28 ኤራበይኪ? ስሳበይኪ? መና ጎዳይ መና ጾሳ፤ እ ቢታ ኡባካ መዳዋ። እ ዳቡረና፤ ዎይ ዎልቃይ አዉ ዉረና፤ ኦንነ አ ቆፋ ኤራናዉ ዳንዳየና። 29 ዳቡራንቻዉ ዎልቃ እሜ፤ ምኖተይ ባይናዎካ ምኖተ ጉጄ። 30 ሀራይ አቶ ያላጋ ናናይካ ዳቡሪኖ፤ ቃይ ዎልቃ ዉሪኖ። ዎዳላቱካ ኡባና ዳቡሪደ ኩንዲኖ። 31 ሽን መና ጎዳ አማነቲደ ናግያዋንቱ፥ ባረንቱ ዎልቃ ኦራና። ኡንቱንቱ አርጋንቱዋዳን፥ ቀፍያን ፑደ ከሳና፤ ዎጺደ ዳቡርክኖ፤ ሀመቲደካ ዎልቃ ዉርክኖ።

19 ህንተኖ፥ የሩሳላመን ደእያ ጽዮነ አሳቶ፥ ሀዋፐ ስንናዉ ዬክክታ፤ ህንተ ዋሱዋን እ ህንተንቶ ቱሙዋፐ ቃረታና፤ እ ህንተ ዋሱዋ ስስያ ዎደ፥ ህንተንቶ ዛሩዋ እማና።

1 ሽን ነኖ ያቆባ ኔና መዳዎ፥ ነኖ እስራኤልያዉ፥ ኔና ጊግሴዳ መና ጎዳይ ሀዋዳን ያጌ፤ "ታን ኔና ዎዜዳ ድራዉ ያዮፓ። ታን ኔና ነ ሱንን ጼሳድ፤ ኔን ታዋ። 2 ኔን ሃ ግዱዋና ፕንያ ዎደ፥ ታን ኔናና ግዳና። ኔን ሻፋቱዋ ግዱዋና ፕንያ ዎደካ ኡንቱንቱ ኔና ሙክክኖ። ኔን ታማ ግዶና አያ ዎደ፥ ጹገታካ፤ ላጩካ ኔና ሜና። 3 አያዉ ጎፐ፥ ታን ኔና አሽያ እስራኤልያ ጌሻ፥ መና ጎዳ ነ ጾሳ። ታን ግብጼ ነዉ ዎዞ ኦደ፥ ቶጵያነ ሳባ ነ ላምያ ኦደ እማና።

12 ታን መቶቲደ ዎት ደአነንቶ ኤራይ፤ ቃይ ዱረቲደ ደእያዌካ አየንቶ ኤራይ፤ ሀቃን ግድናካ አዉደ ግድናካ፥ ታን ካሉዋነ ኮሻ ቃይ ፓጫነ ፓላሃ ታማራድ። 13 ክርስቶስ ታዉ እሜዳ ዎልቃን፥ ኡባባ ኦናዉ ታን ዳንዳያይ።

16 ሄዋ ድራዉ፥ ኑን ሳለቶኮ፤ ኑዉ ሀራይ አቶ፥ ቦላ ባጋ አሳተይ ዎቂንቶካ፥ ጋርሳ ባጋ አሳተይ ጋላሳን ጋላሳን ኦራጼ። 17 አያዉ ጎፐ፥ ሀእዉ ዋየትያ ሀ ጉ ዋዪ፥ ኡባፐ ሎይ ዳርያ መና ቦንቹዋ ኑዉ ቤትሳና። 18 ኑን ቤተናዋ ጼሌቶፐ አትን፥ ቤትያዋ ጼሎኮ፤ አያዉ ጎፐ፥ ቤትያባይ ሀእሳ፤ ሽን ቤተናዌ መናዉ ደእያዋ።

35 ሄዋ ድራዉ፥ ዎልቃማ ዎይታና ደእያ ህንተንቱ ጻላተ ኦሎፕተ።

23 ኑዉ እማና ጌዳ ጾሳይ አማንያ ድራዉ፥ ኑን ደማና ጊደ ናሸቻን ናግ ኡቴዳዋ ሎይ ኦይቆይተ። 24 እቱ እቱዋና ዋን ሲቀታነንቶነ ቃይ ሎኦ ኦሱዋ ዎት ኦነንቶ፥ እቱ እቶ ቆፔቶ። 25 እቱ እቱ ሺቁዋ ዶያ ኦደ ሺቅያዋዳን፥ ኑንካ እትፐ ሺቅያዋ አጎኮ፤ ሽን ጎዳ ጋላሳይ ማታትያዋ ህንተንቱ በእያ ድራዉ፥ እቱ እቱዋ መንቶ።

6 አማኑ ባይናን ኦንነ ጾሳ ናሸቻናዉ ዳንዳየና፤ አያዉ ጎፐ፥ ጾሳኮ ይያ ኦንነ ጾሳይ ደእያዋነ ባረና ኮይያዋንቶ ዎይታ እምያዋ አማናናዉ ኮሼ።

12 አያዉ ጎፐ፥ ጾሳ ቃላይ መናዉ ደእያዋኔ ኦያዋ፤ ላኡ ባጋና ሌፈቴዳ ማሻፐካ አደ ኩሴ። ሄ ቃላይ ሸምፑነ አያናይ፥ ኩሪነ ኮልዚ እትፐ ጋከትያሳ ሻካና ጋካናዉ ጫዴ። ቃይ አሳ ዎዛናን ደእያ ኮሻነ ቆፋ እ ሻኬ።

9 አነ ሎኦ ኦሱዋ ኦናዉ ምኖይተ። አያዉ ጎፐ፥ ኑን ምን ኦፐ፥ ቆይጭያ ዎዲ ስንፐ ያናዋ።

11 ታን ኤለካ ያና፤ ኦንነ ነ ካላቻ አከና ማላ፥ ነዉ ደእያዋ ምንሳ ኦይቃ።

12 ጾሳዉ አዛዘትያነ የሱሳዉ አማነትያ ጌሻቱ ዳንዳይያ ዳንዳያይ ሀዋና።

12 ዋይያን ገንጭያ ኡራይ አንጀቴዳዋ፤ አያዉ ጎፐ፥ ሄ ዋይያ ጾኔዳዋፐ ጉይያን፥ ጾሳይ ባረና ሲቅያዋንቶ እማና ጌዳ ደኡዋ ካላቻ* እ አካና።

1 ጾሳይ ኑን ናገት አትያ ሳነ ኑዉ ዎልቃ።

ኑና መቱ ጋክያ ዎደ፥

ማዳናዉ እ ኡባ ገደ ማታን ደኤ።

22 ነ ቶኩዋ መና ጎዳን ዎ፤

እ ኔና ዘምፕሳና።

ጾሳይ አዉደነ ጽሎቱ

ሻባረታናዳን ኦና።

9 መና ጎዳይ ኡንኤቴዳዋንቶ ባቃት አትያዋ፤

መቶ ዎድያንካ ገል አትያ ጌሱዋ።

10 ነ ሱን ኤርያዋንቱ ኔናን አማነቲኖ፤

አያዉ ጎፐ፥ መና ጎዳዉ፥ ኔን ኔና ኮይያዋንታ የጋ አጋ በይካ።

5 ዬኪደ ዘሬዳዋንቱ፥

ናሸቻን የጺደ ጫካና።

6 ዘረ ቶኪደ፥ ዬኪደ ቤዳዋንቱ፥

ናሸቻ የ የጺደ፥

ምርቂያ ቶኪደ ስማና።

24 ህንተኖ፥ መና ጎዳን ህዶታ ኦያዋንቶ፥

ምንተነ ዎዛናምተ።

105 ነ ቃላይ ታ ገድያዉ ጾምፕያ፥

ታ ኦግያዉካ ፖኡዋ።

18 መና ጎዳይ ባረና ጼስያ ኡባዉ፥

ቱሙዋን ባረና ጼስያ ኡባዉ ማታን ደኤ።

19 እ ባረዉ ያይያዋንቱ ኡባዉ፥

አሙዋ ኩን።

ቃይ እ ኡንቱንቱ ዋሱዋ ስሲደ፥

ኡንቱንታ አሼ።

33 ህንተንቱ ታ ግዶን ደኢደ፥ ሳሮ ደአና ማላ፥ ታን ሀዋ ህንተንቶ ኦዳድ። አላምያን ህንተንቱ ዋየታና። ሽን ምንተ፤ ታን አላምያ ጾናድ" ያጌዳ።

66 ሄዋ ጋሱዋን፥ የሱሳ ካልያዋንቱፐ ጮራቱ አ አጊደ፥ ጉየ ስሜድኖ፤ ላኤን አ ካልበይክኖ። 67 የሱስ ቃይ ታማነ ላኡ ባረና ካልያዋንታ "ህንተካ አጊደ ባናዉ ኮዪቴ?" ያጌዳ።

68 ስሞን ጰጽሮሰ ዛሪደ፥ "ጎዳዉ፥ ኑን ኦኮ ባኔ? ነዉ መና ደኡዋ ቃላይ ደኤ። 69 ኔን ጾሳ ጌሻ ግድያዋ ኑን አማኔቶነ ኤሬቶ" ያጌዳ።

18 "ታን ህንተንታ አዉነ አታ ባይና ዪኦ ናናዳን ህንተረካ አጋባሽከ፤ ታን ስማደ ህንተንቱኮ ያና።

7 "ዎስተ፤ ህንተ አካና። ኮይተ፤ ህንተ ደማና። ካርያኮ ዪደ ጼስተ፤ ህንተዉ ፐንጊ ዶየታና። 8 አያዉ ጎፐ፥ ዎስያ ኡባይ አካና፤ ኮይያ ኡራይ ደማና፤ ቃይ ካርያኮ ዪደ ጼስያ ኡራዉ ፐንጊ ዶየታና።

28 "ዳቡራንቻቶ፥ ዴጹዋ ቶኮዋንቶ ኡባቶ፥ ታኮ ሃ ዪተ፤ ታን ህንተንታ ሸምፕሳና። 29 ታን ጋራነ ታ ዎዛናን አሽከ ግዶ ድራዉ፥ ታ ሞርገ ምን ዋጸትተ፤ ታፐ ታማርተ፤ ህንተንቱ ሼምፖካ ህንተ ሸምፑዋ ደማና።✝ 30 አያዉ ጎፐ፥ ታ ሞርገ ምይ ጊጋ፤ ቃይ ታን ህንተንታ ቶሴዳዌካ ካዉሻ" ያጌዳ።

26 የሱስ ኡንቱንታ ጫድ ጼሊደ፥ "ሀዌ አሳዉ ዳንዳየተና፤ ሽን ጾሳዉ ኡባባይ ዳንዳየቴ" ያጌዳ።

37 ጾሳ ጾንያ የዉ ባዋ"✝ ያጌዳ።

6 ቃይ ህንተንቱ ግዶን ሎኦ ኦሱዋ ዶሜዳ ጾሳይ፥ ክርስቶስ የሱስ ስምያ ጋላሳይ ጋካናዉ ፖላናዋ ኤራይ።

17 ሄዋ ድራዉ፥ ኦንነ ክርስቶሳና ደኦፐ፥ ኦራ መታ፤ ጭማይ አዳ፤ በእተ፥ ኡባባይካ ኦራጼዳ።

1 ሄዋፐ ጉይያን፥ ታን ኦራ ሳሉዋነ ኦራ ሳኣ በኣድ። ኮይሮ ሳሉነ ኮይሮ ሳአይ ዬዳ። አባይካ ዬዳ።✝ 2 ጌሻ ካታማታ ኦራ የሩሳላመ፥ ባረ አስናዉ ማያደ ጊጌዳ ገልያ ዎዶሮ ናቲዳን፥ ጊጋ ኡቴዳዉና ሳሉዋፐ ጾሳ ማታፐ ዱገ ዎዉኖ ታን በኣድ።✝

3 ዎልቃማ ኮሻይ አራታፐ ሀዋዳን ያጊደ፥ ሃሳይሽን፥ ታን ስሳድ፤ "ጾሳ ጎሊ አሳና ደኤ፤ ጾሳይ አሳና እትፐ ደአና። ኡንቱንቱ አ አሳ ግዳና፤ ጾሳይ ባረ ሁጰዉ ኡንቱንቱና ደአና። እ ኡንቱንቱ ጾሳ ግዳና።✝ 4 ጾሳይ ኡንቱንቱ አይፍያ አፎ ኡባ ቁጫና። ሀዋፐ ስንናዉ ሀይቁነ ካዩ ዎይ ዋሱነ ሳኩ ባዋ። አያዉ ጎፐ፥ ኤጫባይ ዬዳ" ያጌዳ።✝

7 መና ጎዳይ ኬካ፤ መቱዋ ጋላስካ ባቃት አትያሳ፤ እ ባረኮ ባቃት አታናዉ ኮይያዋንታ ኤሬ።

11 አያዉ ጎፐ፥ ታን ህንተዉ ሀልችያ ሀልቹዋ ታን መና ጎዳይ ኤራይ፤ ሄዌካ፥ ህንተዉ ስን ህዶታነ ናሸቻ እማና ማላ፥ ሳሮ ሀልቹዋፐ አትና፥ ኢታ ሀልቹዋ ግደና።

7 ሽን ህንተንቱ ምንተ፤ ላፎፕተ! አያዉ ጎፐ፥ ህንተንቱ ኦዳ ኦሶ ጋቲ ደኤ" ያጌዳ።

11 ምኒደ ኦተ፤ አዛሎፕተ፤ ህንተ ኩመን ዎዛናፐ ጎዳዉ ኦተ።* 12 ጾሳይ ህንተንቶ እማና ጌዳዋን ናሸትተ፤ ዋይያን ገንጭተ። ኡባ ዎደ ጾሳ ዎስተ፤

12 ጾሳይ ህንተንቶ እማና ጌዳዋን ናሸትተ፤ ዋይያን ገንጭተ። ኡባ ዎደ ጾሳ ዎስተ፤

19 ታናዳን አማንያዋንቶ፥ ህንተ ህንተ ሁጰዉ አሳዉ ሀሉዋ ከሶፕተ። ጾሳይ ሀሉዋ ከሳናዳን፥ አ ቦላ ኦልተ። አያዉ ጎፐ፥ ጾሳ ማጻፋይ፥

"ጎዳይ፥ ‘ታን ሀሉዋ ከሳና፤

ታን ኩሽያ ጭጋና’ ጌ"

ያጌ።✝

17 ስም አሳይ ቃላ ስሲደ አማኔ፤ ቃይ እት ኡራይ ክርስቶሳ ቃላ፥ ኦድና ስሴ።

28 ጾሳይ ባረና ሲቅያዋንቶ፥ ባረ ቆፋዳን ጼሴዳዋንቶ፥ ኡባ የዉዋ ሎኦተዉ ኦያዋ ኑን ኤሬቶ።

16,17 ጾሳ ማጻፋ ኡባን ጾሳ አያናይ ደኤ። ቃይ ሄ ማጻፋቱ ጾሳዉ ኦያ አሳይ ኩመንነ ሎኦ ኦሱዋ ኡባዉ ጊጌዳዋ ግዳና ማላ፥ ቱማተ ታማርሳናዉ፥ ባላ ሴራናዉ፥ ባይዙዋ ሱርሳናዉነ ጽሎተ ደኦ ዞርያ እማናዉ ማዲኖ።

13 ታን ኔና ታማርሴዳ ቱሙ ቃላ ሌምሱዋ ኡዳ ኦይቃደ፥ ክርስቶስ የሱሳን ኑዉ ደእያ አማኑዋንነ ሲቁዋን ደአ። 14 ኑ ግዶን ደእያ ጌሻ አያና ባጋና ነዉ ሀዳራ እሜዳ ሎኦባ ናጋ።

16,17 ኑ ጎዳ የሱስ ክርስቶስ ባረ ሁጲያን ቃይ ጾሳይ፥ ኑ አዉ ኑና ሲቂደ፥ ባረ አ ኬካተን ኑዉ መና ዳንዳያነ ሎኦ ህዶታ እሜዳዌ፥ ቃይ ህንተንቱ ሎኦባ ኡባ ኦናዳንነ ሃሳያናዳን፥ ህንተንቱ ዎዛና ምንሶነ መን።

9 ሽን ኑን ጾሳዉ ኑ ናጋራ ፓጾፐ፥ እ ኑ ናጋራ አቶ ጋናዉነ ኑ ባይዞ ኦሱዋ ኡባፐ ኑና ጌሻናዉ፥ አማነትያዋነ ቱሙዋ ኦያዋ።

14 ጾሳይ ኮይያዋዳን፥ አይነ ኑን አ ዎሶፐ፥ እ ስስያዋ ኑን ኤርያ ድራዉ፥ አ ስንን ያዮኮ። 15 ኑን ዎስያ ኡባን እ ስስያዋ ኤሮፐ፥ ኑን አ ዎሴዳዋ እ ዛሬዳዋ ኤሬቶ።

7 ሲቁ ኡባባ ዳንዳዬ። ኡባባይካ ሀናናዋ ጊደ፥ ናሸቻን ናጌ። ኡባባን ገንጬ።