Namoro e sexo

3 Ico Imana igomba ni uko mubaho mwejejwe, muri kure y’ivyaha vy’ubusambanyi. 4 Kandi ni uko umwe wese muri mwebwe abaho aganza umubiri wiwe, yejejwe kandi yihesha agateka, 5 mudatwarwa n’ivyipfuzo vy’umubiri nk’abapagani batazi Imana.

13 Uwundi avuga ati: "Ivyokurya ni ivy’inda, n’inda ni iy’ivyokurya kandi Imana izobirandura vyompi." Yamara umubiri ntiwaremewe kuganzwa n’ubusambanyi, ariko waremewe kuba uw’Umwami Imana, kandi ni we awitaho.

3 Kandi umuntu wese afise ibi vyizigiro muri Kristo ariyeza, nk’uko Kristo na we ari uwera.

1 Hahiriwe umuntu

Imana yababariye ibikorwa vyiwe bibi;

ivyaha vyiwe bigaharirwa.

2 Hahiriwe umuntu

Uhoraho adaharurako ivyaha vyiwe

kandi mu impwemu yiwe ntihabemwo ubugunge.

3 Ncereje,

amagufa yanje aruma

kubera kuboroga bukarinda bwira.

4 Kuko ku murango no mw’ijoro

ukuboko kwawe kwandemera;

inkomezi zanje zaragurutse

nk’ukwuma kwo mu ci.

5 Ni kuko nakwemereye icaha canje

sinanyegeza ukugabitanya kwanje.

Naravuze nti: "Ndaturira Uhoraho

ukugabitanya kwanje."

Nawe wampariye

ugucumura kwanje.

6 Ni co gituma abakwizigira bose bakwiye kugusenga

mu mwanya ushobora kubonerwamwo;

ni ukuri amazi menshi asuriranya

ntazobashikira.

2 Nyoza ukugabitanya kwanje kwose

unyoze icaha canje.

3 Kuko ndazi ibigabitanyo vyanje,

kandi icaha canje cama imbere yanje

4 Nacumuye kuri wewe, wewe wenyene,

nakoze ibibi mu nyonga hawe;

ari na co gituma uvuga ukuri mu manza uca

kandi ata co ugawa iyo uciye urubanza.

7 Unyogeshe ezobu, nanje ndahumanuka;

unyoze, nanje ndera derere kurusha shelegi.

8 Umpe kwumva umunezero n’agahimbare;

amagufa wavunaguye anezerwe.

9 Hisha inyonga zawe ivyaha vyanje

uhanagure ukugabitanya kwanje.

10 Ureme muri jewe umutima utunganye, ewe Mana,

umpe umutima ushikamye.

11 Ntunyirukane mu nyonga hawe

canke ngo unkureko Mpwemu Yera wawe.

12 Nsubiza umunezero w’agakiza kawe

umpe umutima ufise ishaka ryo kukwumvira.