Milagres

26 Yesu wakabalinga akati kubali, "Nebanhu akutoyetika. Koga neNdzimu zwinhu zose zoyetika."

26 Yesu wakabalinga akati kubali, "Nebanhu akutoyetika. Koga neNdzimu zwinhu zose zoyetika."

37 Nekuti neNdzimu akuna tjisingatike."

20 Wakati kubali, "Nentha yekuti muna bugalimoyo gutukununu. Lebeswa, ndoti kumuli, hapa muna bugalimoyo gungapa mhudzi yemasitadi, mowhoti kudombo ileli, ‘Ibva ipapa ube hapayaa,’ lowhobva; akuna tjamusingawhotubula thama."

21 Yesu wakahandula eti, "Lebeswa, ndoti kumuli, hapa muna kugalamoyo musina kun’un’una, amutowhothama tjandathama kunkuyu koga, koga kene muti kudombo ileli, ‘Sipuka uposegwe mugungwa,’ kowhoyetikala.

23 Yesu wakahandula, eti, "Zwinhu zose zose zoyetikala kuna iye unogalamoyo."

27 Yesu wakabalinga akati kubali, "Nenhu akutoyetika, koga kusini neNdzimu; ngobe neNdzimu, zwinhu zose zoyetika."

27 Koga Yesu wakati, "Zwisingayetike ngebanhu zoyetika ngeNdzimu."

58 Haazothama mihingo mikulu minjinji ipapo, ngentha yesagalamoyo kwabo.

22 "Whililani matama iyawa, imwi balume bekuIsirayeli! Yesu wekuNazaretha, nlume wakalakidza masimba ekudzimu akabon’wa patjena ngemakaabadzo nezwilakidzilo zwakayetiwa neNdzimu ehingisa iye. Mose mokuziba ikoko, ngobe kwakayetiwa pakati kwenyu,

31 Hule kwekusinobe batembezela, bugalo gwabaka bali muguli gwakazunguzika. Bose bakahhala Meya Yakayengemala bakasumikila dama leNdzimu basingahle.

Bakololo baSikeva

11 Ndzimu wakayeta matjenamiso makulu ngemaboko aPhawuli, 12 kwekuti baka betola dzihangatjefu kene dzikhiba pambili uwe dziyendisiwa kubagwele, nghwele dzikabasiya nemeyambi dzikabhuda mubali.

12 Zwilakidzilo zwempositoli wakwako zwakayetiwa pakati kwenyu ngemoyo nlefu, kunohanganyisila zwilakidzilo nematjenamiso nemihingo mikulu kwazo.

28 Mugubungano lebagalimoyo Ndzimu wakahala bapositoli kutanga, bebubili balebesambeli, bebutatu badiyi, kukotjiti bayeti bematjenamiso, kukotjiti bapolesi, bawahhi, babhati bemihingo, nebalebeleki bendimi dzakasiyana siyana.

8 Umwe Meya inowumpa leba kwebutjenjebvu ngeMeya, umwe unopiwa leba kweluzibo ngeMeya iyo zwayo, 9 umwe unopiwa kugalamoyo ngeMeya iyo zwayo, umwe unopiwa zwipo zwepolesa ngeMeya iyo zwayo, 10 umwe unopiwa thama matjenamiso, umwe unopiwa bulebesambeli, umwe unopiwa tubula siyanisa dzimeya, umwe unopiwa tjipo tjendimi dzakasiyana siyana, umwe unopiwa tjipo tjetjenesa ndimi.

39 Yesu wakahandula eti, "Musiwunlambise. Akuna nhu unothama n’hingo nkulunkulu muzina langu ungabva mulubakanyana ehanduka eleba zwakayipa nekwangu, 40 ngobe kene yani usingagwisane naswi ndewedu.

15 ntembezelo wewunogalamoyo unowhowuntjidza unogwala, He banowhowumpodza; nehapa akatjinya, unowhoyetigwa mazwibhatigwa. 16 Ndizo ke lebululani matjinyo enyu umwe kuwumwe, mutembezelelane, kuyetila kuti mupole. Ntembezelo wenhu wakalulama unamasimba kakale unohinga.

17 Elija waka eli nhu bo saswi akatembezela ngekuzwipila kuti vula isine, vula ayizotongona muhango kwemakole matatu anamimwedzi ili kutanhatu. 18 Akakotjitembezela kakale kudzimu kukahhuka vula ikana, minda dzikaba nezwidlo.

16 Akatola zwinkwa zwihanu newhobe mbili akalinga pehhugwi kudzimu, akaboka akazwipemula, akazwipa badiyiwa babe kuti bape banhu. 17 Bakadla bakaguta bose. Bakawolela zwipemu zwaka zwasala, zwikahhala zwitundu zwiligumi nezwibili.

Yesu Unotjidza Nkadzimayi Wetjilema Munsi weSabatha

10 Sangwenu waka ediya muyimwe yemasinagogu munsi wesabatha. 11 Kwaka kuna umwe nkadzimayi waka ali tjilema eyetiwa nemeyambi kwemakole gumi nehhanakadzi, waka akakotama, asingatubule tambunuka. 12 Yesu wakati ewumbona, akawundhana akati kuwunli, "Nkadzimayi, wasunungugwa mubulema gugo." 13 Akawumbiga maboko, tjinyolotjo akatambunuka, akalumbidza Ndzimu.

14 Koga ntungamili wesinagogu, amon’wa nentha yekuti Yesu waka atjidza nhu munsi wesabatha, wakati kubanhu, "Kuna mahhuba matanhatu ehinga; mubuye mumahhuba iyawo muwhopodzewa, koga kusi munsi wesabatha."

15 He wakawun’handula eti, "Imwi batjengeli! Umwe newumwe wenyu atosunungula akahhulila n’ombe iye kene kakambe tjitje danga nsi wesabatha, akapamha akanotjin’wisa? 16 Nkadzimayi iwhoyu, ali nkololokadzi wa Abhurahhamu waka akasungwa naSatane kwemakole ali gumi nehhanakadzi, wayesakafanila sunungugwa mubusungwa igogu munsi wesabatha?" 17 Atjaleba ikoku, zwita zwizwe zose zwakabhakhwa nehoni; banhu bose bakahanhisiwa nezwinhu zwakanaka zwaakayeta.

11 Yeli ndilo jenamiso lekutanga lakayetiwa naYesu kuKana muGalile elakidza gudzo lile, badiyiwa babe bakagalamoyo muwunli.

14 ✝Banhu bakati bebona tjilakidzilo tjaayeta, bakati, "Iwhoyu ndiye nlebesambeli dumbu wakafanila kuti ahhe muhango!"

29 Yesu wakati kuwunli, "Wagalamoyo ngobe wandibona? Bakakombolegwa ibabo basakabona koga begalamoyo."

Tjinangwa Tjelukwalo Igogu

30 Yesu wakayeta zwimwe zwilakidzilo zwinjinji pakati kwebadiyiwa, koga zwisakakwagwa mulukwalo igogu. 31 Koga izwezwi zwakakwagwa kudze mugalemoyo kuti Yesu ndiye Khirisitu, Nkololo weNdzimu, nekuti hapa mugalamoyo mube nebutjilo muzina lile.

8 Ndizo whoya umwe ndhiyiwa waka aswika kukumbu kutanga, wakangina bo, akabona akagalamoyo; 9 ngobe mulubaka igogo bakabasanhu bakawhisisa lukwalo gunoti, wakafanila kuti amuke kubafi.

13 Ipapo ndakabona meya nhatu dzinahambgwa dzaka dzinga mahhula. Dzakadzibhuda munlomo wehangale, nemunlomo wenlebesambeli wemanyepwa. 14 Idzedzi imeya dzemeyambi, dzinoyeta makaabadzo, meya idzedzi nhatu dzoyenda kunabomambo behango dzose, dzibakubunganyila ngwa yehhuba gulu leNdzimu Wemasimba Ose.

Bilayegwa kweTjilakidzilo

38 Nayigogo lubaka elebeleka, bamwe bakwali nebaFarisi bakati kuwunli, "Ndhiyi, toyemula bona tjilakidzilo tjinobva kumuli."

39 Koga wakabahandula eti, "Tjizekugwana tjibi kakale tjisingagalikebgwe kuNdzimu tjohaka tjilakidzilo; koga akuna tjilakidzilo tjatjinowhopiwa kuhhe kwetjilakidzilo tjenlebesambeli Jona. 40 Sayikoku Jona akaba muntumbu wewhobe, kwemahhuba matatu, siku nesikati, Nkololo wenhu bo unowhoba pasi mumoyo wehango kwemahhuba matatu, siku nesikati.

Mizi-mikulu Yebasingagalemoyo

20 Wakatangisa sola imwe mizi-mikulu kwaakathama mihingo mikulu minjinji, nentha yekuti abazohanduka. 21 Eti, "Khorazini! neBhethisayida! kwakamubangalalila, ngobe kadzene mihingo mikulu yakayetiwa mumuli yaka yayetiwa muTire nemuSidoni, banoba bakahanduka ntolo, baligele pamilota bakambala zwiyambalo zwemasaka. 22 Koga ndoti kumuli, kowhoba kuhine kuTire neSidoni muhhuba letongewa pana kumuli. 23 Iwe bo, Khaphenawume, nowhomilidzigwa pehhugwi kudzimu? Nowhojitisigwa pasi kuHhedesi*. Ngobe kadzene mihingo mikulu yakayetiwa mukuli yaka yayetiwa muSodoma, inoba iliyapo kuswika nasi. 24 Koga ndomubudza kuti kowhoba kuhine kuhango yeSodoma muhhuba letongewa pana kukuli."

22 Kose ikoku kwakayetikala kuti kuhhadzisike tjakalebgwa naHe ngenlebesambeli, eti, 23 "Bona! mhandala inowhozwisenga, ikatshibama nkololo, zina lile lowhoyi Imanuweli" (kunobva kuti, "Ndzimu unaswi").

49 Koga ibo bakati bebona eyenda pehhugwi kwegungwa bakakumbulila kuti ipuku bakabe bemimila; 50 nekuti bakawumbona bose, bakahla.

Koga tjinyolotjo wakalebeleka eti kubali, "Gadzikanani, ndimi, musihle!"

50 Koga Yesu wakati akuwha akawun’handula eti, "Usihle; galamoyo koga, iye unowhonaya."

37 Wakati atjiba pedlo, panojitila peDombo leMitoba, lukawu gwebadiyiwa gukatangisa lumbidza Ndzimu ngemawhi apehhugwi guna kuhanha ngentha yemihingo mikulukulu yagwaka gwabona, 38 guti, "Wakakombolegwa Mambo unobuya muzina laHe! kunyalala kudzimu negudzo pehhugwihhugwi."

9 Hule kwekusinobe apedza leba ikoku, wakasengegwa kudzimu bakawunlinga bose, akasumbikiwa negole kuti basitjawumbone.

7 Ndiba ndiwila pasi awha whi liti kundili, ‘Sawuli, Sawuli, unondidziyidzilani kene?’