Misericórdia
A misericórdia de Deus é eterna e inesgotável. Ele se compadece dos que sofrem, perdoa os arrependidos e derrama graça sobre os que não merecem. Grande é a sua fidelidade.
A misericórdia de Deus
Quem é Deus como tu, que perdoa a iniquidade? Ele se deleita em ter misericórdia e não retém a ira para sempre.
Ala mundun na naxan maniya i ra,
naxan yunubi xafarima,
naxan diɲɛma a xa kɛ tongomae dɔnxɔɛe ma?
I mu xɔnɛ ragatama abadan,
barima dugutɛgɛya masenfe muxu bɛ a rafan i ma.
Dawuda xa yunubi
Ala maxandi
Dawuda xa bɛɛti bɛɛtibae xa mangɛ bɛ. Annabi Natan wɔyɛnfe Dawuda bɛ a yunubi raba Batiseba ra tɛmui naxɛ.
Alatala, i maɲɔxun i xa marafanyi nun i xa fonisireya ma,
barima e na na kabi duniɲa fɔlɛ.
I naxa i maɲɔxun n ma yunubi ma,
n naxan nabaxi n ma sɛgɛtalaya kui,
n i raxɔnɔxi tɛmui naxɛ.
Alatala, i maɲɔxun n ma i xa fonisireya kui,
barima i fan.
Alatala Marakisima
Ala maxandi
Biyaasilae xa bɛɛti nde
Alatala, n i xilima n ma tɔɔrɛ tilinxi nan kui.
N Marigi, i xa i tuli mati n xui ra,
i xa n ma maxandi ramɛ kinikini kui.
N mu nɔma dundude i xa nɔndi ma.
N i xa fe fanyi nun i xa marakisi fe falama nɛ.
N mu i xa fonisireya nun i xa nɔndi nɔxunma ɲama ma.
Hɛɛri nun hinnɛnteya birama n fɔxɔ ra n ma duniɲɛigiri kui.
N luma nɛ Ala xa hɔrɔmɔlingira kui lɔxɔ yo lɔxɔ,
han n ma duniɲɛigiri ɲɔn.
Babae kinikinima e xa die ma ki naxɛ,
Alatala fan kinikinima a yaragaaxuie ma na ki nɛ,
Graça e perdão
Onde o pecado abundou, superabundou a graça. Deus convida todos ao arrependimento e promete perdão total aos que confessam.
Kɔnɔ Ala won kixi naxan na, na nun Benba Adama xa yunubi keren mu a ra. Iyo, adamadi gbegbe faxaxi yi mixi keren xa yunubi nan saabui ra, kɔnɔ Ala xa hinnɛ dangi na ra ki fanyi, barima a adamadie kixi a xa Mixi Sugandixi Isa naxan na, na bara mixi gbegbe rakisi a xa hinnɛ saabui ra.
Won fa na ma di? Sɛriyɛ xa nɔɛ to mu won fari sɔnɔn won to fa na Ala xa hinnɛ nan kui, won xa yunubi raba yire? Astɔfulahi!
Kɔnɔ Ala xa kinikini gbo. A won xanuxi xanunteya tilinxi nan na. Na kui, hali faxamixie nan to nu won na won ma fe kobi rabaxie xa fe ra, Ala naxa won nakeli na faxɛ ma, won nun a xa Mixi Sugandixi. Wo kisixi Ala xa hinnɛ nan saabui ra.
kɔnɔ a naxa a masen n bɛ, «N ma hinnɛ bara i rali. I n ma sɛnbɛ kamalixi kolonma i xa sɛnbɛtareya nan kui.» Na nan a toxi n nan n ma sɛnbɛtareya matɔxɔma, alako Ala xa Mixi Sugandixi sɛnbɛ xa lu n bɛ.
Mixi naxan a xa yunubie nɔxunma, a xa fe mu sɔɔnɛyama,
kɔnɔ mixi naxan a tima a xa yunubie ra, a gbilen e fɔxɔ ra, Ala kinikinima a ma.
Mixi ɲaaxi xa gbilen a xa kira kobi fɔxɔ ra,
yunubitɔɛ xa a xa natɛ lu naa.
A xa gbilen won Marigi Alatala ma,
alako a xa kinikini a ma,
a xa a xa yunubie xafari.
Kɔnɔ na kui Alatala na mamɛ tife alako a xa hinnɛ wo ra.
A fama nɛ kelide, a kinikini wo ma,
barima Alatala tinxin.
Sɛɛwɛ na mixi bɛ, naxan a xaxili tixi a ra.
Misericórdia e compaixão
Misericórdia quero e não sacrifício. Deus nos chama a ser misericordiosos como Ele é, perdoando e acolhendo o próximo.
Wo siga, wo sa fahaamui sɔtɔ yi masenyi ma, ‹Hinnɛ rafan n ma dangife sɛrɛxɛ ra.› N mu faxi tinxintɔɛe xa xilide. N faxi yunubitɔɛe nan xilide.»
Diɲɛfe ngaxakerenyi ma nun diɲɛtareɲa xa taali
Na tɛmui, Piyɛri naxa a maso Isa ra, a a fala a bɛ, «N Marigi, n lanma n xa diɲɛ n ngaxakerenyi xa haakɛ ma sanmaya yeri? Han sanmaya solofere?» Isa naxa a yaabi, «N xa a fala i bɛ, sanmaya solofere xa mu a ra de! I xa diɲɛ a ma sanmaya solofere dɔxɔ tongo solofere.»
«Xa wo diɲɛ mixie haakɛe ma, wo Baba naxan na ariyanna, a fan diɲɛma nɛ wo ma,
Kɔnɔ hali i to na raba, i tondi nɛ e sɔntɔde i xa fonisireya xa fe ra. I mu e rabɛɲin kerenyi ra, barima Ala nan na i ra naxan hinnɛma mixie ra, naxan kinikinima e ma.»
Barakɛ luma mixi bɛ naxan mixie kima,
naxan tinma mixi donide,
naxan walima tinxinyi ra.
Muxu Marigi Ala xa tofanyi xa lu muxu ya i.
A xa muxu xa wali sɔɔnɛya, a xa baraka sa muxu xa wali ma!
Acessar a misericórdia
Cheguemos com confiança ao trono da graça. Ali encontramos misericórdia e graça para socorro no tempo oportuno.
Na na a ra, won xa won maso a xa hinnɛ kibanyi ra lanlanteya ra, alako won xa kinikini nun hinnɛ sɔtɔ a tɛmui.
Ala xa ɲama ɲɛrɛ ki
Na kui, n ngaxakerenyie, Ala to bara hinnɛ wo ra, n bara wo maxandi wo xa wo yɛtɛ ba sɛrɛxɛ ra Ala bɛ, sɛrɛxɛ sɛniyɛnxi naxan bama a ɲiɲɛ ra, naxan nafanxi Ala ma. Na nan findima wo xa batui xɔri ra.
Ala duniɲa xanu nɛ han a naxa a xa Di kerenyi fi, alako mixi yo naxan na danxaniya a ma, a naxa lɔɛ, a xa kisi nɛ abadan.
Na kisi kelixi Ala nan ma, barima a bara hinnɛ wo ra dɔxɔ firin: Wo danxaniyafe Ala xa Mixi Sugandixi ma, a nun wo man tɔɔrɔfe a bɛ,
Xesekiya Sayamalekɛ Dangi Sali rabafe
Xesekiya naxa xɛɛrae xɛɛ Isirayila nun Yudaya birin kui. A man naxa bataaxɛe sɛbɛ Efiramikae nun Manasikae ma, alako e xa fa Alatala xa banxi Darisalamu Sayamalekɛ Dangi Sali rabade Isirayila Marigi Alatala xa binyɛ bun ma. Mangɛ, kuntigie, nun ɲama birin nu bara natɛ tongo Darisalamu e xa Sayamalekɛ Dangi Sali raba kike firin nde. E mu nɔ na rabade a waxati, barima sɛrɛxɛdubɛ birin mu nu gɛxi e yɛtɛ rasɛniyɛnde. Ɲama fan mu nu malanxi Darisalamu. Mangɛ nun ɲama naxa tin na natɛ ra. E naxa Isirayila birin maxili, kelife Bere Seeba ma, sa dɔxɔ Dana na, alako e xa fa Sayamalekɛ Dangi Sali raba Darisalamu Isirayila Marigi Alatala xa binyɛ bun ma. A nu bara bu ɲama mu na sali raba alɔ a sɛbɛxi ki naxɛ.
Xɛɛrae naxa mangɛ nun kuntigie xa bataaxɛ xanin Isirayila nun Yudaya birin. E naxa mangɛ xa yaamari masen, «Isirayilakae, wo gbilen Alatala ma, Iburahima, Isiyaga, nun Isirayila Marigi Ala, alako a fan xa gbilen wo ma, a wo tan naxee ratangaxi Asiriya mangɛe bɛlɛxɛ i. Wo naxa lu alɔ wo babae nun wo ngaxakerenyie, naxee nu bara e babae Marigi Alatala rabɛɲin. Ala bara gbaloe ragiri e ma, alɔ wo a toxi ki naxɛ. Yakɔsi, wo naxa wo kobe ti Ala ra alɔ wo babae a rabaxi ki naxɛ. Wo wo bɛlɛxɛ so Alatala yi ra, wo xa fa a xa hɔrɔmɔbanxi, a naxan nasɛniyɛn waxati birin bun ma. Wo xa wo Marigi Alatala rabatu, alako a xa xɔnɛ xa gbilen won fɔxɔ ra. Xa wo gbilen Alatala ma, wo ngaxakerenyie nun wo xa die hinnɛ sɔtɔma nɛ mixie ra, naxee e xanin konyiya kui. Xa wo gbilen wo Marigi Alatala ma, a fama nɛ hinnɛde wo ra, a mu nɛɛmuma wo ma.» Xɛɛrae naxa siga taae birin Efirami nun Manasi bɔxi ma, han Sabulon. Kɔnɔ na mixie mu tin e xa masenyi ra, e man fa yo xɛɛrae ma. Aserikae, Manasikae, nun Sabulonkae ndee naxa e yɛtɛ magoro, e siga Darisalamu. Ala naxa a niya Yudayakae birin xa kafu e boore ma mangɛ nun kuntigie xa yaamari rabafe ra alɔ Alatala a fala ki naxɛ.
Ɲama gbegbe naxa e malan Darisalamu, alako e xa Taami Lɛbinitare Sali raba kike firin nde. E naxa keli, e kuye sɛrɛxɛbade birin kana Darisalamu, a nun surayi gandee, e fa na birin wɔlɛ i Sediron fole kui. Kike firin nde, xi fu nun naani nde ra, e naxa Sayamalekɛ Dangi Sali xa sɛrɛxɛ ba. Sɛrɛxɛdubɛe nun Lewikae nu bara yaagi e xa sɛniyɛntareɲa xa fe ra, e fa e yɛtɛ rasɛniyɛn. E naxa sɛrɛxɛ gan daaxie ba Alatala xa banxi kui. Sɛrɛxɛdubɛe naxa ti e yire alɔ Ala xa mixi Munsa a yamarixi ki naxɛ Tawureta Munsa kui. Lewikae to wuli so e yi ra, e naxa a kasan sɛrɛxɛbade ma. Mixi sɛniyɛntaree to nu wuyaxi ɲama ya ma, Lewikae naxa Sayamalekɛ Dangi Sali sɛrɛxɛ ba e bɛ, alako e xa a fi Alatala ma. Mixi sɛniyɛntare wuyaxie nu na ɲama ya ma kelife Efirami, Manasi, nun Sabulon. E bara Sayamalekɛ Dangi Sali sɛrɛxɛ don, kɔnɔ na mu radaxaxi Ala xa masenyi kui. Na nan a to, Xesekiya naxa Alatala maxandi e bɛ, «Alatala naxan fan, diɲɛ sɛniyɛntaree birin ma naxee na e babae Marigi Ala fenfe e bɔɲɛ kui.» Alatala naxa Xesekiya xa dubɛ suxu, a diɲɛ ɲama ma.
Isirayilakae naxee nu malanxi Darisalamu naxa Taami Lɛbinitare Sali raba xi solofere bun ma ɲɛlɛxinyi kui. Lɔxɔɛ birin ma, Lewikae nun sɛrɛxɛdubɛe nu Alatala matɔxɔma e xa bɛɛtibasee ra Ala xa binyɛ bun ma e sɛnbɛ birin na. Xesekiya naxa Lewikae ralimaniya, barima e nu bara Alatala xa wali raba a raba ki ma. E naxa sɛrɛxɛe don xi solofere bun ma. E man naxa xanunteya sɛrɛxɛe ba e babae Marigi Alatala bɛ.
Ɲama birin naxa lan a ma, e xa xi solofere gbɛtɛ sa na sali xun ma. E naxa na raba sɛɛwɛ kui. Yudaya mangɛ Xesekiya naxa tuura wulu keren nun xuruse lanma wulu solofere ba sɛrɛxɛ ra. Kuntigie fan naxa tuura wulu keren nun xuruse lanma wulu fu ba sɛrɛxɛ ra. Sɛrɛxɛdubɛ gbegbe naxa e yɛtɛ rasɛniyɛn. Yudaya ɲama, sɛrɛxɛdubɛe, Lewikae, Isirayilakae, nun xɔɲɛe kelife Isirayila bɔxi ma, e birin naxa sɛɛwa. Ɲɛlɛxinyi gbegbe naxa lu Darisalamu. Na fe mɔɔli nu bara ba tofe Darisalamu kabi Isirayila mangɛ Dawuda xa di Sulemani xa waxati. Sɛrɛxɛdubɛe nun Lewikae naxa keli, e duba ɲama bɛ. Alatala naxa na dubɛ suxu a xa yire sɛniyɛnxi kui koore ma.
Isirayila xa danxaniyatareɲa
«Xa xɛmɛ mɛɛ a xa ginɛ ra,
na ginɛ naxa sa dɔxɔ xɛmɛ gbɛtɛ xɔn,
a xa xɛmɛ singe man nɔma gbilende a ma sɔnɔn?
Yi bɔxi bara lu sɛniyɛntareɲa kui.
Wo tan naxee bara langoeɲa raba wo xanuntenyi kuyee ra,
yakɔsi wo man fa wama gbilenfe n ma nɛ?»
Alatala xa masenyi nan na ki.
«Wo wo ya rate, wo xa a mato,
xa yire nde na wo mu langoeɲa rabaxi dɛnnaxɛ.
Wo nu na wo xanuntenyi alae mɛmɛfe kira xɔn ma,
alɔ muɲɛtie naxee e nɔxunma kira dɛ e xa dutun mixie ma.
Wo bara yi bɔxi nɔxɔ wo ɲɛrɛ ki sɛniyɛntare ra.
Na nan a ra n mu tunɛ rafaxi,
n mu ɲɛmɛ tunɛ ragoro wo bɛ.
Kɔnɔ wo ya xɔrɔxɔ alɔ langoe ginɛ,
wo mu yaagixi fefe ma.
Han ya wo a falama n bɛ,
‹Muxu baba, naxan mɛɛnixi muxu ma muxu fonike tɛmui,
han to i xɔnɔxi muxu ma?
I mu diɲɛma sɔnɔn?›
Iyo, wo na nan falaxi,
kɔnɔ wo mu wo baxi na kira ɲaaxi xɔn fefe ma.»
Alatala naxa a masen n bɛ mangɛ Yosiya xa waxati, «I bara Isirayila xa yanfanteya to? A bara yɛnɛ raba geya birin fari, a nun wuri bili tofanyi birin bun ma. N bara a maɲɔxun, na dangi xanbi a man fama nɛ gbilende n ma, kɔnɔ a mu fa. A maaginɛ tinxintare Yudaya fan a toxi. N to mɛɛ Isirayila ra, n to fatan kɛɛdi so a yi ra a xa yɛnɛ xa fe ra, a maaginɛ Yudaya tinxintare mu gaaxu n ya ra feo. A fan bara siga yɛnɛ rabade. Isirayila xa kuye batufe, gɛmɛ nun wuri daaxi, na bara bɔxi findi yire sɛniyɛntare ra. Na birin kui Yudaya tinxintare, Isirayila maaginɛ, a mu ɲanige tongoxi a bɔɲɛ kui a xa a yɛtɛ ragbilen n ma. A na fala a dɛ gbansan nan na.» Alatala xa masenyi nan na ki.
Na tɛmui Alatala naxa a masen n bɛ,
«Isirayila tinxintare fisa Yudaya sɛniyɛntare bɛ.
I xa sa masenyi ti kɔɔla biri ra,
‹Isirayila sɛniyɛntare, i yɛtɛ ragbilen n ma.
N mu xɔnɔxi wo ma sɔnɔn.
Hinnɛnte nan n na,
n bɔɲɛ mu luma xɔnɔ ra tɛmui birin.›»
Alatala xa masenyi nan na ki.
«Wo xa wo ti wo xa wali kobi ra.
Wo bara wo Marigi Alatala matandi,
wo bara bira ala gbɛtɛe fɔxɔ ra wuri bilie bun ma.
Wo mu tin wo tuli matide n xui ra.»
Alatala xa masenyi nan na ki.
Alatala xa masenyi nan ya,
«Wo tan kalabantee,
wo gbilen n ma.
N tan nan na wo Marigi ra.
N fama nɛ wo mayegetide taa nun xabilɛ kui,
n fa wo ragbilen Siyon.
N yareratie tima nɛ wo bɛ, naxee rafan n ma.
E lɔnni nun xaxili fanyi masenma nɛ wo bɛ.»
Alatala xa masenyi nan ya.
«Wo na wuya wo xa bɔxi kui,
wo fama nɛ nɛɛmude Alatala xa saatɛ kankira ma.
Wo mu a xa fe falama,
wo xa maɲɔxunyi mu sigama a ma.
Wo mu a kolonma a bara lɔɛ,
wo mu gbɛtɛ fenma.
Kɔnɔ na tɛmui Darisalamu xili fama nɛ falade
‹Alatala xa kibanyi.›
Si birin sigama naa Alatala xili ra.
E gbilenma nɛ e xa maɲɔxunyi ɲaaxi fɔxɔ ra.
Na waxati Yudayakae fama nɛ kafude Isirayilakae ma.
E birin kelima bɔxi nan ma naxan na kɔɔla ma,
e fa gbilen bɔxi ma n dɛnnaxɛ fixi wo babae ma kɛ ra.
N tan nu bara a fala,
‹N wama nɛ wo xa lu alɔ n ma die,
n xa bɔxi fi wo ma kɛ ra,
naxan tofan bɔxi birin bɛ.›
N bara a maɲɔxun a wo n xili falama nɛ ‹N Baba.›
N bara a maɲɔxun wo mu gbilenma n fɔxɔ ra.
Kɔnɔ wo tan Isirayila, wo bara n yanfa
alɔ ginɛ naxan a xa mɔri yanfa a yɛnɛ raba.»
Alatala xa masenyi nan na ki.
Isirayilakae e xui itema geya fari,
e wama, e Ala maxandima,
barima e bara kira ɲaaxi suxu,
e bara nɛɛmu e Marigi Alatala ma.
Alatala naxɛ, «Wo tan matandilae, wo gbilen,
n nɔma wo rakiside wo xa yanfanteya ma.»
Isirayilakae naxa a yaabi,
«Awa, muxu gbilenma nɛ i ma,
barima i tan nan na muxu Marigi Alatala ra.
Iyo, xui naxan kelima geya fari, wule na a ra.
Iyo, muxu Marigi Alatala nan na Isirayila rakisima ra.
Kabi muxu dimɛdi tɛmui,
kuye ratɔnxie bara muxu babae xa harige xun nakana,
e xa xurusee nun e xa die.
Na yaagi bara muxu sɔtɔ,
binyɛ birin bara ba muxu ma,
barima muxu bara yunubi raba won Marigi Alatala ra,
muxu tan nun won babae,
kabi muxu dimɛdi tɛmui han to.
Muxu mu muxu tuli matixi muxu Marigi Alatala xui ra.»