Não desista!
'Não desista!' é o grito do céu para a terra. Deus nos encoraja a perseverar na fé, na oração e na esperança, porque a vitória pertence aos que não se rendem.
Força na fraqueza
Os que esperam no Senhor renovam as forças. Deus não se cansa nem se fatiga — Ele dá poder aos fracos e vigor aos cansados.
Ndaze, hemwe mng’hali kuvizela?
Ndaze, hamhuliche?
Mkulu Nguluwi ndo Nguluwi wa mazuwa gose,
heye ndo yalumbile chila chinhu muisi.
Halingutoka ne kuwa ng’hochele,
haduhu ne yumwe,
yawele yoweza kupugajiza kuvizela kwa heye.
Heye kanguwapaga ludali wala watweguche nhumbula,
ng’hochele kanguwapaga mong’ho.
Mbaka wasongolo wangutokaga na kutweguka nhumbula,
ena, wangikwang’hwala na kugwa,
ila weng’ha walingitumbila kwa Mkulu Nguluwi,
wopata mong’ho unyale.
Woguluka kwa mabawa kota ikungule,
wobilima ne kutoka,
wojenda ne kutweguka nhumbula.
Hemwe wanhu mlingikala Yelusalemu, hamlila kahi. Mkulu Nguluwi kowonela isungu hemwe, homumlanda utanzi wake, naye kowedichila.
Nguluwi kangulagana kuwalohola wanhu wa heye
Mkulu Nguluwi yawele nakawalumba hemwe wanhu wa Yakobo,
heye yawaditile hemwe wanhu wa Isilaeli, kangulonga,
"Mleche kudumba, kwa vila nandiwagombola,
nandiwachema hemwe kwa matagwa ga hemwe, namwe ndo wa heni.
Homkola kuli mazi tendema,
ndowa hamwe na hemwe,
homkola kuli nzanda,
haziwasumya kwa mong’ho.
Homjenda kuli chiluli,
hamlakazwa,
milapi ja chiluli hajiwadumya.
Kwa vila heni ndo Mkulu Nguluwi, Nguluwi wa hemwe,
Yelile wa Isilaeli, Mlohozi wa hemwe.
Ndoilavya isi ya Misili kota fidiya ya hemwe,
ndoilavya Kushi na Seba leka muwe milejehe.
Ndanguvizela kikala na vinhu vinji ama kuwa hela vinhu. Nandilangusa mbuli zeng’ha, ndiwe na nzala ama kiguta, kupegwa vinji ama kuwa na vido. Ndoweza kudita chila mbuli kwa vila Kilistu kangunipa ludali.
Kikala kwa makundo
Kwa chiwalo acho hambe tutweguche nhumbula, hanga ng’huli za hetwe zokola, ila kwa mgati twanguditigwa tuwe goya chila zuwa. Magazo galingutufika ndo mado kahi ndo kwa mhela uchefu hela, ila gotugalila ukulu wa mazuwa gose, ukulu ulihela kuduma. Ahyo twanguulolela goya, haviwele vinhu vilingoneka, ila havilingoneka. Kwa vila vilingoneka ndo vya mhela uchefu hela, ila havilingoneka ndo vya mazuwa gose.
Perseverança na fé
Não perca a confiança, pois ela tem grande recompensa. O justo viverá pela fé, e quem perseverar até o fim será salvo.
Lelo, mleche kwajiliza kitumbila kwa hemwe, mina kokigalilani ndolendole ng’hulu.
Tibatilile ng’hatu ne kutigasika kitumbila kwa hetwe kotulonjile kwa mlomo, mina Nguluwi yaditile ilagano lya heye ndo wakitumbila. Twitanze kiditila kwa mbuli ya kiyonjezela kikangaza kwa kigana kuli kudita ganojile. Tuleche kuleka yila mbuli ya kiting’hana hamwe, kota vila wanhu wanji vyowawele ting’hana, kwa vila yanguganigwa titanze, mina zuwa lila lya Mkulu yahabehi.
Lelo, wone kwahela makundo yowa nongwa kwa munhu kumnojeza Nguluwi. Kwa vila chila munhu yalingumlutila Nguluwi imgana yakunde kota Nguluwi kabaho na kuwapa chonolo wala walingumpala.
Usenga wa Nguluwi ukomu na una ludali, ndo unoleka kusinda ipanga liwele na kunoleche kwili. Lyangwinjila kota ipanga mbaka mgati hawele nhumbula na muhe vyangiting’hana, mbaka mgati mwa vitomo vya lukuli na mafuta gawele mgati mwa izeje. Ulonzi awo wangupembula kugana majesa ga nhumbula za wanhu.
Lelo tuleche kutoka kudita ganojile, kwa vila tobeta mbena kuli mhela wuwula wone hatutweguka nhumbula.
Ndanguya kwa hegwe himahima! Wibatilile goya chouwele nacho, yaleche kuya munhu kukuboka itaji lya kulajila kusumya.
Ahyo, ndo wanhu wa Nguluwi vyowalinguganigwa, mina wala wanhu wawele nguwinza mzilo wa Nguluwi na wawele na makundo kwa Yesu, wawe wemilile.
Kujezigwa
Kobweda munhu wakukundigwa kuli ngwimilila mhela wakujezigwa, kwa vila wone yemilile, kopegwa chonolo cha ukomu Nguluwi yalagane na hewo walingumgana.
Deus é refúgio
O Senhor é nosso refúgio e fortaleza. Ele ouve nossas orações, nos consola nas tribulações e transforma choro em dança.
Nguluwi ka hamwe na hetwe
Nguluwi ndo honhu ha hetwe ha kubilimila na mong’ho wa hetwe,
heye ndo utanzi wa hetwe mazuwa gose mhela wa magazo.
Mlechele Mkulu Nguluwi itunyo lya hegwe,
naye kokutanza,
homleka hebu yatanganiche yalemwele.
Mkulu Nguluwi ndo ngome kwa walingubunzwa,
heye ndo honhu ha kikala goya mihela ja magazo.
Walingukuzela, gwa Nguluwi wangitumbila kwa hegwe,
kwa vila hegwe Mkulu Nguluwi huwalechile walingukupala.
Walingunyala kwa mahozi,
wobeta kwa usangalalo.
Walinguluta kunyala nyhadikwa kuno wolila,
wohiluka kwa usangalalo wawele na mbena.
Muwe mzidahe na mikangaze nhumbula,
hemwe mweng’ha mlingitumbila kwa Mkulu Nguluwi.
Malajizo ga Mkulu Nguluwi ndo lumuli
Ulonzi wa hegwe ndo chenje cha kundongoza,
na lumuli kuli nzila ya heni.
Mkulu Nguluwi ka habehi na weng’ha walingumlanda,
weng’ha walingumlanda kwa nhumbula igoloche.
Kanguwagalilaga chowalingugana weng’ha walingumdumba,
kanguhulichizaga chililo cha hewo na kuwalohola.
Vitória em Cristo
Jesus venceu o mundo e nos dá vitória. Para Deus nada é impossível, e Ele faz infinitamente mais do que pedimos ou pensamos.
Ndanguwalonjela mbuli azi leka muwe na kikala goya kuli kilumba na heni. Kuli isi motunyigwa, ila mikangaze nhumbula! Heni nandiisumya isi!"
Kulawa mhela awo walanguswa wa heye wenji nawahiluka kumbele, nawaleka kumuwinza. Lelo Yesu nakawauza wala walanguswa kumi na weli, "Ndaze, namwe mwangugana kuka?" Simoni Petili nakamwidichila, "Mkulu, toluta kwa whaani? Hegwe kwanawo ulonzi wa ukomu wa mazuwa gose. Hetwe twangukunda na kuvizela kota hegwe ndo yula Yelile wa Nguluwi."
"Siwaleka muwe walekwa, ndokuya kahi kwa hemwe.
Ulande na upale na udumize lwizi
"Mlande namwe mopegwa, na mpale namwe movyona, na mhodize lwizi, namwe mochumulilwa. Kwa vila yoneche yalingulanda kangupegwa na yalingupala kanguchonaga na yalinguhodiza lwizi, kanguchumulilwaga.
Muye kwa heni hemwe mweng’ha muwele kugaya na kupapa itunyo, na ndowapa honhu ha kwesela. Miwohe gwamo ya heni na milanguse kwa heni, mina heni ndina isungu na nhumbula iholile na nhumbula za hemwe zosindamala. Kwa vila gwamo ya heni ya lobwalobwa na itunyo lya heni lya ubewe."
Yesu kawalola, kalonga, "Kwa munhu mbuli ayi haiditikwa ne hado, ila kwa Nguluwi mbuli zeng’ha zoditikwa."
Kwa Nguluwi kuduhuli mbuli iwele ngulemwelwa."
Esperança e transformação
O Senhor completa a boa obra que começou em nós. Ele faz novas todas as coisas e dá esperança para o futuro.
Lelo ndanguvizela ng’hatu kota Nguluwi yawele nakaluka kukola mijito aji jinojile mgati mwa hemwe, kojidita jilutilile mbaka jenele kuli zuwa lya kuhiluka kwa Yesu Kilistu.
Wone Munhu yoneche yowa mgati mwa Kilistu nakawa chilumbigwe chinyale, mbuli za katali nazikola, mbuli zinyale nazuya.
Ulanga unyale na isi inyale
Hamba, nambona ulanga unyale na isi inyale. Ulanga ula wa mwaluko na isi ila ya mwaluko navyali vipulute, nayo bahali nayali haduhuli kahi. Ndiwona muji welile, Yelusalemu inyale, udulika kulawa kwa Nguluwi kilanga. Nawali uwichigwe goya kota mdala yahesigwe yenolije kiting’hana na mlume wa heye. Hamba nanyulika lizi likulu kulawa kuli chigoda cha undewa ilonga, "Ulole! Hakaye ha Nguluwi ndo hamwe na wanhu. Kochikala hamwe na hewo, nawo wowa wanhu wa heye, naye kowa Nguluwi wa hewo. Heye kobagusa mahozi ga hewo geng’ha, mina kubagama kowa kuduhuli ng’hatu na ne usungu na ne chililo na ne kutama, kwa vila vinhu vya mwaluko vipuluta!"
Mkulu Nguluwi kagoya,
heye ka ngome ya kikala goya mhela wa magazo.
Heye kanguwamilaga weng’ha walingubilimila kikala goya kwa heye.
Ila hemwe muwe nzinzili na mleche kutweguka nhumbula, kwa vila mopegwa chonolo kwa mijito jomlingukola."
Permanecendo firme
Persevere na oração, firme-se na Palavra e fortaleça-se na graça de Cristo. A fé vem pelo ouvir, e o ouvir pela Palavra de Deus.
Mleche kuwa wagata kuli kumkolela mijito Mkulu, ila muwe msangalale kuli nhumbula za hemwe zeng’ha kuli kumfugamila Mkulu. Kitumbila kwa hemwe kukuwicheni chila zuwa msangalale, namuwe na ubetezo kuli kugaya na kumlanda Nguluwi mhela weng’ha.
Kitumbila kwa hemwe kukuwicheni chila zuwa msangalale, namuwe na ubetezo kuli kugaya na kumlanda Nguluwi mhela weng’ha.
Waganwa wa heni, mleche kihilulila chibida, ila mlecheleni Nguluwi mbuli ayo, mina Maandiko Matakatifu gangulonga, "Kuhilula chibida ndo kwa chiwalo cha heni, nani ndohilula chibida, Mkulu kangulonga."
Ahyo lelo, makundo ganguya kwa kuhulika usenga, nawo usenga wanguya kwa ulonzi wa Kilistu.
Tuvizela kota, kuli mbuli zeng’ha Nguluwi kangukola mijito hamwe na wanhu weng’ha walingumgana, yani wala yawachemile kwa chiwalo cha kugana kwa heye.
Maandiko Matakatifu gandichigwa kwa kuwichigwa Muhe wa Nguluwi na ganoga kwa kulangusa kukomya na kukanya wanhu kuli wihe wa hewo na kuwika goya wihe wowaditile na kuwalongoza wanhu wekale kuli ukomu wa kumnojeza Nguluwi, leka munhu yalingumkunda Nguluwi yawe yanojile ng’hatu na yawe yewichile goya kudita mijito jinojile.
Wibatilile goya ula ulanguso wa kukomya wondikulanguse gawe ulajilo kwa hegwe na kupona kuli makundo na igano lyako liwele kuli kilumba na Kilistu Yesu. Vinhu vila vinojile vyoupegwe uvyamile kwa ludali lwa Muhe Yelile yalingikala mgati mwa hetwe.
Twangumlanda Mkulu wa hetwe Yesu Kilistu yuye na Nguluwi Mhaza wa hetwe yawele yatuganile na yatupele isungu lya heye, nakatudita tukole mbuli zinojile na kutukangaza mazuwa gose ne kuduma na kutupa utumbilo wa kukomya, yakangaze nhumbula za hemwe na kuwadita muwe na ludali kuli kudita na kulonga gawele ganojile.
Ila hotukunda kota tudita wihe, lelo, Nguluwi ndo wa kitumbila yalingudita ganojile, heye kotusila gehile ga hetwe na kutuhovuga wihe weng’ha wotuditile.
Natwe hatulingudumba hali Nguluwi, kwa vila twangukunda kota hotumlanda choneche kota vyoyogana heye, kotuhulichiza. Heye katuhulichizaga chila hotumlanda na kwa vila tuvizela ng’hatu kota katuhulichizaga chila hotumlanda, kahi tuvizela kota kotupa chila chotulingumlanda.
Yawele na igano kangwimililaga geng’ha na kanguwaga na makundo kuli mbuli zeng’ha na kangitumbilaga mbuli zeng’ha.