Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Yesu pabweni panga goti gatimile, no li’nga Maandiko Mapeleteu gatimi, ngabaya, "Niminya nnyota." Apo paabile na bakuli lyalitwi’li kasiki. Bai ngabampeya kasiki kwa lutengo lwa malu’ba ga hisopo, na kumwekekeya pankano wake. Yesu paayomwi pokya yo kasiki ngabaya, "Gatimile!" Ngakotima na kwipiya loo yake.
Asikali pabaayomwi kummamba Yesu, magu’bo gake ngabagabagana mapungu nsese, lipungu limo kwa kila asikali. Kai' baatweti na nganju yake, yayaapumilwe pangali sonelwa bu’ka kunani mpaka pai', yawesekineli baganika. Abo asikali ngababakiana, "Kanetuipopwane, ila tuipangi mpumbe yapanga ya nyai." Likowe lyo lyapangilwe li’nga gatimi Maandiko Mapeleteu gagabaya, "Batibagana iwalo yangu', na ngu’bo yangu' baipangi mpumbe." Amo nga mwabaapangite abo asikali.
Papipi na nsalaba wake Yesu baayi’mi mau' bake, nku’we mau' bake, Malia nnyumbowe Kleopa na Malia Makatalena. Yesu paabweni mau' bake, na papipi yake ayi’mi yu’lu' mwanamasi' ywaampendile, ngaabakia mau' bake, "Mau'! Mulole, aywo nga mwana winu." Bu’kapo ngammakia yu’lu' mwanamasi', "Ulole aywo nga mau' bako." Na tangu' saa yi’lu' aywo mwanamasi' antweti mau' bake Yesu atame kasake.
Pabaikite pandu papakemelwa "Lipakala lya Ntwe," ngabammamba Yesu munsalaba papipi na balu' abi’li' babaalabiye, yumo lwamalyo wa Yesu na ywi’ngi' lwanki’ya lwake. Yesu ngabaya, "Tati', mwasami, kwa mwanjaa batangiteli lyabalipanga." Bu’kapo, ngababagana magu’bo gake kwo ng’andya mpumbe. Bandu baabile wi’ma kabalola. Nabembe alongosi ngabansalanga kababaya, "Aakosopoli bi’ngi', nambi’yambi' aikosopoli mwene, manaitei ywembe nga Kilisitu, nsaulwa na Nnu’ngu'." Nabembe asikali baatikunsalanga kai', baatikunnyendelya na kumpeya kasiki, kababaya, "Manaitei kakape wenga nga wankulungwa wa Ayahudi, wikosopoli wamwene."
Kai' maandiko gano gaabi’kilwe panani ya nsalaba wake, "Ayu' nga Nkulungwa wa Ayahudi."
Yumo ywa balu' babaalabiye bababambilwe munsalaba, aatikumpwi’wa kabaya, "Nga, kakape buli panga wenga nga wa Kilisitu ywabayilwe? Bai, wikosopoli wamwene, kai' utukosopoli na twenga." Lakini yu’lu' ywaalabiye ywi’ngi' ngankalipya nnyine kabaya, "Wenga unnyogopali Nnu’ngu' ata pasene? Wenga utesenulwa nyinyonyo. Wenga nanenga ngaipalikwa pata mali’po gano kwa galu' gatupangite. Lakini mundu yu' apangiteli lyakau lyolyoti." Bu’kapo ngabaya, "Mwa Yesu! Mwangu’mbu’ki nsimu pamwayingya mu Ukulungwa winu." Yesu ngannyangwa, "Nikubakia kakape, li’no waba pamope nanenga kumbepo ya Nnu’ngu'."
Na payikite saa sita ya muntwekati mpaka saa tisa, lubi’ndu' lwauwi’ki’li nni’ma woti. Na paikite saa tisa, Yesu aau’bwiye lilobe kakemelya, "Eloi, Eloi, lema sabakitani?" Lombolya, "Nnu’ngu' wangu', Nnu’ngu' wangu', mboni utenileka?"
Na saa yi’yi’lu’yi’lu' panjia ya nyumba ya Nnu’ngu' yapapwike ipande ibi’li', tumbulya kunani mpaka pai'. Nnendemo wa nni’ma ngaupitya na mipi’mbi' yaatipuanika, masiko ngagaumukuka na bandu bambone babawile bayi’ki’tilwe na Nnu’ngu', ngabayu’yi’lwa, ngabapita mumasiko, no bu’ka po yu’ka kwa Yesu, ngabayingya mu Yelusalemu, ngababonekana na bandu bambone.
Bai, yu’lu' mpi’ndo wa asikali pamope na balu' babaabile kabanni’ndi’la Yesu pabaubweni nnendemo wa bwi' na galu' makowe gagapitile, ngabayogopa muno, no baya, "Kakape mundu yu' aabile Mwana wa Nnu’ngu'!"
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Ntu’pu' upendo nku’lu' muno kulikoni wa mundu kuupiya bwu’mi wake kwa kitumbu sa mambwiga bake.
Kwa mwanjaa Nnu’ngu' aaipendi dunia, ngampiya mwana wake wa kisake, li’nga kila mundu ywamwu’bi’lya aakaneoba, ila abe na ukoto wangayomoka.
Bai, manaitei patwaabile twaandumu ba Nnu’ngu' twaawanilwe nakwe kwa ndi’la ya kiwo sa Mwana wake, kwa nyo ikong’ondelya panga mwatuawanilwa nakwe, twaakosopolelwa kwa ndi’la ya bwu’mi wa Kilisitu.
Kwa kitumbu si' twenga tupatike tanga upendo wa Nnu’ngu', kwa mwanjaa Yesu Kilisitu aapiyike maisa gake kwa kitumbu situ. Na twenga tupalikwa kugapiya maisa gitu kwa aumini aitu.
Kilisitu nga salaka yaipiyilwe kwa kitumbu so samya masambi gitu, na kwenda kwa masambi gitu baili ila na kwa masambi ga bandu boti ba padunia.
Aatigegekeya no yu’wa mpaka waa,
ata waa munsalaba!
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Kwa mwanjaa tutangite panga Kilisitu aayu’yilwe, nembe awesali waa kai', kwa nyo kiwo kibileli na uweso kai' kwake ywembe. Kiwo sake saai sa mala yimo bai, li’nga kugasinda makakala ga sambi yoti, na nambi’yambi' atama mumaisa ga kumpulaisa Nnu’ngu'.
Mutangite kakape panga, twaboti twatubatisilwe mu Kilisitu Yesu, twaalu’mbine nakwe mukiwo sake. Patwaabatisilwe twaalu’mbine na kiwo sake no sikilwa pamope nakwe, li’nga kati mu’lu' Kilisitu mwayu’yilwe bu’ka kuuwi’li kwa utukupu wa Tati', nyinyonyo na twenga kai' tuwese tama mumaisa gayambi'.
Bai amo ngamwaibile panga kila mundu apalikwa waa mala yimo bai, no bu’ka po ukumilwa na Nnu’ngu'. Nyinyonyo Kilisitu apiyilwe panga salaka mala yimo bai, li’nga agapu’twe masambi ga bandu baingi. Kai' paalu’a isa pampanda pabi’li', aaisali bu’ya masambi, Ila kwapeya ukosopoli balu' bandu babanni’nda kwo binia muno.
"Mwenga mwa Isilaili, mupi’kani mayi’gi’yo ga ganigalongela! Nnu’ngu' aalayite mpu’la bai panga kakape antumike Yesu ywa Nasaleti. Aapangite nyo kwa ndi’la ya mangelongelo na myasu yaapangite pakati yinu, kati mwamumweni mwabene. Nnu’ngu' aatangite no binia bu’ka kwai’mbu' panga Yesu aakamuyilwe mumaboko ginu, na mwenga kummulaga kwa kwalekya bandu alau bammambe munsalaba. Lakini Nnu’ngu' ngannyu’ya bu’ka kuuwi’li, ngaankosopolya bu’ka mulwu’ngu' lwake. Kwa mwanjaa yaawesekineli ywembe kamulwa na makakala ga kuuwi’li.
"Nenga na nsungi nnogau. Nsungi nnogau aupiya bwu’mi wake kwa kitumbu sa ngondolo bake.
Ayi' ilombolya panga kila pamulya likati li’no na kuunywelya nnobo wu', muala kiwo sa Bwana mpaka paalu’a isa.