Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
यीसु को मिरतु
एको मँघा यीसु ना यो जानके की अता सब काही पूरो भयो, पवितर गिरंथ मा जोन कहो गयो उ पूरो भयो, तब कह्यो "मि तहान सेउ।"
उता अंगूर रस भरो हुयो एक बरतन राखियो होतो, अता उनना अंगूर को रस मा फिलायो हुयो स्पंज ला जुफा मा राखके ओको तोन्ड लक लगाइन। यीसु ना उ पित मिलयो अंगूर को रस टोंड मा लेइस अना कहीस "पूरो भयो।"
अना डोस्का डाखके परान छोड़ देइस।
जबा सैनिक यीसु ला कूरूस मा चघा देईन तो ओको कपरा आन के चार करीन, हर सिपाही को लाई एक पराय अना कुरता भी लेईन, पर कुरता बिन सिवन को वरता लक खाल्या तकन बुनयो हुवो होतो। एकोलाय उनना आपसी मा कहिन,
"हमि एला नही फाड़बोन पर एको पर चिठ्ठी डाकबिन की यो कोन की होहे।
यो एकोलाय की पवितर गिरंथ मा जोन कव्हयो गयो उ पूरो भये।"
"उनना मोरो कपरा आपस मा बाँट लेइन अना मोरो पल्लु पर चिठ्ठी डाकिन।"
अता सिपाही ना असो ही करीन यीसु को कूरूस जवर ओकी माय, अना ओकी माया की बहिन, कलोपास की बायको मरियम, अना मरियम मगदलीनी उभी होती। जबा यीसु ना आपरी माय अना ओनो चेला ला जेनला उ माया राखत होतो। जवर उभो देखिस ता आपरी माय लक कहीस "हे बाया देख यो तोरो टूरा से।"
तबा ओना चेला लक कहीस, "यो तोरो माय से।" अना वोच बेरा लक उ चेला ओला आपरो घर ले गईन।
वय कवटी नाव की जघा मा पहूचीन वहान, उनना यीसु ला अना दोन अपराधी इनला कूरूस पर चघाइन, एक ला वोको उज्जो कन अना दुजो ला डाख्या कना। यीसु ना कहीस," हे बाबूजी इनला, छिमा कर काहेका यो नही जानासे, का यो काजक कर रहीसेत",
तबा उनना चिठ्ठी टाक केना यीसु का कपरा ला आपस मा बाट लेइन। जनता उभी होयके यो सब चोय रही होतीन। मुखिया गीन यो कहके, येसु को मजाक करत होतीन, का "वोना दूसरो ला बचाइसेस। यदि यो परमेस्वर को मसीह से अना यदि परमेस्वर येला बेचयो सेस, ता यो आपरो आप ला बचाये।"
सीपाही गीन मजाक करन लगीन, वोना वोला सिरका देता कव्हन लगीन। "यदि तू यहूदिगीन को राजा आस, ता आपरो आप ला बचाव।"
येसु को कूरूस पर भी लिखयो होत्यो। "यो यहूदी गीन को राजा से।"
मन बदलनवालो पापी
कूरूस पर टगों एक खोटो काम करन वालो यीसु निन्दा करके, ना कव्हन लगीस, "तू मसीह आस ना? ता खुद बच अना हमला बचाव।"
पर दूसरो न वोला डटकार देइस अखीन कव्हयो, "का तोला परमेस्वर को भेव नहात? तू भी वोच दन्ड भोग रहयो सेस, जोन वोला मीलो से? पर हमी आपरो करनी को दन्ड पाय रही सेजन, पर यो तो नेक से।" तबा यीसु ला कहीस "येसु जब तोरो राज आहेत तो मोला हेत राखजोस।"
येसु ना वोला कहीस," मी तोरो लक खरो, सागांसू का आजच तू सरग मा मोरो संग होवजोस।"
यीसु को जियान छोड़नो
दुफारी होवनो पर सप्पा देस मा अँधारो छाय गयो। अना महातनी बेरा तीन बजे तकन रहयो। महातनी बेरा यीसु ना मोठो आवाज लक चिल्लाय के कहीस, "इलोई-इलोई लमा सबक्तनी?" जेनको मजे, "हे मोरो परमेस्वर, हे मोरो परमेस्वर, तु ना मोला कायलाई छोड़ दियोस?"
वोच बेरा मंदिर को पड़दा वरता लक, खाल्या तकन फट गयो, अना दोन टुकड़ा भई गई। जमीन हिलन लगी, भुईडोल भई अना, चट्टान फट गइन। मरघट्टी उघड़ गयो, अना गजबसो पवीतर सन्त महातमा, देह समेत दुबारा जित्तो भई गईन। अना वय यीसु को जित्तो, होवन को मंघा मरघट्टी लक हिट के, अना पवीतर नगर मा जायके, लगत लोक ला चोवन लगीन।
सेना को मुखिया, अना पहरादार, सैनीक गीन भुईडोल अना, यो सब गोस्टी चोयके गजब डराय गइन। अना बोलन लगीन," खरो खर पक्को मा यीसु च परमेस्वर को टूरा आय।"
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
एको लाई मोठो माया कोनतो से?का कोनी आपरो संगी को लाई आपरो जान देदे?
काहेका परमेस्वर ना संसार लक एतरो माया राखियो, का वोना आपरो चहतो एकच टूरा ला दे देइस। एकोलाय जोन कोनी वोको पर भरोसा राखेत, उ नास नही होहेत पर अमर जीवन पाहेत।
आमी परमेस्वर को बैरी होतिन, पर जबा परमेस्वर को संग आमरो मेल, वोको टूरा को मरन लक भई गयो। तब परमेस्वर को सगं मेल हो जान को कारन लक, वोको टूरा को जीवन लक पक्को आमरो सूटकारा हो जाहेति।
आमी ना माया एकोलाय जानिया का ओना आमरो लाई आपरो जान दे देइस; अना आमला भी आपरो भाऊ लाई जान देवनो जरुरी से।
उ एक बलिदान से जोन हमारो पापहुन ला छिमा करासे न केवल आमरो पापहुन को मनजे सप्पा संसार को पापहुन को।
अखीन मानूस को रूप मा आयके आपरो आप ला खुदच दिनहिन कर लेईस, अना यहान तकन हुकूम मानन वालो रहयो की मिरतु हव,
कूरूस को मिरतु ला सह लेईस।
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
काहेका यो जाना सेजन का यीसु मसीह मरो हुवो मा लक जित्तो भई के दुबारा नही मरन को। अना वोको पर मंग मिरतु को राज नही होवन को। काहेका जोन मर गयो से तो उ एकच बार पाप को काजी मर गयो सेत। अना जोन जित्तो से उ तो उ परमेस्वर को काजी जित्तो से।
तुमी, पक्को जाना सेव का, जब अमी मसीह यीसु को संग बपतिस्मा ले रहयो होतो। तो अमीला वोको संग मरनो को बपतिस्मा दियो गयो होतो। मंग आमरो बपतिस्मा लक अमी वोको संग दफनायो गयो अना वोको मौत मा साझा करयो, असो परकार लक जसो मसीह को दआजी, को सानदार ताकत लक मरनो लक जित्तो भयो। वसोच अमिला भि नवा जिंदगी भेटेत।
जसो मानूस को लाय एक बार मरनो, अना एको मघा उनको नियाव होवनो लेखा सेत। वसोच मसीह, लगत लोकगीन को पाप लक मुकती काजी, एकच बार आपरो आप ला चघा दियो। मसीह अबा दूसरो बार परगट होयेत। पाप को कारन नही, पर जोन लोक वोको रस्ता चोवासेत। उनला मुक्ती दिलावन आहेत।
"अरे इसरायली गीन मोरी एना गोस्टी ला आयको, यीसु नासरी एक मानूस होतो जेनको लक परमेस्वर ना अचंभा को काम, अखीन हिदान वोको लक करायो, एकोलक यो साबीत होवासेत का परमेस्वर ना वोला धाड़िसेस। यो गोस्टी ला तुमी जाना सेव। यो मानूस ला परमेस्वर को पक्को योजना अना पक्को पुढ़ा की गियान को अनुसार तुमला सोपो गयो होतो। पर तुमीना पापी मानूस गिन को सायता लक वोला कूरूस पर चघायके मार डाकिन। पर परमेस्वर न वोला मिरतु को यो उन लक सोड़ाय लियो अना वोला मंग जित्तो करीस। अना मिरतु मा इतरो ताकत नाहोती का वोला बन्धन मा राखे।"
"मि साजरो चरानवालो सेव, साजरो चरान वालो मेढा गीन लाई आपरो जान देवासे।
असो जबा-जबा तुमी पवीतर जेवन करसेव अना यो बटकी लक पिवसो तो पिरभू को आन तकन लक वोका मरन को गोस्टी सांगसो।