Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
ಯೇಸು ಜಾನ್ ಮ್ಹೇಲ್ಯೋತೆ
ಆ ಖ್ಹಾರು ಹುವಾನ ಬಾದ್ಮ, ಹಮ್ಕೆ ಖ್ಹಾರುಸ್ ಖತಮ್ ಹುಯಿಗಯು ಕರಿ ಯೇಸುನೆ ಮಾಲುಮ್ ಕರಿಲೀನ್, ವಚನ್ಮಾನಿ ವಾತೆ ಚಾ಼ಲಾನಿಘೋಣಿ, "ಮನ ಠೋಖ್ಹ್ ಲಾಗುಕರಾಸ್" ಕರಿ ಬೋಲ್ಯೊ.
ಹಿಜ್ಜಾ಼ ಖ್ಹಖ್ಹ್ತು ದ್ರಾಕ್ಷಿನು ರಖ್ಹ್ನ ಏಕ್ ರಾಛ಼ಮ ಭರಿ ಮ್ಹೇಲಿರಾಖ್ಯುಥು. ತದೆ ಗುಂಜ಼್ನ ಯೋ ರಖ್ಹ್ಮ ಡುಬೈನ್, ಹಿಸ್ಸೋಪ್ ಝಾ಼ಡಾನು ಲಠ್ಠಾಕೇಡೆ ಅಟ್ಕೈನ್, ಉಪ್ಪರ್ ಪಾಡೀನ್, ಯೇಸುನ ಮ್ಹೋಡಾನ ಲಗ್ಯಾಡ್ಯು. ಯೇಸುನೆ ಯೋ ರಖ್ಹ್ನ ಪೀನ್, "ಖತಮ್ ಹುಯಿಗಯು!" ಕರಿ ಬೋಲಿನ್,
ಮುಡ್ಕ್ಯು ಝು಼ಕೈನ್, ಇನಿ ಆತ್ಮಾನ ದೀನಾಖ್ಯೊ.
ಯೇಸುನ ಶಿಲ್ಬೆಪರ್ ನಾಖಾನ ಬಾದ್ಮ, ಸಿಪಾಯಿಖ್ಹಾರು, ಇನ ಲುಂಗ್ಡಾನ ಚಾರ್ ಭಾಗ್ ಕರೀನ್, ಶಿಪಾಯಿಪಿಟ್ ಏಕೇಕ್ ವಾಟಪಾಡಿಲಿದು. ಕಾಹೆತೆ ಯೇಸುನೊ ಮಹಿನು ಝ಼ಗ್ಗಾನಾಬಿ ಕಾಡಿಲಿದು, ಯೋ ಝ಼ಗ್ಗೋನ ಶಿವಣ್ ಕೋಥೂನಿ ಅಜು಼ ಯೋ ಉಪ್ಪರ್ಥು ಹೇಟ್ತೋಡಿ ಲಾಂಬುಸ್ ವಣಿರಾಖ್ಯುಥು. ಇನ ದೇಖಿನ್ ಇವ್ಣೆ, "ಅಪ್ಣೆ ಅನ ನಾ ಫಾಡ್ಣು; ಚಿಟ್ಟಿ ನಾಖಿನ್, ಆ ಕಿನ ಆವಸ್ಕಿ ದೇಖೆ" ಕರಿ ವಾತೆ ಬೋಲಿಲಿದು.ಇವ್ಣೆ ಅನೇಥಿ
‘ಮಾರ ಲುಂಗ್ಡಾನ ಇವ್ಣಾಮ ವಾಟ ಪಾಡೀಲಿದು,
ಮಾರ ಝ಼ಗ್ಗಾನಖ್ಹಾಜೆ ಚೀಟಿ ನಾಖ್ಯು’ ಕರಿ ವಚನ್ಮ ಲೀಖೈರ್ಹೂತೆ ವಾತೆ ಚಾ಼ಲಿಗಿ. ಶಿಪಾಯಿಯೇನೆಬಿ ಆ ಖ್ಹಾರು ಕರ್ಯುತೆ.
ಯೇಸುನಿ ಶಿಲ್ಬೇನ ಖನ್ನೆ ಇನಿ ಆಯ, ಇನಿ ಆಯಾನಿ ಭೇನ್, ಕ್ಲೋಪಾನಿ ಬಾಯ್ಕೊ ಮರಿಯ, ಮಗ್ದಲನಿ ಮರಿಯ ಖ್ಹಾಮ್ಣೆ ಭೀಯ್ಯೆ಼ಥಿ. ಯೇಸುನೆ ಇನಿ ಆಯನಾಬಿ, ಇನ ಖನ್ನೆ ಭಿಯೊಥೋತೆ ಪ್ಯಾರ್ನ ಶಿಷ್ಯನ ದೇಖಿನ್, "ಆಯಾ, ಆಸ್ ತಾರೊ ಛಿಯ್ಯೊ" ಕರಿ ಬೋಲ್ಯೊ.
ಅನಕೇಡೆಥು ಯೋ ಶಿಷ್ಯನ, "ಆ ತಾರಿ ಆಯ" ಕರಿ ಬೋಲ್ಯೊ. ಯೋ ವಖ್ಹತ್ಥೂಸ್ ಯೋ ಶಿಷ್ಯನೆ ಮರಿಯನ ಇನ ಘರ್ಮಾಸ್ ರಾಖ್ಯೊ.
ಇವ್ಣೆ ‘ಖೋಪ್ರಿ’ ಕರಿ ಬೋಲಾನಿ ಝ಼ಗೋಕನ ಐನ್, ಹಿಜ್ಜಾ಼ ಯೇಸುನ ಶಿಲ್ಬೆಪರ್ ಮಾರ್ಯು, ಅಜು಼ ಯೋ ಬೇ ಅಪರಾದಿಮ ಏಕ್ ಜ಼ಣಾನ ಖಾವಿ ಬಾಜೂ಼ಮ ಅಜು಼ ಬಿಜೇಕ್ ಜ಼ಣಾನ ಡಾವಿ ಬಾಜೂ಼ಮ ಶಿಲ್ಬೆಪರ್ ಮಾರ್ಯು. ತದೆ ಯೇಸುನೆ, "ಬಾ, ಅವ್ಣುನ ಮಾಪ್ಕರ್! ಅವ್ಣೆ ಶಾತ್ ಕರುಕರಸ್ ಕರಿ ಅವ್ಣುನಾಸ್ ಮಾಲುಮ್ ಕೊಯ್ನಿ" ಕರಿ ಬೋಲ್ಯೊ.
ಸಿಪಾಯಿಖ್ಹಾರು ಚೀಟಿ ನಾಖಿನ್, ಯೇಸುನ ಲುಂಗ್ಡಾವ್ನ ಇವ್ಣ-ಇವ್ಣಾಮಸ್ ವಾಟ ಪಾಡಿಲಿದು. ಅದ್ಮಿಖ್ಹಾರು ಭೀರಿನ್, ಯೆಹೂದ್ಯರ್ನ ಅದಿಕಾರಿಖ್ಹಾರು ಯೇಸುನಿ ನಕ್ಲೆ ಕಾಡುಕರ್ತುಥೂತೆ ಇನ ದೇಖುಕರ್ತುಥು. ಇವ್ಣೆ, "ಅನೆ ಬಿಜಾ಼ನ ಬಚಾ಼ಡ್ಯೊ, ಯೋ ದೇವ್ನೆ ಚೂ಼ಣ್ಯೋತೆ ಕ್ರಿಸ್ತ ಉಶೇತೊ, ಇನು ಯೋಸ್ ಬಚಾ಼ಡಿಲ್ಯವಾದೆ! ಕರಿ ಬೋಲ್ಯು.
ಶಿಪಾಯಿ ಖ್ಹಾರುಬಿ ಯೇಸುನಿ ನಕ್ಲೆ ಕಾಡ್ಯು; ಇವ್ಣೆ ಯೇಸುನ ಖನ್ನೆ ಐನ್, ಕಮ್ ಮೋಲ್ನು ಕಂದಾಯುಹುಯು ದ್ರಾಕ್ಷಿನು ರಖ್ಹ್ನ ಪಿಯ್ಯಾನ ದೀನ್, "ತೂ ಯೆಹೂದ್ಯರ್ನೊ ರಾಜಾ಼ ಉಶೇತೊ, ತಾರು ತೂಸ್ ಬಚಾ಼ಡಿಲೆ" ಕರಿ ಬೋಲ್ಯು.
ಯೇಸುನಿ ಶಿಲ್ಬೆನ ಉಪ್ಪರ್, "ಆ ಯೆಹೂದ್ಯರ್ನೊ ರಾಜ಼" ಕರಿ ಲೀಖೈರ್ಹೂಥು.
ಹಿಜ್ಜಾ಼ ಶಿಲುಬೆಪರ್ ಠಂಗೈರಾಖ್ಯುಥೂತೆ ಅಪರಾದಿಮ ಏಕ್ ಜ಼ಣು ಯೇಸುನಿ ನಕ್ಲೆ ಕಾಡ್ತೊಹುಯಿನ್, "ತೂ ಕ್ರಿಸ್ತ ಕಾಹೆಕಿ ಶು? ಇಮ್ಕತೊ, ತೂಬಿ ಬಚಿ ಜಾ಼ ಹಮುನಾಬಿ ಬಚಾ಼ಡ್!" ಕರಿ ಬೋಲ್ಯೊ.
ಕತೋಬಿ ಬಿಜೇಕ್ ಜ಼ಣಾನೆ ಇನ ಗುರ್ಕೈನ್, "ತುನ ದೇವ್ನೂ ಡರ್ ಕೊಯ್ನಿಕಿ ಶು? ತುನಾಬಿ ಇಮ್ನಿಸ್ ನಿಶತ್ ಮಳಿರ್ಹೀಸ್ನಿ. ಅಪ್ಣುನತೋಬಿ, ನಿಶತ್ ಮಳಿರ್ಹೀಸ್ತೆ ಇನಾಮ ನ್ಯಾವ್ ಛಾ಼; ಶನಕತೊ ಅಪ್ಣೆ ಕರ್ಯಾತೆ ಗಲತ್ನಖ್ಹಾಜೆ, ಅಪ್ಣುನ ನಿಶತ್ ಮಳಿರ್ಹಿಸ್. ಕತೋಬಿ ಅನೆ ಶನೀಬಿ ಗಲತ್ ಕೋ ಕರ್ಯೋನಿ!" ಅಜು಼ ಇನೆ ಯೇಸುನ, "ಯೇಸು, ತೂ ರಾಜ್ಯಲೀನ್ ಆವಾನಿ ವಖ್ಹತ್ಮ, ಮನ ಯಾದ್ ಕರಿಲಿಜೊ!" ಕರಿ ಬೋಲ್ಯೊ.
ತದೆ ಯೇಸುನೆ ಇನ, "ಮೇ ತುನ ಖ್ಹಾಚ ಬೋಲುಸ್ಕಿ, ಹಮ್ಕೇಸ್ ತೂ ಮಾರ ಜೋ಼ಡೆ ಸೊರ್ಗಾಮ ರ್ಹೀಶ್" ಕರಿ ಬೋಲ್ಯೊ.
ಯೇಸುನೆ ಜಾನ್ ಮ್ಹೇಲ್ಯೋತೆ
ಧೊಪಾರ್ ಹುವ್ವಾದೀನ್ ಹಿಡಿ ದೇಖ್ಹ್ಪರ್ ಅಂಧಾರು ಢಪೈನ್, ತೀನ್ ಘಂಟತೋಡಿ ಇಮ್ಮಸ್ಥು. ತೀನ್ ಘಂಟಾನ ಯೇಸು, "ಎಲೋಹಿ, ಎಲೋಹಿ ಲಮಾ ಸಬಕ್ತಾನಿ" ಅಮ್ಕತೊ, "ಮಾರೊ ದೇವ್, ಮಾರೊ ದೇವ್, ತೂ ಶನ ಮನ ಹಾತ್ ಮ್ಹೆಂದಿದೊ?" ಕರಿ ಜೋ಼ರ್ ಆವಾಜ಼್ಥಿ ಚಿಕ್ರ್ಯೊ.
ತದೆ ಯೆರೂಸಲೇಮ್ ಮಂದಿರ್ಮ ಠಂಗೈರಾಖ್ಯುಥೂತೆ ಪಡ್ದೊ ಉಪ್ಪರ್ಥು ಧರಿನ್ ಹೇಟ್ತೋಡಿ ಫಾಟಿನ್, ಬೇ ಭಾಗ್ ಹುಯಿಗಯು. ಧರ್ತಿಕಾಪ್ಯು ಅಜು಼ ಬಂಡಾ ಫುಟಿಗಯು, ಮಖ್ಹಾಣ್ಯನಿ ಘವಿಯೆ ನಿಕ್ಳಿಗಯು, ಅಜು಼ ಮರಿಗಯುಥೂತೆ ಕೈಯೆಕ್ಕಿ ದೇವ್ನು ಅದ್ಮಿಖ್ಹಾರಾನು ಶರೀರ್ ಪಾಛು಼ ಜಿವ್ತು ಹುಯಿನ್ ಉಠಿ ಆಯು. ಯೇಸು ಜಿವ್ತೊಉಠಾನ ಬಾದ್ಮ, ಯೋ ಘವಿನ ಮ್ಹೆಂದಿನ್, ಪವಿತ್ರ ನಂಗರ್ ಹುಯಿರ್ಹೂತೆ ಯೆರೂಸಲೇಮ್ಮ ಜೈ಼ನ್, ಕೈಯೆಕ್ಕಿ ಅದ್ಮಿಯೇನ ದೆಖಾಯೊ.
ಖ್ಹೋಶಿಪಾಯಿನೊ ಮೋಟಾನೆ ಅಜು಼ ಇನಜೋ಼ಡೆ ಯೇಸುನ ಕಾವ್ಲಿ ಕರುಕರ್ತುಥೂತೆ ಇವ್ಣೆ ಜ಼ಮೀನ್ ಹಲ್ಯುತೆ ಅಜು಼ ಚಾ಼ಲ್ಯುತೆ ಖ್ಹಾರಸ್ನ ದೇಖಿನ್, ಘಣು ಡರಿನ್, "ಖ್ಹಾಚಮಾಬಿ ಆ ದೇವ್ನೊ ಛಿಯ್ಯೊ ಹುಯಿರ್ಹೋಥೊ!" ಕರಿ ಬೋಲ್ಯು.
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
ಇನೊ ಜಾನ್ನಾಸ್ ದೋಸ್ತ್ ಖ್ಹಾರಾನಖ್ಹಾಜೆ ದೇಸ್ತೆ, ಲಾಡ್ಥಿ ಮಹಾನ್ ಪ್ಯಾರ್ ಬಿಜು಼ ಕೆಹುಸ್ ಕೊಯ್ನಿ.
ದೇವ್ನೆ ಆ ಜಗತ್ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್ಬಿ ಮರ್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್ಗಿ ಮಳ್ಣು ಕರಿ ಇನ ದಿದೊ.
ಅಪ್ಣೆ ದೇವ್ನ ವಹೇರ್ಯ ಹುಯಿರ್ಹವಾನಿ ವಖ್ಹ್ತೇಸ್. ಅಪ್ಣುನ ಇನ ಛಿಯ್ಯಾನಿ ಮರಣ್ಥಿ ಅಪ್ಣುನ ಇನ ದೋಸ್ತಿಖ್ಹಾರ ಕರಿ ಬಣೈರಾಖ್ಯೊಸ್. ಹಮ್ಕೆ ಅಪ್ಣೆ ದೇವ್ನ ದೋಸ್ತಿಹುಯಿರಾತೆ ಇನಖ್ಹಾಜೆ ದೇವ್ ಇನ ಛಿಯ್ಯಾನ ಜಾನ್ಥಿ ಅಪ್ಣುನ ಕೆತ್ರೆ ಜಾ಼ಖ್ಹತ್ ರಕ್ಷಣೆ ನಾಮಳ್ನು?
ಪ್ರಭು ಯೇಸು ಅಪ್ಣಖ್ಹಾಜೆ ಇನ ಜಾನ್ನಾಸ್ ಮ್ಹೇಲ್ಯೊ. ಅನೇಥಿ ಲಾಡ್ ಕೆಥ್ರಾನು ಕರಿ ಅಪ್ಣೆ ಖ್ಹಮ್ಜಿಲಿದ ಕಿಮ್ಕತೊ. ಅಪ್ಣೇಬಿ ಭೈಯೇ ಭೇನೇನಖ್ಹಾಜೆ ಜಾನ್ ದೇವವಾಳ ಹುಯಿರಾಸ್.
ಯೋ ಅಪ್ಣ ಪಾಪ್ನ ಕ್ಷಮಾಪಣ್ನಖ್ಹಾಜೆ ಪರಿಹಾರ್ನೊ ಬಲಿಹುಯಿರ್ಹೊಸ್. ಅಪ್ಣ ಪಾಪ್ನಕರಿ ಖಲಿಕಾಹೆ ಅಖ್ಖಾ ಜಗತ್ನ ಖ್ಹಾರ ಅದ್ಮಿನ ಪಾಪ್ನಖ್ಹಾಜೆಬಿ ಪರಿಹಾರ್ ಹುಯಿರ್ಹೊಸ್.
ಇನೆ ಇನುಯೋಸ್ ಹೇಟು ಹುಯಿನ್ ಮರಣ್ಣಖ್ಹಾಜೆ ಕತೊ
ಶಿಲ್ಬೇನಿ ಮರಣ್ಣಾಬಿ ಛೀಮಯೆತ್ರೆ ಹೇಟೊ ಹುಯೊ.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
ಶನಖ್ಹಾಜೆಕತೊ ಕ್ರಿಸ್ತ ಮರಣ್ಥಿ ಉಠಾಡೈಗಯೋತೆ ಇನಖ್ಹಾಜೆ ಯೋ ಬಿಜೊ಼ಪಾಛೊ ಮರ್ಶೆಕೊಯ್ನಿಕರಿ ಮಾಲುಮ್ ಕರಿರಾಖ್ಯಸ್. ಅನಪಾರ್ ಇನ ಉಪ್ಪರ್ ಮರಣ್ಣ ಶನೂಬಿ ಹಕ್ಕೊಯ್ನಿ. ಯೋ ಪಾಪ್ನ ಭಾಗ್ನ ಮರ್ಯೋತೆ ಎಕ್ಕಸ್ಹಲ್ಲ. ಕತೋಬಿ ಯೋ ಮರ್ಯೋತೆ ಖ್ಹಾರಸ್ನ ಖ್ಹಾಜೆ. ಯೋ ದೇವ್ನಿ ಜೋ಼ಡ್ಮ ಏಕ್ ಹುಯಿನ್ ಜಿವ್ಕರಸ್.
ನತರ್ ಕ್ರಿಸ್ತಯೇಸುನಿ ಗಳ್ಜೋ಼ಡ್ಮ ಭಾಗ್ ಲೀರಾಖವಾಳ ಹುಯಿನ್ ಬ್ಯಾಪ್ತಿಸ್ಮ ಕರೈಲಿದಾತೆ ಅಪ್ಣೆ ಇನ ಮರಣ್ಮ ಬ್ಯಾಪ್ತಿಸ್ಮ ಕರೈರಾಖ್ಯಸ್ಕರಿ ತುಮೂನ ಮಾಲುಮ್ ಕೊಯ್ನಿಕಿ ಶು? ಇನಖ್ಹಾಜೆ ಅಪ್ಣಿ ಬ್ಯಾಪ್ತಿಸ್ಮಥಿ ಅಪ್ಣೆ ಇನಿಮರಣ್ಮ ಭಾಗ್ಲ್ಯವಾಳಹುಯಿರ್ಹೀನ್, ಇನಿ ಜೋ಼ಡ್ಮ ಗಡೈಗಯ.ಅಮ್ರ್ಹವಾಪರ್ ಬಾನಿ ಮಹಿಮೆನಿ ಶಕಥ್ಥಿ ಕ್ರಿಸ್ತ ಮರಣ್ಮಾಥು ಉಠಾಡೈಗಯೋತೆ ತಿಮ್ಮಸ್ ಅಪ್ಣೇಬಿ ಏಕ್ ನವ ಜಾನ್ಮ ಜಿವವಾಳ ಹುಯಿರ್ಹಾಸ್.
ಎಕ್ಕಸ್ ವಖ್ಹತ್ ಮರಾನುಬಿ ಅಜು಼ ಇನಕೇಡೆಥು ದೇವ್ಥಿ ತೀರ್ಪ್ ಲೀಲ್ಯಾವಾನು ಹುಯಿರ್ಹುಸ್. ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್ ಹುಯೊ. ಯೋ ಬೇನೆ ಹಲ್ಲ ದೆಖಾವ್ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್ಶೇತೆ.
"ಇಸ್ರಾಯೇಲ್ ಅದ್ಮಿವೊ, ಮಾರಿ ವಾತ್ನ ಖ್ಹಮ್ಜೊ; ನಜ಼ರೇತ್ನೊ ಯೇಸು ಛಾ಼ನಿ ದೇವ್ ತುಮುನಾಬಿ ಮಾಲುಮ್ ರ್ಹವಾನಿತರ ದೇವ್ನೆಸ್ ಇನೇಥಿ ಚ಼ಲಾಯೊತೆ ಮಹಾ ಕಾಮ್ಬಿ, ಅದ್ಭುತ್ಕಾಮ್ಥಿ ಇನ ಪಸಂದ್ ಹುವಾನಿತರ ತುಮೂನ ವತಾಳಿ ದಿದೊ. ಯೊ ಯೇಸುಸ್ ದೇವ್ನಿ ಘಟ್ ಖ್ಹೂಜ಼್ಥೀಬಿ, ಆವ್ಶೇತೆ ಹಗಾಮ್ನಿ ಪರಕ್ಮ ದೆವೈಜಾ಼ವದಿನ್, ತುಮೆ ಅಲಕ್ಅದ್ಮಿವೋನ ದೀನ್ ಶಿಲ್ಬೇಪರ್ ಮೇಕ್ ಮರೈನ್ ಮಾರಿನಾಖ್ಯ. ಯೇಸುನ ದೇವ್ನೆ ಮರಣ್ಣಿ ಖ್ಹತಾಪ್ಣಿಥಿ ಛೋ಼ಡೈನ್ ಉಠಾಡ್ಯೊ. ಶನಕತೊ ಮರಣ್ ಇನ ಧರಿಲ್ಯವಾನ ಕೊ ಹುಯುನಿ.
ಮೇಸ್ ಅಛ್ಛೊ಼ ಕುರುಬ; ಅಛ್ಛೊ಼ ಕುರುಬ ಇನ ಮೇಂಢ ಖ್ಹಾರಾನಖ್ಹಾಜೆ ಇನು ಜಾನ್ನಾಸ್ ದೇಸ್.
ಶನಕತೊ ಕದೆಕದೇಬಿ ತುಮೆ ಆ ರೋಟಾನ ಖಾಸ್ಕಿ,ಅಜು಼ ಆ ಕಟೋರಿಮ ಪೀಯಾಸ್ಕಿ ತದೆ ಯೊ ಆವಾನಿ ವಖ್ಹ್ತೆ ಪ್ರಭುನಿ ಮರಣ್ಣ ಊಚು಼ ಪಾಡ್ತು ರ್ಹಿಶು.