1 Daudi hamwe na vilongozi wa wamizi, nawawabagula wamwe wa wana wa Asafu na wa Hemani na wa Yedutuni kwa chiwalo cha mijito ja kulavya uloli, wotumiya ving'hweleng'hwele na igombogombo na matowazi. Ilinguya ndo hisabu ya wanhu wawele nawakola mijito aji.

2 Kulawa kwa wana walume wa Asafu, nakwali na Sakuli na Yusufu na Netaniya na Asalela. Wana awo nawali hali ulongozi wa Asafu, yawele nakalavya uloli chila loyawele yolajizwa na mndewa. 3 Kulawa kwa Yedutuni, nakwali na wana walume sita wawele ndo Gedaliya na Seli na Yeshaya na Shimeyi na Hashabiya na Matitiya. Nawo kahi nawali hali ulongozi wa mhaza wa hewo, yawele ndo Yedutuni. Nayali yolavya uloli yotumiya ching'weleng'wele, yomtogola na kulonga malumbo kwa Mkulu Nguluwi.

4 Kulawa kwa Hemani, nakwali na wana walume, wawele ndo Bukiya na Mataniya na Usieli na Shebueli na Yelimoti na Hananiya na Hanani na Eliata na Gidaliti na Lomamuti-eseli na Yoshibekasa na Maloti na Hotili na Mahasioti. 5 Awa weng'ha nawali wana wa Hemani mloli wa mndewa. Nakawapata wana awa kwa kiwhana na ilagano lya Nguluwi, leka Nguluwi yamwinule Hemani. Nguluwi nakamha Hemani wana walume kumi na wane na wahinza wadatu. 6 Wana weng'ha awa walume nawali hali ulongozi wa mhaza wa hewo, yawele ndo Hemani, kwa chiwalo cha kwimba kuli ng'handa ya Mkulu Nguluwi wotumiya matowazi na igombogombo na ving'hweleng'hwele, kwa chiwalo cha mijito ja ng'handa ya Nguluwi. Asafu na Yedutuni na Hemani nawali hali ulongozi wa mndewa. 7 Hisabu ya hewo hamwe na wala wang'holozawo wawele nawalangusigwa kumwimbila Mkulu Nguluwi, weng'ha nawali wazidahe ng'hatu kwimba, nawali wanhu miya mbili na makumi nane na nane (288). 8 Wasongolo na wasekulu na walangusa na walanguswa, weng'ha nawewika kuli mijito ja hewo kwa simbi.

9 Simbi ya mwaluko naimgwila Yusufu yawele ndo mlelwa wa Asafu, hamwe na wang'holoze na wanage kumi na weli. Simbi ya keli naimgwila Gedaliya, hamwe na wang'holoze na wanage kumi na weli 10 na simbi ya kadatu naimgwila Sakuli, hamwe na wanage na wang'holoze kumi na weli 11 na simbi ya kane naimgwila Seli, hamwe na wanage na wang'holoze kumi na weli 12 na simbi ya kahano naimgwila Netaniya, hamwe na wanage na wang'holoze kumi na weli 13 na simbi ya sita naimgwila Bukiya, hamwe na wanage na wang'holoze kumi na weli 14 na simbi ya saba naimgwila Asalela, hamwe na wanage na wang'holoze kumi na weli 15 na simbi ya nane naimgwila Yeshaya, hamwe na wanage na wang'holoze kumi na weli 16 na simbi ya tisa naimgwila Mataniya, hamwe na wanage na wang'holoze kumi na weli 17 na simbi ya kumi naimgwila Shimeyi, hamwe na wanage na wang'holoze kumi na weli 18 na simbi ya kumi na imwe naimgwila Asaleli, hamwe na wanage na wang'holoze kumi na weli 19 na simbi ya kumi na mbili naimgwila Hashabiya, hamwe na wanage na wang'holoze kumi na weli 20 na simbi ya kumi na kadatu naimgwila Shubaeli, hamwe na wanage na wang'holoze kumi na weli 21 na simbi ya kumi na zine naimgwila Matitiya, hamwe na wanage na wang'holoze kumi na weli 22 na simbi ya kumi na kahano naimgwila Yelemoti, hamwe na wanage na wang'holoze kumi na weli 23 na simbi ya kumi na sita naimgwila Hananiya, hamwe na wanage na wang'holoze kumi na weli 24 na simbi ya kumi na saba naimgwila Yoshibekasa, hamwe na wanage na wang'holoze kumi na weli 25 na simbi ya kumi na nane naimgwila Hanani, hamwe na wanage na wang'holoze kumi na weli 26 na simbi ya kumi na tisa naimgwila Maloti, hamwe na wanage na wang'holoze kumi na weli 27 na simbi ya makumi meli naimgwila Eliata, hamwe na wanage na wang'holoze kumi na weli 28 na simbi ya makumi meli na imwe naimgwila Hotili, hamwe na wanage na wang'holoze kumi na weli 29 na simbi ya makumi meli na mbili naimgwila Gidaliti, hamwe na wanage na wang'holoze kumi na weli 30 na simbi ya makumi meli na zidatu naimgwila Mahasioti, hamwe na wanage na wang'holoze kumi na weli 31 na simbi ya makumi meli na zine naimgwila Lomamuti-eseli, hamwe na wanage na wang'holoze kumi na weli.