1 Alu ndo lulelo lwa Aluni vyoluwele. Aluni nayali na wana walume wane, wawele ndo Nadabu na Abihu na Eleasali na Itamali. 2 Nadabu na Abihu nawabagama mhela mhaza wa hewo loyawele yang'hali mkomu, hawawele na wana. Ahyo, Eleasali na itamali nawakola mijito ja utambika. 3 Mndewa Daudi nakawawika walelwa wa Aluni kuli vilundo kwa kiwhana na mijito ja hewo. Nakadita ahyo kwa kutanzigwa na Sadoki, mlelwa wa Eleasali na Ahimeleki, mlelwa wa Itamali. 4 Vilongozi wenji nawalawa hali walelwa wa Eleasali kusinda hali walelwa wa Itamali, nawo nawawichigwa kuli mijito kwa kiwhana kota ahi, vilongozi kumi na sita kulawa kuli ivyazi lya walelwa wa Eleasali na vilongozi nane kulawa kuli ivyazi lya walelwa wa Itamali. 5 Nawawichigwa kuli mijito kwa kutowelwa simbi, kwa vila nakwali na vilongozi wa honhu helile na vilongozi wa ng'handa ya Nguluwi hali walelwa wa Eleasali na hali walelwa wa Itamali. 6 Yalingwandika Shemaya, mwana wa Netaneli, Mlawi, nakandika matagwa ga hewo hali mndewa na wakulu na mtambika Sadoki na Ahimeleki, mwana wa Abiatali na vilongozi wa ivyazi lya watambika na lya Walawi. Ivyazi limwe nalilawa kuli lulelo lwa Eleasali na ivyazi linji nalilawa kuli lulelo lwa Itamali.

7 Simbi ya mwaluko naimgwila Yehoialibu na simbi ya keli naimgwila Yedaya 8 na simbi ya kadatu naimgwila Halimu na simbi ya kane naimgwila Seolimu 9 na simbi ya kahano naimgwila Malikiya na simbi ya sita naimgwila Miyamini 10 na simbi ya saba naimgwila Hakosi na simbi ya nane naimgwila Abiya 11 na simbi ya tisa naimgwila Yeshua na simbi ya kumi naimgwila Shekaniya 12 na simbi ya kumi na imwe naimgwila Eliashibu na simbi ya kumi na mbili naimgwila Yakimu 13 na simbi ya kumi na kadatu naimgwila Hupa na simbi ya kumi na kane naimgwila Yeshebeabu 14 na simbi ya kumi na kahano naimgwila Biliga na simbi ya kumi na sita naimgwila Imeli. 15 Simbi ya kumi na saba naimgwila Hesili na simbi ya kumi na nane naimgwila Hapisesi 16 na simbi ya kumi na tisa naimgwila Petahiya na simbi ya makumi meli naimgwila Yesekieli 17 na simbi ya makumi meli na imwe, naimgwila Yakini na simbi ya makumi meli na mbili naimgwila Gamuli. 18 Simbi ya makumi meli na zidatu naimgwila Delaya na simbi ya makumi meli na zine naimgwila Maasiya.

19 Awo weng'ha nawapegwa mijito ja hewo kuli Ng'handa ya Mkulu Nguluwi kwa kiwhana na malajizo gowapegwe na Aluni, sekulu wa hewo, kota Mkulu Nguluwi, Nguluwi wa Isilaeli, vyoyamlajize.

20 Awa nawali ndo walelwa wanji wa Lawi. Kulawa kuli lulelo lwa Amulamu, yumwe nayali yochemigwa Shubaeli na kulawa kuli lulelo lwa Shubaeli, yumwe nayali yochemigwa Yedeya. 21 Yumwe wa walelwa wa Lehabiya nayali yochemigwa Ishia, yawele nayali chilongozi wa lukolo. 22 Kulawa kwa Waisihali, nayali Shelomoti na kulawa kwa Shelomoti, nayali Yahati. 23 Hebuloni nayali na wana walume wane, wa mwaluko nayali yochemigwa Yeliya na wa keli nayali yochemigwa Amaliya na wa kadatu nayali yochemigwa Yahasieli na wa kane nayali yochemigwa Yekameamu. 24 Kulawa kuli lulelo lwa Usieli, yumwe wa hewo nayali yochemigwa Mika na kulawa kuli lulelo lwa Mika, yumwe wa hewo nayali yochemigwa Shamili. 25 Yumwe wa walelwa wa Ishiya, yawele ndo mng'holoze Mika, nayali yochemigwa Sekaliya. 26 Wana walume wa Melali nawali ndo Mahili na Mushi. 27 Yaasiya nayali na wana walume wadatu wawele ndo Shohamu na Sakuli na Ibuli. 28,29 Mahili nayali ndo mhaza wa Eleasali na Kishi. Eleasali hawele na mwana, ila Kishi nayali ndo mhaza wa Yelameeli. 30 Mushi nayali na wana walume wadatu wawele ndo Mahili na Edeli na Yelimoti. Hewo ndo walelwa wa Lawi kota lukolo lwao vyoluwele. 31 Hewo kahi nawatowa simbi kota vila wang'holozawo walelwa wa Aluni vyowaditile hali mndewa Daudi na Sadoki na Ahimeleki na hali vilongozi wa ivyazi lya watambika na lya Walawi. Ivyazi lya wakulu naliditilwa hihila kota ivyazi lya wadodo.