Não desista!

28 कुन तुस न ज़ानथ? कुन तुसेईं नईं शुनोरू? यहोवा ज़ै सच़्च़ो परमेशरे ते सारी धरती बनानेबालोए, तै न थके, ते तैसेरे समझ़रे गहराई तगर कोई न पुज़्ज़ी सके। 29 तै थकोरे ताकत देते ते कमज़ोरे शक्ति देते। 30 नौजुवान भी थेकी गातन ते रेई गातन ते जुवान ठोकर खेइतां बिछ़ड़ी गातन; 31 पन ज़ैना यहोवा बलगतन; तैना नंव्वी ताकत हासिल केरते गाते, तैना उकाबा केरे ज़ेरे उडरेले, तैना दौड़ेले ते थकेले न, च़लेले ते थकावट मैसूस न केरेले।

19 हे सिय्योनेरे लोकव तुस ज़ैना यरूशलेमे मां रहतथ; तुस फिरी कधी लेरां न देले, तै तुश्शी बिनती शुनते तुसन पुड़ ज़रूर अनुग्रह केरेलो; तै शुनते तुश्शी मन्नेलो।

यहोवा हमेशा अपने लोकन सेइं साथीए

1 हे याकूब तेरो बनानेबालो यहोवा, ते हे इस्राएल तेरो रच़ने बालो हुनी इन ज़ोते, "डर न, किजोकि मीं तू छुटेवरोस; मीं तू नवं घिन्तां कुजावरोस, तू मेरो ही आस। 2 ज़ैखन तू पैनी मांमेइं भोइतां गास, तैखन अवं तीं सेइं साथी-साथी रालो ते ज़ैखन तू दरिया पार लंघेलो त तैना तीं न रुड़ालो; ते ज़ैखन तू अग्गी मांमेइं च़लेलो त तू न फुकोलो, ते तैसेरी लप्पी सेइं भी तू न फुकोलो। 3 किजोकि अवं यहोवा तेरो परमेशर आईं, इस्राएलेरो पवित्र यहोवा अवं तीं बच़ानेबालो आईं। मीं मिस्र तेरे हरज़ाने मां ते कूश ते सबा मुल्ख तेरे बदले मां दित्तोरेन।

12 अवं निकड़ू भोनू भी ज़ानताईं ते बड्डू भोनू भी ज़ानताईं, ते मीं हर एक्‍की गल्‍ली ते सेब्भी हालातन मां रज़नू, ढ्लुखुनू ते बधनू घटनू शिखोरूए। 13 ज़ै मीं ताकत देते तैस मां अवं सब किछ केरि बटताईं।

16 एल्हेरेलेइ अस दिलेरी न शारम; अगर इश्शी बेइरीं इन्सानयत नाश भी भोए, त फिरी भी इश्शी एंत्रीं इन्सानयत रोज़ नव्वीं भोती रहतीए। 17 किजोकि इश्शो एक्‍की पलेरो थोड़ो ज़ेरो दुख बड़ी ते हमेशारी महिमा पैदा केरते, ज़ेसेरी तुलना केन्ची सेइं न केरोए। 18 ते अस त लाहोरी चीज़न नईं पन अलैई चीज़न लहते रहतम, किजोकि लाहोरी चीज़ां थोड़े दिहाड़ां केरे लेई आन, पन अलैई चीज़ां हमेशारे लेई आन।

35 एल्हेरेलेइ तुस हिम्मत न हरा, किजोकि तैसेरो फल बड़ो बड्डोए।

23 ते अस एपनी उमीदरो इकरार रोड़ेच़ारे ट्लेइतां रखम, किजोकि ज़ैनी असन सेइं वाधो कियोरोए तै सच़्च़ोए। 24 ते असेईं इस गल्‍लरू ध्यान लोड़े रखोरू कि अस केन्च़रे प्यार ते रोड़ां कम्मां केरे लेई एक्‍की होरेरी हिम्मत बधाम। 25 ते एक्‍की ठैरी अकोट्ठू भोनू न शारम, ज़ेन्च़रे होरे लोक केरतन बल्के अस एक्‍की होरि हिम्मत देथ, तुस ज़ैस हिसाबे सेइं परमेशरे दुबारे एजनेरी दिहैड़ी नेड़ोंते लातथ तैस्से हिसाबे सेइं जादे एन गल्‍लन पुड़ च़लते भी राथ।

6 किजोकि विश्वासे बगैर परमेशर खुश केरनो नामुमकिने, बस्सा रोड़ू एने कि परमेशरे कां एजनेबालेईं विश्वास कियोरो लोड़े कि परमेशरे, परमेशर तैन ज़ैना तैस सच़्च़ैई सेइं तोपतन फल देते।

12 किजोकि परमेशरेरू वचन ज़ींतू ते शेक्ति बालूए, ते हर दूई धारण बैली तलवारी करां भी जादे तिख्खू आहे। ते तैन प्राण ते आत्माई गहराई तगर च़ीरते, ज़ेन्च़रे तिख्खी तलवार जोड़न ते हेड्डी केरे एन्त्रियों मासे वारां पार च़िरतां निसतीए ते दिलेरे खियाल ते मैन्हेरो इरादो भी ज़ानते।

9 अस रोड़ां कम्मां केरने मां हिम्मत न हारम, किजोकि अगर अस हार न मनमेले त परमेशर अपने वक्ते पुड़ असन इनाम देलो।

11 अवं जल्दी एजने बालोई; ज़ैन किछ तीं कांए, तैस ठेमतां रख, कि कोई तेरू ताज न थसोड़े।

12 एल्हेरेलेइ परमेशरेरे लोकां केरे लेई ज़रूरी आहे कि ज़ैना भी दुख तैन पुड़ एज्जन तैन सबरी सेइं झ़ैल्‍लन, परमेशर ज़ैन केरनेरो हुक्म तैन दे तैनेईं तैन कियोरू लोड़े, ते तैनेईं यीशु पुड़ विश्वास केरनो न लोड़े शारोरो।

परख ते लालच़

12 धने तै मैन्हु, ज़ै अज़मैइशी मां मज़बूत रहते; किजोकि तै अपनो विश्वास साबत केरतां ज़िन्दगरू तैन इनाम हासिल केरेलो, ज़ेसेरो वाधो प्रभुए तैन सेइं कियोरोए, ज़ैना तैस सेइं प्यार केरतन।

परमेशर इश्शी छ़पनेरी ठार

1 परमेशर इश्शी छ़पनेरी ठार ते ज़ोरे,

मुसीबती मां बड़े आसैनी सेइं मैल्हने बालो मद्दतगारे।

22 अपनो बोझ यहोवा पुड़ छ़ड तै तीं सम्भालेलो;

तै धेर्मी कधे हिलने न देलो।✝

9 यहोवा तैन लोकां केरे लेई अक उच्‍चो क़िलो ठहरेलो ज़ैन पुड़ ज़ुलम भोते,

तै मुसीबतरे वक्ते मां उच्‍चो क़िलो ठहरेलो।

10 ते ज़ैना तेरू नवं ज़ानतन, तीं पुड़ भरोसो रखेले,

किजोकि हे यहोवा, तीं एप्पु कां एजने बाले कधी नईं शारोरे।

5 ज़ैना बीज़ ऐंखरन सेइं बेतन,

तैना खुशी सेइं कट्टेले।

6 चाए बेनेबालो बीज़ नेइतां लेरां देतो च़लो गाए,

पन तै फिरी फैक्‍की घिन्तां पक्‍को जयजयकार केरतो वापस एज्जेलो।*

24 हे यहोवा पुड़ उमीद रखने बालव,

सब मज़बूत भोथ ते तुश्शे दिल भी मज़बूत भोन।

105 तेरू वचन मेरे पव्वां केरे लेई दीयो,

ते मेरी बत्तरे लेई लौए।

18 यहोवा परमेशर, तैन सेभी केरे नेड़े, ज़ैना तैस याद केरतन,

ते ज़ैना तैस सच़्च़ैई सेइं पुकारतन।

19 ज़ैना तैसेरो डर मन्न त तै तैन केरि इच्छा पूरी केरते,

तै तैन केरि बिनती शुन्तां तैन केरि मद्दत केरते।

33 मीं तुसन एना गल्‍लां एल्हेरेलेइ ज़ोई, ताके तुसन शान्ति मैल्हे, किजो तुस मेरे चेलेथ, तुस दुनियाई मां मुसीबत त उठाताथ, पन हिम्मत रखा, मीं शैताने पुड़ ज़ींत हासिल कियोरीए, ज़ै इस दुनियाई पुड़ राज़ केरते।"

पतरसेरो विश्वास

66 एस पुड़ तैसेरे चेलन मरां बड़े उलटे फिरे, ते तैल्‍ला पत्ती तैस साथी न च़ले। 67 तैखन यीशुए 12 चेलन सेइं ज़ोवं, "कुन तुस भी च़लू गानू चातथ?" 68 शमौन पतरसे तैस जुवाब दित्तो, "हे प्रभु अस केस कां गाम? हमेशारी ज़िन्दगरी देने बैली गल्‍लां त तींए कां आन। 69 ते असेईं तीं पुड़ विश्वास कियो ते ज़ानू कि तू परमेशरेरो पवित्र मैन्हु आस।"

18 अवं तुसन अकैल्‍लो न शैरेलो बल्के अवं तुसन कां एज्जेलो।

परमेशरे करां मग्गेले त तुसन मैल्हेलू।

7 "परमेशरे करां मग्गा, त तुसन दित्तू गालू। ते तोप्पा, त तुसन मैल्ही गालू। ते दार गुड़काथ, त तुश्शे लेई खोल्‍लू गालू। 8 किजोकि ज़ै कोई मगते तै हासिल केरते, ते ज़ै कोई तोपते तैस मैल्ही गाते, ते ज़ै कोई दार गुड़काते त तैसेरेलेइ खोल्‍लू गालू।

28 "हे मेहनत केरनेबाले* लोकव, ते भारे सेइं थकोरे लोकव मीं कां एज्जा; अवं तुसन आराम देइलो। 29 मेरे अधीन एन्च़रे भोथ ज़ेन्च़रे दांत जूंए हैठ भोते, ते ज़ैन किछ अवं तुसन शिखालताईं तैस शिख्खा, किजोकि अवं हलीम आईं ते दिलेरो नम्र आईं ते तुश्शी जानी आराम मैल्हेलो। 30 ज़ै भार अवं तुसन देइलो तै पोल्‍लोए, तुस तैस आरामे सेइं छ़ुई सकतथ।"

26 यीशुए तैन केरे पासे तेकतां ज़ोवं, "मैन्हन करां त एन न भोइ सके पन परमेशरे करां सब किछ भोइ बटते।"

37 किजोकि परमेशरेरे लेई किछ भी नामुमकिन नईं।"

6 ते मीं इस गल्‍लरो भरोसोए, कि परमेशरे तुसन मां रोड़े कम्मेरी शुरुआत कियोरीए, तैए तैस कम्मे यीशु मसीहेरे वापस एजनेरे दिहाड़े तगर पूरू केरेलो।

17 ते अगर कोई मसीह मां आहे त तै नव्वीं सृष्टि आहे, पुरैनी गल्‍लां बीती जेई; हेरा, तैना सब नेव्वीं भोइजेइ।

नंव्वू अम्बर ते कने नव्वीं धरती

1 फिरी मीं नंव्वू अम्बर ते नंव्वी धरती लाही, किजोकि पेइलू अम्बर, ते पेइली धरती न थी राहोरी, ते समुन्दर भी न राव। 2 फिरी मीं पवित्र नगर नंव्वू यरूशलेम सुर्गेरां परमेशरे करां एंइतू लाव, ते तैन तैस लैड़रू ज़ेरू थियूं, ज़ै अपने लाड़ेरे लेई तियार भोवरी भोए। 3 फिरी मीं परमेशरेरे तखते मरां कोई उच्‍ची आवाज़ी सेइं इन ज़ोते शुनो, "अज़ेरां बाद परमेशर मैन्हन सेइं साथी रालो, ते तैसेरू घर तैन लोकन मां भोल्हु, ते तैना तैसेरे लोक भोल्हे, ते परमेशर एप्पू तैन, अपने लोकां केरे रूपे मां कबूल केरेलो ते तैना लोक तैस अपनो परमेशर कबूल केरेले। 4 ते तै तैन लोकां केरे एछ़्छ़ी केरां सब ऐंखरू पुछ़ेलो; ते तैट्ठां पत्ती मौत न राली, ते न दुख, न मातम, न मुसीबत राली; पेइली गल्‍लां बीती जेई।"

7 यहोवा भलोए, ते मुसीबतरे वक्त मज़बूत ठार ठहरते, ते ज़ैना तैस कां शरण नेतन तैन केरो खियाल केरते।

11 किजोकि यहोवा एन ज़ोते, कि ज़ैन-ज़ैन अवं तुश्शे लेई सोचताईं तैन अवं ज़ानताईं, तैन नुक्सानेरे लेई नईं, बल्के सुखेरू आहे ते आखरी मां तुश्शी उमीद पूरी केरेलो।

7 पन तुस लोक हिम्मत केरा ते तुश्शे हथ ढिल्‍ले न भोन, किजोकि तुश्शे कम्मेरो फल तुसन मैल्हेलो।"✝

11 मेहनत केरने मां आलस न केरा; आत्मिक जोशे सेइं भरोरे राथ; पूरे दिले सेइं प्रभुएरी सेवा केरते राथ। 12 ज़ै उमीद तुसन आहे तैस मां मघन राथ; मुसीबती मां मज़बूत राथ; प्राथना केरने मां लगातार लग्गोरो राथ।

12 ज़ै उमीद तुसन आहे तैस मां मघन राथ; मुसीबती मां मज़बूत राथ; प्राथना केरने मां लगातार लग्गोरो राथ।

19 हे ट्लारव अपनो बदलो न नेथ; पन परमेशरे तुश्शे लेई बदलो नेने देथ, किजोकि पवित्रशास्त्रे मां प्रभु ज़ोते, "बदलो नेनो मेरू कम्मे, ते अव्वें बदलो देइलो।"

17 एल्हेरेलेइ मसीहेरे बारे मां सन्देश शुन्नेरे बगैर कोई भी तैस पुड़ विश्वास न केरि बटे।

28 ते अस ज़ानतम, कि ज़ैना लोक परमेशरे सेइं प्यार केरतन, परमेशर तैन केरे लेई सब गल्‍लां केरे ज़िरिये भलियाई पैदा केरते; मतलब तैन केरे लेई ज़ैना तैनी अपने मेर्ज़रे मुताबिक च़ुनोरेन।

16 सारू पवित्रशास्त्र परमेशरेरे अगवैई सेइं लिखोरू, ते इन लोकन शिखालनेरे लेई मद्दतगारे, तैन ज़ोनेरे लेई कि ज़ैन तैनेईं कियूं तैन गलते, तैन केरि गेलती सुधारनेरे लेई, ते तैन केरनेरे लेई शिखालनेरे लेई ज़ैन सही आहे। 17 ताके परमेशरेरो मैन्हु हर किसमेरां रोड़ां कम्मां केरनेरे लेई तियार भोए।

13 ज़ैना रोड़ी शिक्षां तीं मीं करां शुनोरिन तैन तू मिसालरे रूपे मां रख, इन तू विश्वासे ते प्यारे सेइं साथी केर, किजोकि तू मसीह यीशु सेइं साथी अक भोवरोस। 14 ते तैस सच़्च़ेरी रखवाली केर, ज़ैन पवित्र आत्मारे ज़िरिये सेइं तीं सौंफोरू, ज़ै असन मां रहते।

16 अस प्राथना केरतम इश्शो प्रभु यीशु मसीह एप्पू, ते इश्शो बाजी परमेशर ज़ैने असन सेइं प्यार कियो, ते ज़ैने अपने अनुग्रहे सेइं असन हमेशारो होसलो ते पक्‍की उमीद दित्ती, 17 तैना तुसन होसलो देन, ते तुसन मज़बूत केरन ताके तुस लगातार भलियाई केरथ ते ज़ैन ज़ोथ तैन रोड़ू भोए।

9 अगर अस अपने पाप मन्तम, त तै इश्शे पाप माफ़ केरने, ते असन सेब्भी अधर्मे करां शुद्ध केरने मां वफादार ते धर्मीए।

14 ते असन परमेशरेरे सामने ई दिलेरी भोतीए, तै ईए; कि अगर अस तैसेरे मेर्ज़ी सेइं किछ मगतम, त तै इश्शी शुनते। 15 ते अगर अस ज़ानतम, कि ज़ैन किछ अस परमेशरे करां मगतम, तैन असन मैलते।

7 तैना सब गल्‍लां झ़ैल्‍लतन, प्यार विश्वास कधी न गुवाए, ते असन परमेशरे पुड़ भरोसो केरनेरे काबल बनाते, मुशकलन ते तकलीफन मां सबर रखते।