Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Ihyo Yesu hoavaga kutsela kuta ndongwa tseka tsikwilye, ili Mandiko ga Mulungu gakwile akalongaje kuta, "Ntsin’wona ng’alu."
Hono iho havaga na lihava lyolyali limemile sichi. Ihyo vakatsabikaje lidodochi umo mu sichi na kuvika mu lusito lwa mubichi gwa hisopo, na kumuvichila ha mulomo ili anune. Yesu hoavaga kuyinuna iyo sichi, akalongaje, "Lulongwa lusisile!" Akahonamitsaje mutwi na kufwa.
Vimilitsi hovavaga kusinda kumuvamba Yesu, vakategulaje myenda jake, vakagavasaje filundo fitayi, chilundo chimwe kwa chila mwimilitsi. Vakategulaje kaha na kantsu yake, kantsu iyo yavaga siyilahonwa, ila yavaga yifumilwe kuhuma kilanga mbaka hasi. Ihyo iwo vimilitsi vakilonjelaje vene kwa vene kuta, "Tuleche kuyidemulasa lechelelo tuyitovele kula, kuta yive ya nani." Lulongwa ulu lwahumye ili Mandiko ga Mulungu gakwile goganlonga kuta,
"Vagavise myenda jangu, na mwenda gwangu vagutovye kula."
Ihyo fyo vadisile vala vimilitsi.
Hala habehi na musalaba gwa Yesu vavaga vimile, Maliyamu yuve va Yesu, na Maliyamu muhatsa va yuve, yoali muchina va Chileyopa na Maliyamu va ku Majidala. Yesu hoavaga kumuwona yuve alihabehi na yula mudahitswa yo amuganaga, akamulonjelaje, mama! Uyo yo mwanago. Kaha akamulonjelaje yula mudahitswa, "Yuwo uyo iho." Kuhuma luvala ulo yula mudahitswa akamutegulaje yuve va Yesu na kubita nayo kukaye yake.
Vavaga kufika hono ho hachemwaga, "Lipala lya Mutwi," Iho ho vamuvambite Yesu mu musalaba hamwe na vawumiyani, yumwe lubali lwa kililo na yunji lubali lwa lichiji. Yesu akalongaje, "Dada, uvahulumile kwasawuli sivan’tsela chovan’dita." Vakagavanaje myenda jake kwa kujitovela simbi. Vanu vavaga vimile hala vangumulola, nawo vavina va Vayawudi vakamubedalaje kwa kulonga kuta, "Avakuluse vanji, lelo ikuluse mwene, manyi mwene yo Chilisito, muhagulwa va Mulungu!" Kahi vimilitsi nawo vakatsaje vakamubedalaje na vakampelaje difwayi yo yihahile ili ang’we, nawo vakalongaje, "Manyi heve yo Muntsajila va Vayawudi wikuluse u mwene." Hilanga ha musalaba gula havaga na chibawo cho chandikwe hino, "YUNO YO MUNTSAJILA VA VAYAWUDI." Yumwe va vawumiyani vala wo vavambitwe hamwe hala ho avambitwe halubali ha Yesu, akamuligaje, "Heve si yo Chilisito muhagulwa va Mulungu? Wikuluse u mwene, utukuluse na hetwe." Lechelelo yula muwumiyani yunji akamung’anulilaje muyage kwa kumulonjela, "Mbe, heve ulihela muloto kwa Mulungu? Ungumuliga na kuno heve nave uvambitwe kota mwene. Heve na heni tuhijitwe kwa wubi wo tudisile, kwasawuli tumpata chochin’ganika kwa chila chotudisile. Lechelelo munu yuno siadisile chinu chibi chochive." Kaha muwumiyani yula akamulonjelaje Yesu kuta, "Yesu! Untsiwukaje hala ho ukuva winje mu Wuntsajila wako."
Yesu akamulonjelaje, "Ntsingukulonjela wukweli kuta, munyi guno ukuva hamwe na heni kilanga kwa Mulungu."
Hoyavaga kufika saa sita mumunyi, jitsa likagubikaje inyi yeka kwa masaa gadatu. Hoyavaga kufika saa tisa mumihe, Yesu akakolaje kwa kulonga kuta, "Eloyi, Eloyi, lama sabachitani?" Chinya kutijila, "Mulungu vangu, Mulungu vangu, mbona undesile?"
Luvala lulo lipantsila lya Nyumba ya Mulungu likatulikaje kavili luhuma kuchanya mbaka hasi, makabuli gakagubukaje na vanu wo vafweye kuno vangumutumbila Mulungu vakatsilipulwaje. Vakahumaje mu makabuli, na hoavaga kutsilipuka Yesu vakinjilaje ku Muji Muhagulwa na Mulungu na vakavahumilaje vanu wolofu.
Yula muvina va vimilitsi hamwe na vala wo vavaga hono hala hoavaga kufiwona fyo fihumye, akamutsumitsaje Mulungu na kulonga, "Wukweli munu yuno aditaga kota fyo an’gana Mulungu."
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Kuduhu munu munya wugano wukomi kota wuno, wa munu kuwutawula wumi wake kwasawuli ya vayage.
Kwasawuli iyi Mulungu avaganite vanu va inyi tseka, mbaka akamutawulaje Mwanage va wiyeka, ili chila munu yo angumutumba aleche kuyaga, ila ave na wumi wowugaya wudugo.
Hala ho twavaga tung’acha tuntelana na Mulungu akatuhetselaje wula wutelani kwa chifo cha Mwanage. Ihyo sambi tupatine na Mulungu na tun’tsela nachene kuta tukukuluswa kwa wumi wake.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Tun’tsela kuta Chilisito mwanga atsilipulwe na siafuluche afwe kaha, ihyo siakufwa kanji. Ihyo Chilisito afweye mala kamwe hela na ndongwa ntsibi tsilihela ludali kanji kwake. Na sambi ali mumi na mu wumi uwo an’dita kota fyo an’gana Mulungu.
Mbe! Siun’tsela kuta hetwe tweka yo tumutumbye Chilisito Yesu, twabatitswe na kihantsa na mwene kwa chifo chake? Ihyo tukafweye na kutsikwa hamwe nayo kukolela mu wubatitso wake na chifo chake, ili kota hila Chilisito fyo atsilipulwe kwa wuvina wa Dada, ho ihyo na hetwe natwe tuvetse kikala mu wumi wupya.
Petulo akendelelaje kuvalonjela kuta henye vanu va Isilaheli munyulikitse cho ntsinlonga! Yesu va Natsaleti avaga munu yo agubulwe kwenyu na Mulungu kwa katsi tsa miwujitsa, na mitinuso na ndajilo tso adisile hagati henyu kwa wuvetso wake, kota henye fyo mun’tsela. Mulungu mwene fyo aganaga kudita luhuma katali kumutawula Yesu kwa henye, na henye mukamukopolaje kwa kuvakoka vawumiyani ili vamuvambe mu musalaba. Lechelelo Mulungu amutsilipwe na kumukulusa mu wusungu wa chifo, kwasawuli siyikakuva lulongwa lupefu mwene Yesu asumwe na wusungu wa chifo.
Heni ntsi mudimi muwuya. Mudimi muwuya atawulaga wumi wake kwasawuli ya ng’olo.
Kwakuva chila luvala homukulya mukate ugo na kung’wela chikombe icho, munkuva munguvavikulila vanu mbaka ho akutsa Chilisito, kuta Chilisito afweye kwasawuli yenyu.