A mulher virtuosa
A mulher virtuosa de Provérbios 31 é um retrato de excelência. Seu valor excede o de rubis — ela é sábia, trabalhadora, generosa e teme ao Senhor acima de tudo.
Uma joia rara
Mulher virtuosa, quem a achará? Seu valor excede o de rubis. Ela é o coração da família e a força do lar.
Undaanɛ nu ɠa ga naa, nii a anzanu zɔɓelamai zɔlɔɔ,
tosuʋɛ wɔɔlɔʋɛ kɔbu ani ʋagɔiti sɔngɔi ʋa.
Undaanɛ nu ɠa ga naa, nii a anzanu zɔɓelamai zɔlɔɔ,
tosuʋɛ wɔɔlɔʋɛ kɔbu ani ʋagɔiti sɔngɔi ʋa.
Sinigi laaʋɛ da,
ani ʋagɔ nɔpɛ ge la ʋalaga ná-pɛlɛi wu.
É la ɗa ga kazemazu vaa nɔpɛ kɛ ga sinigi,
kɛni faa ʋagɔi nɔ, sii ma voloiti pɛ su.
Toɠa ɗa baala deɠai ɠaiziɛ ta gezei,
é ɗa boti ɠɛ ga zeeiti ga koozunɛɛi.
Eɠɛ yaaɠo ɓatoi,
toɠa ɗa zeɠe ga ɠɔnɔgi ɠoozama.
Toɠa ɗa wuzeɠe ga kpidiɓidigi,
é daamianigi ve ná-pɛlɛyeɠei ya,
é ná-deveiti fe ná-botiɠɛ anzanuiti zea.
É ɠisiɛ kpalagi ta zu, é geya,
é leezɛn ɓelei leʋe ba, ga ná-botii zulɔnɔgi.
Toɠa ɗa botii ɠɛ ga suvikɛi pɛ,
zea la ʋalaga ɠɔ.
Toɠa pɛtɛsu ga zeavaiti su ɠa ɓɛtɛzu,
toɠa ɗa ɠaazuɓa, é ɗa botii ɠɛ kpidii, abu zezei ɠa.
Toɠa ɗa kenagi zo ga yeei, é ɗa gezei ɓali,
é kena kpakui zo ga yeeɓeɠaiti.
Zeei maalegɛ maanɔɠɔ nuiti ta-ɓɔba vai ma,
toɠa ga faanɛɛ ɠɛ nu bala nuiti bɛ.
Ziilɔɔ anzanui ɠa ɗa sinigi nɔungi wuzeɠe,
kɛlɛ anzanui é unfetala vai ɠɛɛzu, toɠa sinigi ʋa ga kae wana zeeɓɛi.
Niizu, dòun anzanu, mina lua ɲɛgɛlɛin. Nà naa kpein kɛ è ʋɛ, nii è bosu, mazɔlɔɔ nuɓusɛ pɛ ge suɠwɛɛ ga ɗa ga anzanu zɔɓelama.
Caráter acima da aparência
Enganosa é a graça e vã é a formosura, mas a mulher que teme ao Senhor será louvada. A verdadeira beleza é interior.
Zaalai ɠa ga yaava ani, padai ɠa ɗa leʋe,
kɛlɛ anzanui é luazu Ɠɔoɠɔ GALAGI ʋa, naa ɠa maanɛai ga é maamusɛi zɔlɔɔ.
Nà pɔ ɓalaa ga anzanuiti ti ɗa ɓɔɠɔ maaɠili ga maaɠilii nii soloogai, waso ge la ba, ná kɛɠalai nɔ. Ti mina ɓɔɠɔ maaɠili ga unfɛlɛ ɓaaɓaagiti, ɓaa zanugi, ɓaa kɔtu zɔngɔ ɓaagiti, ɓaa seɠe laaɓaagiti, kɛlɛ kɛni kɛɛwoti ʋagɔiti, eɠɛʋelei soloogai la anzanuiti ma, niiti ti ɠɛɛzu ta luazu GALA ba.
Ɠima anzanui ná-pɛlɛyeɠei loni,
kɛlɛ ɠimalala gelei nɔnɔi woloni tɔ ɓɔɠɔi.
Nu ɠa zoo è pɛlɛi ta anii kpein sɔlɔɔ ga pogani è-ɠɛɛni zea,
kɛlɛ Ɠɔoɠɔ GALAGI ɠila kpe nɔ ɠa a zoo, é ɠima anzanui ve nu ya.
Bo ɠana nɔ anzanu ɓakologiti ma, ga ti-ziɛ ʋelei zoloo ɲadedai ma. Ti mina nu lɔɠɔ ɠoloɠolo faa ɠɛ, ti mina ɓɔɠɔ ve dɔɔi ya. Ti maanɛɛʋɛ, ti ɗa tɛnɛ pagɔiti bo, naa ɠa a kɛ ti anzalopoiti kala ga ti ti-zinigiti nɛɛ ʋɛ, ta ti-lointi, ta ti ɠɛ ga kidafaawu nuiti, ti ɲade, ti ɠaaɓa ta-ʋɛlɛi ma, ti ɠɛ ga nu ʋagɔ, ti ɓɔɠɔmaayei ti ɓɔɠɔ zinigiti bɛ, naa ɠa a kɛ nu mina woo ɲɔu wo GALA daawooi laalɔɠɔma.