାମ୍ ୟାୟବାବ ବାକ୍ୱା ଆତ୍ତଡ଼୍; ବାତେଙ୍କ୍ ଇତ୍କେ ଆଦ୍ ଜାଗେତାଦ୍ ଗଟନା ତେ ଗଟ୍ ବେନଙ୍କେ କେତାନାଦ୍ ଆୟ୍ୟ ଇଞ୍ଜ ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍ ।
ଲାଜାର୍ ଡ଼ଲ୍ତାଦ୍
ବେତନିୟା ମାନ୍ଦାନ୍ ଲାଜାର୍ ପେଦେର୍ ତଣ୍ଡ୍ ୱେରଣ୍ଡ୍ ନାରୁଣ୍ଡ୍ ରୋଗ୍ତେ ମାତ୍ତଣ୍ଡ୍; ମରୀୟମ୍ ନୁ ତାନ୍ ଏଲାଡ଼୍ ମାର୍ତା ଆଦ୍ ନାର୍ ମାଞ୍ଜମାତ୍ତା । ବେନ୍ ନାଟାଡ଼୍ ପ୍ରର୍ବୁଙ୍କ୍ ସାଏତ୍ ଗାବ୍ତାଦ୍ ନିୟ୍ ଲେକେତ୍ ମାଡ଼ି ତାନ୍ କେଲ୍କିନେ ଅନ୍ ଡେକାଙ୍କ୍ ଉଞ୍ଜ୍ପିତେ, ଇଦ୍ ଆ ମରୀୟମ୍; ତାମ୍ ଦାଦାଲ୍ ଲାଜାର୍ ରୋଗ୍ତେ ମାତ୍ତଣ୍ଡ୍ । ଆଉ ଏଲାସ୍କ୍ ଜିସୁନ୍ ପାକେ କେସ୍ ରହତାଆ, "ପ୍ରବୁ, ଉଡ଼େ, ବେନଙ୍କ୍ ନିମ୍ ସ୍ନେହ ମାଡ଼୍ନିନ୍, ଅଣ୍ଡ୍ ରୋଗ୍ତେ ମିନ୍ଦେଣ୍ଡ୍ ।"
ଇଦ୍ କବର୍ କେଞ୍ଜି ଜିସୁ କେତ୍ତଣ୍ଡ୍, "ଇ ରୋଗ୍ତେ ଲାଜାର୍ ଡଲନ୍ । ବାତେଙ୍କ୍ ଇତ୍କେ ଇଦିନ୍ ତଡ଼୍ ଇଶ୍ୱର୍ ମହିମାନିତ ଆଦ୍ତନ୍ ନୁ ଆଦିନ୍ ତଡ଼୍ ଇଶ୍ୱର୍ତେ ମାର୍ ମିକା ଗୌରବ୍ ପାଏମ୍ ଆଦ୍ତନ୍ ।"
ଜିସୁ ମାର୍ତା ନୁ ତାନ୍ ଏଲାଡ଼୍ ନୁ ଲାଜାର୍ତିଙ୍କ୍ ପ୍ରେମତେ ସ୍ନେହ ମାଡ଼ମାତ୍ତନ୍ । ଆତ୍କେମିକା ଲାଜାର୍ ରୋଗ୍ତେ ମିନ୍ଦେଣ୍ଡ୍ ଇଞ୍ଜ ବେସୁଙ୍କ୍ ଜିସୁ କେଞ୍ଜ୍ତଣ୍ଡ୍, ଆସୁଙ୍କ୍ ଅଣ୍ଡ୍ ବେନ୍ ପଡ଼ିୟେତାଗ୍ ମାତ୍ତଣ୍ଡ୍, ଆଦେପଡ଼ିଇ ତାଗ୍ ମେଣ୍ଡେ ରେଣ୍ଡ୍ ଦିନା ମାତ୍ତଣ୍ଡ୍ । ତାନ୍ପେର୍କେ ଜିସୁ ଶିଷ୍ୟକିଂଙ୍କ୍ କେତ୍ତଣ୍ଡ୍, "ଦାଟ୍ଟି, ମାନାଡ଼୍ ମେଣ୍ଡ୍ନ୍ ଦାମ୍ ମାଲ୍ସ୍ ଯିହୁଦାତାଗ୍ ଆଦିକାଡ଼୍ ।"
ଶିଷ୍ୟଡ଼୍ ଅଂକିଙ୍କ୍ କେତ୍ତଡ଼୍, "ହୋ ଗୁରୁ, ବେସ୍କ୍ ଦିନାତେ ମୁନେନ୍ ନାରୁଡ଼୍ ମେଣ୍ଡେ ନିକିଂଙ୍କ୍ କାଲ୍କ୍ ହେସାଙ୍କ୍ ଚେଷ୍ଟା ମାଡ଼ମାତ୍ତଡ଼୍, ମେଣ୍ଡେ ନିମ୍ ମେଣ୍ଡନ୍ ଦାମ୍ ଆଦାଙ୍କ୍ କେତୁତିନ୍ ?"
ଜିସୁ ଉତ୍ତର୍ ହିତ୍ତଣ୍ଡ୍, "ପାୟାଲ୍ ବାତେଏ ବାର ଗାଣ୍ଟା ଇଲା ? ବେନ ବେସୁଙ୍କ୍ ୱେସ୍ତେ ତାକାନ୍ୱେଲେ ରାଲଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍ ଇ ଜଗତ୍ତାଗ୍ ୱେସ୍ ଉଡ଼ିତଣ୍ଡ୍; ବାତେଙ୍କ୍ ଇତ୍କେ ଇକାଡ଼୍ ତେ ତାକ୍କେ ଅଣ୍ଡ୍ ରାଲିତଣ୍ଡ୍, ବାତେଙ୍କ୍ ଇତ୍କେ ଆଦ୍ ଅଣ୍ଡ୍ ଆଦାନ୍ ୱେଲେ ୱେସ୍ଇଲେ ।" ଜିସୁ ଆହୁସାରେ ଗଟି କେତ୍ତଣ୍ଡ୍ ଅଡ଼୍କ୍ ମେଣ୍ଡେ ଅଦିକ୍ କେତ୍ତଣ୍ଡ୍, "ମାନ୍ ସାଙ୍ଗ ଲାଜାର୍ ଉସ୍କାଡ଼୍ତେ ମିନ୍ଦେଣ୍ଡ୍, ବାତେଙ୍କ୍ ଇତ୍କେ ଅଂକିଙ୍କ୍ ଉସ୍କାଡ଼୍ ତାଗାଙ୍କ୍ ତେତାନ୍ ମାଇଦିଙ୍କ୍ ନାନ୍ ଆଦୁତାନ୍ ।"
ତାନ୍ ପେର୍କେ ଶିଷ୍ୟଡ଼୍ ଅଂକିଙ୍କ୍ କେତ୍ତଡ଼୍, "ପ୍ରବୁ ଯଦି ଅଣ୍ଡ୍ ଉସ୍କାଡ଼୍ତେ ମିନ୍ଦେଣ୍ଡ୍, ଆଲେକେ ଅଣ୍ଡ୍ ସୁସ୍ଥ ଆଦ୍ତନ୍ ।"
ଜିସୁ ଅନାଦ୍ ଡଲାନ୍ ବିଷୟ୍ତେ କେସ୍ମାତ୍ତଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍ ଉଞ୍ଜିମାନ୍ଦାନ୍ ବିଷୟ୍ତେ କେତ୍ତଣ୍ଡ୍ ଇଞ୍ଜ ଅଡ଼୍ ଏର୍କା ମାଡ଼୍ତଡ଼୍ । ଜିସୁ ଆସୁଙ୍କ୍ ଅଡ଼୍କିଂଙ୍କ୍ ସତ୍ କେତ୍ତଣ୍ଡ୍, "ଲାଜାର୍ ଡଲ୍ତଣ୍ଡ୍;
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
ଜିସୁ ଗାଲ୍, ୱାର୍ସାତିଙ୍କ୍ ଅଟ୍କା ମାଡ଼୍ତଣ୍ଡ୍
ଅନ୍ଦିନେ ଜିସୁ ଶିଷ୍ୟଡ଼୍ ତଡ଼୍ ଓଡେତେ ଆଞ୍ଜମାତ୍ତଣ୍ଡ୍ । ହଟାତ୍ ସମୁଦ୍ରତାଗ୍ ଇଦ୍ଲେକାମ୍ ଗାଟି ଗାଲ୍ୱାର୍ସାମ୍ ୱାତ୍ତେ ନୁ ଓଡ୍ ହେର୍ଦାଗ୍ ମୁଡ଼୍ନ୍ଦାନ୍ ଲେକାମ୍ ଆତ୍ତେ । ବାତେଙ୍କ୍ ଇତ୍କେ ଜିସୁ ଆସୁଟେ ଉଞ୍ଜି ମାତ୍ତନ୍ । ଶିଷ୍ୟନଡ଼୍ ଅଂକିଙ୍କ୍ ତେସ୍ କେତ୍ତଡ଼୍, "ପ୍ରବୁ, ମାକିଂଙ୍କ୍ ରକ୍ଷା ମାଡ଼େ । ହିଲୁକ୍ ମାମ୍ମେ ମୁଡ଼୍ନ୍ଦି ଡଲିତମ୍ ।"
ଜିସୁ ଉତ୍ତର୍ କେତ୍ତଣ୍ଡ୍, "ବାତ୍ତିଙ୍କ୍ ହିସର୍ ୱେର୍ଦୁତିଡ଼୍ ? ମିଡ଼୍ ସାରେତଡ଼ି ବାତେଏ ସୁଦୁଟ୍ ବିଶ୍ୱାସିଡ଼୍ ?" ତାନ୍ ପେର୍କେ ଅଣ୍ଡ୍ ତେଦି ଗାଲ୍ତିଙ୍କ୍ ନୁ ତଲ୍କଡ଼୍ତିଙ୍କ୍ କଟ ଆଦାଙ୍କ୍ ଆଦେଶ୍ ହିତ୍ତନ୍ । ସାଙ୍ଗେ ସାଙ୍ଗେ ସାରେ ଶାନ୍ତି ଆତ୍ତେ ।
ଆଗାଙ୍କ୍ ସାରେତଡ଼୍ ବାକ୍ୱା ଆତ୍ତଡ଼୍ । ଅଡ଼୍ ନିଜେ ନିଜେ କେତାକେତି ଆତ୍ତଡ଼୍ "ହିଣ୍ଡ୍ ବେସତ୍ ନାରୁନ୍ ? ଗାଲ୍ ନୁ ତଲ୍କଡ଼୍ ମିକା ଅନ୍ ଗଟ୍ କେଞ୍ଜୁତା ।"
ଆଦ୍ ଦିନ୍ ମୁଲ୍ପୁଟ୍ ଶିଷ୍ୟନଡ଼୍ ୱାସ୍ କେତ୍ତଡ଼୍, "ଗାଟି ଡେରିଆଦୁତ୍, ମେଣ୍ଡେ ହିଦ୍ ପଡ଼ିୟେ ନିଚାଟିଆ, ନାରୁଡ଼୍କ୍ ଆତ୍ତାଙ୍କ୍ କେଲେମ୍ । ଅଡ଼୍ ନାକିନାଗ୍ ଆଞ୍ଜ୍ କାଦି ଜାଗାଡ଼୍ ମାଡ଼ିତଡ଼୍ ।"
ଜିସୁ ଅଡ଼୍କ୍ କେତ୍ତନ୍, "ଅଡ଼୍ ହିଗାଙ୍କ୍ ଆଦାନ୍ ଦର୍କାଡ଼୍ ଆୟ୍ୟ । ମିଡ଼୍ ଅଡ଼୍କ୍ ବାତ୍ ସୁଦୁଟ୍ ତିନ୍ଦାଙ୍କ୍ ହିମୁଟ୍ ।"
ଶିଷ୍ୟନଡ଼୍ ଉତ୍ତର୍ କେତ୍ତଡ଼୍, "ହିଗେ ମାହାପାକେ ମାତର୍ ହେଇଙ୍କ୍ ରୂଟି ନୁ ରେଣ୍ଡ୍ କିକେ ମିନ୍ଦେ ।"
ଜିସୁ କେତ୍ତାନ୍, "ଆସ୍କ୍ ନା ପାକେ ତାଡ଼ାଟ୍ ।" ନାରୁଡ଼୍କ୍ ଗାଡ଼୍ ପର୍ର କୁଦାଙ୍କ୍ କେସ୍ ଜିସୁ ଆଉ ହେଇଙ୍କ୍ ରୂଟି ନୁ ରେଣ୍ଡେ କିକେଙ୍କ୍ ଆତ୍ତନ୍ ନୁ ସ୍ୱର୍ଗତ୍ ପାକେ ଉଡ଼ି ଇଶ୍ୱର୍ତିଙ୍କ୍ ଦନ୍ୟବାଦ୍ ହିତ୍ତନ୍ । ମେଣ୍ଡେ ଆଉ ରୂଟିଙ୍କ୍ ଦୁଡ଼ା ଦୁଡ଼ା ମାଡ଼ି ଶିଷ୍ୟଡ଼୍ କାଇଦାଗ୍ ହିତ୍ତନ୍ । ଶିଷ୍ୟଡ଼୍ ଆଉହାସ୍ ନାରୁଡ଼୍କିଂଙ୍କ୍ ତୁଉସିତ୍ତଡ଼୍ । ସାରେତଡ଼୍ ତିଞ୍ଜ୍ ପଟ୍ ନିଇତ୍ତଡ଼୍ । ତାନ୍ ପେର୍କେ ଶିଷ୍ୟଡ଼୍ ମିଗ୍ଲୀମାନ୍ଦାନ୍ ରୂଟି ନୁ କିକେ ଦୁଡ଼ାକିଂଙ୍କ୍ ପେହେକି ୱାଟ୍ଟାନ୍ ଜୁଡ଼ିନାଗ୍ ନିହିତଡ଼୍ । ନାଟାଙ୍କ୍ ନୁ ପିଲାଙ୍କ୍ ୱିଡ଼୍ସି ଏଇଙ୍କ୍ ହଜାର୍ ନାରୁଡ଼୍ ଆଦ୍ କାଦି ତିତ୍ତଡ଼୍ ।
ନାର୍କେତ୍ ୱିୟ୍ଦାନ୍ ୱେଲେ ଜିସୁ ହେର୍ଦେ ପର୍ର ତାଆକି ଶିଷ୍ୟଡ଼୍ ଗାର୍ରେ ୱାତ୍ତନ୍ ।
ଜିସୁ ନାଲୁ ହଜାର୍ ନାରୁଡ଼୍କ୍ ତିର୍ୟିତଣ୍ଡ୍
ଜିସୁ ଶିଷ୍ୟନଡ଼କ୍ କାର୍ଙ୍ଗି କେତ୍ତାନ୍, "ଇ ନାରୁଡ଼୍ ସେଙ୍ଗେ ନାକିଂଙ୍କ୍ ଦୁଃକାମ୍ ପଇତେ, ବାତେଙ୍କ୍ ଇତ୍କେ ହି ନାରୁଡ଼୍ ନା ତଡ଼୍ ମୁଣ୍ଡ୍ ଦିନା ମିନ୍ଦେ ନୁ ଇଞ୍ଜେ ଅଡ଼ାଗ୍ ବାତେଇଲେ । ଅଡ଼୍ ତିନକଟ୍ ଆନ୍ମାକି, ଇ ଗଟ୍ କେତୁତାନ୍; ବାତେଙ୍କ୍ ଇତ୍କେ ଆଦାନ୍ ୱେଲେ ଆର୍ଦାଗ୍ ଆଇଦ୍ ତଡ଼୍ ।"
ଶିଷ୍ୟନଡ଼୍ ଅଂକିଙ୍କ୍ କେତ୍ତଡ଼୍, ଇସର୍ ନାରୁଡ଼୍କ୍ ପଟ୍ ନିଇତାଙ୍କ୍ ମାନାଡ଼୍ "ଇ ଉଚ୍କ ଲେକେଦାଗ୍ ଆସର୍ କାଦି ବେଗେ ଦର୍କିତ୍ ?"
ଜିସୁ କେତ୍ତନ୍, "ମିୟାଗ୍ ବେସ୍କ୍ ରୂଟି ମିନ୍ଦେ ?" ଅଡ଼୍ କେତ୍ତଡ଼୍, "ସାତ୍ଟାନ୍ ରୋଟି ନୁ ସୁକୁକ୍ ସୁଦୁ କିକେ ।"
ଆଗାଙ୍କ୍ ଅଣ୍ଡ୍ ନାରୁଡ଼୍କିଂଙ୍କ୍ ନେଲ୍ କୁଦାଙ୍କ୍ କେତ୍ତାନ୍, ମେଣ୍ଡେ ଅଣ୍ଡ୍ ଆଉ ସାତ୍ଟାନ୍ ରୂଟି ନୁ କିକେଙ୍କ୍ ଅସ୍ ଦନ୍ୟବାଦ୍ ଇସ୍ ଆଉସାରେ ଶିଷ୍ୟଡ଼୍କ୍ ଇତ୍ତନ୍, ଅଡ଼୍ ନାରୁଡ଼୍କିଂଙ୍କ୍ ଇତ୍ତଡ଼୍ । ମେଣ୍ଡେ, ସାରେତଡ଼୍ ତିଞ୍ଜ୍ ପଟ୍ନିତଡ଼୍ ନୁ ଉର୍ଙ୍ଗ୍ତେ ରୂଟି ନାଗାଙ୍କ୍ ବେସ୍କ୍ ମିଗିଲ୍ ତାଉ, ଆଉ ଅଡ଼୍ ପେହେକି ସାତ୍ଟାନ୍ ଜୁଡ଼ିନାଗ୍ ନିହିତଡ଼୍ । ତିତ୍ତେ ନାରୁଡ଼୍, ନାଟାଙ୍କ୍ ନୁ ପିଲାଙ୍କ୍ ୱିଡ଼୍ସି ନାଲୁ ହଜାର୍ ନାରୁଡ଼୍ ମାତ୍ତଡ଼୍ ।
ଜିସୁ ମନ୍ଦିର୍ତେ ସିସ୍ତୁ ଇତ୍ତନ୍
ଜିସୁ ନୁ ଶିଷ୍ୟନଡ଼୍ କପର୍ନାହୁମତା ୱାଦାନ୍ ପେର୍କେ ମନ୍ଦିର୍ତେ ସିସ୍ତୁ ଆଦାୟକାରୀଡ଼୍ ପିତର୍ତିଙ୍କ୍ କେତ୍ତଡ଼୍, "ମିଇ ଗୁରୁ ମନ୍ଦିର୍ତେ ସିସ୍ତୁ ଇଦ୍ତନ୍ କି ?"
ପିତର୍ କେତ୍ତାନ୍ "ନିଜାମ୍ ।" ପିତର୍ ଲୋନ୍ ଲୋପେ ନେଙ୍ଗାନ୍ ୱେଲେ ଜିସୁ ଅଂକିଙ୍କ୍ କେତ୍ତାନ୍, "ଶିମୋନ୍, ନିମ୍ ବାତେଏ ଆଲ୍ସୁତିନ୍ ? ଇ ଜଗତ୍ତେ ରାଜାନଡ଼୍କ୍ ବେନ୍ ସିସ୍ତୁ ଇଦ୍ତନ୍ ଅଡ଼୍ ରାଜ୍ୟତେ ଶନ୍ୟନଡ଼୍ ନା ବିଦେଶୀ ନଡ଼୍ ?"
ପିତର୍ କେତ୍ତାନ୍ "ବିଦେଶୀଡ଼୍ ।" ଜିସୁ କେତ୍ତାନ୍, "ଆଲେକେ ରାଜ୍ୟତେ ନାରୁଡ଼୍ କର ହିଦାନାଗାଙ୍କ୍ ଗେଲ୍ସିତ୍ତେ ? ବାତେଙ୍କ୍ ଇତ୍କେ ମାମ୍ମେ ଇଞ୍ଜେ ଅଡ଼୍କ୍ ଅପ୍ମାନ୍ ମାଡ଼ାଙ୍କ୍ ଇଚ୍ଛା ଆୟମ୍ । ମିଡ଼୍ ସମୁଦ୍ର ଆଞ୍ଚିନା ଆଞ୍ଜ୍ ଗାଲାକ୍ ୱାଟାଟ୍ । ମୁନେଙ୍କ୍ ବେନ୍ କିକେ ଆର୍ଦ୍ତେ, ତାନ୍ ପାୟୁର୍ତାଗାଙ୍କ୍ ୱେରଡ଼୍ ମୁଦ୍ରା ଦର୍କିତ୍ । ଆଦ୍ ଆସ୍ ନା ସେଙ୍ଗେ ନୁ ମିଇ ସେଙ୍ଗେ ମନ୍ଦିର୍ ସିସ୍ତୁ ଇମୁଟ୍ ।"
ଜିସୁ ତୟାମାଡ଼ାତିଙ୍କ୍ ଅବିଶାପ୍ ହିତ୍ତନ୍
ତାନ୍ ମେଣ୍ଡନ୍ ଦିନ୍ ନାର୍କୁକ୍ ଜିସୁ ଯିରୁଶାଲେମ୍ ତା ଆଦାନ୍ ୱେଲେ ଗାଟି କାର୍ପୟିତେ । ଆର୍ ଗାର୍ରେ ୱେରଡ଼୍ ତୟାମାଡ଼ା ମାତ୍ତେ । ଜିସୁ ମାଡ଼େତ୍ ଗାର୍ରେ ଆଞ୍ଜ୍ ଆଗେ ଅଂକିଙ୍କ୍ ୱିଡ଼୍ସି ମେଣ୍ଡେ ବାତେଏ ଉଡ଼ନ୍ । ଆଦିଙ୍କ୍ ଅଣ୍ଡ୍ ମାଡ଼େତିଙ୍କ୍ କେତ୍ତାନ୍, "ନିମ୍ ମେଣ୍ଡେ ବେସୁଙ୍କ୍ବା କାୟା ଆଦ୍ୱିନ୍ ।" ଆସୁଙ୍କ୍ ସାଙ୍ଗେ ସାଙ୍ଗେ ତୟା ମାଡ଼ା ୱାସିଆତ୍ତେ ।
ଶିଷ୍ୟଡ଼୍ ଆଦ୍ଉଡ଼ି ବାକ୍ୱା ଆସ୍ କେତ୍ତଡ଼୍, "ତୟା ମାଡ଼େ ହିସର୍ ଯାପେ ବେଲା ୱାସ୍ତେ ?"
ଜିସୁ ଉତ୍ତର୍ କେତ୍ତାନ୍ "ନାନ୍ ନିକିଂଙ୍କ୍ ନିଜାମ୍ କେତୁତାନ୍, ମନ୍ତାଗ୍ ଇସୁର୍ମିକା ଏର୍କା ମାଡ଼କଟ୍ ସାରେ ବିଶ୍ୱାସ୍ ମାଡ଼ାଟ୍, ନାନ୍ ଇ ତୟା ମାଡ଼େତ୍ ସେଙ୍ଗେ ବାତ୍ମାଡ଼୍ତାନ୍, ମିଡ଼୍ ମିକା ଆଲା ମାଡ଼େ ପାର୍ଦ୍ତିଡ଼୍ । ମାତର୍ ଆସର ଆୟ୍ୟ, ଇ ମେଟେ ତେଦିମିକା ସମୁଦ୍ର ତାଗ୍ ରାଲ୍ ଇଞ୍ଜ କେତ୍କେ, ଆଦ୍ମିକା ଆଦ୍ତେ । ବିଶ୍ୱାସ୍ତେ ପ୍ରାର୍ତନାତାଗ୍ ବାତ୍ ତାଲ୍କିତିଡ଼୍ ଆଦ୍ ଦର୍କିତ୍ ।"
ହଟାତ୍ ଗାଟି ଗାଲ୍ ୱାତ୍ତେ ନୁ ଓଡେତ୍ ଲୋପେ ତଲ୍କଡ଼୍ତେ ଏର୍ ଓଡ଼େତାଗ୍ ନିଣ୍ଡାନଙ୍କ୍ ପସ୍ପତ୍ତେ । ଜିସୁ ଓଡେତ୍ ପେର୍କେତ୍ ପାକେ ବାଲିସ୍ତେ ପରୁ ତାଲେୱାଟି ଉଞ୍ଜିମାତ୍ତନ୍ । ଶିଷ୍ୟନଡ଼୍ ଅଙ୍କ୍ ତେସ୍ କେତ୍ତଡ଼୍, "ଗୁରୁ, ମାମ୍ମେ ମୁଡ଼ୁନ୍ଦି ଡଲିତମ୍, ନିୟାଦ୍ ବାତେଏ ଚିନ୍ତାଇଲେ ?"
ଜିସୁ ନିସ୍ମିକା ଗାଲ୍ଦିଙ୍କ୍ ଦମକ୍ଇସ୍ କେତ୍ତନ୍, "ଶାନ୍ତି ଆୟିମ୍," ନୁ ତଲ୍କଡ଼୍ତିଙ୍କ୍ କେତ୍ତନ୍, "ସୁସ୍ଥିର ଆୟିମ୍ ।" ହଟାତ୍ ଗାଲ୍ ମାଦ୍ତେ ନୁ ସାରେ ଶାନ୍ତି ଆତ୍ତେ । ତାନ୍ପେର୍କେ ଜିସୁ ଶିଷ୍ୟନଡ଼୍କ୍ ପଚାର୍ମାଡ଼୍ତନ୍, "ବାତ୍ତିଙ୍କ୍ ଆସର୍ ୱେର୍ଦୁତିଡ଼୍ ? ଇଞ୍ଜେକ୍ ଆଇନା ବାତେଏ ମିୟାଦ୍ ବିଶ୍ୱାସ୍ ଇଲେ ?"
କିନ୍ତୁ ଅଡ଼୍ ଗାଟି ୱେର୍ସ୍ ମିକା ତାମେ ତାମେ କେତ୍ତଡ଼୍, ଇ ନାରୁଣ୍ଡ୍ ବେନ ? ଏର୍ ନୁ ଗାଲ୍ ଅନ୍ ଗଟି ମାନେମ୍ ଆଦ୍ତା ।
ପଡ଼ଦ୍ ଆଦାନାଦ୍ ଉଡ଼ି, ଶିଷ୍ୟନଡ଼୍ ଜିସୁଙ୍କ୍ ୱାସ୍ କେତ୍ତଡ଼୍, "ନାର୍ଗେ ଗମାଡ଼୍ ଆସମିନ୍ଦେ ନୁ ଇଦ୍ ପଡ଼ିୟେ ଗାଟି ଚିମ୍ଚାମ୍ । ନାରୁଡ଼୍ ବେଲାନ୍ ଚାରେପାକା ଗୁଡ଼୍ଏକ୍ ବା ନାକିନାଗ୍ ଆଞ୍ଜ୍ ନିଜେ ନିଜେତ୍ ସେଙ୍ଗେ ତିନ୍ଦାନଙ୍କ୍ ବାତ୍ତେ ଆସିତଡ଼୍, ଆଦିନ୍ ସେଙ୍ଗେ ଅଡ଼୍କିଂଙ୍କ୍ ରହସିମୁଟ୍ ।"
ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ମିଡ଼୍ ନିଜେ ଅଡ଼୍କିଂଙ୍କ୍ ବାତ୍ତେ ତିନ୍ଦାନଙ୍କ୍ ଇମୁଟ୍ ।" ଅଡ଼୍ କେତ୍ତଡ଼୍, "ନିମେ ବାତ୍ତେ ଇଚ୍ଛା ମାଡ଼ୁତିନ୍, ମାମେ ରେଣ୍ଡ୍ୱାନ୍ଦା ରୁପା ଡାଉକ୍ଙ୍କିନ୍ ତଡ଼୍ ରୋଟି ଆସି ତାସ୍ ଇଡ଼୍କିଙ୍କ୍ ଇଦିକାଡ଼୍ ?"
ଜିସୁ ପଚାର୍ମାଡ଼୍ତଣ୍ଡ୍, "ମିଇପାକେ ବେସ୍କ୍ ରୋଟି ମିନ୍ଦେ, ଉଡ଼ି ୱାଡ଼ାଟ୍ ।" ଅଡ଼୍ ଉଡ଼ି ୱାସ୍ ମାତର୍ ଏଇଙ୍କ୍ ରୋଟି ନୁ ରେଣ୍ଡ୍ କିକେ ମିନ୍ଦେ ଇଞ୍ଜ କେତ୍ତଡ଼୍ ।
ନାରୁଡ଼୍କିଙ୍କ୍ ମାନ୍ଦା ମାନ୍ଦା ମାଡ଼ି ଗାଡ୍ତେ ପରୁ କୁସ୍ପାନଙ୍କ୍ ଜିସୁ ଶିଷ୍ୟନଡ଼୍କ୍ କେତ୍ତଣ୍ଡ୍ । ଅନ୍ ଗଟ୍ତେ ଲେକାମ୍ ନାରୁଡ଼୍କିଙ୍କ୍ ଲାଇନ୍ତେ ଶହେ ବା ପଚାଶ୍ ଲାକା କୁସ୍ପ୍ତଡ଼୍ । ତାନ୍ପେର୍କେ ଜିସୁ ଆୱୁ ଏଇଙ୍କ୍ ରୋଟି ନୁ ରେଣ୍ଡ୍ କିକେ ଅସ୍ ସ୍ୱର୍ଗପାକେ ପରୁଉଡ଼ି ମିକା ଇଶ୍ୱର୍ତିଙ୍କ୍ ଦନ୍ୟବାଦ୍ ଇତ୍ତଣ୍ଡ୍ । ମେଣ୍ଡେ ଆୱୁ ରୋଟିକିଙ୍କ୍ ଉସ୍ ନାରୁଡ଼୍ ପାକେ ସାରେତଡ଼୍କ୍ ତୁଉସିଦ୍ନଙ୍କ୍ ଶିଷ୍ୟନଡ଼୍କ୍ ଇତ୍ତଣ୍ଡ୍ । ସାରେତଡ଼୍ ତିଞ୍ଜ୍ ଡଙ୍କ୍ ନିହିତ୍ତଡ଼୍ । ତାନ୍ପେର୍କେ ଶିଷ୍ୟନଡ଼୍ ମିଗ୍ଲିମାନ୍ଦାନ୍ ରୋଟି ନୁ କିକେ ଦୁଡ଼ାକି ପେହେକି ବାରଟାନ୍ ଜୁଡ଼ିନାଗ୍ ନିହିତ୍ତଡ଼୍ । ବେନଡ଼୍ ଆଦ୍ କାଦ୍ୟ ତିଞ୍ଜ୍ମାତ୍ତଡ଼୍, ଅଡ଼୍ ଆଗାଙ୍କ୍ ଆସାମ୍ ମାନେଇତେ ମାନ୍ଦେ ମାତ୍ତେ ଏଇଙ୍କ୍ ହଜାର୍ ।
ଅଡ଼୍ ମୁନେଙ୍କ୍ ଗାଲ୍ ୱାସମାନ୍ନାଙ୍କ୍ ଶିଷ୍ୟନଡ଼୍ ଗାଟି ତିପାଲ୍ତେ ଓଡେ କହସ ମାନ୍ଦାନାଦ୍ ଅଣ୍ଡ୍ ଉଡ଼୍ତଣ୍ଡ୍ । ଆଙ୍କାଡ଼୍ତେ ନାର୍କା �� ଟା ତାଗାଙ୍କ୍ �� ଟା ଆଇନା ଜିସୁ ଏର୍ଦେ ପରୁ ତାକିତାକି ଅଡ଼୍ପାକେ ଗାର୍ରେ ହେଉତ୍ତଣ୍ଡ୍ । ଅଡ଼୍କିଂଙ୍କ୍ ହେରି ମିକା ଅଣ୍ଡ୍ ଆନେନ୍ । କିନ୍ତୁ ଅଙ୍କ୍ ଏର୍ଦେ ପରୁ ତାକାନାଦ୍ ଉଡ଼ି ଶିଷ୍ୟନଡ଼୍ ବୁତ୍ ଆଲ୍ସି ମର୍ପଇତ୍ତଡ଼୍ । ଅଙ୍କ୍ ଉଡ଼ି ଅଡ଼୍ ୱେର୍ସ୍ ମାତ୍ତଡ଼୍ । ତାନ୍ ପେର୍କେ ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ସାହାସ୍ ପୟିମ୍ ଇଣ୍ଡ୍ ନାନେ, ୱେର୍ମାଟ୍ ।" ଆଦ୍ କେସ୍ ଓଡେତାଗ୍ ତାର୍ତନ୍ ନୁ ଆସୁଙ୍ଗେ ଗାଲ୍ ମାଦ୍ତେ । ଶିଷ୍ୟନଡ଼୍ ଆଦ୍ଉଡ଼ି ବାକ୍ୱା ଆତ୍ତଡ଼୍,
ଜିସୁ ନାଲୁ ହଜାର୍ ନାରୁଡ଼୍କ୍ ତିତ୍ତଣ୍ଡ୍
ଆ ବେସ୍କ୍ ଦିନାତେ ପେର୍କେ ଅଣ୍ଡ୍ଦାମ୍ ନାର୍ଗେ ନାରୁଡ଼୍ ଜିସୁନ୍ ଗାରେ ଗୁଡ଼ିମାତ୍ତଡ଼୍ । ବେସୁଙ୍କ୍ ଅଡ଼ାଦ୍ କାଦି ତେର୍ତେ, ଜିସୁ ଶିଷ୍ୟଡ଼୍କିଙ୍କ୍ କାର୍ଙ୍ଗି କେତ୍ତଣ୍ଡ୍, ଇ ନାରୁଡ଼୍ ମୁଣ୍ଡ୍ଦିନା ଆତ୍ତେ ନା ଗାରେ ମିନ୍ଦେଡ଼୍ ଇଞ୍ଜେ । ଅଡ଼୍ କାୟ୍ଦେ ତିନ୍ଦାନ୍ ମାଇଦିଙ୍କ୍ ବାତା ଇଲ୍ୱାଙ୍କ୍ ନାକିଙ୍କ୍ ଦୁଃକାମ୍ ୱେସୁତ୍ । ଅଡ଼୍କିଂଙ୍କ୍ ତିୱ୍କଟ ୱିଡ଼୍ସିତ୍କେ, ମାଲ୍ସ୍ ଆଦାନ୍ ୱେଲେ ଅଡ଼୍ ଆଇଦ୍ତଡ଼୍ । ଅଡ଼୍ ଲୋପେଙ୍କ୍ ବେସ୍କ୍ତଡ଼୍ ନାର୍ଗେ ଦୁରାକଞ୍ଚ୍ ୱାସ୍ମିନ୍ଦେଡ଼୍ ।
ଶିଷ୍ୟଡ଼୍ ପାଚ୍ରାରା ମାଡ଼୍ତଡ଼୍, ଇଗ୍ ବାତ୍ଇଲ୍ୱେ ଜାଗାତାଗ୍ ଇସର୍ ନାରୁଡ଼୍କିଙ୍କ୍ ତିନ୍ଦାନ୍ ମାଇଦିଙ୍କ୍ ମାମ୍ ବେଗାକଞ୍ଚ୍ କାଦି ଯୋଗାଡ଼୍ ମାଡ଼୍ପାର୍ଦ୍ ତମ୍ ?
ଜିସୁ ପାଚ୍ରାରା ମାଡ଼୍ତଣ୍ଡ୍, ମି ଗାରେ ବେସ୍କ୍ ରୂଟି ମିନ୍ଦେ ?
ମାତର୍ ସାତ୍ଟାନେ ଇଞ୍ଜ ଅଡ଼୍ ଉତ୍ତର୍ ଇତ୍ତଣ୍ଡ୍ । ଜିସୁ ନାରୁଡ଼୍କିଙ୍କ୍ ନେଲ୍ କୁଦାନ୍ ମାଇଦିଙ୍କ୍ କେତ୍ତଣ୍ଡ୍ । ତାନ୍ପେର୍କେ ଆ ସାତ୍ଟାନ୍ ରୂଟିଙ୍କ୍ ଅସ୍ ଜିସୁ ଇଶ୍ୱର୍ତିଙ୍କ୍ ଦନ୍ୟବାଦ୍ ଇତ୍ତଣ୍ଡ୍ ନୁ ଆୱିଙ୍କ୍ ଉୱୁସ୍ ନାରୁଡ଼୍ ଲୋପେ ତୁସାନ୍ ମାଇଦିଙ୍କ୍ ଶିଷ୍ୟଡ଼୍ କାଇଦେ ଇତ୍ତଣ୍ଡ୍ । ଶିଷ୍ୟଡ଼୍ ଆୱିଙ୍କ୍ ତୁସ୍ତଡ଼୍ । ଅଡ଼୍ ଗାରେ ବେସ୍କ୍ ସୁଦୁରାୱ୍ କିକେ ଆନ୍ତେ ମାତ୍ତା । ଆଦିନ୍ ମାଇଦିଙ୍କ୍ ଅଣ୍ଡ୍ ଇଶ୍ୱର୍ତିଙ୍କ୍ ଅଣ୍ଡ୍ ମେଣ୍ଡ୍ନ୍ ଦାମ୍ ଦନ୍ୟବାଦ୍ ଇସ୍ ଆୱିଙ୍କ୍ ତୁଉସାନ୍ ମାଇଦିଙ୍କ୍ ଶିଷ୍ୟଡ଼୍କ୍ କେତ୍ତଣ୍ଡ୍ । ସାରେ ତଡ଼୍ ନାର୍ଗେ ତିଞ୍ଜ୍ ପାଞ୍ଚ୍ତଡ଼୍ । ମିଗିଲ୍ତାୱୁ ରୂଟି ସାତ୍ଟାନ୍ ଜୁଡ଼ିନାଗ୍ ପେଏକି ନେଏତ୍ତଡ଼୍ । ନାଲୁ ହଜାର୍ ନାରୁଡ଼୍ ଇ କାଦି ତିଞ୍ଜ୍ମାତ୍ତଡ଼୍ ନୁ ମିଗ୍ଲି ରାଲି ମାନ୍ଦାନ୍ ଉର୍ଙ୍ଗ୍ତାଉ ରୂଟିକିଙ୍କ୍ ଶିଷ୍ୟଡ଼୍ ପେହେକି ସାତ୍ଟାନ୍ ଜୁଡ଼ି ନିଃହ୍ତଡ଼୍ ।
ତୟ୍ ମାଡ଼୍ତିଙ୍କ୍ ଜିସୁ ଅବିଶାପ୍ ଇତ୍ତଣ୍ଡ୍
ତାନ୍ ମେଣ୍ଡନ୍ ଦିନେ ଅଡ଼୍ ବେତାନିତାଗାଙ୍କ୍ ମାଲ୍ଦାନ୍ ୱେଲେ ଜିସୁ କାର୍ୱିଙ୍କ୍ ଆତ୍ତଣ୍ଡ୍ । ଅଣ୍ଡୟ୍ ତୟ୍ ମାଡ଼୍ତାଗ୍ ନାର୍ଗେ ଆକି ମାନ୍ଦାନାଦ୍ ଅଣ୍ଡ୍ ଜୁୟ୍କଙ୍କ୍ ଉଡ଼୍ତଣ୍ଡ୍ । ଆଗେ କାୟା ମିନ୍ଦେ କି ଇଲ୍ଲେ, ଉଡ଼ାନ୍ ମାଇଦିଙ୍କ୍ ଜିସୁ ତାନ୍ ଗାର୍ରେ ଆତ୍ତଣ୍ଡ୍ । ଆଗେ ଆକିଙ୍କ୍ ୱିଡ଼୍ସି ବାତ୍ ମେଣ୍ଡେ ଉଡ଼ଣ୍ଡ୍, କାରନ୍ ଆସୁଟ୍ ତୟା ଆଦାନାଦ୍ ସମୟ୍ ଏୱକଟ ମାତ୍ତେ । ଜିସୁ ଆ ମାଡ଼୍ତିଙ୍କ୍ ଉଡ଼ି କେତ୍ତଣ୍ଡ୍, "ନିୟାଗାଙ୍କ୍ ବେନ ମେଣ୍ଡେ ବେସୁଙ୍କ୍ବା କାୟା ତିନ୍ଦାନଙ୍କ୍ ପାହେମ୍ ଆୟଡ଼୍ ।" ଶିଷ୍ୟଡ଼୍ ଇଦ୍ କେଞ୍ଜ୍ତଡ଼୍ ।
ତୟ୍ ମାଡ଼୍ତାଗାଙ୍କ୍ ଶିକ୍ଷା
ତାନ୍ମେଣ୍ଡ ଦିନ୍ ନାର୍କୁକେ ଅଡ଼୍ ଆର୍ଦାଲା ଆଦାନ୍ୱେଲେ ଉଡ଼୍ତଡ଼୍ ଆ ତୟା ମାଡ଼୍ ମଦଲ୍ କଞ୍ଚ୍ ୱାସିମିନ୍ଦେ । ମୁନେତ୍ ଦିନାତ୍ ଗଟ୍ ହେର୍କେ ମାଡ଼ି ପିତର୍ ଜିସୁଙ୍କ୍ କେତ୍ତଣ୍ଡ୍, "ଗୁରୁ ଉଡ଼େ ନି ତଡ଼୍ ଅବିଶାପ୍ ଆସ୍ମାନ୍ଦାନ୍ ତୟା ମାଡ଼୍ ଡଲିମିନ୍ଦେ ।"
ଜିସୁ ଉତ୍ତର୍ ଇତ୍ତଣ୍ଡ୍, "ଇଶ୍ୱର୍ ତିଙ୍କ୍ ବିଶ୍ୱାସ୍ ମାଡ଼ାଟ୍ । ନାନ୍ ନିଜାମ୍ ମିକିଂଙ୍କ୍ କେତୁତାନ୍, ଯଦି ବେନ ଇ ମେଟେତିଙ୍କ୍ ତେଦିଆଞ୍ଜ୍ ସନ୍ଦୁର୍ତାଗ୍ ରାଲାନ୍ ମାଇଦିଙ୍କ୍ କେତିତଣ୍ଡ୍ ନୁ ମନ୍ଦାଗ୍ ସନ୍ଦେହ ନେହ୍ୱକଟ, ଅଣ୍ଡ୍ ବାତେ କେତ୍ତଣ୍ଡ୍, ଆଦ୍ ଆଦ୍ତେ ଇଞ୍ଜ ବିଶ୍ୱାସ୍ ମାଡ଼ିତଣ୍ଡ୍, ଆଲାଇତ୍କେ ଆଦ୍ ନିଜାମ୍ ଗଟେମ୍ ଆଦ୍ତେ । ଅଦିନ୍ ମାଇଦିଙ୍କ୍ ନାନ୍ କେତୁତାନ୍ ପ୍ରାର୍ତନା ମାଡ଼ାନ୍ ୱେଲେ ବାତ୍ ତାଲ୍କୁତିଡ଼୍, ଆୱ୍ ଦର୍କ୍ତା ଇଞ୍ଜ ବିଶ୍ୱାସ୍ ମାଡ଼ାଟ୍, ଆଲାଇତ୍କେ ଆୱ୍ ମିଡ଼୍ ନିଜାମ୍ ପାହେମ୍ ଆଦ୍ତିଡ଼୍ । ପ୍ରାର୍ତନା ମାଡ଼ାନ୍ ମାଇଦିଙ୍କ୍ ନିତ୍ତେ ୱେଲେ, ଯଦି ବେନନ୍ ବିରୁଦ୍ତେ ମିୟାଦ୍ ବାତେ କେତାନାଦ୍ ମାନ୍ତ୍ତେ, ଆଦିଙ୍କ୍ କ୍ଷେମା ମାଡ଼ିମୁଟ୍ । ଆଲାଇତ୍କେ ମି ସ୍ୱର୍ଗତେ ବାବାଲ୍ ଇଶ୍ୱର୍ ମିୟାଦ୍ ସାରେ ଦଷ୍ କ୍ଷେମା ମାଡ଼ିତଣ୍ଡ୍ ।"
ଜିସୁ ପ୍ରତମ୍ ଶିଷ୍ୟଙ୍କ୍ କାରଙ୍ଗ୍ତଣ୍ଡ୍
ଅଣ୍ଡ୍ ଦିନେ ଜିସୁ ଗିନେସର୍ତ ସାୱୁଡ଼େ ଆଞ୍ଚିନାଗ୍ ନିଶ୍ ମାତ୍ତଣ୍ଡ୍, ମେଣ୍ଡେ ନାରୁଡ଼୍ ଅନ୍ ବାକ୍ୟ କେଞ୍ଜାନଙ୍କ୍ ତୁର୍ସାତୁର୍ସି ଆସମାତ୍ତଡ଼୍; ମେଣ୍ଡେ, ଅଣ୍ଡ୍ ସାୱୁଡ଼େ ଆଞ୍ଚିନାଗ୍ ରେଣ୍ଡ୍ ଓଡା ମାନ୍ଦାନାଦ୍ ଉଡ଼୍ତ୍ତଣ୍ଡ୍; କିକେ ପଇତାନଡ଼୍ ଆଗାକନ୍ସ୍ ଡିଗି ଜାରି ନର୍ସ୍ ମାତ୍ତଡ଼୍ । ଆୱ ଅଡ଼୍ ଲୋପେ ବେଦ୍ ଶିମୋନ୍ ଡ଼ାଦ୍ ମାତ୍ତେ, ଆଗେଅଣ୍ଡ୍ ତାରି ବୂମ୍କନ୍ସ୍ ସୁଦୁର୍ ଜେକେ ଆଦାନ୍ ସେଙ୍ଗେ ଅଂକିଙ୍କ୍ ଅନୁରଦ୍ ମାଡ଼୍ତଣ୍ଡ୍; ମେଣ୍ଡେ, ଅଣ୍ଡ୍ ଓଡ଼େତାଗ୍ କୁଦି ନାରୁଡ଼୍କିଂଙ୍କ୍ ଶିକ୍ଷା ହିଦାଙ୍କ୍ ପସ୍ପିତ୍ତଣ୍ଡ୍ ।
ଅଣ୍ଡ୍ ଗଟି ତେର୍ସ୍ପି "ଶିମୋନ୍ ତିଙ୍କ୍ କେତ୍ତଣ୍ଡ୍, କୁଇଙ୍ଗ୍ ଏର୍ ଦାଗେ ଆଞ୍ଜ୍ କିକେ ପଇତାନ୍ ସେଙ୍ଗେ ମିୱାଦ୍ ଜାରି ୱାଟାଟ୍ ।
ଇଗେତିସ୍ନ୍ ଶିମୋନ୍ କେତ୍ତଣ୍ଡ୍, ହୋ ଗୁରୁ, ମାମ୍ ନିଟେ ନାର୍କେ ତିପାଲ୍ ମାଡ଼ି ବାତେଏ ପୟ୍ମ୍; ବାତେଙ୍କ୍ ଇତ୍କେ ନି ଗଟ୍ ତେ ନାନ୍ ଜାରି ୱାଟିତାନ୍ ।" ମେଣ୍ଡେ, ଅଡ଼୍ ଆଦ୍ ୱାଟି ଗାଟି କିକେ ପୟିତ୍ତଡ୍, ମେଣ୍ଡେ ଅଡ଼୍ୱାଦ୍ ଜାରି ଦେଗାଙ୍କ୍ ଲେକାମ୍ ହାତ୍ତା । ଆଗେ ତାମ୍ ବେନ୍ ଉଦାର୍ ଆତ୍ତେନଡ଼୍ ବାଗାତ୍ ଓଡେ ତାଗ୍ ମାତ୍ତଡ଼୍, ଅଡ଼୍ ବେଲା ୱାସ୍ ସାହାଯ୍ୟ ମାଡ଼ିତ୍ତଡ଼୍, ଇଦିନ୍ ସେଙ୍ଗେ ଅଡ଼୍ ଅଡ଼୍କିଂଙ୍କ୍ କାଇଦେ କାରଙ୍ଗ୍ତଡ଼୍ । ଇଗେ ଅଡ଼୍ ୱାସ୍ ରେଣ୍ଡ୍ ଓଡାକିଂଙ୍କ୍ ଇଦ୍ ରକମ୍ ସାରେ ମାଡ଼ିତଡ୍ ଯେ ଆୱ ମୁଡୁନ୍ଦାନ୍ ରକମ୍ ଆତ୍ତା । "ବାତେଙ୍କ୍ ଇତ୍କେ ଶିମୋନ୍ ପିତର୍ ଇଦ୍ ଉଡ଼ି ଜିସୁନ୍ ଡେକାନ୍ ମଦଲ୍ ମଡ଼୍କି କେତ୍ତଣ୍ଡ୍, ହୋ ପ୍ରବୁ, ନାୟାଗ୍ କଞ୍ଜ୍ ଆଦାନଙ୍କ୍ ଆଇମ୍, ବାତେଙ୍କ୍ ନାନ୍ ୱେରଣ୍ଡ୍ ପାପି ନାରୁନ୍ ।"
ବାତେଙ୍କ୍ ଇତ୍କେ ଅଡ଼୍ ଆଗେ ୱିଡ଼୍ସଡ଼୍ କିକେ ପଡ଼ିୟିହିତ୍ତଡ଼୍ ଯେ, ଆଦ୍ ଉଡ଼ି ଶିମୋନ୍ ନୁ ତାମ୍ ସାଙ୍ଗଡ଼୍ ସାରେତଡ଼୍ ବାକ୍ୱା ଆତ୍ତଡ଼୍; ମେଣ୍ଡେ, ଜେବଦିତେ ଇଡ଼ିୱୁଡ଼୍ ମାର୍କ୍ ଯାକୁବ୍ ନୁ ଯୋହନ୍, ବେନଡ଼୍ ଶିମୋନ୍ତେ ସାଙ୍ଗଡ଼୍ ମାତ୍ତଡ଼୍, ଅଡ଼୍ ମିକା ଆଦ୍ ରକମ୍ ବାକ୍ୱା ଆତ୍ତଡ଼୍ । ମେଣ୍ଡେ, ଜିସୁ ଶିମୋନ୍ତିଙ୍କ୍ କେତ୍ତଣ୍ଡ୍, "ନା ତଡ଼୍ ୱାଡ଼ାଟ୍ । ନାନ୍ ମିକିଂଙ୍କ୍ ନାରୁଡ଼୍କିଂଙ୍କ୍ ପଇତାନାଦ୍ ନାଡ଼୍ସ୍ପିତ୍ତାନ୍ ।"
ଆଗେଙ୍କ୍ ଅଡ଼୍ ସାଙ୍ଗେ ସାଙ୍ଗେ ଅଡ଼ାୱୁ ୱାଲା ୱିଡ଼୍ସି ଅନ୍ ତଡ଼୍ ପେର୍କେ ଆତ୍ତଡ଼୍ ।
ଜିସୁ ଏର୍ ଗାଲ୍ଦିଙ୍କ୍ ଶାନ୍ତି ମାଡ଼ିତନ୍
ଅନ୍ଦିନେ ଜିସୁ ନୁ ତାମ୍ ଶିଷ୍ୟଡ଼ତେ ୱେରଡ଼୍ ଓଡ଼େତାଗ୍ ତାର୍ତଣ୍ଡ୍, ମେଣ୍ଡେ ଅଣ୍ଡ୍ ଅଡ଼୍କିଂଙ୍କ୍ କେତ୍ତଣ୍ଡ୍, "ୱାଡ଼ାଟ୍, ସାୱୁଡ଼େତେ ମେଣ୍ଡେ ଅଣ୍ଡ୍ ପାକେ ଆଦିକାଡ଼୍ ।" ଆସୁଣ୍ଟ୍ ଅଡ଼୍ ଓଡେତିଙ୍କ୍ କୁସ୍ପିତଡ଼୍ । ଇତ୍କେ ଅଟାତ୍ ଅଡ଼୍ ଓଡେତିଙ୍କ୍ ଚାଲାମାଡ଼ି ଆଦାନ୍ ୱେଲେ ଜିସୁ ଉଞ୍ଜିମାତ୍ତଣ୍ଡ୍ । ଆସୁଣ୍ଟ୍ ଷାୱୁଡ଼େତାଗ୍ ତୁପାନ୍ ଆତ୍ତେ, ମେଣ୍ଡେ ଅଡ଼ାଦ୍ ଓଡ଼େତାଗ୍ ଏର୍ ନିଣ୍ଡାନଙ୍କ୍ ପସ୍ପିତ୍ତେ ନୁ ଅଡ଼୍ ବିପଦ୍ ତାଗ୍ ରାୟତଡ଼୍ । ଆସୁଣ୍ଟ୍ ଶିଷ୍ୟଡ଼୍ ଗାର୍ରେ ୱାସ୍ ଅଂକିଙ୍କ୍ ତେଇସ୍ କେତ୍ତଡ଼୍, "ହୋ ଗୁରୁ, ହୋ ଗୁରୁ, ମାନାଡ଼୍ ଡଲ୍ତାଡ୍ ।" ଇଗେତିସ୍ନ୍ ଅଣ୍ଡ୍ ତେଦି ଗାଲ୍ ନୁ ବେଡ଼େୟାଦ୍ ତଲ୍କଡ଼୍ ତିଙ୍କ୍ ଦମକ୍ ହିତ୍ତଣ୍ଡ୍, ମେଣ୍ଡେ ଆୱ ସାରେ କଟଆସ୍ ଶାନ୍ତି ଆତ୍ତେ । ମେଣ୍ଡେ, ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ମିୱାଦ୍ ବିଶ୍ୱାସ୍ ବେଗେ ?" ବାତେଙ୍କ୍ ଇତ୍କେ ଅଡ଼୍ ୱେର୍ସ୍ ନୁ ବାକ୍ୱା ଆସ୍ ନିଜେନିଜେ କେତାଙ୍କ୍ ପସ୍ପ୍ତ୍ତଡ଼୍, "ଇଣ୍ଡ୍ ଆଲାତ୍କେ ବେନ ଯେ, ଅଣ୍ଡ୍ ଗାଲ୍ ନୁ ଏର୍ଦିଙ୍କ୍ ମିକା ଗଟ୍ ହିତ୍କେ, ଆୱ ଅନ୍ୱାଦ୍ ଗଟ୍ କେଞ୍ଜିତା ।"
ଜିସୁ ଏର୍ ଗାଲ୍ଦିଙ୍କ୍ ଶାନ୍ତି ମାଡ଼ିତନ୍
ଅନ୍ଦିନେ ଜିସୁ ନୁ ତାମ୍ ଶିଷ୍ୟଡ଼ତେ ୱେରଡ଼୍ ଓଡ଼େତାଗ୍ ତାର୍ତଣ୍ଡ୍, ମେଣ୍ଡେ ଅଣ୍ଡ୍ ଅଡ଼୍କିଂଙ୍କ୍ କେତ୍ତଣ୍ଡ୍, "ୱାଡ଼ାଟ୍, ସାୱୁଡ଼େତେ ମେଣ୍ଡେ ଅଣ୍ଡ୍ ପାକେ ଆଦିକାଡ଼୍ ।" ଆସୁଣ୍ଟ୍ ଅଡ଼୍ ଓଡେତିଙ୍କ୍ କୁସ୍ପିତଡ଼୍ । ଇତ୍କେ ଅଟାତ୍ ଅଡ଼୍ ଓଡେତିଙ୍କ୍ ଚାଲାମାଡ଼ି ଆଦାନ୍ ୱେଲେ ଜିସୁ ଉଞ୍ଜିମାତ୍ତଣ୍ଡ୍ । ଆସୁଣ୍ଟ୍ ଷାୱୁଡ଼େତାଗ୍ ତୁପାନ୍ ଆତ୍ତେ, ମେଣ୍ଡେ ଅଡ଼ାଦ୍ ଓଡ଼େତାଗ୍ ଏର୍ ନିଣ୍ଡାନଙ୍କ୍ ପସ୍ପିତ୍ତେ ନୁ ଅଡ଼୍ ବିପଦ୍ ତାଗ୍ ରାୟତଡ଼୍ । ଆସୁଣ୍ଟ୍ ଶିଷ୍ୟଡ଼୍ ଗାର୍ରେ ୱାସ୍ ଅଂକିଙ୍କ୍ ତେଇସ୍ କେତ୍ତଡ଼୍, "ହୋ ଗୁରୁ, ହୋ ଗୁରୁ, ମାନାଡ଼୍ ଡଲ୍ତାଡ୍ ।" ଇଗେତିସ୍ନ୍ ଅଣ୍ଡ୍ ତେଦି ଗାଲ୍ ନୁ ବେଡ଼େୟାଦ୍ ତଲ୍କଡ଼୍ ତିଙ୍କ୍ ଦମକ୍ ହିତ୍ତଣ୍ଡ୍, ମେଣ୍ଡେ ଆୱ ସାରେ କଟଆସ୍ ଶାନ୍ତି ଆତ୍ତେ । ମେଣ୍ଡେ, ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ମିୱାଦ୍ ବିଶ୍ୱାସ୍ ବେଗେ ?" ବାତେଙ୍କ୍ ଇତ୍କେ ଅଡ଼୍ ୱେର୍ସ୍ ନୁ ବାକ୍ୱା ଆସ୍ ନିଜେନିଜେ କେତାଙ୍କ୍ ପସ୍ପ୍ତ୍ତଡ଼୍, "ଇଣ୍ଡ୍ ଆଲାତ୍କେ ବେନ ଯେ, ଅଣ୍ଡ୍ ଗାଲ୍ ନୁ ଏର୍ଦିଙ୍କ୍ ମିକା ଗଟ୍ ହିତ୍କେ, ଆୱ ଅନ୍ୱାଦ୍ ଗଟ୍ କେଞ୍ଜିତା ।"
ଜିସୁ ୱେର୍ଣ୍ଡ୍ ବୁତ୍ ପଇତ୍ତେ ନାରୁଙ୍କ୍ ସୁସ୍ଥ ମାଡ଼ତଣ୍ଡ୍
ପେର୍କେ ଜିସୁ ନୁ ଶିଷ୍ୟଡ଼୍ ଗାଲିଲୀତେ ମୁନେତ୍ ପାକେ ଆପାକେ ଗରାଶୀୟନଡ଼୍ତେ ପଡ଼ିୟେତାଗ୍ ହେୱତ୍ତଡ୍ ।
ହା ଦିନାମ୍ତେ ଦିନାମ୍ ମୁଲ୍ପୁଟ୍ ଆଦାଙ୍କ୍ ଆଞ୍ଜମାତ୍ତେ; ମେଣ୍ଡେ ବାରଜାନ୍ ଶିଷ୍ୟଡ଼୍ ଜିସୁନ୍ ଗାର୍ରେ ୱାସ୍ କେତ୍ତଡ଼୍, "ନାରୁଡ଼୍ ବେଦ୍ପୁଟୁଙ୍କ୍ ଗାର୍ରେ ନାକିନାଗ୍ ଆଞ୍ଜ୍ ନୁ ନଗର୍ତାଗ୍ ଆଞ୍ଜ୍ କାଦି ତିନ୍ତଡ଼୍, ଅଦିନ୍ ମାଇଦିଙ୍କ୍ ରଅସିମ୍, ବାତେଙ୍କ୍ ଇତ୍କେ ମାନାଡ଼୍ ଇଗେ ବାତେଏ ଇଲ୍ୱେ ପଡ଼ିୟେତାଗ୍ ମିନ୍ଦେଡ଼୍ ।"
ବାତେଙ୍କ୍ ଇତ୍କେ ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ମିଡ଼େ ଅଡ଼୍କିଂଙ୍କ୍ ତିନ୍ଦାନ୍ ମାଇଦିଙ୍କ୍ ହିମୁଟ୍ ।" ଅଡ଼୍ କେତ୍ତଡ଼୍, "ମା ଗାର୍ରେ ଏଇଙ୍ଗ୍ ରୂଟି ନୁ ରେଣ୍ଡ୍ କିକେ ମିନ୍ଦେ ଆୱିଙ୍କ୍ ୱିଡ଼୍ସି ମେଣ୍ଡେ ମାୟାଗ୍ ବାତା ଇଲେ । ଆଲାତ୍କେ ମାନାଡ଼୍ ଆଞ୍ଜ୍ ବାତା ଇଡ଼୍ସାର୍ ନାରୁଡ଼୍ ମାଇଦିଙ୍କ୍ କାଦି ଆସିତାଡ଼୍ ?" ଅଡ଼୍ ସାର୍ରେତଡ଼୍ ଏଇଙ୍ଗ୍ ହଜାର୍ ନାରୁଡ଼୍ ମାତ୍ତଡ଼୍ । ମେଣ୍ଡେ, ଜିସୁ ତାମ୍ ଶିଷ୍ୟଡ଼କ୍ କେତ୍ତଣ୍ଡ୍, "ପାଚାଶ୍ ପାଚାଶ୍ ନାରୁଡ଼୍କ୍ ମାନ୍ଦେ ମାନ୍ଦେ ମାଡ଼ି କୁସ୍ପାଟ୍ ।"
ଆସୁଟେ ଅଡ଼୍ ରକମ୍ ସାର୍ରେ ତଡ଼୍କିଂଙ୍କ୍ କୁସ୍ପ୍ତଡ଼୍ । ଜିସୁ ଆୱ୍ ଏଇଙ୍ଗ୍ ରୂଟି ନୁ ରେଣ୍ଡ୍ କିକେ ଆସ୍ ସ୍ୱର୍ଗତ୍ ପାକ୍ ମୁନ୍ମାଡ଼ି ଆୱ୍ଚାରେ ଆର୍ଶିବାଦ୍ ମାଡ଼୍ତଣ୍ଡ୍, ନାରୁଡ଼୍ ମୁନେ ଉଉସ୍ ମେଣ୍ଡେ, ଅଡ଼୍ ନାରୁଡ଼୍କ୍ ହିଦ୍ନ୍ ମାଇଦିଙ୍କ୍ ଶିଷ୍ୟଡ଼କ୍ ହିତ୍ତଣ୍ଡ୍ । ମେଣ୍ଡେ ସାରେତଡ଼୍, ତିଞ୍ଜ୍ ପାଞ୍ଜ୍ତଡ଼୍, ଅଡ଼୍ ମେଣ୍ଡେ ଅଡ଼ାୱୁ ମିଗ୍ଲିମାନ୍ଦାନ୍ ଉରୁଙ୍ଗ୍ତେ ରୂଟି ସାରେ ବାର୍ଟାନ୍ ଜୁଡ଼ୀନାଗ୍ ପେହେକି ନିହ୍ତଡ଼୍ ।
କାନାଲ୍ ପେଣ୍ଡୁଲ୍ ବଜିତାଗ୍ ଜିସୁ
ରେଣ୍ଡ୍ ଦିନା ପେର୍କେ ଗାଲିଲୀ ନାର୍ ୱେରଡ଼୍ ପେଣ୍ଡୁଲ୍ ଆତ୍ତେ, ମେଣ୍ଡେ ଜିସୁନ୍ ୟାୟ୍ ଆଗେ ମାତ୍ତେ; ଜିସୁ ଆନ୍ତେ ନିଜେତ୍ ଶିଷ୍ୟଡ଼୍ ତଡ଼୍ ଆଦ୍ ପେଣ୍ଡୁଲ୍ତାଗେ ୱାତ୍ତଡ଼୍ । ପେର୍କେ ଦ୍ରାକ୍ଷାରସ୍ ତେରି ଆତ୍ତାଙ୍କ୍ ଜିସୁନ୍ ୟାୟ୍ ଅଂକିଙ୍କ୍ କେତ୍ତେ, "ଅଡ଼ାଦ୍ ଦ୍ରାକ୍ଷାରସ୍ ତେରିଆତ୍ତେ ।"
ଆସୁଟେ ଜିସୁ ତାଙ୍କ୍ କେତ୍ତଣ୍ଡ୍, "ନି ତଡ଼୍ ନାୱାଦ୍ ବାତ୍ ଇଲେ, ନାକିଂଙ୍କ୍ ବାତେଙ୍କ୍ ଆଦିନାଗ୍ କାସ୍ପମାତ୍ତି ? ନାୟାଦ୍ ଦିନାମ୍ ଇଞ୍ଜେକ୍ ଆୟ୍ନା ହେୱକେ ।"
ତାମ୍ ୟାୟ୍ ତୁସାନଡ଼୍କିଙ୍କ୍ କେତ୍ତେ, "ଅଣ୍ଡ୍ ମିକିଂଙ୍କ୍ ବାତେମେଣ୍ଡେ କେତିତଣ୍ଡ୍, ଆଦ୍ ମାଡ଼ାଟ୍ ।"
ମେଣ୍ଡେ, ଆଗେ ଯିହୁଦୀନାରୁଡ଼ାଦ୍ ଶୁଚିଆଦାନ୍ ନିୟମ୍ ଲେକାମ୍ତେ ରେଣ୍ଡ୍ ବା ମୁଣ୍ଡ୍ ମହଣିଆ ଆରୁଟାନ୍ କାଲ୍କିନ୍ କୁଣ୍ଡା ନେହେସ୍ ମାତ୍ତଡ଼୍ । ଜିସୁ ଦାସଡ଼୍କିଂଙ୍କ୍ କେତ୍ତଣ୍ଡ୍, "କୁଣ୍ଡାନାଗ୍ ଏର୍ ବର୍ତ୍ତି ମାଡ଼ାଟ୍ ।" ଆସୁଟେ ଅଡ଼୍ ହାଉସାରେ ନିଣ୍ଡ୍ନା ଯାକ ବର୍ତ୍ତି ମାଡ଼୍ତଡ଼୍ । ମେଣ୍ଡେ, ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ଇଞ୍ଜେ ଟେଣ୍ଡି ଅସ୍ ବଜିତ୍ ମୁକ୍ୟାନ୍ ଗାର୍ରେ ଆୟ୍ମୁଟ୍," ଆସୁଟେ ଅଡ଼୍ ଅତ୍ତଡ଼୍ । ବଜିତେ ମୁକ୍ୟାଲ୍ ଦ୍ରାକ୍ଷାରସ୍ ଆସ୍ମାନ୍ଦାନ୍ ଆଦ୍ ଏର୍ଦିଙ୍କ୍ ନାକି ଆଦ୍ ବେଗାଙ୍କ୍ ୱାତ୍ତେ ଇଦ୍ ପୁନକଟ୍ ମାତ୍ତଣ୍ଡ୍ ବାତେଙ୍କ୍ ଇତ୍କେ ଇଦ୍ ବେଗାଙ୍କ୍ ୱାତ୍ତେ ଆଦ୍ ଦାସଡ଼୍ ପୁଞ୍ଜ୍ ମାତ୍ତଡ଼୍, ଆଗାଙ୍କ୍ ଅଣ୍ଡ୍ ବରତିଙ୍କ୍ କାର୍ଙ୍ଗି କେତ୍ତଣ୍ଡ୍, "ସାରେତଡ଼୍ ମୁନେଙ୍କ୍ତେ ସାୟେତ୍ ଦ୍ରାକ୍ଷାରସ୍ ହିଦ୍ତଡ଼୍, ମେଣ୍ଡେ ନାରୁଡ଼୍ ଆସ୍ତେ ୱେୟ୍, ପିନ୍ଦ୍ୱାଦ୍ ହିଦ୍ତଡ଼୍; ମିଡ଼୍ ହି ଯାକ ସାୟେତାଦ୍ ଦ୍ରାକ୍ଷାରସ୍ ନେହେସ୍ ମିନ୍ଦେଡ଼ି ।"
ଜିସୁ ହିଦ୍ଲେକାମ୍ ଗାଲିଲି ନାର୍ତେ ମୁନେଙ୍କ୍ତେ ବାକ୍ୱାକାମ୍ ଆରମ୍ଭମାଡ଼ି ନିଜେତ୍ ମହିମା ମାଡ଼୍ଡ଼ିତ୍ତନ୍, ମେଣ୍ଡେ ଅନ୍ ଶିଷ୍ୟଡ଼୍ ଅଂକିଙ୍କ୍ ବିଶ୍ୱାସ୍ ମାଡ଼୍ତଡ଼୍ ।
ବାତେଙ୍କ୍ ଇତ୍କେ ଅଣ୍ଡ୍ ପିଲିପ୍ତିଙ୍କ୍ ପରିକ୍ଷା ମାଡ଼୍ତେ ଲେକାମ୍ ଇଲା କେତ୍ତଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍ ବାତେଏ ମାଡ଼ାଙ୍କ୍ ଆଞ୍ଜମିନ୍ଦେଣ୍ଡ୍, ଆଦ୍ ଅଣ୍ଡ୍ ନିଜେ ପୁଞ୍ଜ୍ମାତ୍ତଣ୍ଡ୍ ।
ପିଲିପ୍ ଅଂକିଙ୍କ୍ ଉତ୍ତର୍ ହିତ୍ତଣ୍ଡ୍, "ସାରେତଡ଼୍ ସୁଦୁର୍ ପାହେମ୍ଆଦାନ୍ ମାଇଦିଙ୍କ୍ ଇଡ଼୍ ସେଙ୍ଗେ ରେଣ୍ଡ୍ ୱାନ୍ଦା ଦିନାରୀତେ ରୂଟି ଆସର୍ ଆୟ୍ୟ ।"
ଶିମୋନ୍ ପିତର୍ତେ ଦାଦାଲ୍ ଆନ୍ଦ୍ରିୟ ପେଦେର୍ତଣ୍ଡ୍ ଅଡ଼୍ ଶିଷ୍ୟଡ଼୍ ଲୋପେଙ୍କ୍ ୱେରଣ୍ଡ୍ ଅଂକିଙ୍କ୍ କେତ୍ତଣ୍ଡ୍, "ଇଗ୍ ୱେରଣ୍ଡ୍ ପେକାଲ୍ ମିନ୍ଦେଣ୍ଡ୍, ଅନ୍ଆଗେ ଏଇଙ୍ଗ୍ ରୂଟି ନୁ ରେଣ୍ଡ୍ ୱାୱ୍ତାଉ କିକେ ମିନ୍ଦେ, ବାତେଙ୍କ୍ ଇତ୍କେ ଇସର୍ ନାରୁଡ଼୍ ମାଇଦିଙ୍କ୍ ଆୱ୍ ଆସର୍ ଆୟ୍ୟ ।"
ଜିସୁ ଶିଷ୍ୟଡ଼୍କ୍ କେତ୍ତଣ୍ଡ୍, "ନାରୁଡ଼୍କିଂଙ୍କ୍ କୁସ୍ପାଟ୍ ।" ଆଦ୍ ପଡ଼ିୟେତାଗ୍ ଗାଟି ଗାଡ଼୍ ମାତ୍ତେ, ଆଦ୍ ଗାଡ଼୍ ପର୍ର ସାରେତଡ଼୍ କୁଦ୍ତଡ଼୍ । ସାରେ ଏଇଙ୍ଗ୍ ହଜାର୍ ନାରୁଡ଼୍ ଆଗେ କୁଦ୍ତଡ଼୍ । ଆସୁଟେ ଜିସୁ ଆ ରୂଟିଙ୍କ୍ ଅସ୍ ଦନ୍ୟବାଦ୍ ଇସ୍ କୁଦିମାନ୍ଦାନ୍ ନାରୁଡ଼୍କିଂଙ୍କ୍ ଆୱ୍ ତୁଉସିତ୍ତଣ୍ଡ୍, ଆଦେ ପୁଟୁଙ୍କ୍ କିକେ ଆନ୍ତେ ତୁଉସିତ୍ତଣ୍ଡ୍, ଅଡ଼୍ ବେସର୍ ଇଚ୍ଛା ମାଡ଼୍ତଡ଼୍ ଆସର୍ ଇତ୍ତଡ଼୍ । ମେଣ୍ଡେ, ଅଡ଼୍ ତିଞ୍ଜ୍ ପାଞ୍ଜ୍ତେ ପେର୍କେ, ଜିସୁ ତାନ୍ ଶିଷ୍ୟଡ଼୍କିଂଙ୍କ୍ କେତ୍ତଣ୍ଡ୍, "ମିଗ୍ଲି ମାନ୍ଦାନ୍ ଉର୍ଙ୍ଗ୍ତେ ଦୁଡ଼ାକିଂଙ୍କ୍ ୱେରଡ଼୍ ଆଗେ ଗୁଡ଼୍ପାଟ୍ ।" ବେଦ୍ପୁଟୁଙ୍କ୍ ବାତେବା ନଷ୍ଟ ଆୟ୍ମାକି, ଆସୁଟେ ଅଡ଼୍ ହାୱୁସାରେ ୱେରଡ଼୍ ଆଗେ ଗୁଡ଼୍ପ୍ତଡ଼୍, ମେଣ୍ଡେ ନାରୁଡ଼୍ତିତ୍ ପେର୍କେ ଏଇଙ୍ଗ୍ ରୂଟିନାଗାଙ୍କ୍ ବେନା ଉର୍ଙ୍ଗ୍ତେ ଦୁଙ୍କ୍କାକିଂଙ୍କ୍ ମିଗ୍ଲି ମାତ୍ତା, ଆଗାଙ୍କ୍ ଅଡ଼୍ ବାର୍ଟାନ୍ ଜୁଡ଼ିନାଗ୍ ବର୍ତ୍ତି ମାଡ଼୍ତଡ଼୍ ।
ଶିଷ୍ୟଡ଼୍ ଇଲ୍କେତାଗ୍ ଏଇଙ୍ଗ୍ ବା ଆରୁ କିଲମିଟର୍ ଜେକେ ଓଡା ଆତ୍ତେୱେୟ୍, ଜିସୁ ଏର୍ଦା ପର୍ର ତାକି ଓଡେତ୍ ଗାର୍ରେ ୱାସମାନ୍ଦାନାଦ୍ ଉଡ଼ି ୱେର୍ତଡ଼୍ । ବାତେଙ୍କ୍ ଇତ୍କେ ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ଇଣ୍ଡ୍ ତ ନାନ୍, ୱେରେ ମାଟ୍ ।" ତାନ୍ପେର୍କେ ଅଡ଼୍ ଅଂକିଙ୍କ୍ ଓଡେତେ ଆଦାନଙ୍କ୍ ଇଚ୍ଛା ମାଡ଼୍ତଡ଼୍, ମେଣ୍ଡେ ଅଡ଼୍ ବେନ୍ ପଡ଼ିୟେତାଗ୍ ଆଞ୍ଜମାତ୍ତଡ଼୍, ଓଡ୍ ସାଙ୍ଗେ ସାଙ୍ଗେ ଆଦ୍ ଆଞ୍ଚିନାଗ୍ ହେୱ୍ତେ ।
ସାତ୍ଜାନ୍ ଶିଷ୍ୟଡ଼୍ ଜିସୁଙ୍କ୍ ଉଡ଼୍ତଡ଼୍
ପେର୍କେ ଜିସୁ ତିବିରୀୟା ସମୁଦ୍ର ଆଞ୍ଚିନାଗ୍ ଶିଷ୍ୟଡ଼୍କ୍ ମେଣ୍ଡଅନ୍ଦାମ୍ ଦର୍ଶନ୍ ହିତ୍ତଣ୍ଡ୍ । ଅଣ୍ଡ୍ ଇଦ୍ ରକମ୍ ଦର୍ଶନ୍ ହିତ୍ତଣ୍ଡ୍; ଶିମୋନ୍ ପିତର୍, ତୋମା, ବେନଙ୍କ୍ ଦିଦୁମ୍ କେତିତଡ଼୍, ଗାଲିଲୀତେ କାନାନଡ଼୍ ନିତନିୟେଲ୍, ଜେବଦିତେ ମାର୍କିଡ଼୍ ନୁ ତାନ୍ ଶିଷ୍ୟଡ଼୍ ଲୋପେକେ ମେଣ୍ଡେ ଇର୍ୱୁଡ଼୍ ଅଣ୍ଡୟାଗେ ମାତ୍ତଡ଼୍ । ଶିମୋନ୍ ପିତର୍ ଅଡ଼୍କିଂଙ୍କ୍ କେତ୍ତଣ୍ଡ୍, "ନାନ୍ କିକେ ପଇଦାନଙ୍କ୍ ଆଦୁତାନ୍ ।" ଅଡ଼୍ ଅଂକିଙ୍କ୍ କେତ୍ତଡ଼୍, "ମାମ୍ମେ ମିକା ନି ତଡ଼୍ ଆଦ୍ତମ୍ ।" ଅଡ଼୍ ପେଇସ୍ ଆଞ୍ଜ୍ ଓଡାତାଗ୍ ତାର୍ତଡ଼୍, ମେଣ୍ଡେ ଅଡ଼୍କିଂଙ୍କ୍ ଆଦ୍ ନାର୍କା ୱାଲା ୱାଟ୍ତଡ଼୍ ବାତେଙ୍କ୍ ଇତ୍କେ ବାତେମିକା ଦର୍କ । ବାତେଙ୍କ୍ ଇତ୍କେ ୱିଇଦାନ୍ ୱେଲେ ଜିସୁ ଆଞ୍ଚିନାଗ୍ ନିତ୍ତଣ୍ଡ୍; ମିକା ଅଣ୍ଡ୍ ଜିସୁ ହିଞ୍ଜ ଶିଷ୍ୟଡ଼୍ ପୁନଡ଼୍ । ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ପିଲାନଡ଼ି ମିୟାଗେ ବାତେଏ ତିନ୍ଦାନାଦ୍ ମିନ୍ଦେ ?" ଅଡ଼୍ ଅଂକିଙ୍କ୍ ଉତ୍ତର୍ ହିତ୍ତଡ଼୍, "ଇଲେ ।"
ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ଓଡେତ୍ ତିନ୍ଦେକାଇଦା ପାକ୍ ୱାଲା ୱାଟାଟ୍ ତ, ଆସୁଟେ ମିକିଂଙ୍କ୍ ଦର୍କିତା ।" ଆଗାଙ୍କ୍ ଅଡ଼୍ ୱାଲା ୱାଟ୍ତଡ଼୍, ମେଣ୍ଡେ ଗାଟି କିକେ ୱାଲାତାଗ୍ ହାର୍ତା ଅଡ଼୍ ୱାଲେତିଙ୍କ୍ ପିଡ଼ିଙ୍ଗାଙ୍କ୍ ପାର୍ୱଡ଼୍ ।
ଜିସୁ ବେନ୍ ଶିଷ୍ୟଙ୍କ୍ ପ୍ରେମ ମାଡ଼ମାତ୍ତଣ୍ଡ୍, ଅଣ୍ଡ୍ ପିତର୍ତିଙ୍କ୍ କେତ୍ତଣ୍ଡ୍, "ଇଣ୍ଡ୍ ତ ପ୍ରବୁ ।" ଶିମୋନ୍ ପିତର୍ ଇଣ୍ଡ୍ ତ ପ୍ରବୁ ଇଞ୍ଜ କେତାନାଦ୍ କେଞ୍ଜି ତାନ୍ ଚକା କେର୍ସ୍ ସମୁଦ୍ରତାଗ୍ ତୁଲ୍ତଣ୍ଡ୍; ବାତେଙ୍କ୍ ଇତ୍କେ ବାଗାତ୍ ଶିଷ୍ୟଡ଼୍ କିକେ ମାନ୍ଦାନ୍ ୱାଲେତିଙ୍କ୍ ପିଡ଼ିଙ୍ଗି ସୁଦୁର୍ ଓଡାତାଗ୍ ୱାତ୍ତଡ଼୍, ବାତେଙ୍କ୍ ଇତ୍କେ ଅଡ଼୍ କୂଳତ୍ ଗାର୍ରେ ଦୁଇଶହ କାୟ୍ ଜେକେ ମାତ୍ତଡ଼୍ । ଅଡ଼୍ ଆଞ୍ଚିନାଗ୍ ଡିଗି ଆଗେ ଇର୍କିନାଗ୍ କିସ୍, ମେଣ୍ଡେ ତାନ୍ ପରୁ ୱାଟ୍ତାଉ ସୁକୁକ୍ କିକେ ନୁ ରୂଟି ୱାଟି ମାନ୍ଦାନାଦ୍ ଉଡ଼୍ତଡ଼୍ । ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ମିଡ଼୍ ଇଞ୍ଜେ ବେନା କିକେ ପୟିତ୍ତିଡ଼୍, ଆଗାଙ୍କ୍ ସୁକୁକ୍ ତାଡ଼ାଟ୍ ।"
ଶିମୋନ୍ ପିତର୍ ଆଞ୍ଜ୍ ଶହେ ପାଚାଶ୍ମୁଣ୍ଡ୍ ବେଡ଼୍ୟା କିକେ ନିଣ୍ଡିମାନ୍ଦାନ୍ ୱାଲେତିଙ୍କ୍ ଆଞ୍ଚିନାଗ୍ ପିଡ଼ିଙ୍ଗି ତାତ୍ତଡ଼୍; ଆସର୍ କିକେଙ୍କ୍ ମିକା ୱାଲା ଦେଗ ।
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
ଜିସୁ ୱେରନ୍ ରୋମିୟ ସେନାପତିନ୍ ଦାସଙ୍କ୍ ସୁସ୍ଥ ମାଡ଼୍ତଣ୍ଡ୍
ଜିସୁ କଫର୍ନାହୁମ୍ ସହର୍ତାଗ୍ ହେଉତ୍ତେ ସାଙ୍ଗେ ସାଙ୍ଗେ ୱେରନ୍ ରୋମିୟ ସେନାପତି ଅଂକିଙ୍କ୍ କାଇଲି ଅନୁରଦ୍ ମାଡ଼ି କେତ୍ତଣ୍ଡ୍, "ପ୍ରବୁ, ନାୱଣ୍ଡ୍ ୱେରଣ୍ଡ୍ ଦାସ ରୋଗ୍ତେ ମିନ୍ଦେଣ୍ଡ୍ । ଅଣ୍ଡ୍ ମେଇଲାଙ୍କ୍ ପାର୍ୱନ୍, ଗାଟି କଷ୍ଟ ଆଦୁତନ୍ ।"
ଜିସୁ ଅଂକିଙ୍କ୍ କେତ୍ତଣ୍ଡ୍, "ନାନ୍ ୱାସ୍ ଅଂକିଙ୍କ୍ ସୁସ୍ଥ ମାଡ଼ିତାନ୍ ।"
ସେନାପତି କେତ୍ତଣ୍ଡ୍, "ଇଲେ, ପ୍ରବୁ, ନିମ୍ ନା ଲନ୍ ୱାଦ୍ତିନ୍, ନାନ୍ ହିଦ୍ଲେକାମ୍ ଯୋଗ୍ୟ ନାରୁନ୍ ଆୟନ୍ । ନିମ୍ ମାତର୍ ୱେରଡ଼୍ ପଦ୍ କେସିମ୍, ନା ଦାସ ସୁସ୍ଥ ଆଦ୍ତନ୍ । ନା ପର୍ରତ୍ ଦାସନ୍ ଗଟ୍ତେ ନାନ୍ ପାଡ଼୍ୟି ମାଡ଼୍କେ ମିକା ନା ଗଟ୍ତେ ନାର୍ଗେ ସୈନିକିଡ଼୍ ମିନ୍ଦେଡ଼୍ । ଅଡ଼୍ ଲୋପେଙ୍କ୍ ଅର୍ତୁଙ୍କ୍ ଯଦି ନାନ୍ ‘ଆନ୍’ ଇଞ୍ଜ୍ କେତିତାନ୍, ଅଣ୍ଡ୍ ଆଦ୍ତନ୍ । ମେଣ୍ଡେ ଅର୍ତୁଙ୍କ୍ ‘ୱାଡ଼େ’ ଇଞ୍ଜ କେତ୍କେ, ଅଣ୍ଡ୍ ୱାଦ୍ତନ୍ । ନା ଦାସଙ୍କ୍ ‘ହିଦ୍ମାଡ଼େ ହିଞ୍ଜ’ କେତ୍କେ ଅଣ୍ଡ୍ ଆଦ୍ ମାଡ଼ିତନ୍ ।"
ଜିସୁ ଆଦେକେଞ୍ଜି ବାକ୍ୱା ଆତ୍ତନ୍ ନୁ ମେଣ୍ଡେ ଅନ୍ ପେର୍କେ ୱାଦାନଡ଼କ୍ କେତ୍ତଣ୍ଡ୍, "ନାନ୍ ସତ୍ କେତୁତାନ୍, ଇଶ୍ରାୟେଲ୍ତେ ବେନ୍ ନାରୁନ୍ନାଗ୍ ଇଣ୍ଡ୍ ନାରୁନ୍ ଲେକାମ୍ ବିଶ୍ୱାସ୍ ନାନ୍ ଉଡ଼ନ୍ । ଏର୍କା ମାଡ଼ାଟ୍, ମୁନେତ୍ ଦେଶ୍ତାଗାଙ୍କ୍ ନୁ ପଡ଼ଦ୍ଆଦାନ୍ ଦେଶ୍ତାଗାଙ୍କ୍ ନାର୍ଗେ ନାରୁଡ଼୍ ୱାସ୍ ସ୍ୱର୍ଗ ରାଜ୍ୟତାଗ୍ ଅବ୍ରାହାମ୍, ଇସ୍ହାକ୍ ନୁ ଯାକୁବ୍ ଅଣ୍ଡୟାଗେ କାର୍ଙ୍ଗି ତିନ୍ଦାନଙ୍କ୍ କୁଦିତଡ଼୍ । ବାତେଙ୍କ୍ ଇତ୍କେ ବେନଡ଼୍ ଇ ରାଜ୍ୟତାଗ୍ ମାନ୍ଦାନ୍ ମାତ୍ତେ ଅଡ଼୍କିଂଙ୍କ୍ ବାଇଦେ ଇକାଡ଼୍ତାଗ୍ ୱାଟିଦ୍ତଡ଼୍ । ଆଗେ ଅଡ଼୍ କେଇକେଇ ପାଲ୍କ୍ କର୍କିତଡ଼୍ ।" ଜିସୁ ସେନାପତିଙ୍କ୍ କେତ୍ତଣ୍ଡ୍, "ଲୋନ୍ ଆନ୍ । ନିମ୍ ବାତେଏ ବିଶ୍ୱାସ୍ ମାଡ଼ୁତି, ଆଦେକେ ଆଦ୍ତେ ।" ଟିକ୍ ଆଦ୍ ସମୟ୍ତେ ସେନାପତିନ୍ ଦାସ ସୁସ୍ଥ ଆତ୍ତନ୍ ।
ହିର୍ୱୁଡ଼୍କ୍ ବୁତ୍ପୟ୍ତେ ନାରୁଡ଼୍କ୍ ଜିସୁ ସୁସ୍ଥ ମାଡ଼୍ତଣ୍ଡ୍
ଜିସୁ ଇଲ୍କେତ୍ ମେଣ୍ଡନ୍ ପାକେ ଗଦରିୟ ଯାଗାତାଗ୍ ଆସ୍ତେ ସାଙ୍ଗେ ସାଙ୍ଗେ ହିର୍ଉଡ଼୍ ନାରୁଡ଼୍କ୍ କାହିଲ୍ତଣ୍ଡ୍ । ଅଡ଼୍ ସମାଦି ପାଡ଼୍କିନ୍ ଲୋପେ ମାଞ୍ଜମାତ୍ତଡ଼୍ । ଅଡ଼୍ ବୁତ୍ ପହିତେନଡ଼୍ ନୁ ଗାଟି ବୟଙ୍କାର୍ ମାତ୍ତଡ଼୍ ଆଦ୍ ଆର୍ ଇସ୍ ଆଦ୍ଦା ୱାଦା ମାଡ଼ାଙ୍କ୍ ବେନମିକା ସାହାସ୍ ମାଡ଼ାଙ୍କ୍ ପାର୍ୱେ ମାତ୍ତଡ଼୍ । ଅଡ଼୍ ଜିସୁଙ୍କ୍ ଉଡ଼୍ତେ ସାଙ୍ଗେ ସାଙ୍ଗେ ଗାଟିଲେଙ୍କ୍ଦେ କେତ୍ତଡ଼୍, "ହୋ ଇଶ୍ୱର୍ତେ ମାର୍ ! ମାୟାଗ୍ କଞ୍ଜ୍ ନିମ୍ ବାତ୍ଇଚ୍ଛା ହାଦୁତିନ୍ ? ମାୱାଦ୍ ଦିନାମ୍ ହେଉୱାକେ ମାକିଂଙ୍କ୍ ବାତ୍ ଦଣ୍ଡ୍ ହିଦାଙ୍କ୍ ୱାତ୍ତିନ୍ ?"
ଆଗାଙ୍କ୍ ସୁଦୁଟ୍ ଦୁରାମ୍ ପାଦ୍ ମାନ୍ଦେ ମେୟମାତ୍ତା । ଆ ନାରିଡ଼୍ ଲୋପେ ମାନ୍ଦାନ୍ ବୁତ୍କ୍ ଜିସୁଙ୍କ୍ ଅନୁରଦ୍ ମାଡ଼ିକେତ୍ତା, "ମାକିଙ୍କ୍ ଯଦି ତଲାନଙ୍କ୍ ଇଚ୍ଛା ମାଡୁତିନ୍ ଆଲାଇତ୍କେ, ଆଉ ମାନ୍ଦେପାଦିନ୍ ଲୋପେ ରହସିମ୍ ।"
ଜିସୁ କେତ୍ତଣ୍ଡ୍ "ଆନୁଟ୍ । ବୁତ୍କ୍ ସାଙ୍ଗେ ସାଙ୍ଗେ ନାରୁଙ୍କ୍ ୱିଡ଼୍ସି ମାନ୍ଦେପାଦିନ୍ ଲୋପେ ହସ୍ତା । ପାଦି ମିରିଆଞ୍ଜ୍ ନୁ ମେଟେତ୍ ଆଞ୍ଚ୍ ମଦଲ୍ ଡିଗି ଇଲ୍କେତାଗ୍ ରାଲି ଡଲ୍ତା ।"
ପାଦି କେପାନ୍ ନାରୁଡ଼୍ ଗାର୍ରେତ୍ ସହର୍ତାଗ୍ ମିରିଆଞ୍ଜ୍ ବୁତ୍ପଇତେ ନଣ୍ଡ୍ ସେଙ୍ଗେ ବାତ୍ ଗଟେମ୍ଆତ୍ତେ ନୁ ମେଣ୍ଡେ ବାଗାତ୍ ସାରେ ଗଟି ଆଗେ କେସଡ଼୍ ଉଡ଼୍ତଡ଼୍ । ଆସୁଟେ ଆଦ୍ ସହର୍ତେ ସାରେତଡ଼୍ ଜିସୁଙ୍କ୍ କାଇଲାନ୍ ସେଙ୍ଗେ ପେଇତଡ଼୍ ମେଣ୍ଡେ ଅଂକିଙ୍କ୍ କାହିଲି ଆଦ୍ ପଡ଼ିୟେ ୱିଡ଼୍ସି ଆଦାନ୍ ସେଙ୍ଗେ ଅଂକିଙ୍କ୍ ଅନୁରଦ୍ ମାଡ଼୍ତଡ଼୍ ।
ଜିସୁ ୱେରଣ୍ଡ୍ କନ୍ଦାଙ୍କ୍ ତିରିୟାନ୍ ଶକ୍ତି ହିତ୍ତଣ୍ଡ୍
ଅଡ଼୍ ଆଦାନ୍ ୱେଲେ ବେସ୍କ୍ତୁଡ଼୍ ନାରୁଡ଼୍ ୱେରଣ୍ଡ୍ କନ୍ଦାଙ୍କ୍ ଜିସୁନ୍ ଗାର୍ରେ ତାତ୍ତଡ଼୍ । ଅଂକିଙ୍କ୍ ବୁତ୍ ପଇସ୍ ମାତ୍ତାଙ୍କ୍ ଅଣ୍ଡ୍ କନ୍ଦାଲ୍ ଆସ୍ ମାତ୍ତଣ୍ଡ୍ । ଜିସୁ ଅନ୍ ମେନ୍ଦୁଲ୍ତେ କନ୍ସ୍ ବୁତ୍ତିଙ୍କ୍ ପେସ୍ପ୍ତେ ସାଙ୍ଗେ ସାଙ୍ଗେ ଅଣ୍ଡ୍ ଗଟି ତିରିୟାଙ୍କ୍ ପସ୍ପ୍ତଣ୍ଡ୍ । ସାରେତଡ଼୍ ବାକ୍ୱା ଆସ୍ କେତ୍ତଡ଼୍, "ଇସ୍ରାଏଲ୍ ଦେଶ୍ତାଗ୍ ମାମ୍ମେ ଇଦ୍ରକମ୍ ପାଡ଼୍ୟି ବେସୁଙ୍କ୍ ଉଡ଼୍ୱେ ମାତ୍ତମ୍ ।"
ଜିସୁ ନୁ ବାଆଲ୍ଜିବୁଲ୍
ତାନ୍ ପେର୍କେ ଅନ୍ ଦିନ୍ ନାରିଡ଼୍ ୱେରଙ୍କ୍ କାନାଙ୍କ୍ ନୁ କନ୍ଦାଙ୍କ୍ ତାତ୍ତଡ଼୍ । ଅଙ୍କ୍ ବୁତ୍ ପୟ୍ତାଙ୍କ୍ ଗଟି ତିର୍ୟାନଙ୍କ୍ ପାର୍ୱେମାତ୍ତନ୍ । ଜିସୁ ଅଂକିଙ୍କ୍ ସୁସ୍ଥ ମାଡ଼୍ତଣ୍ଡ୍ । ଅଣ୍ଡ୍ ଉଡ଼େପାର୍ତନ୍ ନୁ ତିର୍ୟାଙ୍କ୍ ପାର୍ତନ୍ ।
ୱେରଡ଼୍ ନାଟାଡ଼୍ତେ ବିଶ୍ୱାସ୍
ଜିସୁ ଆଦ୍ ପଡ଼ିୟେ ୱିଡ଼୍ସି ସୋର୍ ନୁ ସୀଦନ୍ ନାର୍ ଆତ୍ତନ୍ । ଆଗେ ମାନ୍ଦାନ୍ ୱେର୍ଡ଼୍ କିନାନିୟ ନାଟାଡ଼୍ ୱାସ୍ ଗାଟିଲେଙ୍କ୍ ଦେ କେତାଙ୍କ୍ ପସ୍ପ୍ତେ, "ହୋ ପ୍ରବୁ, ଦାଉଦ୍ତେ ମାର୍, ନାକିଂଙ୍କ୍ ଦୟାମାଡ଼େ, ନା ପିକ୍ତିଙ୍କ୍ ବୟଙ୍କାର୍ ବୁତ୍ ପଇତେ ।"
ବାତେଙ୍କ୍ ଇତ୍କେ ଜିସୁ ଆଦିଙ୍କ୍ ଅଣ୍ଡ୍ ପଦ୍ମିକା ଉତ୍ତର୍ ହିୱଣ୍ଡ୍ । ଶିଷ୍ୟନଡ଼୍ ଅନ୍ ଗାର୍ରେ ୱାସ୍ ଅନୁରଦ୍ ମାଡ଼୍ତଡ଼୍, "ଆଦିଙ୍କ୍ ଯାପେ ଆତ୍ତାଙ୍କ୍ କେଲ୍ମୁଟ୍ । ଉଡ଼ାଟ୍ ଆଦ୍ ବେଦ୍ଲେକାମ୍ ମର୍ପଇସ୍ ମାନ୍ ପେର୍କେ ୱାଦୁତ୍ ।"
ବାତେଙ୍କ୍ ଇତ୍କେ ଜିସୁ ଉତ୍ତର୍ ହିତ୍ତନ୍, ନାନ୍ନେ ଇସ୍ରାଏଲ୍ ବଂଶତେ "ମାହିମାନ୍ଦାନ୍ ମେଣ୍ଢାନ୍ ସେଙ୍ଗେ ମେଣ୍ଡେ ବେନ ପାକେ ୱାଡ଼ନେ ।"
ବାତେଙ୍କ୍ ଇତ୍କେ ଆଦ୍ ନାଟାଡ଼୍ ୱାସ୍ ଅଂକିଙ୍କ୍ ମଡ଼୍କ୍ କି କେତାଙ୍କ୍ ପସ୍ପ୍ତେ, "ହୋ ପ୍ରବୁ, ନାକିଂଙ୍କ୍ ସାହାଯ୍ୟ ମାଡ଼େ ।"
ମାତର୍ ଜିସୁ କେତ୍ତାନ୍, "ପିଲାନ୍ ଚାକୁର୍ ଅସ୍ ନେୟ୍କିନାଗ୍ ୱାଟାନାଦ୍ ଆୟ୍ୟ ।"
ନାଟାଡ଼୍ କେତ୍ତେ, "ଆଦ୍ ସତ୍ ପ୍ରବୁ, ବାତେଙ୍କ୍ ଇତ୍କେ ନେୟ୍କ୍ ମିକା ମେଜତ୍ମଦଲ୍ ମୁନିବର୍ ହେଙ୍ଗୁଲ୍ ତିନ୍ଦାଙ୍କ୍ ଦର୍କିତ୍ ।"
ଆଗାଙ୍କ୍ ଅଣ୍ଡ୍ ଆଦିଙ୍କ୍ କେତ୍ତାନ୍, "ହୋ ନାଟାତନି, ନିୟାଦ୍ ବେଡ଼ିଇ ବିଶ୍ୱାସ୍," ନି ଇଚ୍ଛାତେ ନି ଲେକାମ୍ ଆୟି । ଆଦ୍ ଦଣ୍ଡତାଗାଙ୍କ୍ ତାନ୍ ମାୟାଡ଼୍ ସୁସ୍ଥ ଆତ୍ତେ ।
ଜିସୁ ବୂତ୍ପଇତେ ପେକାଙ୍କ୍ ସୁସ୍ଥ ମାଡ଼୍ତଣ୍ଡ୍
ଜିସୁ ନୁ ତାନ୍ ଶିଷ୍ୟନଡ଼୍ ନାରୁଡ଼୍ ଗଓଲି ଲୋପେଙ୍କ୍ ମାଲ୍ସ୍ ୱାଦାନ୍ ୱେଲେ ୱେରନ୍ ନାରୁଡ଼୍ ଗାର୍ରେୱାସ୍ ମର୍ମିଣ୍ଡା ଉସ୍ କେତ୍ତାନ୍, "ପ୍ରବୁ, ନା ମାରିଙ୍କ୍ ଦୟା ମାଡ଼େ । କୁନ୍ଦେଲ୍ ରଗ୍ ଲେକାମ୍ ଅଣ୍ଡ୍ ନାର୍ଗେ ଦାମ୍ କିସ୍ ବା ଏର୍ଦାଗ୍ ରାଲ୍ତନ୍ । ଅଂକିଙ୍କ୍ ନାନ୍ ନି ଶିଷ୍ୟଡ଼ା ତାସ୍ମାତ୍ତାନ୍; ବାତେଙ୍କ୍ ଇତ୍କେ ଅଡ଼୍ ଅଂକିଙ୍କ୍ ସୁସ୍ଥମାଡ଼ାଙ୍କ୍ ପାର୍ୱଡ଼୍ ଆଦ୍ତଡ଼୍ ।"
ଜିସୁ କେତ୍ତାନ୍ "ମିଡ଼୍ ବିଶ୍ୱାସ୍ ଆୟ୍ୱିଡ଼୍ ନୁ ନଷ୍ଟ; ମିଇ ତଡ଼୍ ନାନ୍ ବେସ୍କ୍ ଦିନାମାନ୍ନ୍ଦାନ୍ ? ମେଣ୍ଡେ ବେସ୍କ୍ ୱାଡ଼୍ଷା ମିୟାଦ୍ ବ୍ୟବହାର୍ ସାରେ ମାଡ଼ିତାନ୍ ? ଆଦ୍ ପେକାଙ୍କ୍ ନା ପାକେ ତାଡ଼ାଟ୍ ।" ପେକାନ୍ ଲୋପେ ବୁତ୍ତିଙ୍କ୍ ଜିସୁ ଦମକ୍ ଇତ୍ତନ୍ । ବୁତ୍ ଅଂକିଙ୍କ୍ ୱିଡ଼୍ସି ଆତ୍ତେ ନୁ ଆସୁଙ୍କ୍ ପେକାଲ୍ ସୁସ୍ଥ ଆତ୍ତନ୍ ।
ଆସୁଙ୍କ୍ ୱେରନ୍ ବୁତ୍ପଇତେ ନାରୁଡ଼୍ ପ୍ରାର୍ତନା ଲୋନ୍ ନେହେଙ୍ଗି ମିକା କିଡ଼୍କ୍ତନ୍ । "ହୋ ନାଜରିତିୟ ଜିସୁ, ମା ତଡ଼୍ ନିୟାଦ୍ ବାତ୍ ସମ୍ପର୍କ ? ନିମେ ବାତେଏ ମାକିଂଙ୍କ୍ ଦ୍ୱଂସ ମାଡ଼ାନଙ୍କ୍ ଇଗେ ୱାତ୍ତିନ୍; ନିମ୍ ଇଶ୍ୱର୍ତାଗାଙ୍କ୍ ୱାସ୍ମାନ୍ଦାନ୍ ଆ ପବିତ୍ର ନାରୁନୀ ।"
ଜିସୁ ଆସୁଙ୍କ୍ ଦମକ୍ ଇସ୍ କେତ୍ତନ୍; "ଶାନ୍ତି ଆୟମ୍ ! ଇ ନାରୁନ୍ ଲୋପେଙ୍କ୍ ପେଇସ୍ ଆନ୍ ।
ଆ ବୁତ୍, ଆ ନାରିଙ୍କ୍ ଗାଟି ୱାଡ଼୍ସ୍କି, ଗାଟି ଲେଙ୍ଗ୍ ମାଡ଼ି ଅନ୍ ମେନ୍ଦୁଲ୍ତାଗାଙ୍କ୍ ପେଇସ୍ ଆତ୍ତେ ।
ବାହିନୀ ବୁତ୍ପଇତେ ନାରୁଙ୍କ୍ ଜିସୁ ସାୟେ ମାଡ଼୍ତନ୍
ଜିସୁ ନୁ ତାନ୍ ଶିଷ୍ୟନଡ଼୍ ଗାଲିଲୀ ବେଡ଼େମ୍ ମେଣ୍ଡନ୍ ପାକେ ଗରାଶୀୟନଡ଼୍ ନାର୍ଦାଗ୍ ହେଉତ୍ତଡ଼୍ । ଜିସୁ ଓଡେତାଗାଙ୍କ୍ ଡ଼ିଗାନ୍ ସାଙ୍ଗେ ସାଙ୍ଗେ ଆଗେ ମାନ୍ଦାନ୍ କବର୍ ବା ପାଡ଼୍କିନ୍ ଲୋପେଙ୍କ୍ ୱେରନ୍ ବୁତ୍ପଇତେ ନାରୁନ୍ ୱାସ୍ ଅଙ୍କ୍ କାଇଲ୍ତନ୍ । ଅଣ୍ଡ୍ ୱିସ୍କିନାଗ୍ ମାନ୍ନୁନ୍ । ବେନ ଅଙ୍କ୍ ଇକ୍ଲେମ୍ତ ମିକା ତଅତ୍ତେ ପାର୍ୱେ ମାନ୍ମାନ । ଅଣ୍ଡ୍ କାଇକିନାଉ ଇକ୍ଲେମ୍ ଦେହେସ୍ ମାତ୍ତନ୍ ନୁ ଡେକାନ୍ ବେଡ଼ି ଉୱୁସ୍ ମାନ୍ନୁନ୍ । ଅନାହୁ କାଇକ୍ ଡ଼େକା ଇକ୍ଲେକ୍ ତହସ୍ ମାତ୍ତଡ଼୍ । କିନ୍ତୁ ଅଙ୍କ୍ ପଇତାନ୍ ସେଙ୍ଗେ ବେନନାଦ୍ ଶକ୍ତି ଇଲ୍ଲେ । ଅଣ୍ଡ୍ ନାର୍କା ପାୟାଲ୍ ମେଟାନାଗ୍ ନୁ ୱିଷ୍କିନାଗ୍ ଉଡମାନ୍ନୁନ୍, କିଡ଼୍କି ମିକା କାଲ୍କିନାଗ୍ ନିଜେତ୍ ମେନ୍ଦୁଲ୍ତିଙ୍କ୍ ଚିହ୍ନା ମାଡ଼ମାତ୍ତଣ୍ତ୍ ।
ସୁଦୁଟ୍ ଯେକା ଜିସୁଙ୍କ୍ ଉଡ଼ି ଅଣ୍ଡ୍ ମିରିୱାସ୍ ଅନ୍ ମୁନେ ମର୍ମିଣ୍ଡା ଇସ୍, ଗାଟିଲେଙ୍ଗ୍ଦେ କେତ୍ତାନ୍, "ହୋ ସର୍ବୋପରିସ୍ଥ ଇଶ୍ୱର୍ତେ ମାର୍ ଜିସୁ ! ନା ପାକେ ନିୟାଦ୍ ବାତେ ପାଡ଼୍ୟି ? ଇଶ୍ୱର୍ତେ ପେଦେର୍ତେ କେତୁତାନ୍, ନାକିଙ୍କ୍ ଯନ୍ତ୍ରଣା ଇମା ।" ଅଣ୍ଡ୍ ଇଦ୍ଗଟ୍ କେତ୍ତନ୍, ବାତେଙ୍କ୍ ଇତ୍କେ ଆସୁଙ୍କ୍ ଅନାଗେ ମାନ୍ଦାନ୍ ବୁତ୍କିଂଙ୍କ୍ ପେଇସ୍ ଆଦାନ୍ ସେଙ୍ଗେ କେସମାତ୍ତନ୍ ।
ଜିସୁଅଙ୍କ୍ କେତ୍ତନ୍, "ନି ପେଦେର୍ ବାତ୍ତେ ?" ଅଣ୍ଡ୍ ଉତ୍ତର୍ ହିତ୍ତନ୍, "ନା ପେଦେର୍ ବାହିନୀ ।"
"ମାମେ ନାର୍ଗେ ।" ଆୱିକିଂଙ୍କ୍ ଆଦ୍ ନାର୍ଦାଗାଙ୍କ୍ ଯେକା ତଲ୍ମାଟ୍ ଇଞ୍ଜ ଅଣ୍ଡ୍ ଜିସୁଙ୍କ୍ କେତାନଙ୍କ୍ ପସ୍ପ୍ତନ୍ ।
ଗାର୍ରେ ମାନ୍ଦାନ୍ ମେଟେତାଗ୍ ମାନ୍ଦେ ପାଦି ମେୟ ମାତ୍ତା । ବୁତ୍କ୍ ଜିସୁଙ୍କ୍ ଅନୁରଦ୍ ମାଡ଼ି କେତ୍ତା, "ଆୱୁ ପାଦି ମାନ୍ଦେ ଲୋପେ ନେଙ୍ଗାନ୍ ସେଙ୍ଗେ ମାକିଙ୍କ୍ ଇମ୍ ।" ଜିସୁ କେସ୍ ଇତ୍ତନ୍ ନୁ ବୁତ୍କ୍ ଆ ନାରୁନାଗାଙ୍କ୍ ପେଇସ୍ ୱାସ୍ ପାଦି ମାନ୍ଦେ ଲୋପେ ନେଙ୍ଗ୍ତା ନୁ ସାରେ ରେଣ୍ଡ୍ହଜାର୍ ପାଦି ଗାଟି ଉର୍ଗିଙ୍କ୍ ମିରି ମେଟେତ୍ ଜୁଟିନାଗାଙ୍କ୍ ରାଲ୍ଲି ମୁଡ଼୍ନ୍ଦି ଡଲ୍ତା ।
ପାଦିଙ୍କ୍ କେପାନଡ଼୍ ମିରିଆଞ୍ଜ୍ ଇଦ୍ କବର୍ ସହର୍ ନୁ ଗାରେମାନ୍ଦାନ୍ ନାକିନାଗ୍ କେସ୍ସିତ୍ତଡ଼୍ । ବାତେ ଗଟେମ୍ ଆତ୍ତେ, ଉଡ଼ାନଙ୍କ୍ ନାର୍ଗେ ନାରୁଡ଼୍ ଆତ୍ତଡ଼୍ ।
ମି ପାକେ ବାତ୍ତେ ମିନ୍ଦେ ଆଦ୍ ୟାୟବାବାଙ୍କ୍ ସାହାଯ୍ୟ ମାଡ଼ାନାଦ୍, ଇଦ୍ରକମ୍ ଶିକ୍ଷା ଇଦ୍ତଣ୍ଡ୍, କିନ୍ତୁ ମିଡ଼୍ ବାତ୍ କେତୁତିଡ଼୍ ଆଦ୍ ଇଶ୍ୱର୍ତିଙ୍କ୍ "କୁର୍ବାନ୍," ମାଡ଼ାଟ୍, ଇଦିନ୍ ଅର୍ତ ଇଶ୍ୱର୍ତିଙ୍କ୍ ଇମୁଟ୍, ୟାୟ୍ବାବାଙ୍କ୍ ସାହାଯ୍ୟ ମାଡ଼ାନ୍ ଦାୟିତ୍ୟତାଗାଙ୍କ୍ ମୁକ୍ତ ଆଦ୍ତିଡ଼୍, ଇଦ୍ଲେକାମ୍ ୱେର୍ ଅର୍ତୁଙ୍କ୍ ଇଦାନାଦ୍ ମିୟାଦ୍ ଶିକ୍ଷା ଇଶ୍ୱର୍ତେ ଆଜ୍ଞାତିଙ୍କ୍ ଫାଲନ୍ ମାଡ଼ୁତ୍ । ହିଦ୍ଲେକାମ୍ ମେଣ୍ଡେ ନାର୍ଗେ ପାଡ଼୍ୟି ମିଡ଼୍ ମାଡ଼ୁତିଡ଼୍ ।
ନାରୁଙ୍କ୍ ବାତେ ଅପବିତ୍ର ମାଡ଼ୁତେ
ଜିସୁ ମେଣ୍ଡନ୍ଦାମ୍ ନାରୁଡ଼୍କିଙ୍କ୍ କାର୍ଙ୍ଗି କେତ୍ତଣ୍ଡ୍, "ନା ଗଟ୍ ମନ୍ଇସ୍ କେଞ୍ଜାଟ୍ ନୁ ବୁଜେମ୍ ଆଦାଙ୍କ୍ ଚେଷ୍ଟା ମାଡ଼ାଟ୍ । ବାୟ୍ଦେତ୍ ବାତ୍ ବିଷୟ୍ ନେଙ୍ଗି ଅଂକିଙ୍କ୍ ଅପବିତ୍ର ମାଡ଼୍ପାର୍ୱ । ବରଂ ବେନ୍ ବିଷୟ୍ ନାରୁତେ ଲୋପେଙ୍କ୍ ବାୟ୍ଦେ ପେୟ୍ତିତ୍, ଆଦେ କେ ଅଂକିଙ୍କ୍ ଅପବିତ୍ର ମାଡ଼ିତ୍ ।"
ଅଣ୍ଡୟ୍ ନାଟାଡ଼୍ତେ ବିଶ୍ୱାସ୍
ତାନ୍ପେର୍କେ ଜିସୁ ଆଦ୍ ପଡ଼୍ୟି ୱିଡ଼୍ସି ଶହର୍ ଗାରେମାନ୍ଦାନ୍ ଅଞ୍ଚଲତାଗ୍ ଆତ୍ତଣ୍ଡ୍ । ଆଗେ ଅଣ୍ଡ୍ ୱେରଡ଼୍ ଲୋନ୍ ନେଙ୍ଗି ପୁନ୍ୱେକଟ ମାନ୍ଦାନ୍ ମାଇଦିଙ୍କ୍ ଇଚ୍ଛା ମାଡ଼୍ତଣ୍ଡ୍, କିନ୍ତୁ ଅଣ୍ଡ୍ ଲୋପେ ମାନ୍ଦ୍ପାର୍ୱଣ୍ଡ୍ । ୱେରଡ଼୍ ନାଟାଡ଼୍ତେ ମାୟାଡ଼୍ତିଙ୍କ୍ ବୁତ୍ ପୟିସ୍ ମାତ୍ତେ । ଜିସୁନ୍ ୱାଦାନ୍ ଗଟ୍ କେଞ୍ଜି ଆଦ୍ ଅନ୍ଗାରେ ୱାସ୍ ଅନ୍ ଡେକେତ୍ ମଦଲ୍ ରାଲ୍ତେ । ଆଦ୍ ମାତ୍ତେ ସୁରପୈନିକି ଅଞ୍ଚଲ୍ତେ ଗ୍ରୀକ୍ ଅଣଇହୁଦିଲ୍ । ତାନ୍ ମାୟାଡ଼୍ ତାଗାଙ୍କ୍ ବୁତ୍ ୱିଡ଼୍ସ୍ପାନ୍ ମାଇଦିଙ୍କ୍ ଆଦ୍ ଜିସୁଙ୍କ୍ କେତ୍ତେ । କିନ୍ତୁ ଜିସୁ ଉତ୍ତର୍ ହିତ୍ତଣ୍ଡ୍, ନିଜର୍ ପିଲାଙ୍କ୍ ମୁନେଙ୍କ୍ ତିହିତ୍ ୱେୟ୍ତିତ୍ । ପିଲାନ୍ କାଦି ଅସ୍ ନେୟ୍କିନ୍ ମୁନେ ୱାଟିଦାନାଦ୍ ସାୟେ ଆୟ ।
ନାଟାଡ଼୍ କେତ୍ତେ, ଆଦେଶ୍, ନେୟ୍କ୍ ଟେବୁଲ୍ତେ ମଦଲ୍ ମାଞ୍ଜ୍ ପିଲାନ୍ ଏଙ୍ଗୁଲ୍ତିଙ୍କ୍ ତିନ୍ତ୍ତା ।
ଜିସୁ ତାଙ୍କ୍କିଙ୍କ୍ କେତ୍ତଣ୍ଡ୍, ନିଜାମ୍ ଗଟ୍, ଇଞ୍ଜେକେ ଲୋନ୍ ମାଲ୍ସ୍ ଆଞ୍ଜ୍ ଉଡ଼େ, ନି ମାୟାଡ଼୍ ତାଗାଙ୍କ୍ ବୁତ୍ ୱିଡ଼୍ସି ଆଞ୍ଜ୍ମିନ୍ଦେ ।
ନାଟାଡ଼୍ ଲୋନ୍ ମାଲ୍ସ୍ ଆଞ୍ଜ୍ ଉଡ଼୍ତେ ଯେ, ତାନ୍ ମାୟାଡ଼୍ କେତିତାଗ୍ ପାଟିମିନ୍ଦେ ନୁ ନିଜାମ୍ ବୁତ୍ ତାଙ୍କ୍କିଙ୍କ୍ ୱିଡ଼୍ସି ମିନ୍ଦେ ।
ନାରୁଡ଼୍ ଲୋପେଙ୍କ୍ ଅର୍ତୁଣ୍ଡ୍ ଉତ୍ତର୍ ଇସ୍ କେତ୍ତଣ୍ଡ୍, ଗୁରୁ, ନା ମାରିଙ୍କ୍ ବୁତ୍ ପୟ୍ତେ ନୁ ଅଣ୍ଡ୍ ଗଟି ତିର୍ୟାଙ୍କ୍ ପାର୍ୱଣ୍ଡ୍ । ବୁତ୍ ଅଂକିଙ୍କ୍ ବେସୁଙ୍କ୍ ବେସୁଙ୍କ୍ ନେଲ୍ ରାପିଦୁତ୍ । ଆସୁଟ୍ ଅନ୍ ପାୟୁର୍ତାଗାଙ୍କ୍ ବୟୁଲ୍ ପେୟ୍ତିତ୍, ଅଣ୍ଡ୍ ଅନ୍ ପାଲ୍କିଙ୍କ୍ କର୍କୁତଣ୍ଡ୍ ନୁ ଅନ୍ ମେନ୍ଦୁଲ୍ ମେୟ୍ଲ । ବୁତ୍ ୱିର୍ସ୍ପାନ୍ ମାଇଦିଙ୍କ୍ ନି ଶିଷ୍ୟଡ଼୍କିଙ୍କ୍ କେତ୍ତାନ୍, କିନ୍ତୁ ଅଡ଼୍ ବାତ୍ ବା ମାଡ଼୍ପାର୍ୱଡ଼୍ ।
ଜିସୁ ଅଡ଼୍କିଂଙ୍କ୍ କେତ୍ତଣ୍ଡ୍, "ମିଡ଼୍ ବେସର୍ କମ୍ ବିଶ୍ୱାସିଡ଼୍ । ମି ତଡ଼୍ ନାନ୍ ମେଣ୍ଡେ ବେସ୍କ୍ ଦିନା ମାନ୍ତ୍ତାନ୍ ? ପେକାଙ୍କ୍ ନା ଗାରେ ପୟ୍ସ୍ ତାଡ଼ାଟ୍ !" ଅଡ଼୍ ଅକିଂଙ୍କ୍ ଜିସୁନ୍ ଗାରେ ତାତ୍ତଡ଼୍ ।
ପ୍ରେତାତ୍ମା ଜିସୁଙ୍କ୍ ଉଡ଼ ୱାନାକେ ପେକାଙ୍କ୍ ଚେତ୍ ଇଲ୍ୱେ ମାଡ଼ି ନେଲ୍ ରାପି ପେକାନ୍ ପାୟୁର୍ତାଗାଙ୍କ୍ ବୟୁଲ୍ ପେସ୍ପି ନେଲ୍ ପର୍ଲାଙ୍କ୍ ପସ୍ତଣ୍ଡ୍ । ଜିସୁ ତାମ୍ ବାବାଙ୍କ୍ କେତ୍ତଣ୍ଡ୍, "ବେସ୍କ୍ ଦିନା ପୟ୍ସ୍ ଅଣ୍ଡ୍ ଇଲା ଆତ୍ତଣ୍ଡ୍ ?" ଅଣ୍ଡ୍ ଉତ୍ତର୍ ଇତ୍ତଣ୍ଡ୍ "ପିଲେକଂସ୍ । ବୁତ୍ ଅଂକିଙ୍କ୍ କିସ୍ତାଗ୍ ବା ଏର୍ଦାଗ୍ ରାପି ଆୱ୍କାନ୍ ମାଇଦିଙ୍କ୍ ନାର୍ଗେଦାମ୍ ଚେଷ୍ଟା ମାଡ଼୍ତେ । ଗୁରୁ ! ନିଜାମ୍ ଆତ୍କେ, ଦୟାମାଡ଼ି ମାକିଙ୍କ୍ ଇଗାଙ୍କ୍ ସାହାଯ୍ୟ ମାଡ଼ା ।"
ଜିସୁ କେତ୍ତଣ୍ଡ୍, "ହଁ !" ବେନ ବିଶ୍ୱାସ ମାଡ଼ିତଣ୍ଡ୍, ଅନ୍ ଗାରେ ସାରେ ନିଜାମ୍ ।
ପେକାଲଡ଼୍ ବାବାଲ୍ ଗାଟି ଲେଙ୍ଗ୍ତେ କେତ୍ତଣ୍ଡ୍, "ନା ବିଶ୍ୱାସ୍ ମିନ୍ଦେ, କିନ୍ତୁ ଅବିଶ୍ୱାସି । ନା ବିଶ୍ୱାସ୍ ଅଦିକ୍ ମାଡ଼ାନ୍ ମାଇଦିଙ୍କ୍ ନାକିଙ୍କ୍ ସାହାଯ୍ୟ ମାଡ଼ା ।"
ଜିସୁ ଉଡ଼୍ତଣ୍ଡ୍ ସାରେ ପାକାଙ୍କ୍ ନାରୁଡ଼୍ ଅନ୍ଗାରେ ୱାସ୍ମାତ୍ତଡ଼୍ । ଆଦିଙ୍କ୍ ଆ ପ୍ରେତାତ୍ମାତିଙ୍କ୍ ଗଟ୍ ଇତ୍ତଣ୍ଡ୍, "ତିର୍ୟେ ପାର୍ୱେ ନନ୍ ନୁ କେଞ୍ଜାଙ୍କ୍ ପାର୍ୱେ ଆତ୍ମା ନାନ୍ ନିକିଙ୍କ୍ କେତୁତାନ୍, ଇ ପେକାନ୍ ଲୋପେଙ୍କ୍ ପେୟ୍ସ୍ ଅନ୍ ମେଣ୍ଡେ ବେସୁଙ୍କ୍ ବା ଅନ୍ ଲୋପେ ନେଙ୍ଗ୍ମା ।"
ପ୍ରେତାତ୍ମା ଲେଙ୍ଗ୍ଦେ କିଡ଼୍କି ମିକା ପେକାଙ୍କ୍ ନେଲ୍ ରାପି ଅନ୍ଲୋପେଙ୍କ୍ ପେୟ୍ସ୍ ଆତ୍ତେ । ଚେତ୍ଇଲ୍ୱେ ମାଡ଼ି ପେକାଙ୍କ୍ ମଡ଼୍ଦେ ଲେକାମ୍ ତନ୍ଦ୍ତଣ୍ଡ୍ ନୁ ସାରେତଡ଼୍ କେତ୍ତଡ଼୍, "ଅନ୍ ଡଲ୍ତଣ୍ଡ୍ ।" କିନ୍ତୁ ଜିସୁ ଅନ୍ କାଇ ପୟ୍ସ୍ ଅଂକିଙ୍କ୍ କେତ୍ତଣ୍ଡ୍ ନୁ ଅଣ୍ଡ୍ ତେଦି ନିତ୍ତଣ୍ଡ୍ ।
ଜିସୁ ନାର୍ଗେ ନାରୁଡ଼୍କିଂଙ୍କ୍ ସୁସ୍ଥ ମାଡ଼୍ତଣ୍ଡ୍
ପେର୍କେ ଜିସୁ ସମାଜ୍ଲନ୍ ତାଗାଙ୍କ୍ ତେଦି ଶିମୋନ୍ତେ ଲୋନ୍ ଆତ୍ତଣ୍ଡ୍ । ଶିମୋନ୍ ତେ ପୟେଙ୍କ୍ ଗାଟି ହେଡ଼େକ୍ ଆସ୍ ମାତ୍ତେ, ମେଣ୍ଡେ ଅଡ଼୍ ଶାସନ୍ ବିଷୟତେ ତାଙ୍କ୍ ସୁସ୍ଥ ମାଡ଼ାଙ୍କ୍ ଜିସୁଙ୍କ୍ ଅନୁରଦ୍ ମାଡ଼୍ତ୍ତଡ଼୍ । ଆଗେ ଅଣ୍ଡ୍ ତାମ୍ ଗାର୍ରେ ନିଶ୍ମିକା ହେଡ଼େକ୍ ତିଙ୍କ୍ ଦମକ୍ ହିତ୍ତଣ୍ଡ୍, ମେଣ୍ଡେ ଆଦିଙ୍କ୍ ହେଡ଼େକ୍ ୱିଡ଼୍ସ୍ତା, ମେଣ୍ଡେ ଆଦ୍ ସାଙ୍ଗେ ସାଙ୍ଗେ ତେଦି ଅଡ଼୍କିଂଙ୍କ୍ ସେବା ମାଡ଼ାଙ୍କ୍ ପସ୍ପିତ୍ତଣ୍ଡ୍ ।
ଅଣ୍ଡ୍ ଓଡେତ୍ କନ୍ସ୍ ପେଇସ୍ ଆଞ୍ଚିନାଗ୍ ଡିଗଡ଼େ, ଆଦ୍ ନାର୍ଦେ ୱେର୍ଣ୍ଡ୍ ବୁତ୍ ପଇତ୍ତେ ନାରୁଡ଼୍ ଅଂକିଙ୍କ୍ କାଇଲ୍ତଣ୍ଡ୍; ଅଣ୍ଡ୍ ଗାଟି ଜେଲ୍ ହେଉନା ସିଲେ କେରୱକଟ ନୁ ଲୋନ୍ ମାନ୍ୱକଟ ୱିସ୍କିନାଗେ ମାଞ୍ଜ ମାତ୍ତଣ୍ଡ୍ । ଅଣ୍ଡ୍ ଜିସୁଙ୍କ୍ ଉଡ଼ି ଗାଟି କିଡ଼୍କି ଅନ୍ୱାଦ୍ ଡେକେତ୍ ମଦଲ୍ ରାଲି ଗାଟି ଲେଙ୍ଗେତେ କେତ୍ତଣ୍ଡ୍, "ହୋ ଇଶ୍ୱର୍ ତେ ମାର୍ ଜିସୁ, ନି ତଡ଼୍ ନାୱାଦ୍ ବାତେଏ ମିନ୍ଦେ ? ନାନ୍ ନିକିଂଙ୍କ୍ ଦନ୍ୟବାଦ୍ ମାଡ଼ୁତାନ୍, ନାକିଂଙ୍କ୍ କଷ୍ଟ ହିମା ।" ବାତେଙ୍କ୍ ଇତ୍କେ ଜିସୁ ଅଶୁଚି ଆତ୍ମାତିଙ୍କ୍ ଆଦ୍ ନାରୁଡ଼୍ ତେ କନ୍ସ୍ ପେଇସ୍ ଆଦାନ୍ ସେଙ୍ଗେ ଗଟ୍ ଇସ୍ମାତ୍ତଣ୍ଡ୍ । ଆଦ୍ ଆତ୍ମା ଗାଟିଦାମ୍ ଅଂକିଙ୍କ୍ ପଇସ୍ ମାତ୍ତେ, ମେଣ୍ଡେ ନାରୁଡ଼୍ ଅଂକିଙ୍କ୍ କାଇତାଗ୍ ଇକ୍ଲେମ୍ ନୁ ଡେକେତାଗ୍ ବେଡ଼ି ତହସ୍ ନେହେସ୍ ମାତ୍ତଡ଼୍, ମାତର୍ ଅନ୍ୱାଦ୍ ବନ୍ଦନ୍ ସାରେ ଦେହେସ୍ ବୁତ୍ ଅଂକିଙ୍କ୍ ବେନ ଇଲ୍ୱେ ପଡ଼ିୟେତାଗ୍ ପଇସ୍ ହସମାତ୍ତେ ।
ଜିସୁ ଅଂକିଙ୍କ୍ ପାଚ୍ରାମାଡ଼୍ତଣ୍ଡ୍, "ନି ପେଦେର୍ ବାତେଏ ?" ଅଣ୍ଡ୍ କେତ୍ତଣ୍ଡ୍, ବାହିନୀ; "ନାର୍ଗେ ବୁତ୍କ୍;" ବାତେଙ୍କ୍ ଇତ୍କେ ଗାଟି ବୁତ୍କ୍ ଅନାଗେ ଅସିମାତ୍ତା । ମେଣ୍ଡେ, ଅଣ୍ଡ୍ ବେଲା ଅଡ଼୍କିଂଙ୍କ୍ ପାତାଲ୍ତାଗେ ଆଦାନ୍ ସେଙ୍ଗେ ଗଟ୍ ହିମାକିଣ୍ଡ୍, ଇଦ୍ ସେଙ୍ଗେ ଅଡ଼୍ ଅଂକିଙ୍କ୍ ବିନତି ମାଡ଼ାଙ୍କ୍ ପସ୍ପ୍ତ୍ତଣ୍ଡ୍ ।
ଆଗେ ମେଟେତାଗ୍ ୱେରନ୍ ବାଡ଼ିୟାଦ୍ ମାନ୍ଦାପାଦି ମେୟମାତ୍ତା, ମେଣ୍ଡେ ଅଣ୍ଡ୍ ବେଦ୍ ଲେକାମ୍ ଆୱିଙ୍କ୍ ଆୱେ ପାଦିନ୍ ଲୋପେ ଆସାନ୍ ସେଙ୍ଗେ ଗଟ୍ ହିତ୍ତଣ୍ଡ୍, ଇଦ୍ ସେଙ୍ଗେ ଆୱ ଅଂକିଙ୍କ୍ ବିନତି ମାଡ଼୍ତେ । ଜିସୁ ଆୱିଙ୍କ୍ ଗଟ୍ ହିତ୍ତାଙ୍କ୍, ବୁତ୍କ୍ ଆଦ୍ ନାରୁଡ଼୍ ତେ କନ୍ସ୍ ପେଇସ୍ ପାଦିନ୍ ଲୋପେ ଅସ୍ତା; ଆସୁଣ୍ଟ୍ ଆଦ୍ ମାନ୍ଦାପାଦି ଗାଟି ଉର୍ଗିନ୍ ମିରି ଆଞ୍ଜ୍ ମେଟେତ୍ ପରୁ କନ୍ସ୍ ସାୱୁଡ଼େ ତାଗ୍ ରାଲି ମୁଡ଼ୁନ୍ଦି ଡୋଲ୍ତା ।
ମେୟେତାନ୍ ନାରୁଡ଼୍ ଆଦ୍ ଗଟନା ଉଡ଼ି ମିରି ଆଞ୍ଜ୍ ନାର୍ ନୁ ନାଟେନାଗ୍ ଆଦ୍ ବିଷୟ୍ କେଞ୍ଜ୍ସ୍ପ୍ତଡ଼୍ । ଆସୁଣ୍ଟ୍ ନାରୁଡ଼୍ ଆଦ୍ ଗଟନା ଉଡ଼ାଙ୍କ୍ ପେଇସ୍ ୱାତ୍ତଡ଼୍; ମେଣ୍ଡେ, ଅଡ଼୍ ଜିସୁନ୍ ଗାର୍ରେ ୱାସ୍, ବେନେ ନାରୁଡ଼୍ କନ୍ସ୍ ବୁତ୍କ୍ ପଇସ୍ ମାତ୍ତା; ଅଣ୍ଡ୍ ସିଲେ କେର୍ସ୍ ସାୟେତ୍ ମାନ୍ ତେ ଜିସୁନ୍ ଡେକେତ୍ ମଦଲ୍ କୁଦିମାନ୍ଦାନ୍ ଉଡ଼ି ୱେର୍ତ୍ତଡ୍ ।
ମାତର୍, ନାନେ ମିକିଂଙ୍କ୍ ସତ୍ କେତୁତାନ୍, "ମିଇ ନାରୁଡ଼୍ ଲୋପ୍ ନିଶ୍ମାନ୍ଦାନ୍ ବେସ୍ତୁଡ଼୍ ନାରୁଡ଼୍ ଡଲାନ୍ ମୁନେଙ୍କ୍ ପରମେଶ୍ୱରତାଦ୍ ରାଜ୍ୟତିଙ୍କ୍ ଉଡ଼ିତଡ୍ ।"
ଜିସୁନ୍ ମେଣ୍ଡନ୍ଲେକାମ୍ ତନ୍ଦାନାଦ୍
ହି ସାର୍ରେ ଗଟ୍ନା ଆସ୍ ମାତର୍ ଆଟ୍ ଦିନ୍ ପେର୍କେ ଜିସୁ, ପିତର୍, ଯୋହନ୍ ନୁ ଯାକୁବଙ୍କ୍ ସାଙ୍ଗେତେଆସ୍ ପ୍ରାର୍ତନା ମାଡ଼ାନ୍ ମାଇଦିଙ୍କ୍ ମେଟେତ୍ ପରୁ ଆଦ୍ତଡ଼୍ । ଜିସୁ ପ୍ରାର୍ତନା ମାଡ଼ାନ୍ ଦିନାମ୍ତେ ଅନ୍ୱାଦ୍ ମକମ୍ ତନ୍ଦାନାଦ୍ ମେଣ୍ଡନ୍ ଲେକାମ୍ ଆତ୍ତା ଅନାୱୁ କେର୍ସ୍ ମାନ୍ଦାନ୍ ଚକା ପାଣ୍ଡେ ଆସ୍ ୱେସ୍ ଆଦ୍ତେ । ମେଣ୍ଡେ, ଉଡ଼ାଟ୍, ହଟାତ୍ ମଶାଲ୍ ନୁ ଏଲିୟ, ଇର୍ୱୁଡ଼୍ ଜିସୁନ୍ ତଡ଼୍ ତିର୍ୟୁତଡ଼୍; ଅଡ଼୍ ସ୍ୱର୍ଗୀୟ ଗୌରବ୍ତେ ତଅନ୍ଦମାତ୍ତଡ଼୍, ଜିସୁ ଡଲାନାଦ୍ ବିଷୟ ତେ ଯୀରୁଶାଲାମ୍ ଗଟେମ୍ ଆଦାଙ୍କ୍ ଆଦୁତ୍ତେ ଆଦ୍ ବିଷୟ ତେ ଅଡ଼୍ ଅଣ୍ଡ୍ ତଡ଼୍ ତିର୍ୟୁତଡ଼୍ ।
ଆସୁଟେ, ପିତର୍ ନୁ ଅନ୍ ସାଙ୍ଗଡ଼୍ ଉଞ୍ଜିମାତ୍ତଡ଼୍; ବେସୁଙ୍କ୍ ଅଡ଼୍ ତେଦି ଉଡ଼ୁତଡ଼୍, ଜିସୁନାଦ୍ ମହିମା, ମେଣ୍ଡେ ଅନ୍ତଡ଼୍ ଇର୍ୱୁଡ଼୍ ନିସ୍ ମାନ୍ଦାନାଦ୍ ଉଡ଼୍ତଡ଼୍ । ମେଣ୍ଡେ ମଶାଲ୍ ନୁ ଏଲିୟ ଜିସୁନାଗାଙ୍କ୍ ଆଦ୍ଦାନ୍ ୱେୟ୍ ପିତର୍ ଜିସୁଙ୍କ୍ କେତ୍ତଣ୍ଡ୍, "ହୋ ଗୁରୁ, ସାୟେ ଆତ୍ତେ ମାନାଡ଼୍ ଇଗ୍ ମିନ୍ଦେଡ଼୍; ମାନାଡ଼୍ ଇଗେ ମୁଣ୍ଡ୍ ଗୁଡ୍ସା ତିଆର୍ ମାଡ଼ିକାଡ଼୍, ନି ମାଇଦିଙ୍କ୍ ଅଣ୍ଡୟ୍, ମୋଶାନ୍ ମାଇଦିଙ୍କ୍ ଅଣ୍ଡୟ୍, ଏଲିୟନ୍ ମାଇଦିଙ୍କ୍ ଅଣ୍ଡୟ୍ ।" ବାତେଙ୍କ୍ ଇତ୍କେ ଅଣ୍ଡ୍ ବାତ୍ କେତ୍ତଣ୍ଡ୍, ଆଦ୍ ଅଣ୍ଡ୍ ପୁନଣ୍ଡ୍ ।
ମେଣ୍ଡେ ଉଡ଼ାଟ୍; ନାରୁଡ଼୍ ଲୋପେଙ୍କ୍ ୱେରଣ୍ଡ୍ ନାରୁଡ଼୍ ଗାଟି ଲେଙ୍ଗଦେ କେତ୍ତଣ୍ଡ୍, "ହୋ ଗୁରୁ, ନାନେ ନିକିଂଙ୍କ୍ ଦନ୍ୟବାଦ୍ ମାଡ଼ୁତାନ୍, ଦୟାମାଡ଼ି ନା ମାର୍ଦିଙ୍କ୍ ୱାସ୍ ଉଡ଼େ ବାତେଙ୍କ୍ ଇତ୍କେ ନାକିଂଙ୍କ୍ ଅଣ୍ଡ୍ ୱେରଣ୍ଡେ ଇଞ୍ଜ ମାର୍; ଉଡ଼େ, ଅଂକିଙ୍କ୍ ବୁତ୍ ପୟିନୁଡ଼୍, ମେଣ୍ଡେ ଅଣ୍ଡ୍ ଅଟାତ୍ ତେ ମର୍ପୟ୍ତୁତଣ୍ଡ୍, ଅଂକିଙ୍କ୍ ବୁତ୍ ଇଦ୍ପୁଟୁଙ୍କ୍ ମାଡ଼୍ତେ ଯେ, ଅନ୍ ପାୟୁର୍ତାଗାଙ୍କ୍ ବୟୁଲ୍ ପେୟିନୁଡ଼୍, ବୁତ୍ ଅଂକିଙ୍କ୍ ଉକେୱେକ୍ ମାଡ଼ି ଅନ୍ଆଗାଙ୍କ୍ ତିପାଲ୍ତେ ପେୟିସ୍ ଆତ୍ତେ ।" ବୁତ୍ତିଙ୍କ୍ ୱିର୍ସ୍ପାନ୍ ମାଇଦିଙ୍କ୍ ନାନେ ନି ଶିଷ୍ୟଡ଼୍କିଂଙ୍କ୍ କାର୍ଙ୍ଗି ମାତ୍ତାନ୍, ମାତର୍ ଅଡ଼୍ ପାର୍ୱଡ଼୍ ।
ଜିସୁ ଉତ୍ତର୍ ହିତ୍ତଣ୍ଡ୍, "ଆର୍ ଅବିଶ୍ୱାସ୍ଡ଼ି ନୁ ପେର୍କେ ୱାଦାନ୍ ବଂଶତଡ଼ି, ମେଣ୍ଡେ ବେସ୍କ୍ଦିନା ନାନେ ମି ତଡ଼୍ ମାନ୍ତା, ବେସର୍ଦିନା ନାନେ ମିୟାଦ୍ ମାଡ଼ାନ୍ କାମ୍ତିଙ୍କ୍ କେଞ୍ଜ୍ତାନ୍, ତାନ୍ ପେର୍କେ ଜିସୁ ଆଦ୍ ନାରୁଙ୍କ୍ କେତ୍ତଣ୍ଡ୍, ନି ମାର୍ଦିଙ୍କ୍ ଇଗ୍ ପୟ୍ସ୍ ତାଡ଼ା ।"
ପେକାଲ୍ ୱାଦାନ୍ ୱେୟ୍ ବୁତ୍ ଅଂକିଙ୍କ୍ ନେଏଲ୍ ରାପି ବୟଙ୍କାର୍ ତେ ପଇସ୍ଉକିତ୍ତେ, ବାତେଙ୍କ୍ ଇତ୍କେ ଜିସୁ ଅଶୁଚି ଆତ୍ମାତିଙ୍କ୍ ଦମକ୍ ହିତ୍ତଣ୍ଡ୍ ନୁ ପେକାଙ୍କ୍ ସୁସ୍ଥ ମାଡ଼ି ଅଂକିଙ୍କ୍ ତାମ୍ ବାବାନ୍ କାଇଦେ ଇତ୍ତନ୍ ମାଡ଼୍ତଣ୍ଡ୍ । ଆଗେତିନ୍ସ୍ ଅଡ଼୍ ସାର୍ତଡ଼୍ ଇଶ୍ୱର୍ ତେ ନାର୍ଗେଶକ୍ତି ତେ ବାକ୍ୱା ଆଦ୍ତଡ଼୍ । ମାତର୍ ତାନ୍ ମାଡ଼୍ତେ ସାରେ ପାଡ଼ିୟି ସେଙ୍ଗେ ସାରେତଡ଼୍ ବାକ୍ୱା ଆଦାନ୍ ୱେଲେ ଜିସୁ ତାମ୍ ଶିଷ୍ୟଡ଼୍କିଂଙ୍କ୍ କେତ୍ତଣ୍ଡ୍ ।
ଜିସୁ ନୁ ବାଆଲ୍ଜିବୁଲ୍
ୱେରଟ୍ଦିନ୍ ଜିସୁ ଗଟି ତିର୍ୟାଙ୍କ୍ ପାର୍ୱେ ନାରୁନ୍ ମେନ୍ଦୁଲ୍ ତାଗାଙ୍କ୍ ବୁତ୍ତିଙ୍କ୍ ତଲ ମାତ୍ତଣ୍ଡ୍ । ବୁତ୍ତିର୍ୟାଙ୍କ୍ ପାର୍ୱେ ନାରୁନ୍ ମେନ୍ଦୁଲ୍ତାଗାଙ୍କ୍ ପେୟିସ୍ ଆତ୍ତେୱେୟ୍, ଗୁଡ଼୍ତେ ନାରୁଡ଼୍ ଉଡ଼ି ବାକ୍ୱା ଆଦ୍ତଡ଼୍ ।
ମେଣ୍ଡେ ଶିଷ୍ୟଡ଼୍ ଆଗାଙ୍କ୍ ୱେରଣ୍ଡ୍ ଚୁର୍ ପେସ୍ପି ମୁକ୍ୟ ଯାଜକତେ ଚାକର୍ତିଙ୍କ୍ ଅନାଦ୍ ତିନ୍ଦେକାଇଦେ ପାକେତ୍ କେଉଦିଙ୍କ୍ ନାଡ଼୍କିତ୍ତଣ୍ଡ୍ ।
ବାତେଙ୍କ୍ ଇତ୍କେ ଜିସୁ କେତ୍ତଣ୍ଡ୍, "ଇସରେ ମାନୀ;" ମେଣ୍ଡେ ଅଣ୍ଡ୍ ଅନାଦ୍ କେଉଦିଙ୍କ୍ ଇଟି ସୁସ୍ଥ ମାଡ଼ତଣ୍ଡ୍ ।
ଯୋହନ୍ତେ ଶିଷ୍ୟଡ଼୍ ଆତ୍ତେ ପେର୍କେ ଜିସୁ ଯୋହନ୍ତେ ବିଷୟ୍ ନାରୁଡ଼୍କିଂଙ୍କ୍ କେତାଙ୍କ୍ ପସ୍ପ୍ତଣ୍ଡ୍, ମିଡ଼୍ ବାତେଏ ଉଡ଼ାନ୍ ସେଙ୍ଗେ ଉସ୍କ ନେଲ୍ଦା ପେଇସ୍ ଆଞ୍ଜ୍ ମାତ୍ତିଡ୍ ? ବାଆତେ ଗାଲ୍ଦେ ଉଙ୍ଗାନାଦ୍ ୱେରଟ୍ ୱେଦୁର୍ ? ଆଦ୍ ଆୟୋକ୍ ମିଡ଼୍ ବାତେଏ ଉଡ଼ାନ୍ ସେଙ୍ଗେ ପେଇସ୍ ଆଞ୍ଜ୍ ମାତ୍ତିଡ୍ ? ବେନଙ୍କ୍ ଦାମ୍ଦେ ସିଲେ କେର୍ ତେ ଅର୍ତୁଣ୍ଡ୍ ନାରୁଙ୍କ୍ ? ଉଡ଼ାଟ୍, ବେନଡ଼୍ ଦାମ୍ଦାଉ ସିଲେ କେର୍ତିତଡ଼୍, ଅଡ଼୍ ରାଜ ପ୍ରସାଦତାଗ୍ ମାନ୍ତଡ଼୍ । ନାକିଂଙ୍କ୍ କେଲ୍ମ୍, ଆଦ୍ ଆୟୋକ୍ ବାତେଏ ଉଡ଼ାନ୍ ସେଙ୍ଗେ ପେଇସ୍ ଆଞ୍ଜ୍ ମାତ୍ତିଡ୍ ? ବେନଙ୍କ୍ ଅର୍ତୁଣ୍ଡ୍ ବାବବାଦୀଙ୍କ୍ ? ନାନ୍ ମିକିଂଙ୍କ୍ ନିଜାମ୍ କେତୁତାନ୍, ବାବବାଦୀନ୍ କଞ୍ଜ୍ ଗାଟି ବାଡ଼ିୟଣ୍ଡ୍ ନାରୁଙ୍କ୍ । ଯୋହନ୍ତେ ବିଷୟତେ ଇଦ୍ ଶାସ୍ତ୍ରତାଗ୍ ଲେକାମିନ୍ଦେ, ଇଶ୍ୱର୍ କେତ୍ତଣ୍ଡ୍, ଉଡ଼ାଟ୍, ମାମ୍ ମା ଦୂତ୍ତିଙ୍କ୍ ମି ମୁନେ ରହତୁତମ୍, ଅଣ୍ଡ୍ ମି ମୁନେ ମିୱାଦ୍ ହାର୍ ତିଆର୍ ମାଡ଼ିତନ୍, ଇଣ୍ଡ୍ ଆଦ୍ ନାରୁଡ଼୍ ଯୋହନ୍ । ନାନ୍ ମିକିଂଙ୍କ୍ କେତୁତାନ୍, "ନାଟାଡ଼୍ ତାଗାଙ୍କ୍ ଜନମ୍ ସାରେତଡ଼୍ ଲୋପେ ଯୋହନ୍ତେ କଞ୍ଜ୍ ମହାନ୍ ବେନ ଇଲାଣ୍ଡ୍; ମିକା ଇଶ୍ୱର୍ତେ ରାଜ୍ୟତାଗ୍ ଯେ ସୁଦୁନଣ୍ଡ୍, ଅଣ୍ଡ୍ ଯୋହନ୍ କନ୍ସ୍ ମିକା ମହାନ୍ ।"
ବେନଡ଼୍ ଇଦ୍ ସାରେ ଗଟ୍ କେଞ୍ଜ ମାତ୍ତଡ଼୍, ଅଡ଼୍, ବିସ୍ୱାଶ୍ତଡ଼୍ କର ଆଦାୟ ମାଡ଼ାନଡ଼ି, ଇଶ୍ୱର୍ତେ ନିଜାମ୍ ଦାବୀ ସାରେ ମାଡ଼ି ଯୋହନ୍ତେ ତଡ଼୍ ବାତିସ୍ମ ଇସ୍ମାତ୍ତଡ଼୍ । ବାତେଙ୍କ୍ ଇତ୍କେ ପାରୂଶୀଡ଼୍ ନୁ ଦର୍ମଗୁରୁଡ୍ ତାମ୍ ଜିୱୁଣ୍ଡ୍ ତେ ସେଙ୍ଗେ ଇଶ୍ୱର୍ତେ ଉଦ୍ଦେଶ୍ୟ ଗ୍ରହନ୍ ମାଡ଼କଟ୍ ଯୋହନ୍ତେ କନ୍ସ୍ ବାତିସ୍ମ ଆୟୱେ ମାତ୍ତଡ଼୍ ।