Mundo

15 E yï yïndə əmbrʉ tshepashɔ wala aərə tshepashɔ nə ne. Kədə ə̈bə̈ əzü kə yində tshepashɔ nə, tshə yində Abä yi ne.

15 E yï yïndə əmbrʉ tshepashɔ wala aərə tshepashɔ nə ne. Kədə ə̈bə̈ əzü kə yində tshepashɔ nə, tshə yində Abä yi ne. 16 Mbrə ə̂në aərə nɔ̂ ə̂në ə sə pâ ashɔ kɔ: əgo lɔsu əzü, də əgo aərə ə̂në ala əzü ə wu kɔ gâ ndə kə da əkro azü ə̂në əndje da mbrə aərə ə̂në əndje sə də nə kɔ, aərə sə̂ nɔ̂ kɔ to to mâ ndə Abä ne, bale ə to kpə pâ ashɔ səye.

16 Mbrə ə̂në aərə nɔ̂ ə̂në ə sə pâ ashɔ kɔ: əgo lɔsu əzü, də əgo aərə ə̂në ala əzü ə wu kɔ gâ ndə kə da əkro azü ə̂në əndje da mbrə aərə ə̂në əndje sə də nə kɔ, aərə sə̂ nɔ̂ kɔ to to mâ ndə Abä ne, bale ə to kpə pâ ashɔ səye.

17 Tshepashɔ sə kə ro nə də əgo aərə tshepashɔ nə ndje. Bale, əzü ə̂në tshə sə kə mbrə ərə ə̂në tshelə Ndjapä yində nə kɔ sə kə daka pə piii.

4 E-e ə̂në e frɔ Ndjapä kɔ! E wusə̂ nə wu ə pa kə yində aərə tshepashɔ sə tə äwä kə wəra tə̂ əzü tə̂ Ndjapä ne a? Əzü ə̂në tshə yində kʉtə̂ aərə tshepashɔ nə, rəkɔ tshə do tə̂ ye tə əyïkowɔ nə̂ Ndjapä gâ ye.

4 E-e ə̂në e frɔ Ndjapä kɔ! E wusə̂ nə wu ə pa kə yində aərə tshepashɔ sə tə äwä kə wəra tə̂ əzü tə̂ Ndjapä ne a? Əzü ə̂në tshə yində kʉtə̂ aərə tshepashɔ nə, rəkɔ tshə do tə̂ ye tə əyïkowɔ nə̂ Ndjapä gâ ye.

16 Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

16 Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

19 «Â əpʉ ngbanga nə kə səye: ə̂yîəwo nâ gâ pâ ashɔ, â azü yîndə əbutshe ə rô ə̂yîəwo nə, mbrə ə̂në aərə ə̂në əndje mbrə kɔ sə tə əmbrʉ nə.

2 Mbrə ə̂në, Jezu Kristə nə də ə̂tə̂ ye tshû mbrə əzə̂ ndə kə gba tshelə anyaka nə̂ əzə̂, ə də̂ kʉtə̂ ənə̂ əzə̂ nə də̂ ne, bale ənə̂ azü tshepashɔ nɔ̂ ndje.

1 E wü marä tə̂ kə yində əzə̂ ə̂në Abä yîndə əzə̂ kɔ, ndə kə pa tshə e əzə̂ tə aneshe nə̂ ye kɔ, â tə̂ banda əpʉ, a sə tə aneshe nə̂ ye nə! Mbrə nə, tshepashɔ wusə̂ əzə̂ wu ne, mbrə ə̂në ə wûsə̂ Ndjapä nə wû ne.

1 E wü marä tə̂ kə yində əzə̂ ə̂në Abä yîndə əzə̂ kɔ, ndə kə pa tshə e əzə̂ tə aneshe nə̂ ye kɔ, â tə̂ banda əpʉ, a sə tə aneshe nə̂ ye nə! Mbrə nə, tshepashɔ wusə̂ əzə̂ wu ne, mbrə ə̂në ə wûsə̂ Ndjapä nə wû ne.

33 Mə pâ əpʉ kə e rə ndə kə pa e sə də blatshe tə̂ äwä əmə. Aərə əyo sə kə wutu gâ tə̂ e pâ ashɔ, bale e gbɔ̈ ə gbɔ̈! Əmə, mə rô pâ tshepashɔ də awlra gâ ye!»

33 Mə pâ əpʉ kə e rə ndə kə pa e sə də blatshe tə̂ äwä əmə. Aərə əyo sə kə wutu gâ tə̂ e pâ ashɔ, bale e gbɔ̈ ə gbɔ̈! Əmə, mə rô pâ tshepashɔ də awlra gâ ye!»

4 mbrə ə̂në əzü nɔ̂ ə̂në Ndjapä kə zû ətshə kɔ, tshə sə kə ro pâ tshepashɔ səye də awlra, â ərə nə ə̂në a rô tshepashɔ nə də nə də awlra gâ ye kɔ kə də̂ əpʉ lɔsu əzə̂.

4 mbrə ə̂në əzü nɔ̂ ə̂në Ndjapä kə zû ətshə kɔ, tshə sə kə ro pâ tshepashɔ səye də awlra, â ərə nə ə̂në a rô tshepashɔ nə də nə də awlra gâ ye kɔ kə də̂ əpʉ lɔsu əzə̂.

5 Əde kə rô tshepashɔ də awlra nə gâ ye? Əzü tshî ə̂në tshə yində nə də lɔsu ye ə pa Jezu sə tə Ɨrɨ Ndjapä kɔ.

4 E-e, aneshe nə̂ əmə, e sə tə azü nə̂ Ndjapä, â e rô pâ aafrɔ aawopandəma Ndjapä nə də awlra gâ ye, mbrə ə̂në Yîrə̂ nə ə̂në tshə sə lə e kɔ, tshə rô ətshə nə̂ sə̂ ə̂në tshə sə pâ ashɔ nə kɔ gâ ye.

14 Əmə, mə yîsə̂ əpʉ nə̂ zə kə əndje gâ ye, bale tshelə azü tshepashɔ nə wə̂ra tə̂ əndje tə̂ əndje gâ ye, mbrə ə̂në əndje sə sə tə ənə̂ tshepashɔ nə ne, mata ə̂në əmə, mə sə sə tə ənə̂ tshepashɔ nə ne kɔ.

15 Mə yu əbə yu ndə kə pa bə ko əndje pâ ashɔ nə ne, bale ndə kə pa bə bata əndje tə̂ Əmbrʉ ətshə nə.

15 Mə yu əbə yu ndə kə pa bə ko əndje pâ ashɔ nə ne, bale ndə kə pa bə bata əndje tə̂ Əmbrʉ ətshə nə. 16 Əndje sə sə tə azü tshepashɔ nə ne, mata əmə, ə̂në mə sə sə tə əzü tshepashɔ nə ne kɔ. 17 Kö əndje kpî mbrə əbə tə̂ äwä djatra əpʉ. Əpʉ nə̂ zə də̂ djatra əpʉ nə. 18 Mata ə̂në bə wlâ əmə gâ pâ ashɔ kɔ, əmə ndje, mə wla əndje pâ ashɔ nə na na ye.

25 Abä ə̂në kə mbrə ərə nə̂ zə sə də äwänə kɔ, azü tshepashɔ wûsə̂ zə wû bale ne; bale əmə, mə wûsə̂ zə â azü səye wûsə̂ nə ə pa əbə kə wlâ əmə kɔ. 26 Mə mbrə̂ â əndje wûsə̂ zə gâ ye, â mə sə kə mbrə ndə kə pa əndje yerɔ əbə, ndə kə pa kə yində əmə ə̂në bə yində əmə kɔ sə tə̂ lɔsu əndje, mata ə̂në əmə, mə sə lə əndje kɔ.»

31 Alɔ kə wa ngbanga azü tshepashɔ kə sə̂ kpəsəye kɔ; alɔ kə wli makɔndji tshepashɔ gashu kə sə̂ kpəsəye kɔ.

27 «Mə katə̂ blatshe kə e, mə za blatshe nə̂ əmə kə e. Əmə, mə za za kə e mata ə̂në azü tshepashɔ ə za kɔ ne. E li li tshelə e ne, awa mbrə e mbrə ne.

Azü tshepashɔ wə̂ra tə̂ əndje tə̂ Jezu də azü nə̂ ye

18 «Kədə tshelə azü tshepashɔ kə wəra tə̂ əndje tə̂ e, e wusə̂ nə ə pa tshelə əndje wə̂ra tə̂ əndje tə̂ əmə angbʉlînə tə̂ e gâ ye. 19 Kədə e sə̂ kəmə tə azü tshepashɔ nə, tshepashɔ nə sə̂ kə yi kəmə ndə e mbrə ə̂në e sə̂ tə ənə̂ tshepashɔ nə. Bale, mbrə ə̂në, e sə sə tə azü tshepashɔ nə ne, ə̂në mə kê e lə takpa tə̂ azü tshepashɔ nə gâ ye kɔ, mbrə nə, tshelə azü tshepashɔ nə sə kə wəra tə̂ əndje tə̂ e.

Atrawaya sə tə əngbrʉ də ə̂yîalɔ tshepashɔ

13 «E-e kə sə̂ tə əngbrʉ pâ ashɔ. Bale, kədə atshɔ əngbrʉ nə kə nglɔ̂ lə nə gâ ye, əzü sə kə ma atâ ndə kə pa tshə kirə də atshɔ nə gâ mandânə? Ə̈bə̈ ərə kə ma də nə guta gu ne. Ə lï ndə kə pa əndje vɔ ve-e gashu, azü dɔ tshelə nə də ə̈nü əndje.

14 «E-e kə sə̂ tə ə̂yîəwo tshepashɔ. Gala ə̂në ə sə gâ pâ kaga, ə lï lï ndə kə za tə̂ ye wu ne.

14 Əndje sə kə mʉ Ə̂rɔ̂ Əpʉ Əgɔngerə nə̂ Ndjapä səye pâ ashɔ nɔ̂ ndə kə pa amarä nɔ̂ dji əpʉ nə. Bale, mandânə, tshepashɔ sə kə nglɔ nə.»

26 Kədə ə̈bə̈ əzü kə sɔtə̂ aərə tshepashɔ səye nɔ̂ â sə sə tə sorô ne, ərə yekɔ də̂ tshə sə kə sɔtə̂ nə mandânə? Ərə yekɔ də̂ əzü lï ndə kə za nə ndə kə yɔ də sorô?

26 Kədə ə̈bə̈ əzü kə sɔtə̂ aərə tshepashɔ səye nɔ̂ â sə sə tə sorô ne, ərə yekɔ də̂ tshə sə kə sɔtə̂ nə mandânə? Ərə yekɔ də̂ əzü lï ndə kə za nə ndə kə yɔ də sorô?

7 Əyo gâ pâ azü tshepashɔ, mbrə aərə ə̂në azü sə kə te tə̂ nə gâ lə nyaka kɔ! Aərə ə̂në ə sə kə ma ndə kə pa azü te gâ lə nyaka mbrə nə kɔ sə kə sə je alɔnɔ̂, bale əyo gâ pâ əzü ə̂në tə̂ äwä ye ə̈bə̈ ngâ nə sə kə te gâ lə nyaka!

15 Mandânə, Jezu pâ kə atrawaya nə ə pa: «E nä na ye pâ ashɔ nɔ̂ ə mʉ̈ Ə̂rɔ̂ Əpʉ kə azü nɔ̂.

15 Mandânə, Jezu pâ kə atrawaya nə ə pa: «E nä na ye pâ ashɔ nɔ̂ ə mʉ̈ Ə̂rɔ̂ Əpʉ kə azü nɔ̂.

36 Kədə ə̈bə̈ əzü kə sɔtə̂ aərə tshepashɔ səye nɔ̂ â ndɨ əwu ye də ə̂tə̂ ye, ərə yekɔ də̂ tshə sə kə sɔtə̂ nə mandânə?

2 E mbrə̈ mbrə̈ tə̂ e Lïndə̂ kə mbrə tə̂ azü tshepashɔ tshe kpəsəye ne, bale e kätə̂ äwä kə Ndjapä tshə do tshelə kə wusə̂ ərə nə̂ e tə tafa nə, kanika e yerɔ äwä ərə ə̂në tshelə Ndjapä nə yində nə də ərə ə̂në ə sə tə ə̂rɔ̂ nə, ə̂në ə fʉ ə fʉ â ə lï nɔ̂ kɔ.

2 E mbrə̈ mbrə̈ tə̂ e Lïndə̂ kə mbrə tə̂ azü tshepashɔ tshe kpəsəye ne, bale e kätə̂ äwä kə Ndjapä tshə do tshelə kə wusə̂ ərə nə̂ e tə tafa nə, kanika e yerɔ äwä ərə ə̂në tshelə Ndjapä nə yində nə də ərə ə̂në ə sə tə ə̂rɔ̂ nə, ə̂në ə fʉ ə fʉ â ə lï nɔ̂ kɔ.

20 Mbrə ə̂në, awlra nə̂ Ndjapä ə̂në ə sə piii kɔ də kə sə ətshə ə̂në azü lï lï ndə kə wu nə ne kɔ, kerə ə̂në Ndjapä mbrə̂ tsheshu kɔ, azü sə kə wu nə tə ə̂rɔ̂nə alɔ ə̂në əndje sə kə wu aərə ə̂në tshə mbrə̂ gâ ye kɔ. Rəkɔ, azü sə sə də ə̈bə̈ əpʉ ndə kə pa nə ne.

20 Mbrə ə̂në, awlra nə̂ Ndjapä ə̂në ə sə piii kɔ də kə sə ətshə ə̂në azü lï lï ndə kə wu nə ne kɔ, kerə ə̂në Ndjapä mbrə̂ tsheshu kɔ, azü sə kə wu nə tə ə̂rɔ̂nə alɔ ə̂në əndje sə kə wu aərə ə̂në tshə mbrə̂ gâ ye kɔ. Rəkɔ, azü sə sə də ə̈bə̈ əpʉ ndə kə pa nə ne.

19 Ä wusə̂ nə ə pa aəpʉ nɔ̂ ə̂në âgbɔ̂ əpʉ nə ə pa kɔ, ə pa mbrə azü ə̂në əndje lï ndə kə mbrə aərə Lïndə̂ âgbɔ̂ əpʉ nə kɔ, ndə kə pa ə̈bə̈ əzü bale a ama ye a ndə kə pa ə̈bə̈ əpʉ ne â tshepashɔ nɔ̂ sə də əpʉ lə kumu ye lə ala Ndjapä.

27 Djatra kə vrɔ Ndjapä ə̂në ə fʉ lə ala Abä də Ndjapä nə kɔ kə də̂ kə pa əzü ga ndə ayasoro də ayashe koya lə aərə əyo nə̂ əndje, ə bata tə̂ ye tə̂ əmbrʉ ərə tshepashɔ səye nɔ̂.

27 Djatra kə vrɔ Ndjapä ə̂në ə fʉ lə ala Abä də Ndjapä nə kɔ kə də̂ kə pa əzü ga ndə ayasoro də ayashe koya lə aərə əyo nə̂ əndje, ə bata tə̂ ye tə̂ əmbrʉ ərə tshepashɔ səye nɔ̂.

Kə ka mbrə alɔ kə gu Jezu Kristə

11 Ngâ, ə̂rɔ̂tə̂ Ndjapä, ə̂në ə sə tə̂ äwä kə tshɔ lə kuzu tə̂ nə mbrə azü nɔ̂ kɔ, Ndjapä nə yîsə̂ nə gashu kə azü nɔ̂ gâ ye. 12 Ə sə kə yisə̂ äwä kə əzə̂ ə pa a wəra tə̂ əzə̂ tə̂ äwä əmbrʉ ərə gâ ye, ə wəra tə̂ əzə̂ tə̂ äwä aəgo aərə tshepashɔ səye, ə mbrə tə̂ əzə̂, kpəsəye, tə̂ äwä kə tegbɔ kumu əzə̂ ə mbrə ərə də äwänə ə tɔ popo Ndjapä,

12 Mbrə ə̂në ə də̂ azü də̂ a də aəndje ə mbrə awlra nə kɔ ne, bale a sə kə mbrə awlra nə də aərə ə̂në ə sə də awlra kɔ, də aərə ə̂në ə sə kə za ama kɔ, də aərə ə̂në ə sə kə mbrə ngerə gâ pâ ashɔ ə̂në ə sə lə əbutshe kɔ gâ ndə aəmbrʉ ayirə̂ tshelə əyi djoko lafɔ kɔ.

8 Ala e në kanika ə̈bə̈ əzü bale frɔ e frɔ ka e te gâ lə ə̂kû əpʉ kə wusə̂ ərə nə̂ azü tshepashɔ səye ne! Ə sə tə aəpʉ əterə ə̂në ə̈bə̈ ərə bale sə sə lə nə ne, ə̂në ə ka gâ pâ mandʉ ərə nə̂ azü də alabə̈ aərə tshepashɔ kɔ, ə̂në ə ka ka gâ pâ Kristə nə ne kɔ.

3 Banda əpʉ, a sə tə azü, bale ä sə sə kə mbrə koshe lə əzü tə̂ ä ne.

12 Ənə̂ əzə̂, ə də̂ yîrə̂ tshepashɔ səye də̂ a sɔ̂tə̂ nə kɔ ne, bale a sɔ̂tə̂ Yîrə̂ ə̂në ə tô mâ ndə Ndjapä â nâ kɔ, ndə kə pa a wusə̂ ərə ə̂në Ndjapä za kə əzə̂ tə̂ äwä ə̂rɔ̂tə̂ ye kɔ.

20 Awowusə̂ âdâ ərə sə kotâ a? Awoyisə̂ âgbɔ̂ əpʉ nə̂ Mayïzə sə kotâ a? Əzü ə̂në əpʉ zâ ama ye pâ ashɔ səye kɔ sə kotâ a? Ndjapä yîsə̂ nə gashu ə pa kə wusə̂ âdâ ərə nə̂ azü tshepashɔ səye sə tə ərə yïrə̈.

21 Mbrə ə̂në azü tshepashɔ səye də kə wusə̂ âdâ ərə nə̂ əndje, wûsə̂ Ndjapä wû tə̂ äwä kə wusə̂ âdâ ərə nə̂ Ndjapä nə ne. Âdârə ə̂në Ndjapä wû tə ə̂rɔ̂nə lə ala ye ndə kə pa tshə she azü ə̂në əndje zâ lɔsu əndje kə ətshə gâ ye kɔ lə kuzu tə̂ äwä əpʉ ə̂në ä sə kə yisə̂ nə kə azü, ə̂në ə sə mata əpʉ yïrə̈ kɔ.

27 Bale, Ndjapä kê ərə ə̂në ə sə tə ərə yïrə̈ lə ala azü tshepashɔ səye kɔ ndə kə pa tshə mbrə gana lə ala aawowusə̂ âdâ ərə. Ndjapä kê ərə ə̂në ə mɔ ə mɔ lə ala azü tshepashɔ səye kɔ ndə kə pa tshə mbrə gana lə ala alayïawlra.

28 Ndjapä kê amba ərə, ərə ə̂në azü sə kə neke nə ə neke kɔ, ərə ə̂në ə sə sə tə ə̈bə̈ ərə lə ala azü tshepashɔ səye ne kɔ, ndə kə pa tshə do ərə ə̂në ə sə̂ tə âgbɔ̂ ərə lə ala azü kɔ, tə amba ərə. 29 Ndjapä nə mbrə̂ rə kanika ə̈bə̈ əzü bale da əkro ye da ətshi Ndjapä nə ne.

18 Əzü bale fɔ̈ frɔ̈ tə̂ ye də ə̂tə̂ ye ne. Kədə ə̈bə̈ əzü lə takpa tə̂ e kə wu tə̂ ye tə awowusə̂ âdâ ərə tə̂ äwä tshepashɔ səye, tshə dö tə̂ ye tə əyïyirə̈ kanika ə sə ngâ tə awowusə̂ âdâ ərə nə.

7 Mbrə ə̂në a nâ nâ də ə̈bə̈ ərə bale gâ pâ ashɔ ne, â äwä bale ndje a lï lï ndə kə gu na ye də ə̈bə̈ ərə bale ne. 8 Rəkɔ, kədə a sə də rəgo də ləba, ə lî də əzə̂ gâ ye.

7 Mbrə ə̂në a nâ nâ də ə̈bə̈ ərə bale gâ pâ ashɔ ne, â äwä bale ndje a lï lï ndə kə gu na ye də ə̈bə̈ ərə bale ne. 8 Rəkɔ, kədə a sə də rəgo də ləba, ə lî də əzə̂ gâ ye.

9 Əpʉ nə sə tə djatra ə̂yîəwo nə, ə̂në ə nâ gâ pâ ashɔ â azü nɔ̂ sə kə lishi ngbʉ̂ ndə nə kɔ. 10 Ətshə ə̂në tshə sə tə Əpʉ nə kɔ, tshə sə̂ gâ pâ ashɔ gâ ye, â Ndjapä nə mbrə̂ tshepashɔ nə tə̂ äwä ye, bale azü tshepashɔ nə wûsə̂ ye wû bale ne.

10 Ətshə ə̂në tshə sə tə Əpʉ nə kɔ, tshə sə̂ gâ pâ ashɔ gâ ye, â Ndjapä nə mbrə̂ tshepashɔ nə tə̂ äwä ye, bale azü tshepashɔ nə wûsə̂ ye wû bale ne.

Jezu sə tə ə̂yîəwo tshepashɔ

12 Jezu pâ kwatə̂ye kə ə̂kpû azü nə ə pa: «Əmə, mə də̂ ə̂yîəwo tshepashɔ. Əzü ə̂në tshə za äwä əmə, tshə sə sə kə na ana alɔ bale lə əbutshe ne, bale tshə sə kə sə də ə̂yîəwo ə̂në ə sə kə za sorô kə əzü kɔ.»

27 Andalimi nə̂ əmə nə sə kə dji tshema əmə, â əmə, mə wusə̂ əndje, â əndje sə kə za äwä əmə. 28 Əmə, mə za sorô nə̂ alɔnɔ̂ kə əndje, əndje sə sə kə tshu nə alɔ bale ne, â əzü bale sə sə kə ko əndje də awlra lə kəna əmə ne.

7 Kandää, əmə, mə sə kə pa djatra əpʉ kə e: ə sə tə ə̂rɔ̂nə mbrə e ndə kə pa, əmə, mə ro. Mbrə ə̂në kədə mə ro ro gu na ye ne, Awotɨ azü nə sə sə kə na gâ tə̂ e ne. Bale, kədə mə ro gu na ye, mə sə kə wla ətshə kə e. 8 Alɔ ə̂në tshə â na, tshə sə kə yisə̂ nə gashu kə azü tshepashɔ ə pa əndje djîngli äwä gâ pâ əpʉ nyaka, gâ pâ əpʉ ərə ə̂në ə sə də äwänə kɔ, gâ pâ əpʉ ngbanga gâ ye. 9 Azü nə djîngli äwä gâ pâ əpʉ nyaka nə, mbrə ə̂në əndje za lɔsu əndje za kə əmə ne, 10 gâ pâ əpʉ ərə ə̂në ə sə də äwänə kɔ, mbrə ə̂në mə sə kə ro gu na ye mâ ndə Abä, â e sə sə kə wu əmə kwatə̂-e ne. 11 Əndje djîngli äwä gâ pâ əpʉ ngbanga nə, mbrə ə̂në Ndjapä wâ ngbanga gâ lə kumu əyïngerə tshepashɔ səye gâ ye.

4 Tə̂ äwä ə̂yî ye nə də awlra nə̂ ye nə, tshə kô aə̂rɔ̂ aərə ə̂në ə sə tə aâgbɔ̂ aərə lə ala ye kɔ, ə̂në tshə zâ ama də əpʉ nə ətshinə gâ ye kɔ kə əzə̂ gâ ye, kanika e tɔ lə aərə tshepashɔ səye ə̂në ə ndɨ azü tə̂ äwä aəmbrʉ aəgo kɔ ka e mbrə tə̂ e ə lï də ənə̂ Ndjapä nə.

3 E wüsə̂ nə angbʉlînə ə pa lə bale aəlo tshepashɔ, alayïamɔ sə kə yi kumu əndje də aəpʉ kə mɔ ətshe, ə̂në əndje sə kə mbrə aərə kʉ tə̂ äwä aəgo lɔsu əndje də ə̂tə̂ əndje kɔ, â sə kə mɔ e 4 ə pa: «Tshelə ndəma əpʉ kə gu ətshə nə sə kotâ a? Mbrə ə̂në leme-e kerə ə̂në alabä* tshû gâ ye kɔ, aərə nɔ̂ daka pə kpə mandânə mata ə̂në tshepashɔ vɔ̂tə̂ nə kɔ.» 5 Bale, əpʉ tshelafɔ ə̂në Ndjapä mâ leme-e kerə kɔ, də ə̂në ashɔ wûtu lə ə̂ngû â kâ gâ ə̂grû ə̂ngû nə tə̂ äwä əpʉ ama Ndjapä kɔ, ə̂sə̂ nə rô əndje tə gəwlanga gâ ye. 6 Kʉ tə̂ äwä ə̂ngû nə ndje, tshepashɔ tshe leme-e lîwu, ə̂në ə̂ngû nə sû ə môro nɔ̂ gâ ye kɔ. 7 Bale, tə̂ äwä kʉtə̂ əpʉ ama Ndjapä nə bale də̂ tshə kô tshelafɔ də ashɔ tshe kpəsəye tʉ mbrə əwo, tə̂ əlo ngbanga də əlo kə liwu azü kə mbrə aəmbrʉ aərə kɔ.

10 Mbrə ə̂në əyo tə̂ lɔsu Lïndə̂ ərə ə̂në Ndjapä yində nə kɔ, mbrə â əzü tshi äwä angbrɔ kə mbrə tə̂ ye tʉ â she lə kuzu, â tshelə əzü sə sə ko ətshə tə̂ nə ne. Bale, əyo tə̂ lɔsu ə̂në ə mbrə ndə kə pa əzü tshi äwä angbrɔ kə mbrə tə̂ ye tshi tʉ ne kɔ sə kə gi əzü nə gâ lə kuzu.

13 Alaye, kumu e kpë kpë pâ əndu e ne, kədə tshepashɔ wəra tə̂ ye tə̂ e.

19 A wusə̂ nə ə pa a sə tə azü nə̂ Ndjapä nə, â tshepashɔ nɔ̂ sə tshekudu awlra nə̂ djablo.

31 Tshelafɔ də ashɔ sə kə ro nə, bale, aəpʉ ama əmə sə sə kə ro bale ne.»

8 Jezu Kristə daka pə kʉ tə ətshə wɔlumə, kpəsəye, ndje də ə̂ngû də ə̂ngû piii.

50 Ə̂në Jezu djî əpʉ nə rəkɔ, tshə pâ kə Jaruwusə nə ə pa: «Kätə̂ awa ə zä kʉtə̂ lɔsu zə kə Ndjapä, əgblə yashe nə̂ zə sə kə she lə kuzu.»

17 Ngâ, tə̂ äwä əzü bale, tə̂ äwä nyaka nə̂ əzü bale, kuzu tê pâ azü nɔ̂. Bale tə̂ äwä Jezu Kristə tshî, azü sɔtə̂ aərə ngbatshe rô pâ nə djoko ndə Ndjapä: tshə ma ə̂rɔ̂tə̂ kə əndje rô pâ nə ə mbrə əndje tə aə̂rɔ̂ azü lə ala ye â əndje sə kə sə də sorô â sə tə alayïngerə də aəndje je mbrə Kristə nə.