1 Awa ndo wana wa mndewa Daudi wawele nawapondigwa mhela loyawele ako Hebuloni. Mlelwa wa mwaluko nayali yochemigwa Amunoni, mayake nayali yochemigwa Ahinoamu, Myesileeli. Mlelwa wa keli nayali yochemigwa Danyeli, mayake nayali yochemigwa Abigaili, Mkalimeli. 2 Wa kadatu ndo Abusalomu, mayake nayali yochemigwa, Maaka, mhinza wa Talimayi, mndewa wa Geshuli. Wa kane nayali yochemigwa Adoniya, mayake nayali yochemigwa Hagiti. 3 Wa kahano nayali yochemigwa Shefatiya, mayake nayali yochemigwa Abitali. Wa sita nayali yochemigwa Itileamu, mayake nayali yochemigwa Egila. 4 Weng'ha sita nawapondigwa ako Hebuloni, kuwele Daudi nakalongoza kwa miyaka saba na nusu. Daudi nakalongoza Ako Yelusalemu kwa miyaka makumi gadatu na jidatu. 5 Awa ndo wana wa mndewa Daudi wawele nawapondigwa mhela loyawele Yelusalemu. Batisheba mchewake, mhinza wa Aminieli, nakampondela wana walume wane, wawele ndo Shimeya na Shobabu na Natani na Solomoni.

6 Daudi kahi nayali na wana wanji walume tisa, wawele ndo Ibihali na Elishuwa na Elipeleti 7 na Noga na Nefegi na Yafiya 8 na Elishama na Eliyada na Elifeleti. 9 Awo weng'ha nawali wana walume wa Daudi, kuleka wala wanji wawele nawapondigwa na waha wake. Tamali nayali lumbulyao.

10 Solomoni nayali na mwana mlume yawele nayali yochemigwa Lehoboamu, naye Lehoboamu nayali na mwana mlume yawele nayali yochemigwa Abiya, naye Abiya nayali na mwana mlume yawele nayali yochemigwa Asa, naye Asa nayali na mwana mlume yawele nayali yochemigwa Yehoshafati, 11 naye Yehoshafati nayali na mwana mlume yawele nayali yochemigwa Yeholamu, naye Yeholamu nayali na mwana mlume yawele nayali yochemigwa Ahasiya, naye Ahasiya nayali na mwana mlume yawele nayali yochemigwa Yoashi. 12 Yoashi nayali na mwana mlume yawele nayali yochemigwa Amasiya, naye Amasiya nayali na mwana mlume yawele nayali yochemigwa Usiya, naye Usiya nayali na mwana mlume yawele nayali yochemigwa Yotamu, 13 naye Yotamu nayali na mwana mlume yawele nayali yochemigwa Ahasi, naye Ahasi nayali na mwana mlume yawele nayali yochemigwa Hesekiya, naye Hesekiya nayali na mwana mlume yawele nayali yochemigwa Manase, 14 naye Manase nayali na mwana mlume yawele nayali yochemigwa Amoni, naye Amoni nayali na mwana mlume yawele nayali yochemigwa Yosiya. 15 Yosiya nayali na wana walume wane. Yohanani nayali wa mwaluko na wa keli nayali Yehoyakimu na wa kadatu nayali Sedekiya na wa kane nayali Shalumu. 16 Yehoyakimu nayali na wana walume weli, wawele ndo Yekoniya na Sedekiya.

17 Yekoniya, yawele nakaholigwa na Wababuloni na kuhilikwa kuli isi ya chijenzi, nayali na wana walume saba wawele ndo Sheatieli 18 na Malikilamu na Pedaya na Shenasali na Yekamiya na Hoshama na Nedabiya. 19 Wana walume wa Pedaya nawali Selubabeli na Shimeyi. Selubabeli nayali na wana walume, wawele ndo Meshulamu na Hananiya na mhinza yalinguchemigwa Shelomiti. 20 Selubabeli kahi nayali na wana walume wanji wahano wawele ndo Hashuba na Oheli na Belekiya na Hasadiya na Yushabi-hesedi.

21 Walelwa wa Hananiya nawali Pelatiya na Yeshaya na Lefaya na Alinani na Obadiya na Shekaniya. 22 Shekaniya nayali na mwana mlume yawele nayali yochemigwa Shemaya na nayali na wazukulu walume wahano, wawele ndo Hatushi na Igali na Baliya na Nealiya na Shafati, weng'ha nawali wanhu sita. 23 Wana walume wa Nealiya nawali Eliehonayi na Hesekiya na Asilikamu, weng'ha nawali wanhu wadatu. 24 Eliehonayi nayali na wana walume saba wawele ndo Hodaviya na Eliashibu na Pelaya na Akubu na Yohanani na Delaya na Anani, weng'ha nawali wanhu saba.