Namoro e sexo
Namoro e sexo são temas que a Bíblia trata com clareza e sem tabus. Deus criou o sexo como bênção dentro do casamento e nos chama à pureza fora dele.
Pureza sexual
A vontade de Deus é a santificação. Cada um saiba controlar seu próprio corpo em santidade e honra, não na paixão do desejo.
किल्हैकि परमेशर च़ाहा इहअ कि तम्हैं हआ पबित्र मतलब-कंज़रैई का रहै दूर अर तम्हां मांझ़ै लोल़ी सोभी का थोघ हुअ कि आपणीं बेटल़ी संघै किहअ करै रहणअ, ज़िहअ करै तेसो अदर हआ अर तैहा छ़ाडी बागै डेऊणेओ पाप निं करी। एऊ कामां निं सिधअ आपणीं देही खुश करने च़ाहा पूरी करना लै करी, अर नां तिन्नां होरी ज़ाती ज़िहअ हई ज़हा का परमेशरो थोघ निं आथी।
कोई सका तम्हां मांझ़ै इहअ बी बोली, "रोटी आसा देहीए तैणीं, अर देही आसा रोटीए तैणीं।" पर हुंह बोला इहअ कि परमेशरा करनी ईंयां दुहै च़िज़ा ज़ांऐं। अह देही निं कंज़रैई करना लै आथी, अह आसा प्रभूए तैणीं, अर प्रभू करा म्हारी देहीए हेर-सभाल़।
ज़ुंण बी मसीहा दी आशा डाहा, सह हआ आप्पू बी तिहअ शुचअ ज़िहअ प्रभू आसा पबित्र आसा।
Arrependimento e restauração
Bem-aventurado aquele cujo pecado é perdoado. Deus restaura os que se arrependem e cria neles um coração limpo e renovado.
माफी छ़ाडणा लै अरज़
तिन्नां लै भाल़ केही बर्गत हुई,
ज़सरै पाप बिधाता माफ किऐ अर दोश दूर किऐ।
तिन्नां मणछा लै आसा बर्गत ज़हा लै बिधाता पाप करनैओ दोश निं काढअ
अर ज़सरै दिलै किछ़ै कपट निं आथी।
ज़ेभै तैणीं मंऐं अह गल्ल निं मनी कि मंऐं आसा पाप किऐ दै,
हुंह हआ त सारी-सारी धैल़ी धकदअ लागअ द अर मेरै गल़ै हाडकै बी।
हे बिधाता, तूह दैआ त धैल़-राच मुल्है सज़ा,
मेरै हुऐ तै ज़ोर-ज़ाहण ई इहै खतम
ज़िहै गरमीं करै बाच शुक्का।
खिरी मनअ मंऐं ताह सेटा कि मंऐं किऐ पाप,
मंऐं निं ताह सेटा किछ़ै गलती च़ोरी डाही।
मंऐं सोठअ इहअ कि मुंह मनणी ताह सेटा सोभै गलती,
तंऐं किऐ तेखअ मेरै सारै पाप माफ।
तैही लागा तेरै सोभी लोगा बगत रहंदी ताह सेटा अरज़ करनी,
ताकि ज़ेभै आफ़तो बडअ दरैअ एछे,
तेभै निं सह तिन्नां सेटा पुजणअ कि तिन्नां घर्होहल़ी सके।
मेरी बूराई कर पठी खतम अर
तूह कर मुंह मेरै पापा का शुचअ।
हुंह जाआ समझ़ी कि मुंह दी आसा खोट,
मुखा इहअ बी आसा थोघ कि मंऐं किज़ै-किज़ै पाप किऐ।
सह आसा सिधअ तूह ई, एक्कै तूह ई ज़सरै खलाफ मंऐं पाप किऐ,
ज़ेता तूह बूरअ मना मंऐं किअ सह ई!
मंऐं निं तेरअ हुकम मनअ अर सह आसा मेरी गलती,
मुल्है दोश लाणा लै आसा तूह शुचअ अर मेरअ नसाफ करना लै आसा तूह धर्मीं।
तूह कर मेरै पाप दूर, तै जाणअ हुंह शुचअ हई,
मुंह धो तूह ज़ुफे डाल़ी करै आप्पै तै हणअ हुंह हिंऊंआं ज़िहअ शेतअ।
मुंह लोल़ी भिई खुशी अर नंद हुई,
तंऐं चोल़ै मेरै हाडकै-हाडकै,
ऐबै लोल़ी ती मुंह भिई खुशी हुई।
तूह निं ऐबै मेरै पापा भाल़अ लागी,
ज़ुंण मुंह दी खोट आसा, तेता कर तूह मुखा आप्पै दूर।
हे परमेशर, मेरै मन्नैं पा तूह सुंबल़ी सोर अर
मेरी आत्मां कर तूह ऐबै शुची अर भरोस्सै करनै जोगी।
मुंह निं तूह आप्पू का दूर करी अर
नां आपणीं पबित्र आत्मां मुखा पोर्ही काढी।
मुंह लोल़ी भिई तेही खुशी हुई ज़ेही तेरै उद्धार करनै करै भेटा,
अर मेरै दिलै कर एही च़ाह पैईदा कि ज़िहअ तूह बोले मंऐं लोल़ी तिहअ ई किअ।