18 ናጋራ ኡባ አቶ ያገይ፥ አትዳ ባ አሳ ናቁዋ ታይቦናይ ነ መላ ፆሲ ኦኔ? ማሮተ ነና ኡፋይስያ ግሾ ነ ሀንቁዋን መርናዉ ጋምአ ኤራካ።

1 አቤት ፆሳዉ፥ ነ መርና ሲቁዋዳ ታና ማራ፤

ነ ቃታ ዳሩዋ መላ ታ ናጋራ ቁቻ።

2 ታ ኢታተፈ ታና ሜጫ፤

ታ ናጋራፐ ታና ጌሻ።

6 አቤት ጎዳዉ፥ በንፐ ደእያ

ነ ቃያነ ነ ኬሀተ ሀሳያ።

7 ታ ናአተ ናጋራነ ኢታባ ሀሳዮፓ፤

አቤት ጎዳዉ፥ ነ ኬሀተነ ሎኦተ ሀሳያ።

1 ጎዳዉ፥ ታኒ መቶ ጪሞን ደአሸ፥

ኔኮ ዋሳይስ።

2 ጎዳዉ፥ ታ ዋሱዋ ስአ፤

ታ ዎሳ ነ ሀይይ ሀይዞ።

11 ጎዳዉ፥ ነ ማሮተ ታፐ ሃሶፋ፤

ነ ሲቆይነ ነ ቱማተይ፥

ታና ኡባ ዎደ ናጎ።

6 ነ ኬሀተይነ ነ ማሮተይ

ታ ደኦ ላይ ኡባን ታና ካላና፤

ታኒ ጎዳ ኬን መርናዉ ዳና።

13 አው ባ ናይታስ ቃተይሳዳ፥

ጎዳይ ባዉ ያየይሳታስ ቃቴስ።

15 ሽን ፆሳ አ ኬሀተይ አዳመ ናጋራ መላ ግደና። እስ አሳ ናጋራ ባጋራ ዳሮ አሳይ ሀይቅስ። ሽን የሱስ ክርስቶሳ ባጋራ ፆሳ አ ኬሀተይ አሳ ኡባስ ዳርድ እመትስ።

15 ያትን፥ ኑ ዎይጋኔ? ህገፈ ጋርሳን ግዶናሽን፥ ፆሳ አ ኬሀተ ጋርሳን ደእያ ግሾ ናጋራ ኦነዬ? አካይ፥!

4 ሽን ፆሳ ግታ ማሮተፈነ ኑስ ደእያ ግታ ሲቁዋፐ ደንድዳይሳን፥ 5 ሀር አቶሽን ኑኒ ኑ ቆሁዋን ሀይቅድ ደእሽን ክርስቶሳ ባጋራ ኑስ ደኦ እሚስ። ህንተካ አትዳይ ፆሳ አ ኬሀተና።

9 ሽን ጎዳይ፥ "ታ ዎልቃይ ነ ዳቡራን ቆንጭያ ግሾ ታ አ ኬሀተይ ነዉ ግዳና" ያግስ። ክርስቶሳ ዎልቃይ ታናን ቆንጫና መላ ታ ዳቡራን ኡፋይታሸ ጬቀታይስ።

13 ባ ናጋራ ገንያ አስ አጨና፤

ሽን ፓፀይነ ናጋራ አገይ ማሮታ ኤካና።

7 ኢታ አስ ባ ኦግያፐ ስሞ፤

ናጋራንቾይ ባ ቆፋ አጎ።

ጎዳኮ ስሞ፥ እካ እያ ማራና፤

እ ኑ ፆሳኮ ስሞ፥ እያዉ አቶ ጋና።

18 ሽን ጎዳይ ህንተዉ ኬሀናዉ ናጌስ፤ ጎዳይ ፅሎ ፕርድያ ፆሲ ግድያ ግሾ ህንተዉ ቃታናዉ ደንዳና። እያ አማነትድ ናግያ ኡባይ አንጀትዳይሳታ።

13 ሽን ህንተ ብድ፥ ‘ታኒ ህንተ ያርሹዋ ግዶናሽን ህንተ ሀራታ ማራና መላ ኮያይስ’ ጌተትድ ፃፈትዳይስ አይ ጉሰኮ ኤርተ። አይስ ጊኮ፥ ታኒ ናጋራንቾታ ፄጋናዉ ያስፐ አትሽን፥ ፅሎታ ፄጋናዉ ያቢከ" ያግስ።✝

21 ሄ ዎደ ጰፅሮስ የሱሳኮ ይድ፥ "ጎዳዉ፥ ታ እሻይ ታና ቆህኮ አፑን ቶሆ ታኒ አቶ ጋናዉ በሲ? ላፑን ቶሆ ጋካናሰዬ?" ግድ ኦይችስ።✝

22 የሱሲ ዛሪድ፥ "ግደና፥ ላፑን ታሙ ቶሆ ላፑናፐ አትሽን፥ ላፑን ቶሆ ግደና።✝

14 "ህንተ ህንተና ቆህዳይሳታ አቶ ጊኮ፥ ሳሎን ደእያ ህንተ አዋይ ህንተ ቆሁዋካ አቶ ጋና።✝

31 ሽን ኔኒ ኬሀነ ማርያ ፆሲ ግድያ ግሾ፥ ነ ግታ ማሮተን ኤንታ አጋባካ፤ ቡርፆራ ይሳባካ።

5 ኬሀተን ጮ ታልእያ ኡራስ፥

ባ ኦሱዋ ሱረተን ኦያ ኡራስ

ኬሀባይ ያና።

17 ጎዳ ኑ ፆሳ ኬሀተይ ኑ ቦላ ግዶ፤

ኑ ኩሸ ኦሶ ኡባ ኑስ አይፍሳ፤

ኤ፥ ኑ ኩሸ ኦሶ ኡባ አይፍሳ።

16 ህዛ፥ ማሮተ ኤካናዉነ ማደ ኮሽያ ዎደ አ ኬሀተ ደማናዉ አ ኬሀተይ ደእያሱዋ ፆሳ አራታኮ ያዮና ሺቆስ።

1 ህዛ፥ ታ እሻቶ፥ ህንተ፥ ህንተ አሳተ ፆሳ ኡፋይስያ፥ ደኦነ ጌሻ ያርሾ ኦድ፥ እማና መላ ታኒ ህንተና ፆሳ ማሮተን ዎሳይስ። ፆሳ ህንተ ጎይናናዉ በሲያ ቱማ ኦገይ ሄሳ።

16 ፆሳ ናኣ አማንያ ኡባይ መርና ደኡዋ ላታናፐ አትሽን፥ ዮና መላ ፆሳይ ሀ አላምያ ዳሮ ዶስዳ ግሾ ባ እስ ናኣ እሚስ።

29 ክርስቶሳስ ኦያ ቃዳይ ህንተዉ እመትዳይ፥ ህንተ እያ አማናና መላ ፃላላ ግዶናሽን ህንተ እያ ግሾ መቶ ኤካና መላሳ።

1 ህዝቅያስ ጎዳ እስራኤለ ፆሳ ፓስካ ባኣለ ቦንቻናዉ የሩሳላመን ደእያ ፆሳ ኬ እስራኤለ አሳይነ ይሁዳ አሳይ ያና መላ ኪትስ። ቃስ፥ ኤፍሬማ አሳስነ ምናሰ አሳስ ዳብዳበ ፃፍስ። 2 ካዎይ፥ ሀላቃትነ የሩሳላመን ሺቅዳ አሳ ኡባይ ፓስካ ባኣለ ናምአን አጌናን ቦንቻናዉ ቆፋ ቃችዶሶና። 3 ግድያ ካህነት ባንታና ጌሽቦና ግሾነ ዳሮ አሳይ የሩሳላመን ሺቅቦና ግሾ አሳይ ፓስካ እያ ዎደን ቦንቻናዉ ዳንዳእቦኮና። 4 ሄ ቆፋይ ካዋነ ሺቅዳ አሳ ኡፋይስስ። 5 ሄሳ ግሾ፥ ጎዳ እስራኤለ ፆሳ ፓስካ የሩሳላመን ቦንቻናዉ በርሳበፐ ዶምድ ዳነ ጋካናዉ ደእያ እስራኤለ አሳ ኡባይ ያና መላ አዋጃናዉ ቆፋ ቃችዶሶና። ሀ ፓስካ ባልያ ካሰ ህግያን ፃፈትዳይሳዳ ዳሮ አስ ቦንችቤና።

6 ካዎይ ኪታን፥ ኪተትዳይሳት፥ ካዋነ ሹማታ ዳብዳብያ ኤክድ እስራኤለነ ይሁዳ ኡባ ብዶሶና።

ዳብዳበይ ሀይሳዳ ያጌስ፤ "እስራኤለ አሳዉ፥ አሶረ ካዋ ኩሸፐ አትዳ ህንተኮ ስማና መላ ህንተካ ጎዳኮ፥ አብራሃመ፥ ይሳቃነ እስራኤለ ፆሳኮ ስምተ! 7 ህንተ ካሰ በእዳይሳዳ ኤንታ ቦረስ አድ እማና ጋካናዉ ባንታ ጎዳስ፥ ባንታ አዋታ ፆሳስ አማነትቦና ህንተ አዋታዳነ ህንተ እሻታዳ ሀኖፕተ። 8 ህንተ ጎዳስ ኪተትተ፤ ካሰ ህንተ አዋታዳ ስእሸ እፃስ ጎፕተ! ህንተናተ ፆሳስ እምተ። ጎዳይ መርናዉ ጌሽዳ ፆሳ ኬ ዪተ። ጎዳ ሀንቆይ ህንተፈ ስማና መላ ጎዳ ህንተ ፆሳ ጎይንተ። 9 ህንተ ጎዳኮ ስምኮ ህንተ እሻትነ ህንተ ናይት ባንታና ድእዳይሳታ ስንን ማሮታ ደምድ ሀ ቢታ ስማና። ጎዳይ ህንተ ፆሳይ ቃተይሳነ ማረይሳ ግድያ ግሾ ህንተ እያኮ ስምኮ ባ ሶምኡዋ ህንተፈ ቆሰና" ያግስ።

10 ኪተትዳይሳት ኤፍሬማነ ምናሰ ቢታ ካንድ ዛብሎና ቢታ ጋካናዉ ካታማፐ ካታማ ብዶሶና። ሽን ሄ ካታማታን ደእያ አሳይ ኤንታ ካድ ኤንታ ቦላ ሚጭዶሶና። 11 ግዶሽን፥ አሴራፐ፥ ምናሰፐነ ዛብሎና ጉ አሳት ባንታና ካዉሽድ የሩሳላመ ይዶሶና። 12 ካዎይነ ካዋ ሹማት ጎዳ ቃላ ማራን ኪትዳይሳ ፖላናዉ እስ ዎዛናን ግዳና መላ ፆሳ ኩሸይ ይሁዳ ቦላ ደኤስ።

13 ናምአን አጌናን ኡይ ባኣለ ቦንቻናዉ ዳሮ አስ የሩሳላመን ሺቅስ። 14 ኤንቲ ደንድድ፥ የሩሳላመን ደእያ ያርሾ በሳታ ላልድ፥ እፃነ ጩይስያ ሚሸ ኡባ ድግድ፥ ቀድሮና ዛንጋራን የግዶሶና። 15 ናምአን አጌናን፥ ታማነ ኦይዳን ጋላሳን ፓስካ ዶርሳ ሹክዶሶና። ባንታና ጌሽቦና ካህነትነ ሌወት ዬላትድ፥ ባንታና ጌሽዶሶና፤ ፁሳ ያርሾ ፆሳ ኬ ኤህዶሶና። 16 ፆሳ አስ ግድዳ ሙሰ ዎጋዳ ፆሳ ኬ ግዶን ባንታ በሳን በሳን ኤቅዶሶና፤ ካህነት ሌወታ ኩሸፐ ኤክዳ ሱ ርጭዶሶና።

17 አሳ ግዶፈ ዳሮት ባንታና ጌሽቦና ግሾነ ዶርሳታ ሹኮና መላ ድገትዳ ግሾ ሌወት ኤንታዉ ፓስካ ዶርሳታ ሹክዶሶና። 18 ኤፍሬማፐ፥ ምናሰፐ፥ ይሳኮራፐነ ዛብሎና ኮቻፈ ዳሮ አሳይ ህገይ ኪተይሳዳ ባንታና ጌሽቦናባ ግድኮካ ፓስካ ባኣለ ግብራ ምዶሶና። ግዶሽን፥ ካዎይ ህዝቅያስ፥ "አቤት ኬሀ ጎዳዉ፥ 19 ህገይ ኪተይሳዳ ሀይሳቲ ባንታና ጌሾናባ ግድኮካ ኤንቲ ነና ጎዳ፥ ባንታ አዋታ ፆሳ ኮያናዉ ባንታ ዎዛና ጊግስዳ ግሾ ነ ኤንታዉ አቶ ያጋ" ያግድ ዎስስ። 20 ጎዳይ ህዝቅያሳ ዎሳ ስእድ ኤንታዉ አቶ ግስ።

21 የሩሳላመን ሺቅዳ እስራኤለ አሳይ ላፑን ጋላስ ኩመ ኡይ ባልያ ግታ ኡፋይሳን ቦንችዶሶና። ሌወትነ ካህነት የ ሚሸን የፅሸ ጋላስ ጋላስ ጎዳ ጋላቶሶና። 22 ህዝቅያስ ጎዳ ጎይኖ ዎጋ ካለሶን ኤረትዳ ሌወታ ምንስ።

አሳ ኡባይ እስፈተ ያርሾ ያርሽሸ፥ ጎዳ ባንታ አዋታ ፆሳ ጋላትሸ፥ ምሸነ ኡይሸ ባኣለ ላፑን ጋላስ ቦንችዶሶና። 23 ሺቆይ ሀራ ላፑን ጋላስ ጉጅድ ባኣለ ቦንቻናዉ ዞረ ቃችድ ላፑን ጋላስ ኡፋይትድ ቦንችዶሶና። 24 ይሁዳ ካዎይ ህዝቅያስ ያርሾ ያርሻናዉ እስ ሙኩሉ ኮርማታ፥ ላፑን ሙኩሉ ዶርሳታነ ዴሻታ አሳስ እሚስ፤ ቃስ ሀላቃት እስ ሙኩሉ ኮርማታነ ታሙ ሙኩሉ ዶርሳታ አሳስ እምዶሶና፤ ዳሮ ካህነት ባንታና ጌሽዶሶና። 25 ይሁዳ አሳይ፥ ካህነት፥ ሌወት፥ እስራኤለፐ ይዳ አሳይ፥ ባኣለ ቦንቻናዉ ይዳ በተ አሳይነ ይሁዳ ቢታን ደእዳ አሳ ኡባይ ኡፋይትዶሶና። 26 ዳዊታ ናኣ፥ እስራኤለ ካዋ ሶሎሞነ ዎድያፐ ዶምን ሀች ጋካናዉ የሩሳላመን ሄሳ መላ ባለይ ቦንቸትድ ኤሮና ግሾ የሩሳላመን አሳይ ዳሮ ኡፋይትዶሶና። 27 ካህነትነ ሌወት ደንድድ፥ ጎዳይ አሳ አንጃና መላ ዎስን ፆሳይ ሳሎን፥ ባ ደእያ ጌሻ በሳን ኤንታ ዎሳ ስእስ።

1 "እስ አስ ባ ማችዉ የድን፥ እያ ባዳ ሀራ አዝና ገልኮ፥ ሄ አደይ እዮ ዛሪ? ዛርኮ ሄ ቢታይ ቱና ግደኔ? ሽን ነ ላይማታናዉ ኮያዳ ዳሮ ላገታራ ደአዳሳ፤ ሀእ ኔኒ ታኮ ስማኔ? ያጌስ ጎዳይ 2 ቁ ጋዳ አይኮይ ባይና ደረታ ፄላ። ላይማታናዉ ነ ዝንአቦና በሲ ደኢ? አራበ አስ መላ ቢታን ኡተይሳዳ፥ ኔኒ ላገታ ናጋዳ ኦገ ዶናን ኡታዳሳ። ነ ላይማተንነ ነ ኢታተን ቢታ ቱንሳዳሳ። 3 ሄሳ ግሾ፥ ቶርቸ እራይ ተቀትስ፤ ስላ እራይካ ቡኮና እፅስ። ሄስ ሀንንካ፥ ነዉ ላይማተ መይ ደኤስ፤ ነ ዬላቶና እፃዳሳ። 4 ሀእ ኔኒ፥ ‘ታ አዋዉ፥ ታ ናአተ ላግያዉ ነ ታና ሲቃሳ። 5 ነ ኡባ ዎደ ይሎታይ? ነ ሀንቆይ መርናዉ አገኔ?’ ያጋሳ። ሽን ነ ኦናዉ ዳንዳእያ ኢታ ኡባ ኦሳ" ያጌስ ጎዳይ።

6 ካዋ እዮስያሳ ዎደ ጎዳይ ታኮ ሀይሳዳ ያግስ፦ "አማኖይ ባይና እስራኤለይ ኦዳባ ነ በአዲ? እያ ደረ ቦላነ ዳሻ ም ኡባ ጋርስ ባዳ ያን ላይማታሱ። 7 እያ ሀይሳ ኡባ ኦንካ ታኮ ስማንደ ጋዳ ቆፓስ፥ ሽን ስማቡኩ። እ ምችያ፥ አማነቶና ይሁድካ ሄሳ በአሱ። 8 አማኖይ ባይና እስራኤለይ ዳሮ ዎደ ላይማትዳ ግሾ ፕርማ እማዳ እዮ የዳስ። ሄስ ሀንንካ እስራኤለ ምችያ፥ አማነቶና ይሁድ፥ ያዮናይሳ ታ በአስ፤ እያካ ከያዳ ላይማታሱ። 9 ላይማተይ እዉ ላፋባ ግድያ ግሾ፥ ምራነ ሹቻራ ላይማታዳ ቢታ ቱንሳሱ። 10 ሄ ኡባን እ ምችያ፥ አማነቶና ይሁድ ስምዳባ ዳናዉሱፐ አትሽን፥ ኩመ ዎዛናፐ ታኮ ስማቡኩ" ያጌስ ጎዳይ።

11 "አማነቶና ይሁዳፐ አማኖይ ባይና እስራኤለይ ፅሎ። 12 ባዳ ፑደሀ ባጋን ደእያ አሳስ ሀይሳዳ ያጋዳ አዋጃ፦ ‘አማኖይ ባይና እስራኤለ፥ ስማ! ታኒ ማሮት ኩምዳ ጎዳ ግድያ ግሾ ነና ኢታ አይፈን ፄልከ። መርናዉ ሀንቀትከ’። 13 ግዶሽን፥ ‘ታኒ ጎዳ፥ ታ ፆሳ ቦላ ማካላስ። አላጋ ፆሳታራ ዳሻ ም ጋርሳን ላይማታስ። ነ ቃላ ኪተታብከ’ ጋዳ ነ ቆሁዋ አማና" ያጌስ ጎዳይ።

14 "ህንተኖ፥ አማነቶና አሳዉ፥ ታ ህንተዉ አዝና ግድያ ግሾ ስምተ። ታኒ እስ ካታማፐ እስኖ፥ እስ ያራፐ ናምአ ዶራ ኤካዳ ፅዮነ ኤሀና። 15 ታ ዎዛናዳ ህንተና ሄምያ ሄንንቾታ ህንተዉ እማና። ኤንቲ ህንተና ኤራተንነ አኬካን ሄማና" ያጌስ ጎዳይ።

16 "ሄ ጋላሳታን ህንተ ሄ ቢታን ዳርያ ዎደ አሳይ፥ ‘ጎዳ ጫቆ ታቦትያ’ ግድ ኦደቶኮና። እ ኤንታዉ ቆፈተና፤ ሀሳየተና፤ ባይናይስ ኤንታዉ ኤረተና፤ ሀርካ ኦሰተና። 17 ሄ ዎደ ኤንቲ የሩሳላመ፥ ‘ጎዳ አራታ’ ግድ ፄጋና። ካዎተ ኡባፈ አሳይ ጎዳ ሱን ቦንቻናዉ የሩሳላመ ሺቃና። ሄሳፈ ጉየ፥ ኤንቲ ባንታ ዎዛና ኢታተ ካሎኮና። 18 ሄ ዎደ ይሁዳ አሳይነ እስራኤለ አሳይ ጋሄትድ ፑደሀ ባጋ ቢታፈ ታ ህንተ አዋታ ላትስዳ ቢታ እስፈ ያና" ያጌስ ጎዳይ።

19 "ታ ህንተና ናአ ኤካዳ፥ ቢታ ኡባፈ ሎእያነ አራዳ ቢታ ህንተዉ እማናዉ ኮያስ። ‘ታ አዋዉ’ ግድ ፄጋናነ ታና ካላና ጋዳ ቆፓስ። 20 ሽን እስራኤለ አሳዉ፥ ህንተ ባ አዝናስ አማነቶና ማችዳ ታዉ አማነትበከታ" ያጌስ ጎዳይ።

21 ኤንቲ ባንታ ኦግያ ጌላይዳ ግሾነ ባንታ ፆሳ አግዳ ግሾ ማንቆ ዙማታፐ እስራኤለ አሳ ዋሶይነ ዬሆይ ስኤቴስ። 22 "ህንተኖ፥ አማኖይ ባይና አሳዉ፥ ታኮ ስምተ። ህንተ አማነታና መላ ታ ህንተና ፓና" ያጌስ ጎዳይ።

ህንተ፥ "ኔኒ፥ ኑ ጎዳ ፆሳ ግድያ ግሾ ኔኮ ስማና። 23 ደረታ ቦላነ ዙማታ ቦላ ኤቃ ጎይኖይ ቱማ ጭሞ። ቱማ እስራኤለ አቶተይ ጎዳ፥ ኑ ፆሳ። 24 ኑ ናአተፈ ዶምን፥ ኑ አዋት ዳቡርድ ደምዳ፥ ኤንታ ዶርሳነ መህያ፥ ኤንታ ማጫነ አደ ናይታ ዬላይያ ኤቃት ምድ ይስዶሶና። 25 ናአተፈ ሀች ጋካናዉ፥ ኑነ ኑ አዋት ጎዳ ኑ ፆሳ ቦላ ናጋራ ኦዳ። ጎዳ ኑ ፆሳ ቃላ ኪተትቦኮ። ሄሳ ግሾ፥ ኑኒ ዬላን ጉፋናናዉ ቃስ ካዉሻተ አፍላዳ ኑና ካሞ" ያጎሶና።