Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Ama anɔng, ne aYeso mi rēn fok kutomong wu mi gang, a fɛ̀, <<Iyɛ ingash di daam.>> A fɛ̀ anɔng, nɔng ikyɛng fɛ́ ba ki mang jɛk ni fumung aJɛrɛ di shining. Ashi ajatang akak kin se ni ite tsik azɔng, ni wang, ba bɔ ina ni ikyɛng ikak fi ise fungam, ba tubuk ina nikon ahisop, ba ku te ne na nu. Ama fɛ́ aYeso bamang ashi me, a fɛ̀, <<Ba mi gang!>> Ama anɔng, a te gup ice wu, a kɔrɔk nsong wu.
Ama fɛ́ batsom e, mi gang itekak aYeso, ba sok nkpin wu, ba kaba ina nasa na naas, kaangan ba ne kasa kafuu. Ba tɛ ba sok kukpin wu kufe ayɛt e, fi ku se vit itos, fɛ́ ba bat iko gbol sak aben.
Ba fɛ̀, <<In bi sarak yit iko awo, won in di barak yit icang ni ko, in da di yit angan wu a da ya iko e.>>
Ikyɛng deng te anɔng, nɔng ba bin di shining ikyɛng fɛ́ ba ki mang jɛk ni fumung aJɛrɛ ye,
<<Ba kabasa nkpin in nate ba,
nɛ ba di bara icang
ni kukpin ayɛt hom,
nɔng ba bin di,
ayɔng fɛ́ a da ya iko.>>
Ikyɛng e deng fɛ́ batsom e kin nye dɔng.
Banet fɛ́ ba se ni nyeseng bakat ni kukum itekak aYeso me ba kin yet, nggɔ wu, nɛ banganyining nggɔ wu; aMarya abin aKilopas, nɛ aMarya afɛ́ aMagadala. Izen fɛ́ aYeso di nggɔ wu, nɛ afi-imɛɛs wu yɔng, fi iwu shim ni nyeseng bakat azɔng, a fɛ̀ ni nggɔ wu, <<Aneng, di nggon ngɔn ka>> A ma fɛ̀ ne afi-imɛɛs wu me, <<Di nggɔ ngɔn yo.>> Nkum atuk e yɔng sak ashon, afi-imɛɛs e wat a tseng ni iwu sak ari wu.
Ni izen e yɔng, kutaà fi ku tsang tɛnɛsɛ karɔ ajɛrɛ nitu iya Adakunom ntong, wat ku sarak nate, nkum naton sak aben. Ni izen e yɔng, mben zuut, ata woso sarak. Nrɛk woso tarasa, nkom bafɛ́ ajɛrɛ, doro ni kutset, ba wuru ayɛt arɛk bá, ama fɛ́ aYeso dorok, ba tseng gung ni iwu sak ni kuwɔp ajɛrɛ, banet dot ka ba yɛrɛ.
Ni izen fɛ́ agbat batsom e, nɛ bayɔng fɛ́ ba se ni itot aYeso me, di fi mben zuut, ni ikyɛng fi ite, nnyim ka ba yit, ba fɛ̀, <<Na tsak e, anet e yong kin yet Arim Adakunom!>>
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Vit anet fɛ́ a bɛ̀ ishim fi iwat iyeng: anet na mees kutset wu nek bafidang wu.
<<Nek ishim fɛ́ Adakunom bɛ́ nek kazatse makiyi, a nɔɔk azizɛɛt ari wu, nɔng ngma ayɔng fɛ́ a nɔɔk atsak ni wu, a da wey awo, tit a da sɛ kutset vit igang.
Nek ki izen fi in ren se yit ifa ne Adakunom, in sɛ yit kusot inosong-ashi nek iku ari wu, wat yɔkɔnɔng fi in mi nosong ashi, a da won dang ki sheshek ni kutset wu ɛ?
Ne ane fi in di rēn yit ikyɛng fi ishim yet: aYeso Kristi mees kutset wu nek iyit. Nek anɔng, i se yɛɛt ni in mees yit kutset yit nek baruneng yit.
Iwu fɛ́ a yet kunang itarang anɛn yit fɛ́ ba kin nabak, nek anɛn afiit kyɛk awo, a yet nek anɛn bafɛ́ azatse ngma kusum.
Ayɛt nse wu tɛ anet awe,
a men ice wu,
a nabak ice wu sak ni iku,
sak ni iku, kuri ifi itekak!
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Nek in rēn yit fok ye, ba mi donong Anet-Isheshek ni irɛk, a da tɛ a ku kong awo, iku ti i bɛ̀ ice naton wu kong awo. Nek iku fɛ́ a ku, a ku kazining pɛɛt nek bafi inɛn ngma kusum, awɛt kutset fɛ́ a se ne, a se ne nek Adakunom.
Iyin rēn yin fok ngma yit fɛ́ ba kin man ki ra yit abatisma na Anet-Isheshek aYeso, ba mi ki ra yit abatisma sak ni iku wu awɛ? Nek anɔng, ba mi ki nɛt yit gung ni iwu na abatisma, in mi sot yit bazining ni iku wu, nek kyɔn tɛ ba kin di donong na Anet-Isheshek ni iku, ayɛt ízɔk Ada Adakunom, anɔng fi iyit da nye yit kusot ayɛt kutset kufas.
Kyɔn ti fi i di se, ba te fok anet awe da ku kazining pɛɛt, ama anɔng, na tot ishɔt Adakunom. I se anɔng bà, ba kin nabak Anet-Isheshek tɛ inabak-akuce sɔk kazining pɛɛt nek a di sok anɛn banet dot. A bi tɛ bɛ́, ibɛ́ ifɛ́ afaa, da nek i sok anɛn kong awo, tit na bɛ́ ni isheshek sak na bayɔng fɛ́ ba se ni itot wu.
<<Iyin bafi aIsrela, wes yin ato ni kucɛɛt kang. AYeso anet aNazaret, kin yet atutup ayɔng fɛ́ Adakunom kin ki tonong yin wɛshɛk fok iwu wu a ku tom nate yin. A tonong anɔng e, ni kuri ntomong ayɔɔt na abes zizɛɛt-zizɛɛt fɛ́ Adakunom nye ni bɔk aYeso. Kpaf ti iyin da rēn yin. Adakunom rēn ikyɛng fi i bi te, ikyɛng fi iwu mang sak sɛ kushining ni izen fɛ́ ba nabak aYeso. Ni irun ama bafɛ́ anɛn, iyin ku fɛt yin naton kukum. Ngma na anɔng, Adakunom kudorok ni iku, a ku tun ni mgbang iku, nek iku kyem ni i ku tekap ni nyang awo.
<<Imi yet anek atek e. Anek atek mees kutset wu nek ítsamang e.
Nek ngma izen fi i ya yin akpam e yong, i sɔ yin na katsereng isɔ yong, ni shara yin ifɛ̀ iku wu sak izen kubɛ́ wu.