1 Benjamini nayali na wana walume wahano wawele ndo Bela, yawele nayali ndo mlelwa wa heye wa mwaluko na wa keli nayali Ashibeli na wa kadatu nayali Ahala 2 na wa kane nayali Noha na wa kahano nayali Lafa.

3 Bela nayali na wana walume wawele ndo Adali na Gela na Abihudi 4 na Abishua na Naamani na Ahowa 5 na Gela na Shefufani na Hulamu.

6,7 Walelwa wa Ehudi nawali ndo Naamani na Ahiya na Gela, wawele nawali ndo vilongozi wa ivyazi lya wala wawele nawali wochikala ako Geba, wawele kahi nawaholigwa na kuhilikwa kuli isi ya chijenzi ako Manahati. Gela nayali ndo mhaza wa Usa na Ahihudi. Gela ndo yawalongoze kuluta Manahati.

8-11 Shahalaimu na mchewake Hushimu nawali na wana walume weli, wawele ndo Abitubu na Elipaali. Hamba Shahalaimu nakamha kalatasi ya luleko mche wa heye Hushimu, kahi nakamha kalatasi ya luleko mche wa heye yunji yawele nayali yochemigwa Baala. Loyawele yochikala kuli isi ya Moabu, nakamhesa Hodeshi, naye Hodeshi nakampondela wana walume saba, wawele ndo Yobabu na Sibiya na Mesha na Malikamu na Yeusi na Sakiya na Milimahi. Awa weng'ha nawali vilongozi wa ivyazi lyawo.

12 Elipaali nayali na wana walume wadatu, wawele ndo Ebeli na Mishamu na Shemedi. Shemedi ndo yazenjile miji ja Ono na Lodi, hamwe na vijiji hafungo mwake.

13 Beliya na Shema nawali vilongozi hali wanhu wa ivyazi liwele nalyali lichikala kuli muji wa Aiyaloni na wawele nawawawinga wenyeng'haye wa Gati. 14 Wana walume wa Beliya nawali ndo Ahio na Shashaki na Yelemoti 15 na Sebadiya na Aladi na Edeli 16 na Mikaeli na Ishipa na Yoha.

17 Wana wanji walume wa Elipaali nawali ndo Sebadiya na Meshulamu na Hisiki na Hebeli 18 na Ishimelayi na Isiliya na Yobabu.

19 Shimeyi nayali na wana walume wawele ndo Yakimu na Sikili na Sabidi 20 na Elienayi na Siletayi na Elieli 21 na Adaya na Belaya na Shimulati.

22 Shashaki nayali na wana walume wawele ndo Ishipani na Ebeli na Elieli 23 na Abudoni na Sikili na Hanani 24 na Hananiya na Elamu na Anitotiya 25 na Ifudeya na Penueli.

26 Yelohamu nayali na wana walume wawele ndo Shamushelayi na Shehaliya na Ataliya 27 na Yaaleshiya na Eliya na Sikili.

28 Awo weng'ha nawali vilongozi wa ivyazi lyawo kwa kiwhana na ng'holo zawo na nawali wochikala ako Yelusalemu.

29 Yeieli nayali ndo chaluchizo cha muji wa Gibeoni. Mchewake nayali yochemigwa Maaka. 30 Yeieli nayali na wana walume. Mwana wa heye wa mwaluko nayali yochemigwa Abudoni. Wana wa heye wanji nawali ndo Suli na Kishi na Baali na Neli na Nadabu 31 na Gedoli na Ahiyo na Sekeli na Mikiloti. 32 Mikiloti nayali ndo mhaza wa Shimeya. Awa kahi nawali wochikala habehi na ivyazi lyawo ako Yelusalemu.

33 Neli nayali na mwana mlume yawele nayali yochemigwa Kishi, naye Kishi nayali na mwana mlume yawele nayali yochemigwa Sauli. Sauli nayali na wana walume wane, wawele ndo Yonatani na Maliki-shuwa na Abinadabu na Eshibaali. 34 Yonatani nayali na mwana mlume yawele nayali yochemigwa Melibu-baali, naye Melibu-baali nayali na mwana mlume yawele nayali yochemigwa Mika.

35 Mika nayali na wana walume wane, wawele ndo Pitoni na Meleki na Taleya na Ahasi. 36 Ahasi nayali na mwana mlume yawele nayali yochemigwa Yehoada, naye Yehoada nayali na wana walume wawele ndo Alemeti na Asimaweti na Simuli. Simuli nayali na mwana mlume yawele nayali yochemigwa Mosa. 37 Mosa nayali na mwana mlume yawele nayali yochemigwa Bineya, naye Bineya nayali na mwana mlume yawele nayali yochemigwa Lafa, naye Lafa nayali na mwana mlume yawele nayali yochemigwa Eleasa, naye Eleasa nayali na mwana mlume yawele nayali yochemigwa Aseli.

38 Aseli nayali na wana walume sita, wawele ndo Asilikamu na Bokelu na Ishimaeli na Shealiya na Obadiya na Hanani. 39 Esheki, mng'holoze Aseli nayali na wana walume wadatu. Mwana wa heye wa mwaluko nayali yochemigwa Ulamu na wa keli nayali yochemigwa Yeushi na wa kadatu nayali yochemigwa Elifeleti.

40 Wana walume wa Ulamu nawali wazidahe ng'hatu kuli kutumiya misale na mipinde. Nayali na wana wenji na wazukulu, hisabu ya hewo nayali wanhu miya imwe na makumi gahano (150). Awo weng'ha nawali walelwa wa Benjamini.