1 Yakubu nayali na wana walume kumi na weli, wawele ndo Lubeni na Simeoni na Lawi na Yuda na Isakali na Sebuluni 2 na Dani na Yusufu na Benjamini na Nafutali na Gadi na Asheli.

3 Wana walume wa Yuda wawele nawapondigwa na Betishua Mkanaani, nawali ndo Eli na Onani na Shela. Eli mlelwa wa mwaluko wa Yuda, nayali yehile hali Mkulu Nguluwi, lelo Mkulu Nguluwi, nakamkopola. 4 Tamali, yawele nayali mche wa Eli, nakampondela Yuda wana walume weli, wawele ndo Pelesi na Sela. Wana weng'ha walume wa Yuda nawali wahano.

5 Pelesi nayali na wana walume weli wawele ndo Hesiloni na Hamuli. 6 Sela nayali na wana walume wahano, Simuli na Etani na Hemani na Kalikoli na Dala. 7 Mwana mlume wa Kalimi nayali Akali. Ayu nakawegalila Waisilaeli magazo kwa kuleka kuwa wa kukundigwa kwa kuhola vinhu viwichigwe chiuyeng'ha. 8 Etani nayali na mwana mlume, itagwa lyake nalyali Asaliya.

9 Wana walume wa Hesiloni nawali ndo Yelameeli na Lamu na Kelubayi.

10 Lamu nayali na mwana mlume yawele nayali yochemigwa Aminadabu, naye Aminadabu nayali na mwana mlume nayali yochemigwa Nashoni, chilongozi wa nhanzi ya Yuda. 11 Nashoni nayali na mwana mlume yawele nayali yochemigwa Salima, naye Salima nayali na mwana mlume yawele nayali yochemigwa Boasi, 12 naye Boasi nayali na mwana mlume yawele nayali yochemigwa Obedi, naye Obedi nayali na mwana mlume, yawele nayali yochemigwa Yese.

13 Yese nayali na wana walume saba wawele ndo Eliyabu, yawele ndo mlelwa wa heye wa mwaluko, na wa keli ndo Abinadabu na wa kadatu ndo Shimeya 14 na wa kane ndo Netanaeli na wa kahano ndo Ladayi 15 na wa sita ndo Osemu na wa saba ndo Daudi. 16 Walumbu wa hewo nawali Seluiya na Abigaili. Wana walume wa Seluiya nawali wadatu wawele ndo Abishayi na Yoabu na Asaheli. 17 Abigaili nakamponda Amasa, mhaza wa Amasa nayali yochemigwa Yeteli, Mwishimaeli.

18 Hesiloni nayali na mwana mlume yawele nayali yochemigwa Kalebu. Ayo Kalebu nayali na wache weli. Kulawa kwa wache awo, wawele ndo Asuba na Yelioti, Kalebu nayali na wana walume wadatu wawele ndo Yesheli na Shobabu na Alidoni. 19 Asuba loyabagame, Kalebu nakamhesa Efulata, yawele nakamponda Huli. 20 Huli nayali na mwana mlume, yawele nayali yochemigwa Uli, naye Uli nayali na mwana mlume, yawele nayali yochemigwa Besaleli.

21 Hesiloni loyawele na miyaka makumi sita, nakamhesa mhinza wa Makili. Makili nayali ndo mhaza wa Gileadi. Mhinza ayo nakampondela Hesiloni mwana mlume yawele nayali yochemigwa Segubu. 22 Segubu nayali na mwana mlume nayali yochemigwa Yaili, yawele nakalongoza miji mikulu makumi meli na jidatu kuli isi ya Gileadi, 23 ila undewa wa Geshuli na Alamu naumtowa na kumboka miji ja Havoti-yaili na Kenati na vijiji vyake. Miji jeng'ha najali makumi sita. Awo weng'ha nawali ndo walelwa wa Makili, mhaza wa Gileadi. 24 Hesiloni loyabagame, mwana wa heye yawele ndo Kalebu nakamhesa Efulata, yawele ndo yafililwe na mlume wa heye Hesiloni. Efulata nakampondela Kalebu mwana mlume yawele nayali yochemigwa Ashuli, yawele kahi ndo chaluchizo cha muji wa Tekowa.

25 Yelameeli nayali mlelwa wa mwaluko wa Hesiloni. Wana wa heye ndo Lamu, yawele nayali ndo mlelwa wa heye mlume wa mwaluko, na Buna na Oleni na Osemu na Ahiya. 26 Yelameeli nayali na mche yunji itagwa lyake Atala. Ayu nakampondela Yelameeli mwana mlume, itagwa lyake nalyali Onamu. 27 Wana walume wa Lamu, yawele ndo mlelwa mlume wa mwaluko wa Yelameeli, nawali Maasi na Yamini na Ekeli. 28 Wana walume wa Onamu nawali Shamayi na Yada. Nawo wana walume wa Shamayi nawali Nadabu na Abishuli.

29 Abishuli nakamhesa Abihaili, naye nakampondela wana walume weli, wawele ndo Abani na Molidi. 30 Wana walume wa Nadabu nawali, Seledi na Apaimu, ila Seledi nakabagama yalihela mwana. 31 Apaimu nayali na mwana mlume yawele nayali yochemigwa Ishi. Ishi nayali na mwana mlume yawele nayali yochemigwa Sheshani, naye Sheshani nayali na mwana mlume yawele nayali yochemigwa Alayi.

32 Yada, mng'holoze Shamayi, nayali na wana walume weli wawele ndo Yeteli na Yonatani. Yeteli nakabagama yalihela mwana. 33 Yonatani nayali na wana weli, Peleti na Sasa. Weng'ha awo ndo walelwa wa Yelameeli.

34 Sheshani nayali yalihela wana walume, nayali na wahinza hela. Hihyo du, nayali na mpogozi mlume wa Chimisili, itagwa lyake nalyali Yaliha. 35 Ahyo, Sheshani nakamhesela mpogozi wa heye, Yaliha, yumwe wa wahinza wa heye. Mhinza ayo nakamponda Atayi. 36 Atayi nayali na mwana mlume yawele nayali yochemigwa Natani, naye Natani nayali na mwana mlume yawele nayali yochemigwa Sabadi. 37 Sabadi nayali na mwana mlume yawele nayali yochemigwa Efilali, naye Efilali nayali na mwana mlume yawele nayali yochemigwa Obedi, 38 naye Obedi nayali na mwana mlume yawele nayali yochemigwa Yehu, naye Yehu nayali na mwana mlume yawele nayali yochemigwa Asaliya, 39 naye Asaliya nayali na mwana mlume yawele nayali yochemigwa Helesi, naye Helesi nayali na mwana mlume yawele nayali yochemigwa Eleasa, 40 naye Eleasa nayali na mwana mlume yawele nayali yochemigwa Sisimayi, naye Sisimayi nayali na mwana mlume yawele nayali yochemigwa Shalumu, 41 naye Shalumu nayali na mwana mlume yawele nayali yochemigwa Yekamiya, naye Yekamiya nayali na mwana mlume yawele nayali yochemigwa Elishama.

42 Kalebu, mng'holoze Yelameeli, nayali na wana walume weli. Mlelwa wa mwaluko ndo Mesha. Mesha nayali ndo mhaza wa Sifu. Mwana mlume wa keli wa Kalebu nayali yochemigwa Malesha, naye Malesha nayali mhaza wa Hebuloni. 43 Hebuloni nayali na wana walume wane, wawele ndo Kola na Tapua na Lekemu na Shema. 44 Shema nayali mhaza wa Lahamu na Lahamu nayali mhaza wa Yolikeamu. Lekemu nayali na mwana mlume yawele nayali yochemigwa Shamayi, 45 naye Shamayi nayali na mwana mlume yawele nayali yochemigwa Maoni, naye Maoni nayali na mwana mlume yawele nayali yochemigwa Beti-suli.

46 Kalebu nayali na mhawake, yawele nayali yochemigwa Efa. Ayu nakampondela Kalebu wana walume wanji wadatu, wawele ndo Halani na Mosa na Gasesi. Halani nayali na mwana mlume yawele nakamchema Gasesi.

47 Munhu yawele nayali yochemigwa Yadayi, nayali na wana walume sita, wawele ndo Legemu na Yotamu na Geshani na Peleti na Efa na Shaafu.

48 Kalebu nayali na mhawake yunji itagwa lyake Maaka. Ayo Maaka nakampondela Kalebu wana, wawele ndo Shebeli na Tilihana. 49 Hamba Kalebu na Maaka nawali na wana wanji walume weli wawele ndo Shaafu na Sheva. Shaafu nayali ndo chaluchizo cha muji wa Madimana. Sheva nayali ndo chaluchizo cha muji wa Makibena na Gibeya. Kalebu kahi nayali na mhinza yawele nayali yochemigwa Akisa.

50 Kalebu nayali na walelwa wanji kahi kwa mchewake Efulata. Huli, mlelwa wa mwaluko nayali na wana walume wadatu, wawele ndo Shobali na Salima na Helefu. Shobali nayali ndo chaluchizo cha muji wa Kiliati-yealimu. 51 Salima nayali ndo chaluchizo cha muji wa Betelehemu. Helefu nayali ndo chaluchizo cha muji wa Beti-gadeli.

52 Shobali yawele ndo mhaza wa Kiliati-yealimu, nayali kahi mhaza wa wanhu wa Halowe na nusu ya wenyeng'haye wa kuli muji wa Menuhoti, 53 hamwe na ng'holo za Kiliati-yealimu ziwele ndo Waitili na Waputi na Washumati na Wamishilayi. Kahi Wasolati na Waeshitaoli nawalawa kuli wanhu awo.

54 Salima yawele ndo mhaza wa Betelehemu, nayali sekulu wa Wanetofahi na Waatoti-beti-yoabu na nusu ya Wamenahati wawele ndo Wasoli. 55 Ng'holo zilinguwinza za walingwandika nazikala kuli muji wa Yabesi. Ng'holo azo ndo za Watilati na Washimeati na Wasukati. Hewo ndo Wakeni wawele nawalawa kuli lulelo lwa Hamati, sekulu wa ng'handa ya Lekabu.